• गोरखापत्र अनलाइन
• १५ वैशाख २०८१, शनिबार

चिनियाँ लगानी आउने प्रतिबद्धता

नेपाल र चीनबिच मानव संसाधन विकास सहयोगसम्बन्धी सम्झौता भएको छ । अर्थ मन्त्रालयमा शुक्रबार आयोजित एक कार्यक्रममा अर्थ मन्त्रालयका सचिव मधुकुमार मरासिनी र चीनका तर्फबाट चिनियाँ अन्तर्राष्ट्रिय विकास सहयोग संस्थाका प्रमुख लियु झाओ हुईले उक्त सम्झौतामा हस्ताक्षर गर्नुभयो । सोही कार्यक्रममा स्वास्थ्य मन्त्रालयसँग बोनम्यारो प्रत्यारोपणसम्बन्धी सम्झौता पनि भएको छ । उक्त सम्झौतामा स्वास्थ्य मन्त्रालयका सचिव डा. रोशन पोखरेल र प्रमुख हुईले हस्ताक्षर गर्नुभयो ।