उपसभामुखको निर्वाचन शनिबार
प्रतिनिधिसभाको उपसभामुखको निर्वाचन यही माघ ७ मा हुने भएको छ । आजको प्रतिनिधिसभा बैठकमा ज्येष्ठ सदस्य पशुपति शम्शेर जबराले उक्त जानकारी गराउनुभएको हो ।
सभामुख पदमा एमालेका देवराज घिमिरे निर्वाचित
प्रतिनिधि सभाको सभामुखमा नेकपा (एमाले) का सांसद देवराज घिमिरे निर्वाचित हुनुभएको छ । झापाको अर्जुनधारा नगरपालिका –६ घर हुनुभएका घिमिरे झापा क्षेत्र नम्बर २ बाट प्रतिनिधि सभा सदस्यमा निर्वाचित हुनुभएको हो ।उहाँले १६७ मत प्राप्त गर्नुभएको छ ।
सभामुखमा जसपाको समर्थन एमालेका घिमिरेलाई
जनता समाजवादी पार्टीले सभामुखमा नेकपा (एमाले) का उम्मेदवार देवराज घिमिरेलाई समर्थन गर्ने भएको छ । जसपा प्रवक्ता मनिष सुमनले सभामुखका उम्मेदवार घिमिरेलाई समर्थन गर्ने बताउनुभयो ।
सभामुख पदका लागि निर्वाचन सुरु
प्रतिनिधि सभा सभामुख पदका लागि मतदान प्रक्रिया सुरु भएको छ । सभामुखको निर्वाचनका लागि मतदान प्रक्रिया सुरु भएको हो ।
राष्ट्रियसभा शून्य समय : हवाई यातायातलाई सुरक्षित बनाउन माग
राष्ट्रियसभा बैठकको शून्य समयमा सांसदहरुले विश्वभरि नै सुरक्षित मानिएको हवाई यातायातलाई नेपाली आकाशलाई पनि सुरक्षित बनाउन सरकारको ध्यानाकर्षण गराएका छन् ।
कृषि उत्पादन वृद्धि हुनेगरी काम गर्छु : कृषिमन्त्री साह
कृषि तथा पशुपंक्षी विकास मन्त्री ज्वालाकुमारी साहले कृषि क्षेत्रमा कम खर्च गरी धेरै उत्पादन वृद्धि हुनेगरी काम गर्ने प्रतिवद्धता जनाउनुभएको छ ।
एमाले अध्यक्षको भनाइले सङ्घीयता खतरामा परेकाे जस्तो छः सांसद निधि
नेपाली काँग्रेसका सांसद विमलेन्द्र निधिले न्यायपालिकालाई नै निर्देशन दिने प्रणालीबाट सबै जनता झस्किएको बताउनुभएको छ । बिहीबार प्रतिनिधि सभाको बैठकमा बोल्दै उहाँले यस्तो बताउनुभएको हो । उहाँले प्रतिनिधि सभा विघटन प्रतिगामी होइन भन्ने नेकपा एमालेका अध्यक्ष केपी शर्मा ओलीको व्यवहारबाट सबै झस्किएको समेत बताउनुभयो ।
सभामुख पद कांग्रेसले पाउनुपर्छ : सांसद शर्मा
नेपाली कांग्रेसका महामन्त्री एवम् सांसद विश्वप्रकाश शर्माले सत्तापक्षको सरकार र प्रतिपक्षको संसद भन्ने मान्यतालाई अघि बढाउन सभामुख पद आफ्नो पार्टीले पाउनुपर्ने तर्क गर्नुभएको छ ।
प्रम प्रचण्डलाई जस्तै सभामुखमा घिमिरेलाई मत दिनुपर्छ: सांसद भट्टराई
नेकपा एमालेका सांसद योगेशकुमार भट्टराईले नेपाली काँग्रेसकै कारण वि.सं. २०७४ सालमा राष्ट्रपति सर्वसम्मत रुपमा हुन नसकेको बताउनुभएको छ ।बिहीबार प्रतिनिधि सभाको बैठकमा बोल्दै उहाँले यस्तो बताउनुभएको हो ।
पश्चिम सेती निर्माणमा साझेदारी गर्छौं : मुख्यमन्त्री रावल
सुदूरपश्चिमका मुख्यमन्त्री राजेन्द्रसिंह रावलले पश्चिम सेती र सेती छैटाैं विद्युत परियोजना निर्माणमा आवश्यक सहयोगसहित साझेदारीका लागि प्रतिवद्धता बताउनुभएको छ ।
-original-thumb.jpg)
शहीदको सपना साकार गर्न प्रदेश सरकार प्रतिबद्ध छः मन्त्री यादव
मधेश प्रदेश सरकारका विना विभागीय मन्त्री सन्जय यादवले शहीदको सपना सकार गर्न मधेश सरकार प्रतिवद्ध रहेको बताउनुभएको छ । वदिलानी दिवसको अवसरमा लहानको सहिद पार्कमा सहिदहरुलाई माल्यापर्ण कार्यक्रमलाई सम्बोधन गर्दै यस्तो बताउनुभएको हो ।
सभाले खोजेको सभामुख ईश्वरी न्यौपाने हो : प्रकाश ज्वाला
नेकपा (एकीकृत समाजवादी) का सांसद प्रकाश ज्वालाले सभामुख पदका लागि ईश्वरीदेवी न्यौपाने योग्य पात्र भएको बताउनुभएको छ ।
देवराज घिमिरे सभामुख पदको सुयोग्य पात्र : मन्त्री लिङ्देन
उर्जा, जलस्रोत तथा सिंचाइमन्त्री एवम् राष्ट्रिय प्रजातन्त्र पार्टीका अध्यक्ष राजेन्द्रप्रसाद लिङ्देनले देवराज घिमिरेलाई सभामुखमा निर्वाचित गर्न सांसदहरुसँग आग्रह गर्नुभएको छ ।
गृह मन्त्रालय आफ्नो विधि र पद्धतिभन्दा बाहिर जाँदैन : गृहमन्त्री
उपप्रधान एवम् गृहमन्त्री रवि लामिछानेले आम नागरिकलाई प्रत्यक्ष सरोकार राख्ने शिक्षा, स्वास्थ्यलगायतका विषयमा संसदले आवश्यक काम अघि बढाउन नसकेको बताउनुभएको छ ।
आफ्नो दललाई प्रमुख प्रतिपक्ष दल घोषणा गर्न सांसद सुवालको माग
नेपाल मजदुर किसान पार्टी (नेमकिपा) का सांसद प्रेम सुवालले आफ्नो दललाई प्रमुख प्रतिपक्ष दल घोषणा गर्न माग गर्नु भएको छ । बिहीबार प्रतिनिधि सभा बैठकमा बोल्नुहुँदै सांसद सुवालले प्रतिनिधि सभा बैठक स्थगित गरेर आफ्नो दललाई पहिला प्रमुख प्रतिपक्ष दल घोषणा गर्नुपर्ने तर्क समेत गर्नु भयो ।
प्रतिनिधि सभा बैठकबाट सभामुख चयन हुँदै (प्रत्यक्ष प्रसारण)
प्रतिनिधि सभाको सभामुखका लागि चयन प्रक्रिया नयाँ बानेश्वरस्थित संसद् भवनमा सुरु भएको छ । सभामुखमा नेकपा (एमाले) का देवराज घिमिरे र नेपाली कांग्रेसका ईश्वरीदेवी न्यौपानेको उम्मेदवारी परेको छ ।
कोभिडको असरबाट तङ्ग्रिन योजना बन्दै छ : मन्त्री शर्मा
सञ्चार तथा सूचना प्रविधिमन्त्री रेखा शर्माले मन्त्रालयको कार्यक्षेत्र र मन्त्रालयले गर्नुपर्ने सबै काम निर्भीक ढङ्गले कुशलतापूर्वक सम्पादन गर्ने बताउनुभएको छ। उहाँले त्यसका लागि आफूले सकारात्मक प्रयत्न गर्ने वचन पनि दिनुभएको छ। राससलाई दिनुभएको अन्तर्वार्तामा उहाँले सरकारका प्राथमिकता, नीति तथा कार्यक्रममा समेटिएको बताउँदै तीबाहेक खट्किएका विषयलाई पनि समाधान गर्ने प्रतिबद्धता जनाउनुभयो। सूचना र प्रविधिको सही तरिकाले प्रयोग हुने हो भने हाम्रा धेरैजसो समस्या समाधानको बाटोमा जान्छन् भन्दै उहाँले विकास र समृद्धिको बाटोमा अगाडि बढ्न प्रविधिको उचित प्रयोग गर्न नसकेको स्पष्ट पार्नुभयो।
पदक तथा विभूषण मापदण्ड बनाइने
सञ्चार तथा सूचना प्रविधिमन्त्री रेखा शर्मा सरकारको प्रवक्तामा नियुक्त हुनुभएको छ। प्रधानमन्त्री तथा मन्त्रिपरिषद्को कार्यालय सिंहदरबारमा बुधबार बसेको मन्त्रिपरिषद् बैठकले सञ्चारमन्त्री शर्मालाई प्रवक्ता नियुक्त गर्ने निर्णय गरेको हो। उहाँ मङ्गलबार सञ्चार तथा सूचना प्रविधिमन्त्री नियुक्त हुनुभएको हो। यसअघि उपप्रधानमन्त्री तथा अर्थमन्त्री विष्णुप्रसाद पौडेल प्रवक्ताको जिम्मेवारीमा हुनुहुन्थ्यो। सञ्चारमन्त्री नै सरकारको प्रवक्ता रहने परम्परा छ।
एमाले मधेश प्रदेश अधिवेशन चैतमा
नेकपा (एमाले) को मधेश प्रदेश अधिवेशन आउँदो चैत महिनामा हुनेभएको छ । बुधबार धनुषाको ढल्केवरमा एमाले मधेश प्रदेश कमिटीको सचिवालय बैठकले प्रदेश अधिवेशन चैत महिनामा सम्पन्न गर्ने निर्णय गरेको हो ।
मन्त्रिपरिषद् निर्णय : सरकारको प्रवक्तामा सञ्चारमन्त्री शर्मा
सञ्चार तथा सूचना प्रविधिमन्त्री रेखा शर्मालाई सरकारको प्रवक्ताको जिम्मेवारी दिइएको छ । बुधबार अपराह्न सिंहदरबारस्थित प्रधानमन्त्री तथा मन्त्रीपरिषद्को कार्यालयमा बसेको मन्त्रीपरिषद्को बैठकले सञ्चारमन्त्री शर्मालाई नेपाल सरकारको प्रवक्ताको जिम्मेवारी दिने औपचारिक निर्णय गरेको हो ।
जसपा सरकारमा सहभागी नहुने
जनता समाजवादी पार्टी (जसपा) सरकारमा नजाने निर्णय गरेको छ । बुधबार बसेको सो दलको संसदीय दलको बैठकमा सरकारमा जाने या नजाने विषयमा छलफल गर्दा सो निर्णय गरेको सो दलले जनाएको छ ।
मेरो जित्ने आधार सांसद हुन्, जित्नेमा विश्वस्त छु : उम्मेदवार न्यौपाने
सभामुख पदका लागि दुई जनाको उम्मेदवारी दर्ता भएको सङ्घीय संसद् सचिवालयले जनाएको छ । सचिवालयका महासचिव डा. भरतराज गौतमले सभामुखका लागि नेकपा (एमाले) का देवराज घिमिरे र नेपाली कांग्रेसका ईश्वरी देवी न्यौपानेले उम्मेदवारी दिनुभएको जानकारी दिनुभयो ।
नवनियुक्त पर्यटन राज्यमन्त्री ठकुरीद्वारा शपथ
प्रधानमन्त्री पुष्पकमल दाहाल ‘प्रचण्ड’ले नवनियुक्त संस्कृति, पर्यटन तथा नागरिक उड्डयन राज्यमन्त्री सुशीला श्रीपालि ठकुरीलाई पद तथा गोपनीयताको शपथ गराउनुभएको छ ।
खनालको संयोजनमा समाजवादीको पार्टी दस्ताबेज मस्यौदा समिति गठन
नेकपा (एकीकृत समाजवादी) ले १३ सदस्यीय पार्टीको दस्ताबेज मस्यौदा समिति गठन गरेको छ ।
मधेशका मुख्यमन्त्री यादवलाई विश्वासको मत प्राप्त
मधेश प्रदेशका मुख्यमन्त्री सरोजकुमार यादवले बुधबार विश्वासको मत प्राप्त गर्नुभएको छ । प्रदेश सभाको पहिलो अधिवेशनको चौथो बैठकबाट मुख्यमन्त्री यादवले विश्वासको मत प्राप्त गर्नुभएको हो ।
