गोरखापत्र
निर्वाचनको दिन आकस्मिक सेवा नरोक्न स्वास्थ्य संस्थालाई निर्देशन
सरकारले वैशाख ३० गते हुने निर्वाचनको दिन प्रसूतिलगायत आकस्मिक सेवा नरोक्न स्वास्थ्य संस्थालाई निर्देशन दिएको छ।
नौ महिनामा सात खर्ब २४ अर्ब विप्रेषण भित्रियो
काठमाडौं, वैशाख २८ गते। चालु आर्थिक वर्षको नौ महिनाको अवधिमा सात खर्ब २४ अर्ब ७४ करोड बराबरको विप्रेषण स्वदेश भित्रिएको छ। नेपाल राष्ट्र बैंकले बुधबार सार्वजनिक गरेको चालु आवको नौ महिनाको विवरणमा विप्रेषण आप्रवाह ०.६ प्रतिशतले कमी आएको छ। अघिल्लो वर्षको सोही अवधिमा विप्रेषण आप्रवाह १६.५ प्रतिशतले बढेको थियो। अमेरिकी डलरमा विप्रेषण आप्रवाह २.२ प्रतिशतले कमी आई छ अर्ब पाँच करोड कायम भएको छ। अघिल्लो वर्ष यस्तो आप्रवाह १३.१ प्रतिशतले बढेको थियो।समीक्षा अवधिमा वैदेशिक रोजगारीका लागि अन्तिम श्रम स्वीकृति (संस्थागत तथा व्यक्तिगत–नयाँ र वैधानिकीकरण) लिने नेपालीको सङ्ख्या उल्लेख्यरुपमा वृद्धि भई दुई लाख ५६ हजार ३१ पुगेको छ। अघिल्लो वर्षको सोही अवधिमा यस्तो सङ्ख्या ७४.९ प्रतिशतले घटेको थियो। त्यसैगरी वैदेशिक रोजगारीका लागि पुनः श्रम स्वीकृति लिने नेपालीको सङ्ख्या समीक्षा अवधिमा १९९.९ प्रतिशतले वृद्धि भई दुई लाख छ हजार ६२९ पुगेको छ। अघिल्लो वर्षको सोही अवधिमा यस्तो सङ्ख्या ६०.७ प्रतिशतले घटेको थियो।समीक्षा अवधिमा खुद ट्रान्सफर ०.७ प्रतिशतले कमी आई आठ खर्ब आठ अर्ब ९२ करोड कायम भएको छ। अघिल्लो वर्षको सोही अवधिमा यस्तो ट्रान्सफर १४.४ प्रतिशतले बढेको थियो।
भारतका राष्ट्रपतिसमक्ष ओहोदाको प्रमाणपत्र प्रस्तुत
गणतन्त्र भारतका लागि नवनियुक्त नेपालका राजदूत डा शङ्करप्रसाद शर्माले गणतन्त्र भारतका राष्ट्रपति रामनाथ कोविन्दसमक्ष नयाँदिल्लीस्थित राष्ट्रपति भवनमा आज आयोजित विशेष समारोहमा आफ्नो ओहोदाको प्रमाणपत्र प्रस्तुत गर्नुभएको छ।
बढ्यो मुद्रास्फीति, चालु खाता र शोधनान्तर घाटा
चालु आर्थिक वर्षको नौ महिनामा मुद्रास्फीति, चालु खाता र शोधनान्तर घाटा बढेको छ।
कतार सरकारद्वारा नेपाललाई अक्सिजन ट्यांकर प्रदान
गामी दिनमा नेपाल सरकारलाई अक्सिजनकै लागि कठिनाइको सामना गर्न नपरोस् भनेर कतार सरकारले अक्सिजन उत्पादन गर्ने ट्यांकर उपलब्ध गराएको छ ।
गाउँ फर्कनेको चापले अरनिको राजमार्गमा घण्टौँ जाम
शुक्रबार हुने स्थानीय तहको निर्वाचनका लागि मतदान गर्न गाउँ फर्कनेको भीडका कारण अरनिको राजमार्ग खण्ड अस्तव्यस्त बनेको छ।
वीर अस्पताललाई उपकरण हस्तान्तरण
ईश्वर मन्दिरले वीर अस्पताललाई चिकित्साजन्य उपकरण हस्तान्तरण गरेको छ । संस्थाले दुई थान ईलेक्ट्रोलाइट एनालाइजर उपकरण उपलब्ध गराएको हो ।
नेपाली महिला क्रिकेट टोलीले युगान्डासँग टी–२० खेल्ने
नेपाली राष्ट्रिय महिला क्रिकेट टोलीले घरेलु मैदानमा युगान्डासँग टी–२० अन्तर्राष्ट्रिय क्रिकेट सिरिज खेल्ने भएको छ । नेपाल क्रिकेट संघ (क्यान) ले युगान्डासँग जेठमा सिरिज खेल्न लागेको जानकारी दिएको हो ।
प्रधानमन्त्री देउवाले रुवाखोलाको असिग्रामबाट मतदान गर्नुहुने
प्रधानमन्त्री एवम् नेपाली काँग्रेस सभापति शेरबहादुर देउवाले स्थानीय तहको निर्वाचनमा गन्यापधुरा गाउँपालिकाको असिग्राम मावि रुवाखोलामा रहेको मतदान केन्द्र ‘ख’ बाट मताधिकार प्रयोग गर्नुहुने भएको छ ।
टुर च्याम्पियनसिप गल्फमा सुवासको एक्लो अग्रता
सूर्य नेपाल एनपीजीए टुर च्याम्पियनसिप गल्फको तेस्रो दिन बुधबार एमेच्योर गल्फर सुवास तामाङले एकल अग्रता लिनुभएको छ । पार ७२ को गोकर्ण फरेस्ट गल्फ रिसोर्टमा जारी प्रतियोगितामा सुवासले बुधबार तीन अन्डर ६९ खेल्नुभयो । उहाँको कूल १५ अन्डर २०१ स्कोर छ ।
उपत्यका छाड्नेको सङ्ख्या बढ्दै
वैशाख ३० गतेको स्थानीय निर्वाचनका लागि एक दिन मात्रै बाँँकी रहँदा काठमाडौं उपत्यका छाड्नेको सङ्ख्या बढ्दैछ ।
सम्पत्ति विवरण बुझाउनेको संख्या बढ्यो
काठमाडौं, वैशाख २८ गते। पछिल्लो आर्थिक वर्षमा सम्पत्ति विवरण बुझाउनेको संख्या बढेको छ। राष्ट्रिय सतर्कता केन्द्रले आर्थिक वर्ष २०७७/०७८ को सम्पत्ति विवरण बुधबार अख्तियार दुरुपयोग अनुसन्धान आयोगलाई बुझाएको छ। प्रतिवेदन अनुसार सम्पत्ति विवरण बुझाउने संख्या बढेको हो। अघिल्लो आर्थिक वर्ष भन्दा यो आर्थिक वर्षमा सम्पत्ति विवरण बुझाउनेको संख्या शून्य दशमलव ५१ प्रतिशतले बढेको केन्द्रका प्रवक्ता ज्ञानराज सुवेदीले जानकारी दिनुभयो। अघिल्लो आर्थिक वर्षमा ९७.२८ प्रतिशतले सम्पत्ति विवरण बुझाएका थिए भने यो आर्थिक वर्षमा ९७.७९ प्रतिशतले सम्पत्ति विवरण बुझाएका छन्। सतर्कता केन्द्रका सचिव सुशीलचन्द्र तिवारीका अनुसार केन्द्रमा सम्पत्ति विवरण बुझाउनेको संख्या ६ लाख ९६ हजार ६२४ रहेको तथ्यांक छ। जसमध्ये कानुन बमोजिम सम्पत्ति विवरण बुझाउनेको संख्या ६ लाख ८१ हजार २१५ रहेकाे छ। यो संख्या ९७ दशमलव ७९ प्रतिशत हो। केन्द्रलाई १५ हजार ४०९ जनाले सम्पत्ति विवरण बुझाएका छैनन्। यो २ दशमलव २१ प्रतिशत हो। बुधबार सम्पत्ति विवरण अनुगमन प्रतिवेदन ग्रहण गर्नुहुँदै अख्तियार दुरुपयोग अनुसन्धान आयोगका प्रमुख आयुक्त प्रेमकुमार राईले आगामी दिनमा आयोग र केन्द्रबीच समन्वय एवम् सहकार्य बढाउन निर्देशन दिनुभयो। सम्पत्ति विवरण भर्ने भराउने प्रमुख दायित्व कार्यालय प्रमुखले लिनुपर्ने, सम्बन्धित कार्यालयले कर्मचारी र पदाधिकारीको अभिलेख दुरुस्त राख्नुपर्ने निर्देशन दिनुभएको छ।
आईबा महिला बक्सिङ : सुस्मा अंकको आधारमा पराजित
टर्कीको इस्तानबुलमा जारी आईबा महिला विश्व बक्सिङ च्याम्पियनसिपमा नेपालकी सुस्मा तामाङ मंगोलियन खेलाडीसँग अंकको आधारमा पराजित हुनुभएको छ ।
सासूको मृत्युपछि बुहारी उपप्रमुख पदको उम्मेदवार
कपिलवस्तुको महाराजगञ्ज नगरपालिकाका उपप्रमुख पदका उम्मेदवारको मृत्यु भएपछि नयाँ उम्मेदवार चयन गरिएको छ । नेपाली कांग्रेसबाट उपप्रमुख पदका उम्मेदवार दिनुभएका सुभावती कुर्मीको हृदयाघातबाट मृत्यु भएपछि सो पदमा उहाँकै बुहारीलाई उम्मेदवारी बनाइएको छ ।
मन्त्री अथकद्वारा चौधरीको पार्थिव शवमा राष्ट्रिय झण्डा ओढाएर श्रद्धाञ्जली
भारोत्तोलन खेलाडी सञ्जु चौधरीको पार्थिव शरीरमा युवा तथा खेलकुद मन्त्री महेश्वर गहतराज (अथक) ले राष्ट्रिय झण्डा ओढाएर सम्मान ब्यक्त गर्नुभएको छ ।
