एमाले सांसद राष्ट्रियसभा बैठकबाट बाहिरिए
सभाअध्यक्ष गणेशप्रसाद तिमिल्सिनाले अर्थमन्त्री जनार्दन शर्मालाई आगामी आर्थिक वर्षको विनियोजन विधेयकमाथि सांसदहरुले उठाएको प्रश्नको जवाफ दिन रोष्टममा बोलाउनेबित्तिकै एमालेका सांसदहरु बैठकबाट बाहिरिएका हुन् ।
राष्ट्रियसभा बैठक ३० मिनेटका लागि स्थगित
राष्ट्रियसभा बैठक ३० मिनेटका लागि स्थगित भएको छ । सोमबार बिहान ११ बजेबाट जारी रहेको राष्ट्रियसभा बैठकमा ३० मिनेटका लागि स्थगित भएको राष्ट्रियसभाका अध्यक्ष गणेशप्रसाद तिमिल्सिनाले जानकारी दिनुभयो ।
‘बजेट अभावले महिला मन्त्रालयले चाहेअनुसारको काम गर्न सक्दैन’
महिला, बालबालिका तथा ज्येष्ठ नागरिकमन्त्री उमा रेग्मीले आफ्नो मन्त्रालयमा न्यून बजेट विनियोजन हुँदै आएकाले सोचेअनुसारको काम हनु नसकेको बताउनुभएको छ ।
सङ्घीय निजामती ऐन छिट्टै संसदमा दर्ता हुन्छ : सङ्घीय मामिला मन्त्री श्रेष्ठ
सोमबारको राष्ट्रियसभा बैठकमा जारी विनियोजित बजेटमाथि उठेका प्रश्नको जवाफ दिनुहुँदै मन्त्री श्रेष्ठले प्रतिनिधिसभाको बैठक नियमित सञ्चालन भइरहेको भन्दै चाँडै संसदमा सङ्घीय निजामति ऐन दर्ता गर्ने बताउनुभयो ।
आगामी दुई वर्षभित्र सबै नेपालीका लागि विद्युत् सेवा पुग्ने : ऊर्जामन्त्री भुसाल
ऊर्जा, जलस्रोत तथा सिंचाइ मन्त्री पम्फा भुसालले आगामी दुई वर्षभित्र सबै नेपालीका लागि विद्युत सेवा पुग्ने बताउनुभएको छ ।
मुलुकका सहकारीलाई सूचना प्रणालीमा आबद्ध गरिँदै
राष्ट्रियसभा बैठकमा भूमि व्यवस्था, सहकारी तथा गरिबी निवारणमन्त्री शशि श्रेष्ठले सहकारी संस्थाको एकीकृत सूचना, सुशासन प्रवर्द्धन र प्रभावकारी नियमनमा सूचना प्रविधिको प्रयोगलाई जोड दिने उद्देश्यले सबै सहकारीलाई सूचना प्रणालीमा आबद्ध गर्न लागिएको जानकारी दिनुभयो ।
लक्ष्यअनुसारको सडक सम्पन्न हुन सकेन : भौतिकमन्त्री यादव
भौतिक पूर्वाधार तथा यातायातमन्त्री रेणुकुमारी यादवले निर्माण व्यवसायीको ‘कन्स्ट्रक्सन होलिडे’ र कोभिड सङ्क्रमणलगायत कारणले लक्ष्यअनुसारको सडक निर्माण नहुने देखिएको बताउनुभएको छ ।
नेपाललाई कुनै पनि सामरिक वा रणनीतिक गठबन्धनमा प्रवेश गराइँदैन : परराष्ट्रमन्त्री खड्का
सोमबार राष्ट्रियसभा बैठकमा विनियोजन विधेयक, २०७९ मा परराष्ट्र मन्त्रालयअन्तर्गत उठेका प्रश्नहरुको जवाफ दिनुहुँदै मन्त्री खड्काले नेपालको राष्ट्रिय हित र असंलग्न परराष्ट्र नीतिको विपरित हुनेगरी कुनैपनि सामरिक वा रणनीतिक गठबन्धनमा नेपाललाई प्रवेश नगराइने बताउनुभएको हो ।
खानेपानीमा देखिएको आर्सेनिक समस्या समाधान गर्छौं : खानेपानीमन्त्री चौधरी
खानेपानी मन्त्री उमाकान्त चौधरीले तराईका जिल्लाहरुमा खानेपानीमा देखिएको आर्सेनिक समस्याको समाधान गर्दै तीनै तहको सरकारबीच सहकार्य गर्नुपर्ने बताउनुभएको छ ।
राष्ट्रियसभा बैठक
राष्ट्रियसभा बैठक सुरु भएको छ । नयाँबानेश्वरस्थित सङ्घीय संसद् भवनमा सोमबार बिहान ११ बजेबाट सुरु भएको हो ।
प्रतिनिधिसभाबाट दुई विधेयक स्वीकृत : अर्को बैठक असार २० गते
प्रतिनिधिसभाको अर्को बैठक असार २० गते सोमबार दिउँसो १ बजे बस्नेछ।
सर्वोच्चको आदेशले सडक विस्तार रोकियो : मन्त्री झाँक्री
सहरी विकासमन्त्री रामकुमारी झाँक्रीले सर्वोच्च अदालतको आदेशका कारण सडक विस्तारको काम रोकिएको बताउनुभएको छ।
सुदूरपश्चिम प्रदेश सभाको बैठक दोस्रो पटक स्थगित
सुदूरपश्चिम प्रदेश सभाको बैठक दोस्रो पटक स्थगित भएको छ । आइतबार दिउँसो ३ बजे बोलाइएको बैठक प्रदेश सभा सचिवालयले सूचना टाँस गरेर स्थगित भएको जनाएको हो ।
विभिन्न मुलुकमा अलपत्र एक हजार १२ कामदारको उद्धार
काठमाडौं, असार १२ गते। श्रम, रोजगार तथा सामाजिक सुरक्षामन्त्री कृष्णकुमार श्रेष्ठले वैदेशिक रोजगारीलाई सुरक्षित र भरपर्दो बनाउन सरकारले विशेष ध्यान दिने बताउनुभएको छ। उहाँले वैदेशिक रोजगारीका क्रममा विभिन्न मुलुकमा अलपत्र एक हजार १२ जनाको उद्धार गरिएको जानकारी दिनुभयो। राष्ट्रियसभाको बैठकमा विनियोजन विधेयक, २०७९ अन्तर्गत उठेका प्रश्नमाथि जवाफ दिँदै मन्त्री श्रेष्ठले वैदेशिक रोजगारीमा जानेको सङ्ख्या वृद्धिसँगै यस क्षेत्रमा देखिएका विकृतिको अन्त्यका लागि अनलाइन प्रणालीबाट श्रम स्वीकृति दिन थालिएको र गुनासा तत्काल सम्बोधनको व्यवस्था गरिएको स्पष्ट गर्नुभयो। तोकेभन्दा बढी रकम लिने म्यानपावर कम्पनीलाई कारबाहीको दायरामा ल्याई पीडित श्रमिकलाई राहत दिइएको, वैदेशिक रोजगार हेर्नेगरी अलग्गै प्रहरी युनिट खडा गर्ने तयारी भएको, पीडितलाई क्षतिपूर्ति दिनेक्रम जारी रहेको अवगत गराउनुभयो। उहाँले प्रधानमन्त्री रोजगार कार्यक्रमबाट एक लाख २१ हजारको रोजगारी सिर्जना गरिएको, सामाजिक सुरक्षा कार्यक्रममा वृद्धि हुँदै गएको, युवाको सीप सिकेर रोजगारमा जानेको सङ्ख्या वृद्धि हुने र मन्त्रालयको सेवा प्रवाहमा सुशासन तथा सुधारको क्रम वृद्धि हुँदै जाने विश्वास पनि व्यक्त गर्नुभयो। सभाको आगामी बैठकमा बाँकी रहेका मन्त्रालयगत विभिन्न शीर्षकमा उठेका प्रश्नमा सम्बन्धित मन्त्रीले जवाफ दिने तय भएको छ। सभाको अर्को बैठक यही असार १३ गते सोमबार बिहान ११ बजे बस्नेछ। रासस
गणपूरक संख्या नपुगेर स्थगित प्रतिनिधिसभाको बैठक सुरु
आजै आधा घन्टाका लागि स्थगित भएको प्रतिनिधिसभाको बैठक सुरु भएको हो।
राष्ट्रिय सभाको अर्को बैठक सोमबार बस्ने
राष्ट्रिय सभाको अर्को बैठक सोमबार बस्ने भएको छ।
गणपूरक सङ्ख्या नपुगेपछि प्रतिनिधिसभा बैठक स्थगित
विधेयकमाथि विचार गरियोस् भन्ने प्रस्ताव निर्णयार्थ पेश गर्न गणपूरक सङ्ख्या नपुगेकाले आजै आधा घन्टाका लागि प्रतिनिधिसभाको बैठक स्थगन भएको छ।
प्रतिनिधिसभाको शून्य समयमा कुन सांसदले के भन्नुभयाे ?
काठमाडौं, असार १२ गते। प्रतिनिधिसभा बैठकको शून्य समयमा सांसदले समसामयिक विषयमा धारणा राख्नुभएको छ। अमृता थापाले उपसभामुख र राष्ट्रिय सभाको उपाध्यक्षको निर्वाचन गरी सङ्घीय संसदलाई पूर्णता दिन माग गर्नुभएको छ। आइतबारको प्रतिनिधिसभा बैठकको शून्य समयमा बोल्दै प्रतिनिधिसभा सदस्य थापाले उपसभामुख र राष्ट्रिय सभाको उपाध्यक्षको पद लामो समयदेखि खाली भएको उल्लेख गर्दै तत्काल निर्वाचन गरेर सङ्घीय संसदलाई पूर्णता दिन माग गर्नुभएको हो। उहाँले यसपालिको स्थानीय तहको निर्वाचनमा १२४ जना दलित महिला सदस्य खाली भएको भन्दै कानुन संशोधन गरेर भए पनि खाली ठाउँमा जनप्रतिनिधिको सङ्ख्यालाई पूर्णता दिने व्यवस्था गर्न पनि माग गर्नुभयो।प्रतिनिधिसभा सदस्य आशाकुमारी बिकले गत कार्तिक ३० गते बझाङमा आएको वर्षाले ११ सय घर परिवार विस्थापित भएको भन्दै पूर्ण क्षति भएका घर अझै बन्न नसकेकोप्रति सरकारको जवाफ माग गर्नुभयो। उहाँले विपद् व्यवस्थापनमा सरकारको तयारी के छ त्यसको पनि जवाफ माग गर्नुभयो। प्रतिनिधि सभा सदस्य इन्दुकुमारी शर्माले नागरिकता विधेयक पास नहुँदा कतिपय नागरिकले देशभित्रै अनागरिकसरह कष्टकर जीवन बाँच्नुपरेको बताउनुभयो।उहाँले संसदको चालु अधिवेशनमै नागरिकता विधेयक पारित गर्न माग गर्नुभयो। प्रतिनिधिसभा सदस्य कलिला खातुनले काठमाडौंमा हैजा फैलिएको समाचार आएको उल्लेख गर्दै यसतर्फ सरकारको ध्यानाकर्षण गराउनुभयो।प्रतिनिधिसभा सदस्य कृष्णगोपाल श्रेष्ठले गत जेठ १४ गते बजेट तयारीमा अर्थ मन्त्रालयमा अनधिकृत व्यक्तिको हस्तक्षेप भएको भन्दै उहाँले अर्थ मन्त्रालयको सो दिनको फुटेज सार्वजनिक गर्न माग गर्नुभयो।प्रतिनिधिसभा सदस्य कृष्णभक्त पोखरेलले विपद् व्यवस्थापनका लागि पूर्व तयारी, उद्धार, राहत र पुनस्र्थापनाका लागि सरकारको ध्यानाकर्षण गराउनुभयो। उहाँले सांसदलाई पनि विपद् अनुगमनका काममा प्रत्यक्ष सहभागी हुन आग्रह गर्नुभयो। उहाँले नारायणगढ-मुग्लिन सडकखण्डमा दैनिक रुपमा हुने पहिरोको समस्यालाई दीर्घकालीन रुपमा समाधान गर्न सरकारसँग माग गर्नुभयो।प्रतिनिधि सभा सदस्य खगराज अधिकारीले प्रधानन्यायाधीश चोलेन्द्र शमशेर जबरा विरुद्धको महाअभियोग प्रस्ताव संसदीय समितिमा लगेर छानबिन र सुनुवाइ हुनुपर्ने बताउनुभयो। प्रतिनिधि सभा सदस्य गणेश सिंह ठगुन्नाले बजारमा महँगी बढेकाले बजारमा हुने कालोबजारी र महँगी नियन्त्रण गर्न सरकारको ध्यानाकर्षण गराउनुभयो।प्रतिनिधि सभा सदस्य गङ्गा चौधरीले बलात्कारमा संलग्न राजनीतिक पहुँचवाला व्यक्ति जोडिएको मुद्दा कमजोर बनाउन महान्यायाधिवक्ता र उनको सचिवालय सक्रिय भएको आरोप लगाउनुभयो। सङ्गीता थोकरलाई सरुवा गरिएको उल्लेख गर्दै उहाँले सरुवा बदर गर्न माग गर्नुभयो। उहाँले महान्यायाधिवक्ता बलात्कारको अभियुक्तलाई जोगाउन लागेको भन्दै महान्यायाधिवक्ताको राजीनामा माग गर्नुभयो।प्रतिनिधिसभा सदस्य घनश्याम खतिवडाले बजेट बनाउने क्रममा अर्थमन्त्रीले अनाधिकृत व्यक्तिलाई अर्थ मन्त्रालयमा प्रवेश गराएकाले अर्थमन्त्रीले अविलम्ब राजीनामा गर्नुपर्ने माग गर्नुभयो।उहाँले सरकारले सुशासनको प्रत्याभूति हुनेगरी काम गर्न नसकेको भन्दै सुशासन प्रत्याभूति हुनेगरी काम हुनुपर्ने धारणा राख्नुभयो।
प्रतिनिधिसभा बैठक
प्रतिनिधि सभा बैठकको शून्य समयमा सांसदले समसामयिक विषयमा धारणा राख्नुभएको छ ।
राष्ट्रिय सभा बैठक
राष्ट्रिय सभा बैठक [प्रत्यक्ष प्रसारण]
राष्ट्रियसभामा तीन विधेयक टेबुल, अर्को बैठक आइतबार बस्ने
राष्ट्रियसभाका सचिव राजेन्द्र फुयाँलले प्रतिनिधिसभाबाट सन्देशसहित प्राप्त तीन विधेयक ‘आर्थिक विधेयक, २०७९’, राष्ट्र ऋण उठाउने विधेयक, २०७९ र ऋण तथा जमानत (२५ औँ संशोधन), २०७९ पेश गर्नुभएको हो ।
''आमाको नाममा नागरिकता दिन कन्जुस्याइँ गर्नुहुँदैन''
नेकपा (माओवादी केन्द्र) का सांसद सुरेशकुमार आलेमगरले आमाको नाममा नागरिकता दिन कन्जुस्याँई गर्नु नहुने बताउनुभएको छ ।
नागरिकता विधेयक अघि बढाउन माग
राष्ट्रियसभाको बैठकमा सांसदले नागरिकतासम्बन्धी विधेयक शीघ्र अघि बढाउने गरी प्रक्रिया सुरुआत गर्न सरकारसँग आग्रह गर्नुभएको छ ।
समयमै बैठकमा उपस्थित हुन मन्त्रीहरुलाई राष्ट्रियसभाका अध्यक्षको रुलिङ
राष्ट्रियसभाका अध्यक्ष गणेशप्रसाद तिमल्सिनाले बैठकमा समयमै उपस्थित हुन मन्त्रीहरुलाई रुलिङ गर्नुभएको छ ।
राष्ट्रियसभा बैठक (प्रत्यक्ष प्रसारण )
नयाँबानेश्वरस्थित सङ्घीय संसद् भवनमा राष्ट्रियसभा बैठक सुरु भएको छ ।
