भुजेल बस्तीमा खानेपानी, आँगनमा धारा झरेपछि खुसियाली
अहिलेसम्म कसैको दृष्टि नपुगेको दोलखाको शैलुङ गाउँपालिका–४, चिनाखोरियाका खानेपानीको अभाव झेल्दै आएका २२ घर भुजेल परिवार घरआँगनमै खानेपानी प्रयोग गर्न पाएपछि खुसी भएका छन् । खानेपानी सुरक्षा तथा बास उत्थानशीलता परियोजनाबाट छरछरे चिनाखोरिया खानेपानी तथा सरसफाइ आयोजना सम्पन्न भएर घरआँगनमै खानेपानी प्रयोग गर्न पाएपछि उनीहरू खुसीले भएका ९७ वर्षीया रत्नकुमारी भुजेलले बताउनुभयो ।
पुल बग्यो, दिनचर्या कष्टकर
मेलम्ची नगरपालिका–१० का मनोज अधिकारीको बिहानै उठेर फार्ममा पुगी बिक्रीका लागि कुखुरा तथा खसीको मासु तयार गरी वडा नं. ११ स्थित मेलम्ची बजारमा रहेको पसलमा लैजानु दैनिकी बनेको छ। फार्मबाट दैनिक तीन सय केजी मासुसहित अन्य सामान बोकेर बजारसम्म जाने एकमात्रै विकल्प हो झोलुङ्गे पुल। मेलम्ची बजारमा रहेको मोटरेबल पुल बगाएपछि बजार आउन कि त झोलुङ्गे पुलबाट आउनुपर्छ कि त बाहुनेपाटी हुँदै घुमेर लामो बाटो प्रयोग गर्नुपर्ने बाध्यता रहेको छ।
मध्यरातमा मानव तस्करी
काठमाडौँ, भदौ ११ गते । भ्रमण प्रवेशाज्ञा (भिजिट भिसा) मा जजिरा विमानबाट कुवेत हुँदै दुबई उड्न लागेकी झापाकी ३१ वर्षीया सम्झना लिम्बू (नाम परिवर्तन) लाई प्रहरीले विमानस्थलबाट फर्कायो । दलालले राहदानी, टिकट बैङ्किङ कागज र दुई सय अमेरिकी डलर हातमा थमाएर बुधबार बिहान साढे तीन बजे त्रिभुवन अन्तर्राष्ट्रिय विमानस्थल पुर्याएका सम्झनासहित ३९ जना महिला यतिबेला माइती नेपालको संरक्षणमा छन् ।
विभिन्न क्लब, डान्सबार र दोहोरीमा जान्थ्यो सक्कली बोतलमा नक्कली मदिरा
विभिन्न ब्राण्डका सक्कली बोतलमा नक्कली रक्सी (मदिरा) राखेर एक समूहले उपत्यकाका डिस्को, डान्सबार, दोहारी तथा नाइट क्लबमा बिक्री गर्ने गरेको खुलेको छ।
महानगरले हटायो राहदानी विभागको अनधिकृत संरचना
काठमाडौं महानगरपालिकाले त्रिपुरेश्वरस्थित राहदानी विभागको बेसमेण्टमा बनाइएका संरचना हटाएको छ।
स्थानीय तहको निर्वाचनका आधारमा सिट बाँडफाँट : नेता कोइराला
नेपाली कांग्रेसका नेता डा. शशांक कोइरालाले स्थानीय तहको निर्वाचनको मतपरिणामका आधारमा प्रतिनिधिसभा र प्रदेशसभा निर्वाचनको सिट बाँडफाँट हुनुपर्ने बताउनुभएको छ ।
म्याद सकिन चार महिना बाँकी रहँदा धरहरा पुनर्निर्माणको २३ प्रतिशत काम बाँकी
दोस्रो पटक थपिएको म्याद सकिन अब चार महिना मात्र बाँकी रहदा धराहरा पुनर्निमाणको काम सम्पन्न नहुने देखिएको छ ।
अवैध संरचना भत्काउन बालेन मैदानमा
काठमाडौँ महानगरपालिकाले नक्सा पारितबिनाका संरचना भत्काउन थालेसँगै उपत्यकाका अन्य स्थानीय तहले समेत आफ्ना क्षेत्रभित्रका अनधिकृत संरचना हटाउन सुरु गरेका छन्। काठमाडौँ महानगरपालिकाले सोमबारदेखि अनधिकृत संरचना हटाउने अभियान सुरु गरेकोमा कीर्तिपुर नगरपालिकाले पनि बिहीबार थालेको हो।
सङ्क्रमणकालीन न्यायसम्बन्धी विधेयक सच्याउनुपर्ने माग
द्वन्द्वपीडितलाई न्याय दिनुको साटो झनै पीडा दिनेगरी सङ्क्रमणकालीन न्यायसम्बन्धी विधेयक ल्याउन खोजिएको भन्दै अधिवक्ताहरुले आपत्ति जनाएका छन् । अहिलेको विधेयकले पीडितमाथि न्याय नगर्ने र यसले थप पीडा दिने भन्दै विधेयक संसद्बाट पास गर्न नहुने उनीहरुको धारणा छ ।
प्रदूषित पानीबाट बायोग्यास उत्पादन गरिने
काभ्रेपलाञ्चोकको धुलिखेल नगरपालिकाले नगरका दुईवटा वडाबाट निस्कने दिसाजन्य लेदो तथा प्रदूषित पानी प्रयोग गरी बायोग्यास उत्पादनलाई निरन्तरता दिने भएको छ। नगरपालिकाले वडा नम्बर–४ र ५ बाट निस्कने दिसाजन्य लेदो र प्रदूषित पानीको व्यवस्थापन गरी बायोग्यास उत्पादन गर्न सङ्घीय सरकारको आर्थिक सहयोग तथा इन्भारोमेन्ट एन्ड पब्लिक हेल्थ अर्गनाइजेसन (एन्फो) प्राविधिक सहयोगमा वडा नम्बर–५ श्रीखण्डपुरस्थित ढल प्रशोधन केन्द्रको मर्मत सुरु गरेको हो।
छोरी जीवन बीमा सम्झौता
भरतपुरमा जन्मिने छोरीका लागि निःशुल्क छोरी जीवन बीमा कार्यक्रमअन्तर्गत भरतपुर महानगरपालिका र राष्ट्रिय बीमा संस्थानबीच सम्झौता भएको छ। महानगरपालिकाका तर्फबाट प्रमुख महिला विकास अधिकृत शान्ताकुमारी पौडेल र राष्ट्रिय बीमा संस्थानका प्रशासक कविप्रसाद पाठकले सम्झौता–पत्रमा बिहीबार हस्ताक्षर गर्नुभएको हो। रेनु दाहाल दोस्रो पटक महानगरप्रमुखमा निर्वाचित भई पदभार ग्रहण गर्दा भरतपुर महागनरपालिकामा जन्मिने छोरीका लागि निःशुल्क जीवन बीमा गर्ने निर्णय गर्नुभएको थियो। गत जेठ ११ गतेका दिन लागू हुने गरी १५ वर्ष अवधिका लागि बीमा कार्यक्रम सुरु गर्ने निर्णयलाई कार्यान्वयन गर्न सम्झौता गरिएको हो। सरकारी स्वास्थ्य संस्थामा जन्मेका छोरीहरूले मात्र यो सेवा लिन पाउने छन् ।
भीर छिचोलेर विद्यालय धाउँदै
सिन्धुलीको गोलन्जोर गाउँपालिका–७, खुर्कोटस्थित जनज्योति माविका विद्यार्थीहरू जोखिमपूर्ण अक्करेभिरको पहिरो छिचोल्दै पढ्न जान आउन बाध्य छन्। गाउँपालिकाको वडा नं. ६ स्थित हैबार, सुँगुरे, बलेनीलगायतका ठाउँबाट आउने विद्यार्थी उक्त पहिरोको जोखिम मोलेर आवतजावत गर्न बाध्य भएका हुन्। कक्षा ५ मा अध्ययनरत हैवारी निवासी छात्रा दिलमाया श्रेष्ठ वर्षाको बेलामा अक्करेभीरको पहिरोले जहिले पनि सास्ती दिने गरेको गुनासो गर्नुहुन्छ। “अक्करे भीरको पहिरोले पानी परेको बेलामा जहिले पनि पिरलो दिने गरेको छ, कतिखेर पहिरो बसेर यातायात थुनिने ठेगान हुँदैन,” उहाँले भन्नुभयो, “पानी परेको बेला विद्यालयको बस पहिरोबाट वारपार नहुँदा कहिले कहिले त पढाइ पनि छुट्छ।”
झाडीले छोपियो खुला मञ्च (फोटो फिचर)
पुरानो बसपार्कमा २०७१ सालमा ‘भ्यू टावर’ बन्न थालेपछि केही समय बस पार्कको रुपमा प्रयोग भएको खुला मञ्चमा पक्की संरचना बन्न थालेपछि बसपार्क हटाइएको थियो।
मोटरेवल पुल नहुँदा नागरिकलाई सास्ती
मेलम्ची नगरपालीका १० का मनोज अधिकारीको दैनिकी व्यस्ततामै बित्नेगरेको छ । बिहानै उठेर फर्ममा पुगी कुखुरा तथा खसिको मासु तयार गर्नुपर्छ । दैनिक ३ सय किलोभन्दा बढी मासु उहाँले बेच्दै आउनुभएको छ । उहाँको घर मेलम्ची १० मा र पसल मेलम्ची ११ मा रहेको छ । उहाँले दैनिक बोकेर पसलसम्म मासु लग्ने गर्नुभएको छ । फर्मबाट बजारसम्म जाने एक मात्रै विकल्प हो झोलुङ्गे पुल ।
मकवानपुरमा पनि मिटरब्याजीविरुद्ध प्रशासनमा ११ उजुरी
मकवानपुरमा चर्को ब्याज लिएर दुःख दिएको विरुद्धमा ११ जनाले जिल्ला प्रशासन कार्यालय मकवानपुरमा उजुरी दिएका छन् । साथै यो उजुरीको क्रम बढ्ने अनुमान रहेको छ ।
महानगर प्रमुख साहको नेतृत्वमा अनधिकृत संरचना हटाउने अभियान
काठमाडौं महानगरपालिका भित्रका अनधिकृत संरचना हटाउने अभियानलाई तीव्रता दिनुभएका महानगर प्रमुख बालेन्द्र साहले आक्रोश व्यक्त गर्नुभएको छ।
मिर्गौला, क्यान्सर र पक्षघातका बिरामीलाई काठमाडौं महानगरले उपचार खर्च दिने
काठमाडौं महानगरपालिकाले मिर्गौला, क्यान्सर र मेरुदण्ड पक्षघात भएका बिरामीलाई उपचार खर्च उपलब्ध गराउने भएको छ ।
‘अण्डरग्राउण्डमा’ सञ्चालित व्यवसाय खाली गर्न निर्देशन
काठमाडौं, भदौ ९ गते। काठमाडौं महानगरपालिकाका प्रमुख बालेन्द्र साहको नेतृत्वले बिहीबार पनि नयाँबानेश्वरस्थित शङ्खमूल बर्गर हाउस र अल्फा हाउसको अण्डरग्राउण्ड तत्काल खाली गर्न निर्देशन दिएको छ।ती क्षेत्रको अवलोकनपछि उहाँले पार्किङका लागि निर्माण गरिएका स्थान सोही प्रयोजनका लागि प्रयोग गर्न निर्देशन दिनुभएको हो।तत्काल उक्त संरचना हटाएर नक्सा पासअनुरुप पार्किङको व्यवस्था गर्न निर्देशन दिएको छ। अल्फा हाउसको पार्किङ गर्नका लागि तय गरिएको स्थानमा ‘ल्याब’ सञ्चालन गरिएको छ भने शङ्खमूलको बर्गर हाउस बेसमेन्ट पार्किङमा सञ्चालित छ। यी दुवैलाई तत्काल हटाउन प्रमुख साहले निर्देशन दिनुभएको नगर प्रहरी प्रमुख राजु पाण्डेले जानकारी दिनुभयो।त्यसैगरी अहिले नगर प्रहरी प्रमुखसहितको टोली गौशाला पुगेको छ टोलीले त्यहाँ मुक्तिनाथ विकास बैंक रहेको भवनको बारेमा जानकारी लिने र आवश्यकता अनुरुपको निर्देशन र कारबाहीको प्रक्रिया अघि बढाउने बताइएको छ। बानेश्वर र शङ्खमूल रोडमा अन्डरग्राउन्ड पार्किङ गर्नुपर्नेमा पार्किङ नगरी व्यवसायीलाई भाडा दिएका ठाउँमा पनि उक्त टोलीले अवलोकन गरेको छ। अवैध संरचना हटाउनका लागि कामपाले यसअघि ३५ दिने सूचना जारी गरेको थियो। उक्त सूचनाको बेवास्ता गरेपछि कामपा ‘एक्सन’मा उत्रिनुपरेको प्रमुख साहको भनाइ छ। रासस
अवैध संरचना निरन्तर भत्काइन्छः कामपा
काठमाडौँ महानगरपालिकाले अवैधरुपमा निर्माण भएका र सार्वजनिक जग्गा मिचेर निर्माण गरिएका सम्पूर्ण संरचना भत्काउने काम निरन्तर जारी राख्ने भएको छ ।
मकैका चार नयाँ जात सिफारिस
राष्ट्रिय मकैबाली अनुसन्धान कार्यक्रम, रामपुरले मकैका चारवटा नयाँ जात सिफारिस गरेको छ । सिफारिस गरिएका तीनवटा वर्णशङ्कर मकैको जातमा रामपुर हाइब्रिड (वर्णशङ्कर) १२, १४, १६ र एउटा खुला सेचित मकैको जात मनकामना ९ रहेको छ । वर्णशङ्कर मकै रामपुर १२, १४ र १६ यसै वर्ष तथा खुला मनकामना ९ सन् २०२१ मा सिफारिस गरिएको हो । यी नयाँ जातमध्ये खुला सेचित मकै मनकामना ९ लगाएको १३२ दिनमा पाक्नेछ । प्रतिहेक्टर ५.४४ मेट्रिक टन उत्पादन हुने यो मकै समुद्र सतहबाट आठ सय मिटरदेखि एक हजार छ सय मिटर उचाइसम्मको मध्यपहाडी क्षेत्रका लागि उपयुक्त हुने राष्ट्रिय मकैबाली अनुसन्धान कार्यकमका प्रमुख चित्रबहादुर कुँवरले जानकारी दिनुभयो ।
भुजेल गाउँमा घरघरै खानेपानी धारा
शैलुङ गाउँपालिका–४ चिनाखोरियाका भुजेल २२ घरपरिवाले घर आँगनमै खानेपानी प्रयोग गर्न पाएपछि खुसी भएका छन् । घर आँगनमै खानेपानी प्रयोग गर्न पाएपछि ९७ वर्षीया रत्नकुमारी भुजेल खुसीले गदगद हुनुहुन्छ ।
अनधिकृत संरचना धमाधम भत्काइँदै
काठमाडौँ महानगरपालिकाले महानगरभित्र अनधिकृत रूपमा निर्माण गरिएका संरचना भत्काउन सुरु गरेको छ । नक्सा पास नगरी अनधिकृत रूपमा निर्माण गरिएका तथा नक्सा पास भए पनि त्यसविपरीत बनाइएका संरचना भत्काउने कार्यलाई महानगरले अभियानका रूपमा सुरु गरेको हो । यसरी अनधिकृत रूपमा निर्माण गरिएका टहरा भत्काउने कार्य महानगरमा धेरै समयपछि पुनः थालिएको छ ।
नौ किलो खपटासहित तीन पक्राउ
संरक्षित वन्यजन्तु सालकको आखेटोपहर (खपटा) सहित तीन जनालाई प्रहरीले पक्राउ गरेको छ ।
प्रहरी कार्यालय सुविधासम्पन्न बन्दै
भौतिक संरचना र सुविधाका दृष्टिले कमजोर रहेका बागमती प्रदेशका प्रहरी इकाइहरूले पछिल्लो समय सुविधासम्पन्न पूर्वाधार पाएका छन् । बागमती प्रदेश सरकारले प्रदेशका विभिन्न जिल्लामा रहेका प्रहरी इकाइका लागि सुविधासम्पन्न भौतिक पूर्वाधार बनाउने नीति लिएसँगै प्रहरी इकाइको भवनलगायतका भौतिक संरचना निर्माण भएको हो । सङ्घीय सरकारमातहत रहेका प्रहरी इकाइहरूको भौतिक संरचना निर्माण र सवारीसाधन खरिदमा प्रदेश सरकारले खर्च गरेको भन्दै प्रश्न उठाइँदै आए पनि प्रदेश सरकारले प्रहरी इकाइहरूलाई सुविधासम्पन्न बनाउन कार्यक्रम र बजेटलाई निरन्तरता दिँदै आएको छ ।
-original-thumb.jpg)
मिटरब्याजीविरुद्धसत्र उजुरी
चर्को ब्याजदरमा ऋण लगानी गर्ने मिटरब्याजीविरुद्धमा उजुरी गर्न गृह मन्त्रालयले आग्रह गरेपछि काभ्रेपलाञ्चोक जिल्लामा आफूहरूलाई चर्को ब्याज दरमा ऋण लगानी गरेको भन्दै १७ जना पीडितले उजुरी दर्ता गराएका छन् । साउन २७ गते गृहमन्त्रीस्तरीय बैठकले भदौ ५ गतेसम्ममा मिटरब्याजीविरुद्धमा उजुरी दिन निर्णय गरेको थियो । मिटरब्याजीविरुद्ध उजुरी दर्ता गराउने समयमा काभ्रेपलाञ्चोक जिल्लामा १७ जनाले २१ जना मिटरब्याजी र चारवटा सहकारी संस्थाको नाममा मिटरब्याज र ठगी भएको भन्दै उजुरी दर्ता गरेको जिल्ला प्रशासन कार्यालय काभ्रेपलाञ्चोकले जनाएको छ । जिल्लामा मिटरब्याजी र मिटरब्याजमा पैसा लगाउने संस्थाबारे छानबिन गर्न बाँकी रहेको काभ्रेका प्रमुख जिल्ला अधिकारी हुमकला पाण्डेले बताउनुभयो । उहाँले कार्यालयमा परेका उजुरीको विषयमा गृह मन्त्रालयबाट जारी भएको कार्यविधिका आधारमा छानबिन गरिने बताउनुभयो ।
