महेन्द्र र राजेन्द्रबीच कडा प्रतिस्पर्धा
“दशक बित्यो तर सर्लाहीमा हुलाकी राजमार्गको ४२ किलोमिटर खण्ड निर्माण भएन, हुलाकी सडक निर्माणमा किन उदासीनता ?” सर्लाही कौडेना–७ का विजयकुमार यादवले प्रश्न गर्नुभयो । पूर्वप्रधानमन्त्री केपी शर्मा ओलीले सामाजिक सञ्जालमा आफ्नो कार्यकालको उपलब्धिमा ‘प्रत्येक दिन पाँच किलोमिटर कालोपत्रे सडक’ प्रचार सामग्री साझा गर्नुभएको छ । उक्त प्रसङ्ग कोट्याउँदै यादवले थप्नुभयो, “महिनामा एक किलोमिटर कालोपत्रे गरेको भए तीन वर्षमा बनिसक्थ्यो तर अहिले पनि हामी धुलो र हिलोमा नै छौँ ।”
चुनावले होटेलको व्यापार बढ्यो
प्रतिनिधि सभा र प्रदेश सभा सदस्य निर्वाचनको प्रचार तीव्र भएपछि बारा, पर्सालगायतका जिल्लाहरूमा रक्सी र मासुको व्यापार फस्टाएको छ। उम्मेदवारहरूले चुनावी प्रचारप्रसार तीव्र बनेपछि सहरदेखि ग्रामीण क्षेत्रमा रहेका मदिरा पसलहरूको व्यापार फस्टाएको हो।
पूरा भएनन् नागरिकका अपेक्षा
स्थानीय तहमा दोस्रो पटक जनप्रतिनिधि निर्वाचित भएर आए पनि सर्लाहीको दक्षिणी भेगको अवस्था भने सुधार हुन सकेको छैन। उत्तरी भेगमा पूर्व–पश्चिम राजमार्गसँगै जोडिएका ईश्वरपुर, लालबन्दी, हरिवन र बागमती नगरपालिकाको तुलनामा दक्षिणी भेगका पालिकामा विकासका काम न्यून मात्र हुने गरेको स्थानीय बताउँछन्।
नगरप्रमुख जैसवारलाई २५ हजार जरिवाना
निर्वाचन आयोगले निर्वाचन आचारसंहिता, २०७९ को उल्लङ्घन गर्ने छ जनालाई पाँचदेखि २५ हजार रुपियाँसम्म जरिवाना गरेको छ ।
धनुषा क्षेत्र नं ३ : गठबन्धन र एमालेबीच प्रतिस्पर्धा
निर्वाचनमा पाँचदलीय गठबन्धनबाट लोकतान्त्रिक समाजवादी पार्टी (लोसपा)का नेता अनिल झा र विपक्षी गठबन्धन एमालेबाट नेतृ जुलीकुमारी महतो चुनावी प्रतिस्पर्धामा हुनुहुन्छ ।
तत्काल मतदाता शिक्षा कार्यक्रम सञ्चालन गर्न निर्देशन
निर्वाचन आयोगले सिरहाका सुखिपुर नगरपालिका र सखुवानान्कारकट्टी गाउँपालिकालाई यथाशीघ्र मतदाता शिक्षा कार्यक्रम सञ्चालन गरी २४ घण्टाभित्र जानकारी गराउन निर्देशन दिएको छ ।
नक्कली नोट र पेस्तोलसहित छ जना पक्राउ
प्रहरीले नक्कली नोटको कारोबार गर्ने गिरोहसहित नक्कली जस्तो देखिने हजारको ९७ ओटा नोट र एक थान कटुवा पेस्तोल नियन्त्रणमा लिएको छ ।
निर्वाचन सामग्री आइपुग्यो
सर्लाहीमा मङ्सिर ४ को निर्वाचनका लागि मतपत्रसहित सम्पूर्ण निर्वाचन सामग्री आइपुगेको छ। निर्वाचन आयोगबाट प्रतिनिधि सभा प्रत्यक्षतर्फको मतपत्र र मतदानका लागि आवश्यक सम्पूर्ण सामग्री आइपुगेको जिल्ला निर्वाचन कार्यालय सर्लाहीका प्रमुख निर्मल पोख्रेलले जानकारी दिनुभयो।
मुख्यमन्त्रीसँग तीन जनाको प्रतिस्पर्धा
मधेश प्रदेशका मुख्यमन्त्री उम्मेदवार भएको पर्सा क्षेत्र नं. १ (२) मा रोचक प्रतिस्पर्धा हुने भएको छ। मुख्यमन्त्री लालबाबु राउतले नेपाली कांग्रेस, जनता समाजवादी पार्टी र लोकतान्त्रिक समाजवादी पार्टीका उम्मेदवारसँग प्रतिस्पर्धा गर्दै हुनुहुन्छ। मुख्यमन्त्री राउतसँग कांग्रेसका जिल्ला उपसभापति रामनारायण कुर्मी, जसपाका पूर्वजिल्ला अध्यक्ष शशिकपुर मियाँ र लोसपाका तत्कालीन नगरअध्यक्ष ओमप्रकाश शर्राफसँग रोचक प्रतिस्पर्धा हुने अनुमान गरिएको छ।
डेङ्गु सङ्क्रमण बढेपछि वडा तहमा स्प्रे
वर्षा सकिएर जाडोयाम सुरु भइसक्दा पनि यहाँ डेङ्गुको प्रकोप कम भएको छैन। बर्दिबास अस्पतालकी मेडिकल सुपरिन्टेन्डेन्ट कृष्णा महर्जनका अनुसार परीक्षण गराउन आएकामध्ये अधिकांशमा अहिले डेङ्गु ‘पोजेटिभ’ देखिएको छ। ‘यो डरलाग्दो अवस्था हो,’ उहाँले भन्नुभयो।
रोजगारी दिनेलाई मतदान : डोम समुदाय
सप्तरीको तिलाठी कोइलाडी वडा – ८ का गीता मरिकले आफूहरूले गर्दैआएको रोजगारी र श्रमको मूल्य बढाइदिने नेतालाई भोट दिने बताउनुभयो । सप्तरीमा डोम समुदायले सरसफाइ लगायत बाँसको ढकी, पङ्खा, कोनिया बनाएर विक्री गरेर आयआर्जन गरी परिवार चलाउँछन् ।
धनुषा १ : मातृकासँग पुरानै प्रतिस्पर्धी
धनुषा क्षेत्र नम्बर १ मा पुरानै उम्मेदवार प्रतिस्पर्धीमा देखिएका छन् । सत्तारुढ गठबन्धनबाट नेकपा (माओवादी केन्द्र)का उपमहासचिव मातृकाप्रसाद यादव र एमाले–जसपा गठबन्धनबाट जसपाका दीपक कार्कीले उम्मेदवारी दर्ता गराउनुभएको छ ।
नेता पोखरेलको प्रतिबद्धतापत्र सार्वजनिक
निर्वाचन प्रचार प्रसार उत्कर्षमा पुगेका बेला दल तथा उम्मेदवारले मतदाता रिझाउन अनेक एजेण्डा राखेर प्रतिबद्धता पत्रमार्फत आफ्ना भावी योजना तथा आश्वासन सार्वजनिक गरिरहेका छन् ।
कमला किनारमा तन्त्र मेला
सिरहा र धनुषा जिल्ला छुट्याउने कमला नदीको किनारमा लागेको तन्त्र मेला सकिएको छ। कार्तिक शुक्ल पूर्णिमाको दिन कमला नदीमा स्नान गरेपछि तान्त्रिक विद्या सिद्ध हुने जनविश्वासका साथ प्रत्येक वर्ष यहाँ मेला लाग्ने गर्छ। मेलाको अवसरमा सिरहा, धनुषा, महोत्तरी, सप्तरी, उदयपुर र सीमावर्ती भारतको मधुवनी, दरभङ्गा, समस्तीपुरलगायत जिल्लाबाट लाखौँ मानिसले कमला नदीमा स्नान गर्छन्। यो मेलालाई स्थानीयले भूत मेला भन्ने गर्छन्।
सर्लाही–१ मा त्रिपक्षीय प्रतिस्पर्धा
सर्लाहीको क्षेत्र नं. १ को प्रतिनिधि सभा सदस्य निर्वाचनमा त्रिपक्षीय प्रतिस्पर्धा हुने देखिएको छ। पाँचदलीय सत्ता गठबन्धन र नेपाल कम्युनिस्ट पार्टी एमाले–जनता समाजवादी पार्टी गठबन्धन र बागी उम्मेदवारबीच प्रतिस्पर्धा हुने भएको छ।
माधवको पुनरागमनले चुनावी रौनक
राजदेवी नगरपालिका वडा नं. ९ का ५९ वर्षीय वीरेन्द्र सिंह पछिल्लो ३० वर्षदेखि दैनिक रूपमा डुङ्गामा मोटरसाइकल राखेर वडा नं. ६ स्थित श्री माध्यमिक विद्यालय सेढवा ओहोरदोहोर गर्नुहुन्छ । सिंह पेसाले शिक्षक हुनुहुन्छ । राजदेवी नपाको वडा नं. ९ ब्रम्हपुरी र वडा नं. ६ सेढवालाई बागमती नदीले छुट्याएको छ । नदी पूर्वका पाँच हजार व्यक्ति रौतहटबाट अलग्गिएको महसुस गर्दै आएका छन् ।
मधेशमा असी नाघेका मतदाता असी हजार
मधेश प्रदेशमा मङ्सिर ४ गते हुने प्रतिनिधि तथा प्रदेश सभा सदस्य निर्वाचनमा आठ दशक उमेर नाघेका मतदाता ८० हजारभन्दा बढी छन्। आठ दशक नाघेका मतदातामध्ये ३९ हजार ८५९ पुरुष र ४१ हजार ६६ महिला गरी ८० हजार ९२५ जना छन्। यस प्रदेशमा उमेरको हिसाबले सबभन्दा कम ८१ वर्षमाथि समूहका मतदाता छन्।
किसान श्रेष्ठको चुनावी एजेन्डा बाराको पूर्वाधार विकास
नेकपा (एकीकृत समाजवाद) का नेता तथा प्रतिनिधिसभाका लागि बारा ४ बाट बाम–लोकतान्त्रिक गठबन्धनका साझा उम्मेदवार कृष्णकुमार श्रेष्ठ (किसान)ले चुनावी एजेन्डामा भौतिक पूर्वाधार विकासलाई प्राथमिकता दिनुभएको छ ।
कमला नदीमा अनौठो भूत मेला सुरु
धनुषा र सिराहा जिल्लाको सिमाना छुुट्याउने कमला नदीमा आज श्रद्धालुको घुइँचो लागेको छ । कमला नदीमा स्नान गरेपछि तान्त्रिक विद्यासिद्ध हुने जनविश्वासका साथ आज गाउँगाउँबाट भूतमेला भर्न श्रद्धालुको घुइँचो लागेको हो ।
आज र भोलि अतिरिक्त रेल सेवा सञ्चालन हुँदै
जयनगर-जनकपुरधाम-कुर्था रेल सेवा आज र भोलि अतिरिक्त समयमा पनि सञ्चालन हुने भएको छ ।
कमला नदीमा स्नान गर्ने श्रद्धालुको घुइँचो
सिरहा र धनुषाको सिमाना स्थित कमला नदीमा भूत मेला लागेको छ । आज नदी किनारमा बिहानैदेखि स्नान गर्ने श्रद्धालुको घुइँचो लागेको छ ।
यसरी मनाइयो सामाचकेवा पर्व
महोत्तरीसहितका मिथिला क्षेत्रमा दाजुभाइ तथा दिदीबहिनीबीच मनाइने प्रेम र समर्पणको पर्व सामाचकेवा सम्पन्न भएको छ ।
लोसपा अध्यक्ष ठाकुर कडा प्रतिस्पर्धामा
महोत्तरी निर्वाचन क्षेत्र नं. ३ को प्रतिनिधिसभा सदस्य पदमा दोस्रो पटक निर्वाचन लड्नुभएका लोकतान्त्रिक समाजवादी पार्टी (लोसपा) नेपालका अध्यक्ष महन्थ ठाकुरलाई यो वर्ष अन्य वर्ष जस्तो सहज नहुने देखिएको छ । ठाकुरलाई एमाले,जसपा गठबन्धन र स्वतन्त्र उम्मेदवारसँग कडा रूपमा चुनौती सामना गर्नु पर्ने भएको छ ।
मतदातालाई पुरानै आश्वासन
निर्वाचन नजिकिँदै जाँदा सर्लाहीका मतदाताले अघिल्लो निर्वाचनमा उम्मेदवारबाट पाएको आश्वासन अझै पूरा नभएको गुनासो गरेका छन्। जिल्लामा वर्षौंदेखिको समस्या ज्युँका त्युँ रहेको मतदाताको भनाइ छ। विशेष गरी यहाँ हुलाकी सडकको समस्या समाधान नहुँदा मतदातामा नैराश्यता बढी देखिएको छ। गोडैता नगरपालिका–७, का स्थानीय सञ्जित दासले प्रत्येक निर्वाचनमा उम्मेदवारले हुलाकी सडकको एजेन्डा उठाए पनि सडकको अवस्था भने सुधार हुन नसकेको बताउनुभयो। “हुलाकी सडकको अवस्था हेर्दा हामीलाई नै लज्जा महसुस हुन्छ तर यहीँबाट चुनाव जितेर गएका उम्मेदवार फेरि हुलाकी सडकलाई मुद्दा बनाएर मत मागिरहनुभएको छ,” दासले भन्नुभयो, “यो
मुलुकको समृद्धि र संविधानको रक्षाका लागि कांग्रेस नेतृत्वको गठबन्धनः प्रवक्ता डा. महत
नेपाली कांग्रेसका प्रवक्ता तथा निर्वाचन प्रचारप्रसार समितिका संयोजक डा. प्रकाशशरण महतले मुलुकको विकास र समृद्धिका लागि कांग्रेस नेतृत्वको गठबन्धन विजयी हुनुपर्ने बताउनुभएको छ ।
