मुलुकमा वैदेशिक चलखेल बढ्यो : महासचिव पोखरेल
प्रमुख प्रतिपक्षी दल नेकपा (एमाले) का महासचिव शंकर पोखरेलले मुलुकमा वैदेशिक चलखेल बढेको बताउनुभएको छ । मुलुकमा नीतिगत विचलन, विभिन्न स्वार्थहरुको सौदावाजी, र राजनीतिक अस्थिरता बढेको उहाँले दावी गर्नुभएको छ ।
विद्युत् गृहको सुरुङ खन्ने काम पूरा
तनहुँ जलविद्युत् आयोजनाको विद्युत् गृहको सुरुङ खन्ने कार्य सम्पन्न भएको छ । प्याकेज दुईअन्तर्गतको ठेक्का पाएको सिनो हाइड्रोपावर लिमिटेडले विद्युत् गृहको सुरुङ खन्ने काम शुक्रबार पूरा गरेको आयोजनाले जनाएको हो । ८९ मिटर लम्बाइ, २२ मिटर चौडाइ र ५१ मिटर उचाइ भएको भूमिगत विद्युत् गृहको सुरुङ खन्ने काम पूरा भएको आयोजनाका निमित्त प्रमुख राजभाइ शिल्पकारले जानकारी दिनुभयो । उक्त सुरुङ खन्ने काम सन् २०२० अगस्टदेखि सुरु भएको थियो ।
ज्यान हत्केलामा राखी साँघु वारपार
विश्वको सातौँ अग्लो हिमाल धौलागिरि आरोहण तथा अवलोकन गर्न आउने पर्यटकहरूलाई झोलुङ्गे पुलको अभावमा ज्यान हत्केलामा राखी काठको जीर्ण र जोखिम साँघुबाट खोला वारपार गर्नुपर्ने बाध्यता छ । यहाँको पर्यटकीय पदमार्गअन्तर्गत धौलागिरि गाउँपालिका – ४ मुदीदेखि आधार शिविरसम्म करिब १५ स्थानमा झोलुङ्गे पुलको आवश्यकता देखिएको छ । म्याग्दी तथा यसका सहायक खोलामा स्थानीयले बनाएका काठे साँघुबाट खोला वारपार गर्नुपर्ने बाध्यता छ ।
फोहोर व्यवस्थापनमा युवाको चासो
व्यवस्थापन केन्द्र बनेर व्यवपस्थित हुन नसकेको अर्जुन चौपारी गाउँपालिका बजारको फोहोर व्यवस्थापनमा युवाले चासो देखाएका छन्।
पाल्पामा वृद्ध महिला मृत फेला
जिल्लाको रिब्दीकोट–५, कुसुमखोलामा एक वृद्ध महिलाको शव फेला परेको छ ।
अनाथ, असहाय बालबालिकालाई निःशुल्क शिक्षा
व्यास नगरपालिकाले निःशुल्क शिक्षा दिन व्यास नगरपालिका–७ सेराटारस्थित क्यामिन कोट प्राथामिक विद्यालयमा ‘व्यास नगर समता विद्यालय’ सञ्चालन गर्ने भएको छ । नगरपालिकाभित्र माध्यमिक तहसम्मको शिक्षा लिन कठिनाइ परेका अनाथ, असहाय, विपन्न, शहीद, बेपत्ता, कोरोनाबाट मृत्यु भएका घर परिवारका बालबालिकालाई शिक्षा प्रदान गर्ने उद्देश्यले उक्त विद्यालय सञ्चालन गर्न लागिएको हो ।
प्याराग्लाइडिङ विस्थापन होइन व्यवस्थापन गर्न व्यवसायीको माग
अन्तर्राष्ट्रिय विमानस्थल निर्माणसँगै पोखराको साहसिक पर्र्यटकीय पहिचान बनेको प्याराग्लाइडिङ विस्थापित हुने हो कि भन्ने कुराले प्याराग्लाइडिङ व्यवसायीलाई चिन्तित बनाएको छ ।
६३ रोपनी सार्वजनिक जग्गा भाडामा लगाउने सम्झौता खारेज
पोखरा उपत्यका नगर विकास समितिले निर्वतमान नगरप्रमुख मानबहादुर जिसीले आफ्नो कार्यकालको अन्तिममा समिति मातहतको विभिन्न तीन स्थानको ६३ रोपनी सरकारी जमिन भाडामा लगाउनेसम्बन्धी गरेको सम्झौता खारेज गरेको छ ।
बोलबम पदयात्राको तयारी
केदारेश्वर महादेवमणि बोलबम धाम बैदामले बोलबम पदयात्रासहित जलार्पण कार्यक्रम गर्न लागेको छ । बोलबमको ध्वनिले, शान्ति पाऊन् साराले’ भन्ने मूलमन्त्रका साथ हरेक साउन महिनाको सोमबार बोलबम पदयात्रा हुने गरेको छ । २०
विद्युतगृहको सुरुङ खन्ने काम सम्पन्न भएपछि..
तनहुँको ऋषिङ गाउँपालिका–१ मा निर्माणाधीन १४० मेगावाट क्षमताको तनहुँ जलविद्युत आयोजनाअन्तर्गत विद्युतगृहको सुरुङ खन्ने काम सकिएपछि शुक्रबार तस्बिर खिचाउँदै प्राविधिक टोली ।
धान र बादलसँग लुकामारी खेलेको माछापुच्छ्रे हिमाल
पोखरा महानगरपालिका वडा नं ३२ तल्लो गगनगौंडास्थित बेलबुटे क्षेत्रबाट देखिएको हरियो बन्दै गरेको धान र बादलसँग लुकामारी खेलेको माछापुच्छ्रे हिमाल ।
खोलाले बगाएकी बालिकाको उपचार गर्न सहयोग जुट्यो
विद्यालयमा पढेर घर फर्किने क्रममा खोलाले बगाएर घाइते भएकी तनहुँकी एक बालिकाको उपचारका लागि झण्डै साढे तीन लाख सङ्कलन भएको छ ।
लटरम्म फल्यो स्याउ
स्याउको नाम आउँदा साथ आम नेपालीहरुको मुखमा एक प्रकारको स्वादको अनुभव हुन्छ त्यो हो मुस्ताङको स्याउ ।
निगम र संस्थान निजी क्षेत्रलाई जिम्मा दिनुहुँदैन : नेता पौडेल
नेपाली कांग्रेसका वरिष्ठ नेता रामचन्द्र पौडेलले नेपाल आयल निगम र खाद्य संस्थान निजी क्षेत्रलाई जिम्मा लगाउन नहुने बताउनुभएको छ । प्रेस युनियन तनहुँले बिहीबार दमौलीमा गरेको पत्रकार भेटघाटमा उहाँले सो कुरा बताउनुभयो ।
सूर्योदय हेर्न बनौगाउँमा पर्यटकको आकर्षण
चिसो हावापानी, चट्ट मिलेको सानो गाउँ । समुद्री सतहदेखि दुई हजार ५०० मिटरको उचाइमा छ सुन्दर बनौगाउँ । गाउँमाथिको जङ्गलको बीचमा रहेको पहाडको दृश्यावलोकन स्तम्भ ।
निष्पक्षता र मूल्याङ्कनका आधारमा सबैलाई न्याय हुनुपर्छ : वरिष्ठ नेता पौडेल
नेपाली कांग्रेसका वरिष्ठ नेता रामचन्द्र पौडेलले न्याय, निष्पक्षता र मूल्याङ्कनका आधारमा पार्टीभित्र न्याय हुनुपर्ने बताउनुभएको छ ।
मन्दिर निर्माणको म्याद सकियो
कम्पले भत्काएको प्रसिद्ध धार्मिक स्थल कालिका मन्दिर र रङ्गमहल पुनर्निर्माणमा ढिलाइ भएको छ । एक वर्षभित्र ‘रेट्रोफिटिङ’ गर्नेगरी पुरातत्त्व विभागले २०७८ साउन १५ गते श्री धर्म-आरआर जेभीसँग निर्माण ठेक्का सम्झौता गरेको थियो ।
गण्डकीमा ७० प्रतिशत रोपाइँ
असारको महिना सकिन लाग्दा गण्डकी प्रदेशमा रोपाइँ आधाभन्दा बढी सकिएको छ । कृषि विकास निर्देशनालय, गण्डकीका अनुसार मङ्गलबारसम्म प्रदेशमा ७० प्रतिशत रोपाइँ सकिएको छ । निरन्तर परिरहेको आकाशे पानी र सिँचाइको प्रयाप्त सुविधा हुँदा अघिल्लो वर्षको तुलनामा भन्दा अहिले बढी रोपाइँ भएको कृषि विकास निर्देशनालय, गण्डकीका निमित्त प्रमुख वासुदेव रेग्मीले जानकारी दिनुभयो ।
काभ्रेभीरमा सडक ९० प्रतिशत निर्माण सम्पन्न
राष्ट्रिय गौरबको बेनी–जोमसोम–कोरला सडक आयोजना अन्तर्गत सबैभन्दा कठिन मानिएको काभ्रेभीरमा सडक फराकिलो बनाउने कार्य अन्तिमचरणमा पुगेको छ ।
बजेटमाथि मुख्यमन्त्रीको स्पष्टीकरण
गण्डकी प्रदेश सरकारको बजेटमा आफन्त तथा परिवारलाई समेटेको विषयमा चर्को आलोचना बढ्दै गएपछि मुख्यमन्त्री कृष्णचन्द्र पोखरेल नेपालीले संसद्माजवाफ दिनुभएको छ । मुख्यमन्त्री पोखरेलले सभामुखसँग विशेष समय मागेर ‘बजेट कुनै व्यक्ति र परिवारले दिएको दान उपदान नभएको’ प्रस्ट पार्नुभयो । ट्रस्ट वा प्रतिष्ठानका नाममा छुट्ट्याइएको बजेटलाई प्रदेशको प्राथमिकताका आधारमा खर्च गर्न सम्बन्धित मन्त्रालयलाई निर्देशन दिइसकेको जानकारी पनि उहाँले दिनुभयो
तनहुँ ११ लाई भानु कप उपाधि
तनहुँको भानु नगरपालिका–१ भन्सार आयोजित भानुकप फुटबल प्रतियोगिताको उपाधि तनहुँ ११ ले जितेको छ । बुधबार भएको फाइनल खेलमा तनहुँ ११ ले सिद्धगुफा युवा क्लबलाई २–० गोलले पराजित गर्दै उपाधि जितेको हो ।
५४ लाख बराबरको अवैध सामान बरामद
पूर्वी नवलपरासीमा भन्सार छलेर अवैध सामान भित्र्याउने क्रम बढ्दो छ। एकपछि अर्काे गरेर विना विलका सामाग्री भित्रिएको जिल्ला प्रहरी कार्यालय नवलपुरका प्रहरी नायव उपरीक्षक सन्तोष पाठकले जानकारी दिनुभयो।
-original-thumb.jpg)
अवैध क्रसर उद्योग सञ्चालन : सरोकारवाला निकाय मौन
कालिगण्डकी नदी किनारमा करिब एक वर्षदेखि अवैध रुपमा क्रसर उद्योग सञ्चालन गरेको पाइएको छ । बेनी–जोमसोम कोरला सडक अन्तर्गत रघुगंगा गाउँपालिका २ स्याउली बजारस्थित नदी किनारबाट नदीजन्य पदार्थ ढुंगा, गिट्टी र बालुवा अवैध रुपबाट उत्खनन् गरी बिक्रीवितरण भइरहे पनि सरोकारवाला निकाय मौन देखिएका स्थानीयको भनाइ छ ।
भानुभक्तको घर भग्नावशेषमा परिणत
नेपाली साहित्यका आदिकवि भानुभक्त आचार्य जन्मिएको तनहुँको भानु नगरपालिका –४ स्थित घर संरक्षणको अभावमा भग्नावशेषमा परिणत भएको छ । साहित्यिक तीर्थस्थल तथा भाषिक केन्द्रको रुपमा विकास गर्ने लक्ष्य राखिएको भएपनि आगोलागीले खण्डहर भएको वर्षौं बितेपनि पुनरनिर्माण हुन सकेको छैन ।
बेंसीसहर पशुमा पूर्ण खोपयुक्त पालिका घोषणा
लमजुङको बेंसीसहर नगरपालिकालाई पशुमा पूर्ण खोपयुक्त पालिका घोषणा गरिएको छ । भेटेरीनरी अस्पताल तथा पशु सेवा विज्ञ केन्द्र लमजुङले नगरपालिकालाई पशुमा पूर्ण खोपयुक्त पालिका घोषणा गरेकोे हो ।
