दार्चुला एमालेबाट ठगुन्ना सर्वसम्मत सिफारिस
नेकपा (एमाले) दार्चुलाबाट प्रतिनिधिसभा उम्मेदवारमा गणेशसिंह ठगुन्नाको नाम सर्वसम्मत सिफारिस भएको छ । आगामी मङ्सिर ४ गते हुने निर्वाचनको लागि प्रतिनिधिसभामा प्रत्यक्षतर्फ ठगुन्नाको नाम एकल सिफारिस गरिएको एमाले दार्चुलाका उपसचिव एबम् प्रचार विभाग प्रमुख खडक वडालले जानकारी दिनुभयो ।
गृहमन्त्री खाणकाे नाम रुपन्देहीका दुईवटा क्षेत्रबाट सिफारिस
नेपाली कांग्रेसका प्रभावशाली नेता एवं गृहमन्त्री बालकृष्ण खाण रुपन्देहीका दुईवटा निर्वाचन क्षेत्रबाट प्रतिनिधि सभा निर्वाचनका लागि सिफारिस हुनु भएको छ।
-original-thumb.jpg)
सञ्चार मन्त्री कार्कीको नाम सुनसरी ४ बाट सर्वसम्मत सिफारिस
सञ्चार तथा सूचना प्रविधिमन्त्री ज्ञानेन्द्रबहादुर कार्की मंसिर ४ गते हुने प्रतिनिधि सभा निर्वाचनका लागि सुनसरी क्षेत्र नम्बर ४ बाट नेपाली कांग्रेसको उम्मेदवारमा सर्वसम्मत सिफारिस हुनुभएको छ।
भारतीय सेनाध्यक्ष पांडे नेपालमा
काठमाडौं, भदौ १९ गते । भारतीय सेनाध्यक्ष जनरल मनोज पांडे आइतबार नेपालमा आइपुग्नु भएको छ। प्रधानसेनापति प्रभुराम शर्माको निमन्त्रणामा भारतीय सेनाध्यक्ष पांडे आइतबार दिउँसो पाँच दिने नेपाल भ्रमणका लागि काठमाडौं आइपुग्नु भएको हो। पाँच दिने नेपाल भ्रमणका क्रममा उहाँले राष्ट्रपति विद्यादेवी भण्डारी, प्रधानमन्त्री शेरबहादुर देउवासँग भेट गर्नुहुने कार्यक्रम रहेको छ। उहाँले प्रधानसेनापति शर्मासँग भेटवार्ता एवम् छलफल गरेपछि भारतीय सेनाको तर्फबाट नेपाली सेनालाई सहयोग स्वरूप प्रदान गरिने विविध सामग्रीको हस्तान्तरण गर्नुहुने कार्यक्रम छ। राष्ट्रपति भण्डारीले भारतीय सेनाध्यक्ष पांडेलाई एक विशेष समारोहका बीच नेपाली सेनाको मानार्थ महारथीको दर्जा प्रदान गर्ने कार्यक्रम रहेको छ। नेपाली सेना र भारतीय सेनाबीच यस्तो परम्परा रही आएको छ।
माओवादी र एकीकृत समाजवादीको साझा चुनावी घोषणापत्र बन्दै
सत्ता साझेदार दलहरु नेकपा (माओवादी केन्द्र) र नेकपा (एकीकृत समाजवादी) बीच आगामी निर्वाचनका लागि साझा घोषणापत्र निर्माण गर्ने छलफल चलेको छ । मंसिर ४ गतेको प्रतिनिधिसभा र प्रदेशसभा सदस्य निर्वाचनका लागि प्रमुख राजनीतिक दलका नेता एवम् अन्य उम्मेदवार सिफारिस गर्नेक्रम जारी छ । पछिल्लो समय नेताहरुले निर्वाचन तयारीमा सक्रियता बढाएका छन् ।
चुनावपछि परिवर्तनका लागि सडकमा जान्छु : अध्यक्ष दाहाल
काठमाडौं, भदौ १९ गते । सत्ता साझेदार दल नेकपा (माओवादी केन्द्र) का अध्यक्ष पुष्पकमल दाहालले आगामी निर्वाचनपछि परिवर्तनका लागि सडकमा जाने बताउनुभएको छ। उहाँले आइतबार राजधानीमा आयोजित एक कार्यक्रममा सम्बोधन गर्नुहुँदै गणतन्त्र, धर्मनिरपेक्षता, सङ्घीयता जस्ता परिवर्तनलाई उल्ट्याउन खोजिएको भन्नुहुँदै सो कुरा बताउनुभएको हो। यो विषयले आफूलाई सबैभन्दा बढी चिन्तित तुल्याएको भनाइ पनि उहाँले जोड्नुभयो।अध्यक्ष दाहालले भन्नुभयो, “प्रदेश र सङ्घको निर्वाचनको संघारमा छौँ। अहिले जे प्रहार भइरहेको छ, विभिन्न कोणबाट यो परिवर्तन उल्ट्याउन। पार्टी र नेतृत्वलाई निस्तेज गर्ने जो चलिरहेको छ, चुनावपछि यो परिवर्तन बदल्न म सडकमा जान्छु।”अब छिट्टै आन्दोलन समेत हुने भन्नुहुँदै उहाँले पार्टी सत्तामा हुँदा कमजोर सडकमा हुँदा सधैँ बलियो भएको तर्क राख्नुभयो। आन्दोलनको नेतृत्व पनि अरूले गर्नुभन्दा पहिले माओवादीले नै गरेर निरन्तरतालाई क्रम भङ्ग गर्नुपर्नेमा उहाँले जोड दिनुभयो।अध्यक्ष दाहालले विगतमा कम्युनिष्टलाई एक ठाउँमा राख्ने, बलियो शक्ति निर्माण गर्ने, समाजवादको ठोस भिजन एवम् श्रम र सांस्कृतिक रूपान्तरणमा नयाँ आन्दोलन सिर्जना गर्ने उद्देश्यका साथ एमालेसँग वाम एकता गरिएको उल्लेख गर्नुभयो। उहाँले भन्नुभयो, “देशमा राजनीतिक स्थायित्व र समाजवादको लामो यात्रामा जान सकिन्छ। हाम्रा आग्रह, पूर्वाग्रह छोडिदिऊँ, त्यो मैले नै भनेको हो। तपाईंहरुलाई ठिक लाग्छ, लाग्दै त्यो सोध्ने अधिकार हो। तर, सचेत रूपले गरिएको हो।” विगतमा तत्कालीन ओली सरकारले गरेको संसद् विघटन लगायतका सबै घेराबन्दीको नेतृत्व गरेको दाबी उहाँले गर्नुभयो। उहाँले अहिले विश्वमा समेत राजनीतिक ध्रुवीकरण देखा परेको भन्नुहुँदै आत्मनिर्भर अर्थतन्त्रका निम्ति उत्पादन वृद्धिको हुनुपर्ने भनाइ राख्नुभयो।
-original-thumb.jpg)
रुपन्देही २ बाट एमाले उपाध्यक्ष पौडेलको नाम सिफारिस
नेकपा (एमाले) का उपाध्यक्ष तथा पूर्व अर्थमन्त्री विष्णु पौडेल रुपन्देही निर्वाचन क्षेत्र नम्बर २ बाट प्रतिनिधिसभा सदस्यको उम्मेदवारका लागि सर्वसम्मत सिफारिस हुनुभएको छ ।
एमाले महासचिव पोखरेलको एकल नाम सिफारिस
प्रतिनिधि सभा निर्वाचनका लागि नेकपा (एमाले) का महासचिव शंकर पोखरेलको नाम एकल सिफारिस गरिएको छ । एमाले क्षेत्रीय समन्वय कमिटीको आइतबार घोराहीमा बसेको बैठकले महासचिव पोखरेललाई प्रतिनिधि सभा सदस्य निर्वाचनका लागि एकल उम्मेद्वार छनोट गरेर पठाएको हो ।
एमाले अछामबाट रावल र बोगटीको नाम सिफारिस
नेपाल कम्यूनिष्ट पार्टी (एमाले) अछामले प्रतिनिधिसभाका दुई निर्वाचन क्षेत्र रहेको अछाममा दुवै क्षेत्रबाट आगामी निर्वाचनको उम्मेदवार सर्वसम्मत रुपमा एकल नाम सिफारिस गरेको छ । दलको सम्बन्धित क्षेत्र समन्वय समितिले प्रतिनिधिसभाको अछाम –१ मा डा. भीमबहादुर रावल र क्षेत्र नं. २ मा यज्ञबहादुर बोगटीको नाममा एकल रुपमा सिफारिस गरेको हो । रावल र बोगटी सोही क्षेत्रका वर्तमान प्रतिनिधिसभा सदस्य हुनुहुन्छ ।
निजामती ऐन रूपान्तरण गरेर ल्याउन सरकार गम्भीर छ : प्रधानमन्त्री देउवा
प्रधानमन्त्री देउवाले सरकारी कार्यलयहरुमा अझै पनि नागरिक मैत्री काम हुन नसकेको भन्दै यसलाई तत्काल सुधार गरी जनतालाई बिना कुनै झन्झट चुस्त सार्वजनिक सेवा प्रवाह गर्न निर्देशन दिनुभयो ।
प्रधानमन्त्री देउवा र माओवादी अध्यक्ष दाहालबीच भेटवार्ता
नेपाली कांग्रेसका सभापति एवम् प्रधानमन्त्री शेरबहादर देउवा र नेकपा (माओवादी केन्द्र) का अध्यक्ष पुष्पकमल दाहालबीच आइतबार बिहान प्रधानमन्त्री निवास बालुवाटारमा भेटवार्ता भएको छ ।
मुख्यमन्त्री राउत पर्सा क्षेत्र नं १ (ख) बाट सिफारिस
जनता समाजवादी पार्टी नेपाल ९जसपा०ले मधेस प्रदेशका मुख्यमन्त्री डा लालबाबु राउतलाई पर्सा क्षेत्र नं १ को (ख) बाट प्रदेशसभा सदस्यका लागि उम्मेदवारका लागि सिफारिस गरेको छ । गत निर्वाचनमा पनि जसपाले उहाँलाई सोही क्षेत्रबाट प्रदेशसभा सदस्यमा सिफारिस गरेको थियो ।
पूर्वराष्ट्रसेवकलाई ‘मञ्च’ दिइने
नेपाली कांग्रेसका महामन्त्री गगनकुमार थापाले पूर्वराष्ट्रसेवकलाई नीति निर्माण क्षेत्रमा जिम्मेवारी दिनुपर्ने बताउनुभएको छ। प्रशासन, व्यवस्थापन र विकास केन्द्रको २०औँ साधारण सभालाई सम्बोधन गर्दै पूर्वमन्त्री थापाले पूर्वराष्ट्रसेवकको ज्ञान, सीप र दक्षतालाई राष्ट्रको नीति निर्माणमा सदुपयोग गर्नुपर्ने बताउनुभएको हो। कांग्रेसले पूर्वप्रशासक, व्यवस्थापकसहित विभिन्न क्षेत्रमा नेतृत्व गर्नुहुने पूर्वराष्ट्रसेवकका लागि मञ्च सिर्जना गर्ने बताउँदै उहाँले यसका लागि पार्टीमा छलफल गर्ने प्रतिबद्धता व्यक्त गर्नुभयो।
‘निष्पक्ष निर्वाचनको व्यवस्था मिलाइएको छ’
प्रधानमन्त्री शेरबहादुर देउवाले नेपाली कांग्रेस नेतृत्वको सरकारले आगामी निर्वाचन निष्पक्ष र भयरहित वातावरणमा सम्पन्न गर्न आवश्यक सबै व्यवस्था मिलाइसकेको बताउनुुभएको छ । सङ्घीय तथा प्रदेशको निर्वाचनमा प्रजातन्त्रवादी चिकित्सकको भूमिका विषयमा शनिबार आयोजित अन्तक्र्रियामा प्रधानमन्त्री देउवाले नेपालको स्वास्थ्य सेवालाई विश्वस्तरमा प्रतिस्पर्धा गर्न सक्नेगरी अघि बढाउन आगामी निर्वाचनपछि नेपाली कांग्रेसको नेतृत्व सरकार आवश्यक भएको बताउनुभयो ।
ओखलढुङ्गा काँग्रेसले उम्मेदवारको नाम टुंग्यायो
आगामी मंसिर ४ गते हुने प्रतिनिधि सभा र प्रदेश सभा निर्वाचनको लागि नेपाली कांग्रेस ओखलढुङ्गाले उम्मेदवारको नाम सिफारिस गरेको छ ।
कांग्रेस झापा क्षेत्र नम्बर ३ बाट सिटौला, ४ बाट थेबे सिफारिस
नेपाली कांग्रेस झापा क्षेत्र नम्बर ३ बाट प्रतिनिधिसभा सदस्य प्रत्यक्षतर्फ नेपाली कांग्रेसका नेता तथा पूर्व गृहमन्त्री कृष्णप्रसाद सिटौलाको एकमात्र नाम सर्वसम्मत सिफारिस भएको छ।
गुरुङको नाम लमजुङ प्रदेश ‘ख’ बाट सिफारिस
नेकपा (एमाले) का उपमहासचिव पृथ्वीसुब्बा गुरुङको नाम लमजुङ प्रदेश ‘ख’ बाट सिफारिस भएको छ । एमाले लमजुङले मंसिर ४ गते हुने प्रतिनिधि सभा र प्रदेश सभा निर्वाचनका लागि उम्मेदवार सिफारिस गर्दै प्रदेश ‘ख’ प्रत्यक्षतर्फ गुरुङलाई सिफारिस गरेको हो ।
राम कार्की ओखलढुंगाबाट केन्द्रको एकल उम्मेदवार
मंसिर ४ गते हुने प्रतिनिधिसभा र प्रदेश सभाका लागि नेकपा (माओवादी केन्द्र) ओखलढुङ्गाले प्रतिनिधि सभाका लागि राम कार्कीको एकल नाम सिफारिस गरेको छ।
सिट बाँडफाँटमा सहमति जुटाउने प्रयास जारी छ : माधव नेपाल
शशिधर पराजुलीविराटनगर, भदौ १८ गते। पूर्व प्रधानमन्त्री तथा नेकपा (एकीकृत समाजवादी)का अध्यक्ष माधवकुमार नेपालले पार्टीका आन्तरिक समस्याले गठबन्धनबीच सिट बाँडफाँटमा केही ढिलाइ भएको बताउनुभएको छ। विराटनगरमा शनिबार सञ्चारकर्मीसँगको कुराकानीमा अध्यक्ष नेपालले दलबीच केही दिनभित्रै सहमति बन्ने जानकारी दिनुभयो। ‘‘गठबन्धनभित्र सिट बाँडफाँटबारे सहमति जुटाउने प्रयास भइरहेको छ। तर, सबै दलले आ–आफ्ना अडान राखिराखेका छन्,’’ अध्यक्ष नेपालले भन्नुभयो, ‘‘केही दिनभित्रै सहमतिमा यो विषय टुंगिन्छ।’’ गठबन्धनमा रहेको दलको हिसाबमा एकीकृत समाजवादीले पाउने सिट संख्याको बारेमा भने अध्यक्ष नेपालले स्पष्ट जवाफ दिनुभएन। उहाँले भन्नुभयो, ‘‘तपाईँहरुले मिडियामा ४० सिट भनेर लेख्नुभएको छ, कसैले ३० भनेका छन्, त्यो ५० पनि हुनसक्छ, १५, १०, एक वा नहुन पनि सक्छ।’’ नेपालले जित्ने संभावनाका आधारमा गठबन्धन दलहरूबीच सिट बाँडफाँट हुनुपर्ने धारणा आफूले राखेको प्रष्ट पार्नुभयो। अध्यक्ष नेपालले चुनाव अघि वाम एकताको सम्भावना नरहेको र तत्काल माओवादीसँग एकता पनि नहुने बताउनुभयो। एकीकृत समाजवादी निकट कर्मचारीको विराटनगरमा आयोजना गरिएको भेलालाई सम्बोधन गर्दै नेता नेपालले आउँदो चुनावमा पार्टीले समानुपातिकतर्फ २० लाख मत प्राप्त गर्ने बताउनुभयो। ‘‘समानुपातिकबाट २० लाख मत ल्याए २० देखि २५ सिट सुरक्षित गर्छौं,’’ उहाँले भन्नुभयो।
सरकारले जनताको पक्षमा काम गर्न सकेन : नेम्वाङ
नेकपा (एमाले) का उपाध्यक्ष तथा संविधानसभा अध्यक्ष सुवासचन्द्र नेम्वाङले लोकतान्त्रिक व्यवस्थामा जनताको बलमा सरकार बन्ने भए पनि अहिलेको सरकारलाई सर्वोच्च अदालतको परमादेशले बनेकाले जनताको पक्षमा काम गर्न नसकेको बताउनुभएको छ ।
प्रदेशलाई नयाँ काम दिन्छु : मुख्यमन्त्री केसी
लुम्बिनी प्रदेशका मुख्यमन्त्री कुलप्रसाद केसीले आफ्नो कार्यकालमा लुम्बिनी प्रदेशका लागि नयाँ काम दिने प्रतिवद्धता जनाउनुभएको छ । नेपाल राष्ट्रिय वन प्राविधिक सञ्जाल लुम्बिनी प्रदेशको प्रथम प्रदेश अधिवेशनमा शनिबार उहाँले सो प्रतिवद्धता जनाउनुभएको हो ।
नेपालको बिकासमा भारतको सहयोग उल्लेख्य : गृहमन्त्री खाण
गृहमन्त्री बालकृष्ण खाणले नेपालको बिकासमा भारत सरकारको सहयोग उल्लेख्य रहेको बताउनुभएको छ । नेपालको शिक्षा, स्वास्थ्य, भौतिक पूर्वाधार विकासमा भारतको ठूुलो सहयोग रहेको उहाँको भनाइ छ ।
युवाहरु बुथको रक्षक हुनुस् : अध्यक्ष ओली
नेकपा (एमाले) का अध्यक्ष एवम् पुर्व प्रधानमन्त्री केपी शर्मा ओलीले मंसिर ४ मा हुने निर्वाचनमा युवाहरुलाई दर्शकको रुपमा नभइ बुथको रक्षकको भूमिका खेल्न आग्रह गर्नुभएको छ ।
नेकपा विप्लवको पार्टी परित्याग गरेर कांग्रेसमा प्रवेश
काठमाडौं, भदौ १८ गते। नेकपा नेत्रविक्रम चन्द ‘विप्लव’ समूहका केही नेता नेपाली कांग्रेसमा प्रवेश गरेका छन्। शनिबार बिहान प्रधानमन्त्री निवास बालुवाटारमा कांग्रेस सभापति एवं प्रधानमन्त्री शेरबहादुर देउवाले नेपाली कांग्रेसको सदस्यता दिएर पार्टी प्रवेश गराउनु भएको हो।कांग्रेस सभापति एवम् प्रधानमन्त्रीको निजी सचिवालयका अनुसार नेकपा ‘विप्लव’ समूहका वैकल्पिक केन्द्रीय सदस्य एवं बैतडी इन्चार्ज रमेश परियार, जनमुक्ति पार्टीका केन्द्रीय उपाध्यक्ष रविन्द्र सुनार, अखिल नेपाल महिला संघ (क्रान्तिकारी) कंञ्चनपुरका जिल्ला अध्यक्ष कल्पना परियारलगायत नेता कांग्रेस प्रवेश गर्नुभएको हो। त्यसैगरी नेकपा काठमाडौं–कंञ्चनपुर सम्पर्क मञ्चका अध्यक्ष दिपेश नागरी र मञ्चका सचिव राधव परियारसहितका नेता तथा कार्यकर्ता नेपाली कांग्रेसका प्रवेश गर्नुभएको हो।कांग्रेस केन्द्रीय सदस्य रमेश लेखकको पहलमा उहाँहरु कांग्रेस प्रवेश गर्नुभएको हो।
समाजवादीका अधिकांश नेता एमालेमा फर्किए
नेकपा (एकीकृत समाजवादी) सर्लाहीको जिल्ला नेतृत्वका अधिकांश पदाधिकारी एमालेमा फर्किनुभएको छ । सदरमुकाम मलङ्गवास्थित एमाले जिल्ला पार्टी कार्यालयमा आयोजित एक समारोहमा समाजवादीका नेताहरु एमालेमा समाहित हुनुभएको हो ।
