मानव बेचबिखनका मुद्दा चार
कर्णाली प्रदेशमा मानव बेचबिखनका घटना निकै कम दर्ता हुने गरेको पाइएको छ । प्रहरीका अनुसार गत वर्ष चार वटा मात्रै दर्ता भएका थिए । भित्रभित्र विभिन्न प्रलोभनमा परी मानव बेचबिखन भइरहेको बताइए पनि कानुनी रूपमा न्यून दर्ता हुने गरेको पाइएको छ । चालु आर्थिक वर्षमा एउटा पनि मुद्दा दर्ता भएको छैन ।
दरबन्दी नै नभएको ठाउँमा सरुवा
कर्णाली प्रदेश सरकारको सामाजिक विकास मन्त्रालयले डाक्टर सरुवामा विभेद गरेको भन्दै विवाद सुरु भएको छ । यही भदौ १३ मा मन्त्रीस्तरको निर्णयबाट मन्त्रालय र यसका मातहत रहेका कार्यालयका कर्मचारीको सरुवामा विशेषज्ञ डाक्टरलाई अस्पतालमा नभई अन्यत्र पठाएर मनपरी गरेको भन्दै विरोध सुरु भएको हो ।
फरक तरिकाले मनाइयो तिज
तिजको अवसर पारेर नारी उत्थान तथा सचेतना केन्द्र मुगुले बुधबार नगरका विद्यालयमा तिज कार्यक्रम आयोजना गरेको छ ।
वाईसिएल अध्यक्षमाथि जबरजस्ती करणीको आरोप
नेकपा माओवादी केन्द्रको भातृ सङ्गठन वाईसिएल नेपाल कालीकोटका अध्यक्षले एक महिलालाई जबरजस्ती करणी गरेको आरोप लागेको छ ।
एमाले बलियो शक्तिको रुपमा आउँछ : महासचिव पोखरेल
नेकपा (एमाले) का महासचिव शङ्कर पोखरेलले देशमा बलियो शक्ति आवश्यक भएकाले २०८४ मा एमाले मुलुककै बलियो शक्तिका रूपमा स्थापित हुने बताउनुभएको छ ।
सूचीकृतमध्ये तीन प्रतिशतलाई मात्र रोजगारी
रुकुमपश्चिमको चौरजहारी नगरपालिकामा प्रधानमन्त्री रोजगार कार्यक्रममा सूचीकृतमध्ये तीन प्रतिशत युवाले मात्र रोजगारी पाएका छन् । गत आर्थिक वर्ष २०८०/८१ मा प्रधानमन्त्री रोजगार कार्यक्रममा सूचीकृतमध्ये ३.१३ प्रतिशत अर्थात् १०१ जनाले मात्र रोजगारी पाएका हुन् । बाँकी ९६.८६ प्रतिशत अर्थात् तीन हजार १२१ जना सूचीकृत युवाले रोजगारी पाउन नसकेको नगरपालिकाले जनाएको छ । गरिब तथा विपन्न परिवार र वडाको आवश्यकताका आधारमा युवालाई छनोट गरेर प्रधानमन्त्री रोजगार कार्यक्रममार्फत रोजगारी दिइएको थियो । नगरपालिकाका रोजगार संयोजक कृष्णप्रसाद शर्माका अनुसार नगरपालिकामा सञ्चालित विभिन्न २५ वटा योजनामा छनोट भएकामध्ये १०१ जनाले ९० दिन बराबरको रोजगारी प्राप्त गरेका छन् ।
सामाजिक सशक्तीकरण कार्यक्रम अलपत्र
प्रदेश सरकारको ‘प्रदेश प्रमुख सामाजिक सशक्तीकरण कार्यक्रम’ प्रभावकारी बन्न सकेको छैन । गत आर्थिक वर्ष २०८०/८१ बाट विकृतिपूर्ण सामाजिक तथा सांस्कृतिक मान्यताको अन्त्य गर्ने उद्देश्यले कार्यक्रम सुरु गरिएको भए पनि कार्यान्वयन भने हुन नसकेको हो । लैङ्गिक हिंसामा परेका महिला तथा बालबालिकाको उद्धार, संरक्षण र पुनस्र्थापनाका लागि प्रदेशस्तरमा दीर्घकालीन पुनस्र्थापना केन्द्र स्थापनाको कार्यक्रम राखिएको थियो । गत आवको नीति तथा कार्यक्रममा समेटेर कार्यक्रम ल्याइएको हो ।
कर्मचारीलाई नियमविपरीत भत्ता वितरण
रुकुमपश्चिमको सानीभेरी गाउँपालिकाका कर्मचारीले आर्थिक वर्ष २०७९/८० मा नियमविपरीत १२ लाखभन्दा बढी रुपियाँ भत्ताको नाममा बुझेको पाइएको छ । कर्मचारीले महँगी भत्ता, स्थानीय भत्ता र बैठक भत्ताको नाममा १२ लाख ७२ हजार ७५० रुपियाँ बुझेको पाइएको हो । महालेखा परीक्षकको कार्यालयले तयार पारेको आव २०७९/८० को अन्तिम लेखा परीक्षण प्रतिवेदन अनुसार उक्त रकम नियम मिचेर वितरण भएको हो । प्रतिवेदन अनुसार गाउँपालिकामा करार सेवाका कर्मचारीलाई महँगी भत्ताको नाममा चार लाख आठ हजार रुपियाँ वितरण गरिएको उल्लेख छ । अर्थ मन्त्रालयको पत्र सङ्ख्या ३६५–०३।०७८/०७९, च.नं. १७१९ मा नेपाल सरकार अन्तर्गत विभिन्न निकायको स्वीकृत दरबन्दीमा करारमा कार्यरत
भेरी नगरपालिका पहिलो बालमैत्री वडा घोषणा
भेरी नगरपालिका–८ लाई बालमैत्री वडा घोषणा गरिएको छ । सबै सूचकहरू पुरा भएपछि विशेष सभाको आयोजना गरेर भेरी नगरपालिका–८ लाई बालमैत्री वडा घोषणा गरिएको हो ।
प्रदेश अस्पताल सुर्खेतमै क्यान्सर उपचार सेवा
प्रदेश अस्पताल सुर्खेत र बीपी कोइराला मेमोरियल क्यान्सर अस्पताल भरतपुर बिच क्यान्सर उपचार सेवा विस्तार गर्ने सम्झौता भएको छ ।
विपत् जोखिम न्यूनीकरण र व्यवस्थापनमा उल्लेख्य सुधार
कर्णाली प्रदेशको राजधानी सुर्खेतको वीरेन्द्रनगर नगरपालिकाले विपत् जोखिम न्यूनीकरण र व्यवस्थामा उल्लेख्य सुधार गरेको पाइएको छ । विगत पाँच वर्षको अवधिमा नगरपालिकाले विपत् न्यूनीकरण र व्यवस्थापनमा सुधार गर्दै उत्तम श्रेणी हासिल गर्न सफल भएको हो । सङ्घीय मामिला तथा स्थानीय विकास मन्त्रालयको विपत् जोखिम न्यूनीकरण तथा व्यवस्थापन अनुक्रमणिका स्वमूल्याङ्कन नतिजा २०२४ मा वीरेन्द्रनगर नगरपालिकाले १६० अङ्कभारमा १५१ अङ्क अर्थात् ९४ प्रतिशत नतिजा प्राप्त गरी उत्तम श्रेणी हासिल गर्न सफल भएको छ । जबकि २०२० मा नगरपालिकाले केवल ६३ अङ्क प्राप्त गरेको थियो ।
कर्णाली राजमार्ग स्तरोन्नतिमा बेवास्ता
सुर्खेतबाट जुम्ला जोड्ने सडक हो, कर्णाली राजमार्ग । प्रदेश राजधानी वीरेन्द्रनगरबाट दैलेख, कालीकोट हुँदै कर्णाली नदीको किनारैकिनार भएर यो राजमार्ग जुम्ला पुग्ने गर्दछ । यो राजमार्गलाई कर्णाली विकासको मेरुदण्डसमेत मानिएको छ । राजमार्ग सञ्चालनमा आएयता सानादेखि भयानक दुर्घटना भएका छन् । दुर्घटनाको क्रम अहिले पनि रोकिएको छैन तर पनि सरकारले यो सडकको स्तरोन्नतिमा ध्यानै पु¥याउन सकेको छैन । खाल्डा टालटुलका लागि फाट्टफुट्ट बजेट आउने गरे पनि समग्र राजमार्ग विकासका लागि पर्याप्त बजेट नआउँदा सवारी दुर्घटना दिनप्रतिदिन बढिरहेका छन् ।
योग्य नागरिक निर्माणार्थ ‘भाउअ पत्रकारिता’
‘भाउअ पत्रकारिता’ सुन्दा अनौठो लाग्न सक्छ । यहाँको एक संस्थागत विद्यालयमा अध्ययनरत बालबालिकाले ‘भाउअ पत्रकारिता’ सुरु गरेका छन् । चन्दननाथ नगरपालिका– ५ जुम्ला खलङ्गास्थित एसिया इन्टरनेश्नल इङलिस स्कुलका बालबालिकाले ‘भाउअ (बाल) पत्रकारिता’ सुरु गरेका हुन् ।
न्यायको पखाईमा सहिद शाहका परिवार
रुकुमपश्चिमको चौरजहारी नगरपालिका–११ खोलागाँउका गणेश शाहको हत्या भएको ३० वर्ष पूरा भएको छ । हालसम्म पनि मृतकका परिवारले न्याय नपाएको गुनासो गरेका छन् ।
गोरखापत्रकर्मी रुकुममा सम्मानित
गोरखापत्रका रुकुमपश्चिम (मुसीकोट) समाचारदाता राजु लामिछाने सम्मानित हुनुभएको छ । चौरजहारी नगरपालिका –११ निवासी सहिद गणेश शाहको ३० औं स्मृति दिवसको अवसरमा सोमबार खोलागाउँमा आयोजित स्मृति सभामा उहाँलाई सम्मान तथा नगद पुरस्कार प्रदान गरिएको हो ।
प्रलोभनमा पारेर मानव बेचबिखन
कर्णाली प्रदेशमा पढाउने र धेरै पैसा कमाउने बहानामा भित्रभित्रै मानव बेचबिखन हुने गरेको छ । पढाउने बहानामा साना बालबालिका तथा धेरै कमाउने बहानामा महिला तथा किशोरी मानव बेचबिखनको चपेटामा पर्ने गरेका छन् । महिला तथा बालबालिकाको क्षेत्रमा क्रियाशील आवाज संस्था सुर्खेतले पढाउने र कमाउने बहानामा बालबालिका तथा महिला र किशोरी नेपालभित्रै तथा बाहिर बेचबिखनको चपेटामा पर्ने गरेको जनाएको छ । संस्थाका कार्यकारी निर्देशक पवित्रा शाहीले गत वर्ष मात्रै आवाज संस्थाले मानव बेचबिखन तथा ओसारपसारका ३३ वटा घटना दर्ता गराएको जानकारी दिनुभयो । हुम्ला, मुगु र डोल्पा जिल्लाबाट बालबालिकालाई काठमाडौँमा राम्रोसँग पढाइदिने प्रलोभनमा पारी ल्याउने क्रममा सुर्खेतमा निगरानी हुँदा समातिने गरेका छन् । पछि उनीहरूलाई जिल्ला फिर्ता गरेर अभिभावकको
नागरिक स्वास्थ्य परीक्षण कार्यक्रम प्रभावकारी
कर्णाली प्रदेश सरकारको नागरिक स्वास्थ्य परीक्षण कार्यक्रम प्रभावकारी भएको छ । गत आर्थिक वर्ष २०८०/८१ बाट उक्त कार्यक्रम सुरु गरिएको हो । प्रदेश सरकारको उक्त कार्यक्रम प्रभावकारी देखिएपछि यो वर्षबाट थप व्यवस्थित गर्न लागिएको छ । चालु आर्थिक वर्षको नीति तथा कार्यक्रममा यो कार्यक्रमलाई अभियानका रूपमा सञ्चालन गरिने जनाइएको छ । नागरिक स्वास्थ्य परीक्षण कार्यक्रमलाई थप प्रभावकारी बनाउँदै ‘कर्णाली स्वास्थ्य नागरिक विशेष अभियान’ सुरु गर्ने सरकारले जनाएको छ । नयाँ कार्यक्रम अनुसार प्रदेश र जिल्ला अस्पतालमा ज्येष्ठ नागरिक तथा अशक्त अपाङ्गता भएका व्यक्तिका लागि छुट्टै वार्डको व्यवस्था गरिने जनाइएको छ । रणनीतिक स्थान तथा दुर्गम हिमाली जिल्लाका स्थानीय तहमा आवधिक विशेषज्ञ स्वास्थ्य शिविर सञ्चालन गरिने सामाजिक विकास मन्त्रालयले जनाएको छ ।
-original-thumb.jpg)
पुल छैन, पढाइ पनि छैन
रुकुमपश्चिमको बाँफीकोट गाउँपालिका–१ र २ को सिमानामा रहेको पुमाखोलामा पुल नहुँदा यहाँका सर्वसाधारणले सास्ती पाउँदै आएका छन् । बर्खा लागेपछि यहाँका बालबालिका खोलाकै डरले नियमित विद्यालय जान पाउँदैनन् । हिउँदमा खोला तरेर आवतजावत हुने अवस्था भए पनि वर्षायाममा पानीको मात्रा बढ्दा आवतजावतमा समस्या हुने गरेको छ । खोलामा रहेको कलभर्टभन्दा माथिबाट खोला बग्न थालेपछि यातायातका साधनसमेत अवरुद्ध हुने गरेका छन् । बढेको खोलामा तर्न खोज्दा मान्छे तथा गाडी बगाउने गरेको स्थानीयको भनाइ छ ।
धानखेतको हरियाली
बीरेन्द्रनगर नगरपालिका–१० काँक्रेविहार जङ्गल किनारामा रहेको खेतमा लहलहाउँदै गरेको धानबाली । यस क्षेत्रमा जङ्गली जनावारले बेला(बेलामा बालीमा क्षति पुर्याउँदै आएका छन् ।
पाँच दिनदेखि अवरुद्ध कर्णाली राजमार्ग सञ्चालनमा
अवरुद्ध कर्णाली राजमार्ग सञ्चालनमा आएको छ । अविरल वर्षाका कारण गत भदौ १२ गतेदेखि बन्द भएको सडक सञ्चालनमा आएको हो ।
‘जनतासँग मुख्यमन्त्री’ फेरि सञ्चालन
कर्णाली प्रदेश सरकारले ‘जनतासँग मुख्यमन्त्री’ कार्यक्रम पुनः सुरु गर्ने भएको छ । मुख्यमन्त्री र जनताबिच छलफलको वातावरण बनाउन ‘जनतासँग मुख्यमन्त्री’ कार्यक्रम सुरु गर्न लागिएको हो । चालु आर्थिक वर्षको नीति तथा कार्यक्रममा उल्लेख गरेर कार्यक्रम कार्यान्वयन गरिने जनाइएको छ । प्रदेश सरकारको कार्यसम्पादनका सम्बन्धमा मुख्यमन्त्रीको प्रत्यक्ष सहभागितामा अन्तर्क्रिया तथा छलफल गर्ने उद्देश्यले नयाँ कार्यक्रमका रूपमा यसलाई अघि सारिएको छ । जनताको माग र समस्याबारे सम्बोधन गरी प्रदेश सरकारलाई जनउत्तरदायी बनाउन ‘जनतासँग मुख्यमन्त्री’ कार्यक्रम ल्याइएको प्रदेश सरकारले जनाएको छ । चालु आव २०८१/८२ को नीति तथा कार्यक्रम र बजेटमा ‘जनतासँग मुख्यमन्त्री’ कार्यक्रम समेटिएको छ ।
बाटोमै रोकिए स्याउ बोकेका ट्रक
कर्णाली राजमार्ग बन्द हुँदा व्यापारी मारमा परेका छन् । कालीकोट र जुम्ला जिल्लाको स्याउ ढुवानीको समयमा कर्णाली राजमार्गमा पहिरो गई सडक बन्द भएकाले व्यापारी मारमा परेका हुन् । कर्णाली राजमार्गको कालीकोट खण्डमा पर्ने शुभकालिका गाउँपालिका–१, दहीखोला, गगनेखोलादेखि एसमोडसम्म पहिरो गएको छ ।
आकस्मिक अवतरणपछि मुख्यमन्त्री होटेलमा, सुत्केरीको ज्यान जोखिममा
खराब मौसमको कारण आकस्मिक अवतरण गरिएका दुई हेलिकोप्टर आइतबार रुकुमपश्चिममै रहने भएका छन्। आठबिसकोट नगरपालिका –९ को रंगशालामा आइतबार दिउँसो अवतरण भएका सिम्रिक एयर (नाइन एन–एकेडी) र नेपाली सेनाको (नाइन ए ०६६) कलसाइन हेलिकोप्टर यतै रहने भएका हुन्।
सुत्केरी बोकेको हेलिकोप्टर आकस्मिक अवतरण
रुकुमपश्चिमको आठबिसकोटमा सुत्केरी बोकेको एक हेलिकोप्टर आकस्मिक रूपमा अवतरण भएको छ।
-original-thumb.jpg)
मुख्यमन्त्री चढेको हेलिकोप्टर आकस्मिक अवतरण
कर्णाली प्रदेशका मुख्यमन्त्री यामलाल कँडेल चढेको हेलिकोप्टर रुकुम पश्चिमको आठबिसकोटमा आकस्मिक अवतरण भएको छ। आइतबार दिउँसो ३:२५ बजे आठबिसकोट नगरपालिका ९ राडिस्थित रंगशालामा हेलिकोप्टर अवतरण भएको हो।
