सूर्योदयमा सिसाको पुल निर्माण हुँदै
इलामको सूर्योदय नगरपालिकाले नयाँ पर्यटकीय गन्तव्यका रुपमा सिसाको पुल (ग्लास ब्रिज)सहितको साइकल रुट निर्माण गर्ने भएको छ ।
माछापालनका लागि चार करोड अनुदान
हिमाली जिल्ला सोलुखुम्बुमा माछापालन प्रवद्र्धनका लागि करिब चार करोड रुपियाँ रकम खर्च भएको छ । जिल्लाको विभिन्न स्थानमा ट्राउट माछापालनका लागि पछिल्लो चार आर्थिक वर्षमा भेटेरिनरी अस्पताल तथा पशुसेवा विज्ञ केन्द्र ओखलढुङ्गा र पशुपन्छी तथा मत्स्य विकास निर्देशनालय विराटनगरबाट १२ वटा फार्मलाई तीन करोड ९६ लाख ५९ हजार रुपियाँ अनुदान वितरण गरिएको हो ।
कोसीमा पानीको बहाव घट्यो, तटीय क्षेत्रका विस्थापित घर फर्कंदै
सप्तकोसीमा पानीको बहाव घटेपछि तटीय क्षेत्रका विस्थापित परिवार घर फर्किन थालेका छन् । यसअघि साउन १८ गते बिहान आएको ठूलो बाढीका कारण ‘ओभर फ्लो’ भएर सप्तकोसी नदीको एक भँगालो आफ्नै पुरानो धारमा बग्न थालेपछि करिब पाँच सय घरपरिवार विस्थापित हुन पुगेका थिए ।
निर्माण सुरु भएको १० वर्षपछि भेडेटारमा खानेपानी
पर्यटकीय नगरी धनकुटाको भेडेटारमा लिफ्ट मार्फत खानेपानी आयोजना सञ्चालनमा ल्याइएको छ ।
ब्राउन सुगरसहित अटोचालक पक्राउ
लीला झापालीबिर्तामोड, साउन २९ गते । झापाको बिर्तामोड नगरपालिका –४ पुरानो बिजुली अफिस छेउबाट अटोमा लागुऔषध ब्राउन सुगर ल्याउँदै गरेको अवस्थामा प्रहरीले अटोचालकलाई पक्राउ गरेको छ । शनिबार दिउँसो साढे २ बजेको समयमा प्रहरी चौकी बिर्ताबजारबाट खटिएको प्रहरी टोलीले बिर्ताबजारबाट बुट्टावारीतर्फ जाँदै गरेको मे १ ह २९२१ नम्बरको अटोरिक्सालाई रोकी चेकजाँच गर्दा पक्राउ परेकाे हाे । अटोचालक सुनसरी घरभई हाल बिर्तामोड डेरा गरी बस्ने वर्ष ४० को उमेश चौधरीको साथबाट ४ ग्राम २०० मिलिग्राम ब्राउन सुगर फेला पारिएको जिल्ला प्रहरी कार्यालय बिर्तामोडले जनाएको छ ।यसैगरी, चौधरीलाई थप सोधपुछ गर्दा सिराह अमरुवा गाउँपालिका -५ घरभई हाल बिर्तामोड नगरपालिका -३ मा डेरा लिई बस्ने प्रतीक्षा चौधरीसमेतको सम्लग्नता रहेको बताएपछि उनको समेत डेरामा खोजतलास गर्दा थप ५ ग्राम ब्राउन सुगर फेला पारिएको प्रहरीले जनाएको छ । हाल दुबैलाई आवश्यक कारवाहीका लागि म्याद थप गरिएको जिल्ला प्रहरी कार्यालय, झापाले जनाएको छ ।
नेपाली नागरिकता परित्याग गर्ने बढे
जिल्ला प्रशासन कार्यालय मोरङमा नागरिकता परित्याग गर्न माग गर्दै निवेदन दर्ता गर्नेको सङ्ख्या बढेको छ। वैवाहिक वा अन्य कारणले देश छोडेर अर्को मुलुकमा जानेको सङ्ख्या बढेका कारण नागरिकता परित्याग गर्नेको सङ्ख्या बढेको हो। जिल्ला प्रशासन कार्यालय मोरङमा आर्थिक वर्ष २०७७/७८ मा नेपाली नागरिकता परित्याग गर्न माग गर्दै निवेदन दिने सात जना थिए। गत आर्थिक वर्ष २०७८/७९ मा ११ जनाले नागरिकता परित्याग गरेका छन्। चालु आर्थिक वर्षको साउन महिनामा मात्र पाँच जनाले नेपाली नागरिकता परित्याग गरिसकेका छन्।
कर तिर्दैनन् ठूला घराना : 'दुगड ग्रुप'को बक्यौता ८८ लाख
महानगर बन्नका लागि आवश्यक पर्ने आन्तरिक आम्दानीको इण्डिकेटर विराटनगर महानगरपालिकाले प्राप्त गर्न सकेको छैन।
मोरङमा नेपाली नागरिकता परित्याग गर्नेको सङ्ख्या बढ्दै
विराटनगर, साउन २८ गते। जिल्ला प्रशासन कार्यालय मोरङमा नागरिकता परित्याग गर्न माग गर्दै निवेदन दर्ता गर्नेको सङ्ख्या बढेको छ। वैवाहिक वा अन्य कारणले देश छोडेर अर्को मुलुकमा जानेको सङ्ख्या बढेका कारण नागरिकता परित्याग गर्नेको सङ्ख्या बढेको हो। जिल्ला प्रशासन कार्यालय मोरङमा आर्थिक वर्ष २०७७/७८ मा नेपाली नागरिकता परित्याग गर्न माग गर्दै निवेदन दिनेको सङ्ख्या सात जना थियो। गत आर्थिक वर्ष २०७८/७९ मा ११ जनाले नागरिकता परित्याग गरेका छन्। चालु आर्थिक वर्षको साउन महिनामा मात्र पाँच जनाले नेपाली नागरिकता परित्याग गरिसकेका छन्। जिल्ला प्रशासन कार्यालय मोरङका अनुसार १३ महिनाको अवधिमा १६ जना नेपालीले नेपाली नागरिकता परित्याग गरेका छन्। नेपाली नागरिकता परित्याग गर्नेमध्ये धेरैजसोले भारतीय नागरिकता लिनुपर्ने भएकोले नेपाली नागरिकता परित्याग गर्छु भन्ने विवरणको निवेदन दिएका छन्। नेपाली नगरिकता परित्याग गरेका १६ जनामध्ये ३ जनाबाहेक सबैले भारतको नागरिकता लिनका लागि नेपाली नागरिकता खारेज गर्न निवेदन दिएका छन्। नागरिकता परित्याग गर्नेमा १० जना महिला छन् भने पुरुष छ जना छन्। मोरङ पथरी शनिश्चरेस्थित हसन्दहका उमेशबहादुर थापाले भारतमा बसोबास गर्नुपरेकोले नेपाली नागरिकता परित्याग गरेको उल्लेख गरेर निवेदन दिनुभएको थियो। यस्तै सुन्दरहरैंचा नगरपालिका ३ का विमल लिम्बूले वैदेशिक नागरिकता लिनका लागि भन्दै नेपाली नागरिकता परित्याग गर्नुभयो। पछिल्लो १३ महिनाको अवधिमा दुईवटा नागरिकता बनाउनुभएका सुमन लिम्बूले भूलवश दुई वटा नागरिकता बनाएको भन्दै पछिल्लो पटक बनाएको नागरिकता खारेज गर्न निवेदन दिनुभएको जिल्ला प्रशासन कार्यालय मोरङले जानकारी दिएको छ। जिल्ला प्रशासन कार्यालय मोरङबाट आर्थिक वर्ष २०७८/७९ मा १ हजार ३१३ जनाले वैवाहिक अङ्गीकृत नागरिकता प्राप्त गरेका छन्। वैवाहिक अंगिकृत नागरिकता लिनेमा अधिकांश नेपालमा विवाह गरेर आएका विदेशी महिला छन्। त्यसरी विवाह गरेर आउनेमा भारतीय महिला बढी छन्। नेपाली महिलाले भारतीय पुरुषसँग विवाहको सात वर्षपछि मात्र भारतको नागरिकता लिन पाउने कानुनका कारण नेपालबाट विवाह गरेर गएका धेरैले ढिला गरेर मात्र नेपाली नागरिकता परित्याग गर्ने गरेका छन्। आर्थिक वर्ष २०७८/७९ मा जिल्ला प्रशासन कार्यालय मोरङले वंशजको आधारमा ३५ हजार ६८९ वटा नागरिकता प्रमाणपत्र जारी गरेको थियो। यस अवधिमा अंगिकृत नागरिकता कसैलाई नदिएको जिल्ला प्रशासन कार्यालय मोरङले जानकारी दियो।
श्रमदानबाटै बल्यो बिजुली
धरानको सर्दु खोलाबाट बिजुली उत्पादन भएको छ । धरान उपमहानगरपालिकाका प्रमुख हर्कराज राई (साम्पाङ)को सक्रियतामा १० दिनको श्रमदानबाट ७५० बाट क्षमताको टर्वाइन जडान गरी मिनी माइक्रो हाइड्रोपावर सञ्चालन गरेर बिजुली उत्पादन गरिएको हो । पावर हाउसमा ३१ मिटरको हेडबाट पानी झारेर टर्वाइन घुमाएर बिजुली निकालिएको योजनाका प्रबन्धक तर्क मगरले जानकारी दिनुभयो । वाटको हिसाबले तीन सय र भोल्टको हिसाबले २४० भोल्ट बिजुली उत्पादन भएको र यसबाट हाललाई २० वटा चिम बाल्न सकिने उहाँले जानकारी दिनुभयो ।
राजमार्ग विस्तार गर्दा बाह्र हजार रुख काटिने
पूर्व–पश्चिम राजमार्गको काँकडभिट्टा–लौकही १२० किलोमिटर चार लेनको बनाउँदा जङ्गल क्षेत्रका १२ हजार ४४८ वटा रुख काटिने भएका छन्। मङ्गलबार मोरङको कानेपोखरी गाउँपालिकामा सडक निर्माण आयोजनाको परामर्शदाता सुसुङ्ग इन्जिनियरिङ कन्सल्टिङ कोरिया इन एसोसिएसन विथ इन्भाएरोमेन्ट एन्ड रिसोर्स मेनेजमेन्ट र टेक स्टुडियो अफ इन्जिनियरिङ प्रालिले आयोजना गरेको सार्वजनिक सुनुवाईमा वातावरण विज्ञ राजेन श्रेष्ठले सो जानकारी दिनुभएको हो।
भूउपयोग नक्सा बनाउन उदासीन, जग्गाको कित्ताकाट ठप्प
स्थानीय तहहरूले भूउपयोग नियमावलीअनुसार जग्गाको वर्गीकरण नगर्दा बन्द भएको जग्गाको कित्ताकाटसम्बन्धी काम नियमित सञ्चालन हुन सकेको छैन। जग्गाको खण्डीकरण रोक्ने उद्देश्यले सरकारले भूउपयोग ऐन २०७६ र नियमावली २०७९ जारी गरेको छ। नियमावली जारी भएपछि सीमित रूपमा भइरहेको जग्गाको कित्ताकाट पनि पूर्ण रूपमा बन्द भयो। २०७६ मा ऐन जारी भएपछि जग्गा प्लटिङ गर्ने क्रममा मन्दी आएको थियो। तर पनि अंशबण्डा, संयुक्त दर्ताबाट दर्ताफारी, अदालतको फैसलाबाट झगडियाबीच कित्ताकाट गर्ने जस्ता काम हुँदै आएको थियो। भूउपयोग नियमावली जारी भएपछि जेठ २७ गतेपछि भने सबै प्रकारको कित्ताकाटको काम ठप्प भएको मालपोत कार्यालय विराटनगरका प्रमुख लोकबहादुर भण्डारीले जानकारी दिनुभयो। “अदालतको फैसलाबमोजिम गर्नुपर्ने कित्ताकाट पनि अहिले गरेका छैनौँ, अंशबण्डाबाट त कित्ताकाट हुने सम्भावना छँदैछैन,” भण्डारीले भन्नुभयो।
धनकुटामा मनाइयो गाईजात्रा
कबिराज घिमिरे हिले, साउन २७ गते। धनकुटामा शुक्रबार गाईजात्रा मनाइएको छ। विभिन्न टोलबाट जात्रा निकालेर गाईजात्रा मनाइएको हो। नेवारी समुदायको बाहुल्य रहेको धनकुटामा निकालिएको गाईजात्रा श्रीवानीमा भेला भएर एकैपटक बजार परिक्रमा गराइएको छ। मृत व्याक्तिको सम्झनामा गाईजात्रा पर्व मनाउने गरिन्छ। गाईजात्रा मदनचोक, चुवाको बोट, कोशी ग्यास, परिचय मोड, भीमसेन थान, भीमनारायण चोक, माथिल्लो कोप्चे, तल्लो कोप्चे हुँदै टुँडिखेलमा आएर समापन भएको थियो। यसरी नगर परिक्रमा गर्नाले वर्षभर मृत्यु भएका व्यक्ति गाईको पुच्छर समाती वैतरणी पार हुने धार्मिक विश्वास छ। गाईजात्रासँगै लाखेनाच र लाठीनाच निकालिएको थियो। गाईजात्रामा प्रहसन, सामाजिक विकृतिप्रति व्यङ्ग्यात्मक प्रदर्शन, नाचगान तथा मृत व्यक्तिको सम्झनामा रामायणको करुण रसका गीतहरू पनि गाइन्छ। पछिल्लो समय गाईजात्रामा धेरै भिन्नता आएको जानकार बताउँछन्। पहिले र अहिलेको परम्परामा धेरै फरक आइसकेको छ। पहिले गाई नै चाहिन्थ्यो भने अहिले मानिसलाई गाईको प्रतीक मानेर गाईजात्रा मनाउने चलन बढेको छ।
जाँच केन्द्र हटाउन अदालतको आदेश
उच्च अदालत विराटनगरको इलाम इजलासले भन्सार सीमा क्षेत्र बाहिर कुनै पनि स्थानमा स्थायी जाँच केन्द्र स्थापना नगर्न आदेश जारी गरेको छ ।
पहिले पायक अहिले अपायक
विद्यालयको पठनपाठनका लागि सहज होस् भन्ने उद्देश्यले गोकुण्डेश्वर माध्यमिक विद्यालय धनकुटाको सल्लेरी वन नजिक निर्माण गरिएको भवन अहिले प्रयोगविहीन भएको छ। भूकम्प पुनर्निर्माण प्राधिकरणले लाखौँ रुपियाँ खर्चिएर निर्माण गरेको भवन अपायक भएको भन्दै प्रयोगविहीन बनाइएको हो।
बाल मन्दिरको जग्गामा नगरपालिकाको व्यापारिक भवन
दिक्तेल रूपाकोट मझुवागढी नगरपालिकाले आन्तरिक स्रोतका रूपमा बाल उद्यानसहितको ‘सपिङ कम्प्लेक्स’ निर्माण गरेर गत फागुन ३ गते तामझामसाथ उद्घाटन ग-यो। भवनको तल्लो तलामा १४ वटा सटर, माथिल्लो तलामा रेस्टुरेन्ट र हलसहित झट्ट हेर्दा नगरपालिकाको गतिलो आम्दानीको स्रोत बन्ने देखिएको थियो। अझ सपिङ कम्प्लेक्सको पछाडिको भागमा तयार भएको बालबालिका उद्यान, स्वीमिङ पुल, कोलम्बस राइड (पिङ), स्वीङराइडलगायतका संरचनाले सुनमा सुगन्ध थपिएको भनेजस्तै देखिन्थ्यो। नगरले निर्माण गरेको उक्त संरचनाको चौतर्फी प्रशंसा भएर पनि यतिबेला उक्त ‘सपिङ कम्प्लेक्स’ विवादमा फसेको छ।
नहरमा डुबेर दुई बालबालिकाको मृत्यु
झापाको शिवसताक्षी नगरपालिका–९ स्थित कन्काई नहरमा पौडी खेल्न गएका दुई बालबालिकाको बिहीबार डुबेर मृत्यु भएको छ ।
ककनीमा विधुतीकरणका लागि सौर्य मिनिग्रिड स्थापना गरिने
ओखलढुङ्गाको ककनीमा विधुतीकरणका लागि सौर्य मिनिग्रिड स्थापना गरिने भएको छ । भौगोलिक विकटताका कारण केन्द्रीय बिधुत विस्तार गर्न खर्चिलो हुने भएकाले सुनकोशी गाउँपालिका –९ ककनीमा सौर्य मिनिग्रिड निर्माण गरी विधुतीकरण गरिनेभएको हो ।
टेम्पु चालकको हत्या आरोपित पाँच जना पक्राउ
महेशकुमार दास जलेश्वर, साउन २६ गते। टेम्पु चालक अर्जुन साहको हत्या आरोपमा महोत्तरी प्रहरीले पाँच जनालाई पक्राउ गरेको छ। साउन २० गते महोत्तरी लोहारपट्टी नगरपालिका -८ भगवानपुर चौरस्थित भ्रमरपुराबाट लोहारपट्टी जाने भित्री सडकमा अर्जुन साहको शव भेटिएको थियो।हत्या घटनाको अनुसन्धान गरिरहेको प्रहरीले शुक्रबार पाँच जनालाई सार्वजनिक गरेको हो।महोत्तरी प्रहरीले लोहारपट्टी नगरपालिका -४ घर भएर जनकपुर -७ मा बस्ने ३२ वर्षीय जितकुमार यादव, लोहारपट्टी नगरपालिका -४ घर भएर जनकपुर डेरा गरेर बस्ने २१ वर्षीय कृष्ण यादव, जनकपुर - १८ घर भएका २५ वर्षीय सन्तोष कुमार, धनुषा औरही गाउँपालिका -२ पौडेश्वर घर भएर क्षिरेश्वरनाथ नगरपालिका - २ महेन्द्रनगर डेरा गरेर बस्ने २१ वर्षीया प्रमिला महरा र औरही नगरपालिका -२ पौडेश्वर घर भएर क्षिरेश्वरनाथ नगरपालिका -३ महेन्द्रनगरमा बस्ने बिगुल मुखिया विनलाई पक्राउ गरिएको जिल्ला प्रहरी कार्यालय महोत्तरीका प्रहरी उपरीक्षक कृष्णप्रसाद पंगेनीले जानकारी दिनुभयो।जितकुमार यादवका भाइ कृष्ण यादव र बिगुल मुखियाकी श्रीमती २१ वर्षीया प्रमिला महराको पूर्व योजना अनुसार जितकुमार यादव र सन्तोष साहले अर्जुन साहलाई रिजर्भमा जाने भनेर टेम्पोमा भित्री सडकमा लगेर हत्या गरेको प्रहरी अनुसन्धानबाट खुलेको छ। महोत्तरीको लोहारपटी नगरपालिका -८ भगवानपुर चौरस्थित भ्रमरपुराको भित्री सडकमा दुवै जना मिलेर गम्छाले घाँटीमा पछाडिबाट पासो लगाएर हत्या गरेपछि शव नहरमा फालेको प्रहरी बयानबाट खुलेको छ।करिव एक वर्ष पहिले प्रमिला महरा र उनका श्रीमान् विगुल मुखिया र कृष्ण यादवले अर्जुनको घरबाट एक लाख नगद र सुनको गरगहना चोरी गरेको थियो।घटना भएको ६ महिना पश्चात मृतक अर्जुनको आमाले प्रमिला महरा र कृष्ण यादवले चोरी गरेको भन्दै प्रहरी कार्यालयमा उजुरी गर्छु भनेपछि आपसी छलफलपछि उक्त रकम तिर्न विगुल मुखियाले एक लाख १७ हजार र कृष्ण यादवले दुई लाख ४६ हजारको कागज (तमसुक) बनाएर उनीहरु बेपत्ता भएका थिए।केही साता अगाडि मात्र उनीहरुलाई अर्जुनकी आमाले जनकपुरमा फेला पारेर तमसुक बमोजिमको पैसा नतिरे प्रहरीमा उजुरी गर्छु भनेर डर देखाएकी थिइन्।सोही रिसले प्रमिला, उनका श्रीमान बिगुल र कृष्ण यादवले मृतक अर्जुन साह र उनको आमालाई मारेर सुनको गरगहना, घरमा रहेको नगदसहित तमसुक समेत लुटने योजना बनाएका थिए।कृष्ण यादवले पूर्व योजना अनुसार जितकुमार यादव र सन्तोष कुमारलाई अर्जुनलाई हत्या गरे ३० हजार दिने प्रलोभन देखाएको र सोही योजना अनुसार साउन २० गते जितकुमार यादवले अर्जुन साहलाई फोन गरेर टेम्पो भाडामा लाने बताएका थिए।सोहि दिन साँझ उनीहरुले योजनावद्ध ढंगले हत्या गरेको खुलेको प्रहरी उपरीक्षक पंगेनीले बताउनुभयो। शव फालेर आरोपी फरार हुन खोजे पनि टेम्पो जनकपुर -७ मुसहरी टोलमा टेम्पो फसेपछि त्यही छोडेर भागेका थिए।पाँचै जनालाई क्षिरेश्वरनाथ नगरपालिका-३ महेन्द्रनगरबाट लुकिछपी बसेको अवस्थामा प्रहरीले नियन्त्रणमा लिएको हो।घटनाको विभिन्न पक्षबाट अनुसन्धान भइरहेको पंगेनीको भनाइ छ।
५४ वर्षपछि सुविधा सम्पन्न बन्यो फाप्लु अस्पताल
सन्तोष राउतसोलुखुम्बु, साउन २६ गते । स–ना साँघुरा टहराबाट विगत ५४ वर्षदेखि स्वास्थ्य सेवा प्रदान गर्दै आएको सोलुुखम्बुको जिल्ला अस्पताल फाप्लुको सुविधासम्पन्न भवन तयार भएको छ । विविध कारणले वर्षौंदेखि बन्न नसकेको भवन सोलुदूधकुण्ड नगरपालिकाका प्रमुख नाम्गेलजाङबु शेर्पाले सरोकारवाला निकायमा पहल र समन्वय बढाएपछि भवन निर्माण भएको हो ।जिल्ला समन्वय समितिका प्रमुख तथा अस्पताल व्यवस्थापन समितिका अध्यक्ष कृष्णप्रसाद निरौला र सोलुदूधकुण्ड नगरपालिकाका नगरप्रमुख नाम्गेलजाङबु शेर्पाले बुधबार संयुक्त रुपमा उद्घाटन गरेपछि लिफ्ट सहितको अपाङ्गमैत्री नयाँ भवनबाट एकीकृत स्वास्थ्य सेवा शुरु हुने भएको छ ।अस्पताल व्यवस्थापन समितिका अध्यक्ष समेत रहनुभएका जिल्ला समन्वय समिति सोलुखुम्बुका प्रमुख कृष्णप्रसाद निरौलाले अस्पतालको दरबन्दीअनुसारको जनशक्ति र उपकरण व्यवस्थापनमा स्थानीय तह, प्रदेश र सङ्घीय सरकारसँग समन्वय गर्ने बताउनुभयो । सोलुदूधकुण्ड नगरपालिकाका प्रमुख नाम्गेलजाङबु शेर्पाले जिल्ला अस्पताल भौतिक पूर्वाधारमा अब्बल बनेकाले अब सेवा प्रवाहमा चुस्त र स्तरीय बनाउन लाग्नुपर्ने बताउनुभयो । जनशक्ति र आवश्यक उपकरण व्यवस्थापनमा नगरपालिकाले सहजीकरणमा सक्दो सहयोग गर्ने प्रतिबद्धता उहाँको छ । यसअघि अपर्याप्त संरचनाबाट अधिकतम सेवा दिँदै आएकोमा भौतिक पूर्वाधार पर्याप्त र सबल बनेकोमा खुसी व्यक्त गर्दै अस्पतालका निमित्त कार्यालय प्रमुख सानी शेर्पाले आवश्यक जनशक्ति र उपकरण व्यवस्थापन हुनसके जिल्ला अस्पतालको सेवा प्रवाहमा उल्लेख्य सुधार ल्याउन सकिने बताउनुभयो ।सहरी विकास मन्त्रालयको करिब २१ करोड २१ लाख रुपियाँको लागतमा निर्माण भएको ३० शैय्याको अस्पताल भवन वि.सं. २०७६ साल पुस २७ गतेबाट निर्माण सुरु भई गएको असार २५ गते निर्माण कम्पनीले अस्पताललाई हस्तान्तरण गरेको थियो । विश्वको सर्वोच्च शिखर सगरमाथामा पहिलो पाइला टेक्ने सर एडमन्ड हिल्लारीले ५४ वर्षअघि स्थापना गर्नुभएको फाप्लु अस्पताल करिब ६४ रोपनी क्षेत्रफलमा फैलिएको छ । हालै नवनिर्मित भवन सात रोपनी क्षेत्रफलमा बनेको अस्पताल प्रशासनले जनाएको छ । अस्पतालको आफ्नै सुविधासम्पन्न भवन नहुँदा लामो समयदेखि पुरानो भवनबाट सेवा प्रवाह हुँदै आएको थियो । सरकारले कर्मचारीको दरबन्दी घटाउँदा सेवा प्रवाहमा चुनौतीको सामना गर्नुपरेको अस्पताल व्यवस्थापन समितिले जनाएको छ ।
-original-thumb.jpg)
ब्राउनसुगरसहित दुईजना पक्राउ
प्रतिबन्धित लागूऔषध ब्राउनसुगरसहित प्रहरीले दुई जनालाई पक्राउ गरेको छ । पक्राउ पर्नेमा झापा गौरादह नगरपालिका–१ बस्ने ३३ वर्षीय भीमबहाुर श्रेष्ठ र ३२ वर्षीय मोहन सिलवाल रहेका छन् ।
हाइड्रोपावरको सामग्री चोरी गरेको आरोपमा तीन पक्राउ
सोलुदूधकुण्ड नगरपालिका–२ र ३ नम्बर क्षेत्रमा निर्माणाधिन बेनी हाइड्रोपावर आयोजनाकोे सामग्री चोरी गरेको आरोपमा प्रहरीले तीन युवकलाई पक्राउ गरेको छ ।
कानेपोखरीले ‘प्लस टु’ निःशुल्क पढाउने
मोरङको कानेपोखरी गाउँपालिकाले गाउँपालिकाभित्रका सबै सरकारी विद्यालयमा कक्षा ११ र १२ मा अध्ययन गर्ने विद्यार्थीलाई निःशुल्क पढाउने भएको छ। गाउँपालिकाले चालू आर्थिक वर्षको नीति तथा कार्यक्रममा ‘निःशुल्क शिक्षा कानेपोखरी गाउँपालिकाको इच्छा’ कार्यक्रम ल्याएको थियो।
आराम कक्षले छात्रालाई सहज
सुनसरीको रामधुनी नगरपालिका–७ को पञ्चायत माध्यमिक विद्यालय कुमरखतमा कक्षा १० मा अध्ययनरत सुनिचा चौधरी महिनावारीको समयमा दुई वर्षअघिसम्म घरमै बस्नुहुन्थ्यो। दुईदेखि तीन दिनसम्म विद्यालयका कक्षा छोड्नुपर्ने बाध्यता पनि थियो। महिनावारीको समयमा हुने अप्ठ्यारोका कारण यस्तो बाध्यता भएकाले रामधुनी नगरपालिकाको समन्वय र प्लान इन्टरनेसनल नेपालको सहयोगमा ग्रामीण समाज उत्थान केन्द्र सुनसरीले सिकाइ परियोजनाअन्तर्गत यस विद्यालयमा महिनावारी आराम कक्षको व्यवस्था भयो। त्यसपछि चौधरीसहित कक्षा ६ देखि १० कक्षासम्मका किशोरीलाई विद्यालयमा सञ्चालनमा आएको महिनावारी आराम कक्षले सहज भएको विद्यालयका प्रधानाध्यापक शङ्कर लुइटेलले जानकारी दिनुभयो।
धनकुटामा अखाद्यवस्तु रहेकाे भन्दै बजार अनुगमन
कविराज घिमिर धनकुटा, साउन २५ गते । बजारमा म्याद गुज्रेका खाद्य सामाग्री रहेको, मूल्यवृद्धि गरेको गुनासोको आधारमा धनकुटामा बजार अनुगमन गरिएको छ । बुधबार केही होटल, मिनी मार्केट, किराना पसल, डिलरको अनुगमन गरिएको जिल्ला प्रशासन कार्यालय, धनकुटाले जनाएको छ । जिल्ला प्रशासन कार्यालय, खाद्य प्रविधि तथा गुण नियन्त्रण डिभिजन कार्यालय, घरेलु तथा साना उद्योग कार्यालय, करदाता सेवा कार्यालय र उद्योग वाणिज्य सङ्घ, धनकुटाले संयुक्त रुपमा बजार अनुगमन गरेको हो ।अनुगमनका क्रममा उपभोग्य मिति सकिएका खाद्यवस्तु नष्ट गरिएको छ भने मूल्य सूचि अनिवार्य टाँस गर्न निर्देशन दिइएको जिल्ला प्रशासन कार्यालय, धनकुटाका प्रशासकीय अधिकृत अंकित मग्रान्तीले बताउनुभयो । स्थानीय प्रशासनले म्याद गुज्रेका, सडेगलेका, अखाद्यवस्तु विक्री गर्दै आएका तथा विना इजाजत व्यवसाय सञ्चालन गरेकामाथि कडाइ सुरु गरेको जनाएको छ ।
बिर्तामोड नगरपालिकामा कर बढाउने निर्णय कार्यान्वयन भएन
झापाको वबितामोड नगरपालिकाले सम्पति कर तथा भूमिकर बढाएको भन्दै चौतर्फी विरोध भएपछि पुरानै करलाई यथावत राख्ने निर्णय गरेको छ। जग्गा वर्गीकरण नहुञ्जेलसम्मको लागि यस अघिको आर्थिक वर्षकै करको दरलाई निरन्तरता दिने निर्णय कार्यापालिका बैठकले गरेको हो।
