गोरखापत्र अनलाइन
प्रदेश र संघको निर्वाचनमा पनि तालमेल हुन्छः नेपाल
नविन शाही सुर्खेत, जेठ १९ गते । नेपाल कम्युनिष्ट पार्टी (एकीकृत समाजवादी)का अध्यक्ष एवम् पूर्वप्रधानमन्त्री माधवकुमार नेपालले सत्तागठबन्धन दलहरुबीच प्रदेश र संघको निर्वाचनमा पनि तालमेल हुने बताउनुभएको छ । पार्टीबाट निर्वाचित जनप्रतिनिधीलाई बधाई ज्ञापन गर्न सुर्खेत आउनुभएका नेता नेपालले पत्रकार सम्मलेनमा बोल्दै दलहरुबीच चुनावी समीक्षाबाट आत्मालोचना भएकाले आगामी निर्वाचनमा पनि तालमेल हुने बताउनुभएको हो । ‘अहिलेको गठबन्धनबीच सम्बन्ध रहिरहन्छ । यस बाहेकको गठबन्धन हुने विकल्प छैन ।’ अध्यक्ष नेपालले भन्नुभयो, ‘स्थानीय तहको निर्वाचनमा गठबन्धनबीच कहिँकतै असहयोग भए तर सम्बद्ध दलहरुले आत्मालोचना गर्नुभएको छ । त्यसैले पनि प्रदेश र संघको निर्वाचनमा तालमेल कायम रहन्छ ।’अध्यक्ष नेपालले गठबन्धन सरकारले जनभावनाअनुसारको नीति कार्यक्रम र बजेट ल्याएको बताउनुभयो । ‘संसद बन्द गरी बजेट ल्याएको भए चुनावी बजेट भन्न सकिन्थ्यो । यो चुनावी बजेट होइन । चुनावको बेला परेको बजेट हो ।’ अध्यक्ष नेपालले भन्नुभयो, ‘गठबन्धन सरकारले उठाएका कुरामा हामी उत्साहित छौं । सरकारले जनभावनालाई अधिकतम समेटेर नीति कार्यक्रम बजेट ल्याएको छ ।’स्थानीय तह निर्वाचनमा नेकपा एकिकृत समाजवादी पार्टीले गर्व गर्न लायक सफलता प्राप्त गरेको बताउनुभयो । ‘कतिपय स्थानमा योग्य, सक्षम, अनुभवी र लोकप्रिय व्यक्ति उम्मेदवार विजय भएकाले गर्व गर्न लायक सफलता प्राप्त भएको निष्कर्ष निकालेका छौं’ अध्यक्ष नेपालले भन्नुभयो, ‘निर्वाचित जनप्रतिनिधीले आफ्नो योग्यता र प्रभावकारिता देखाउँदै आफ्नो पालिकालाई नमूना पालिका बनाउन पार्टीले उहाँहरुलाई प्रशिक्षित र उत्प्रेरित बनाउने छ ।’स्थानीय तहको निर्वाचनमा चुनाव चिन्ह अस्पष्ट हुँदा मत बदर भएकाले आफ्नो पार्टीले धेरै सीट गुमाउनु परेको अध्यक्ष नेपालले बताउनुभयो ।
एमसीसी पास गरेकोमा सरकारलाई धन्यवाद : सांसद ज्ञवाली
नेकपा (एमाले)का सांसद प्रदीप ज्ञवालीले सरकारलाई एमसीसी पास गरेकोमा धन्यवाद दिनुभएको छ ।
नेपाली टोली आज अल स्टार्ससँग भिड्दै
आईसीसी विश्वकप लिग–२ अन्तर्गत जुन ९ देखि १५ तारिखसम्म अमेरिकामा हुने त्रिदेशीय सिरिज खेल्न अमेरिका पुगेको राष्ट्रिय क्रिकेट टोलीले आज (बिहीबार) राति अमेरिकामा बस्दै आएका नेपाली पूर्व क्रिकेटहरुको टोली नेपाल अल स्टार्ससँग अभ्यास खेल खेल्दैछ ।
राजस्व र व्ययको वार्षिक अनुमानमाथि छलफल जारी (लाइभ)
आर्थिक वर्ष २०७९/०८० को राजस्व र व्ययको वार्षिक अनुमानमाथि सामान्य छलफल जारी रहेको छ ।
युक्रेन विश्वकप छनोट नजिक
छिमेकी देश रुसी आक्रणको चपेटामा परेको युक्रेन कतार विश्वकप २०२२ छनोट नजिक पुगेको छ । युरोपेली छनोट अन्तर्गत बुधबार राति भएको प्लेअफ सेमिफाइनल खेलमा युक्रेनले स्कटल्यान्डलाई ३–१ गोलले हरायो ।
इटालीलाई हराउँदै अर्जेन्टिना ‘फाइनालिस्सिमा’ च्याम्पियन
कोपा अमेरिका च्याम्पियन अर्जेन्टिनाले युरोपियन च्याम्पियनसिप २०२० को विजेता इटालीलाई हराउँदै ‘फाइनालिस्सिमा’ कप जितेको छ । इङ्ल्यान्डको वेम्बली रंगशालामा बुधबार राति भएको खेलमा इटालीलाई ३–० गोलले हराउले हराउँदै अर्जेन्टिना च्याम्पियन बनेको हो ।
विद्युतीय उपकरण बिग्रिने जोखिम बढ्दो
छिनछिनमा झ्याप्प–झ्याप्प विद्युत् आउने, जाने क्रम बढेपछि विद्युतीय उपकरण बिग्रिने जोखिम बढेको छ । विगत केही दिनदेखि छिनछिनमा विद्युत् आउने,जाने गरेका कारण समस्या हुने गरेको स्थानीयले गुनासो गरेका छन् ।
हुम्लामा एक बोरा सिमेन्टको मूल्य ६ हजार ! खच्चडमा ढुवानीमा भए ६१ प्रतिशत सस्तो
सडक सञ्जालसँग सदरमुुकाम नजोडिएको हिमाली जिल्ला हुम्लामा सिमेन्टको मुल्य ६१ प्रतिशत भन्दा बढीले सस्तो भएको छ । जिल्लाको दक्षिणी क्षेत्र सडक सञ्जालसँग जोडिनुु र छोटो दुरीबाट खच्चडमा सिमेन्ट ढुवाँनी गर्न थालिएपछि मुल्य सस्तिएको हो ।
महानगरको फोहोर सडकमा ‘डम्पिङ’
विराटनगरमा कुइनेटो, घुमाउँरो र खाली ठाउँमा फोहोरको डङ्गुर भेटिन्छ । सडकको फोहोर दैनिक उठाइन्छ तर त्यसको सोझै व्यवस्थापन गर्ने डम्पिङ साइट नहुँदा सहरका विभिन्न ठाउँलाई सङ्कलन केन्द्रजस्तो बनाइन्छ ।
एक सातासम्म खाद्य स्वच्छता दिवस मनाइँदै
‘स्वच्छ सन्तुलित आहार, स्वस्थ जीवनको आधार’ भन्ने नाराका साथ यस वर्षको खाद्य स्वच्छता दिवस बुधबारदेखि सुरु भएको छ । सप्ताहव्यापी रूपमा सञ्चालन हुने यो कार्यक्रम जेठ २४ गतेसम्म खाद्य स्वच्छतासम्बन्धी कार्यक्रम गरी मनाउने योजना छ ।
जनता रिझाउने प्रयत्नमा पालिका
लुम्बिनी प्रदेशका नवनिर्वाचित पालिका प्रतिनिधिहरूले धमाधम लोकप्रिय निर्णय गर्दै आएका छन् । आफ्नो पहिलो निर्णयलाई महत्त्व दिएका प्रमुखले पहिलो निर्णयमा जनतालाई प्रत्यक्ष राहत तथा सुविधा दिने निर्णय गरेका हुन् ।
ठडिए द्वन्द्वमा जलेका अदालत भवन
जुम्लामा द्वन्द्वकालमा जलेर नस्ट भएका सुर्खेत उच्च अदालतको जुम्ला इजलास र जिल्ला अदालत जुम्लाका दुई भवन उद्घाटन गरिएका छन् । सर्वोच्च अदालतका कायम मुकायम प्रधानन्यायाधीश दीपककुमार कार्कीले बुधबार ती भवनको उद्घाटन गर्नुभएको हो । वि.सं २०५९ कात्तिक २८ गते माओवादी सशस्त्र युद्धका समयमा जुम्ला आक्रमण हुँदा जलेको तत्कालीन पुनरावेदन अदालत (हालको सुर्खेत जुम्ला उच्च अदालत इजलास र जिल्ला अदालत जुम्लाको नवनिर्मित आधुनिक भवनहरू उद्घाटन गरिएका हुन् ।
किशाेरीलाई अपहरणपछि दुर्व्यवहार गरेकाे आरोपमा ६ जना पक्राउ
कपिलवस्तुकी १७ वर्षीया किशाेरीकाे अपहरणपछि बलात्कार गरेको आरोपमा ६ जना युवालाई प्रहरीले पक्राउ गरेको छ ।
पाँच महिला वडाध्यक्ष
सुदूरपश्चिम प्रदेशका ८८ स्थानीय तहका ७३४ वडामध्ये पाँचवटा वडामा महिलाले अध्यक्षको जिम्मेवारी प्राप्त गरेका छन । स्थानीय तहको निर्वाचनबाट पाँच महिलाले सो जिम्मेवारी प्राप्त गर्नुभएको हो । जसमध्ये सबैभन्दा बढी कैलालीमा चार जना महिला वडाध्यक्षमा निर्वाचित हुनुभएको छ । निर्वाचन आयोगका अनुसार बझाङमा एक जना महिला वडाध्यक्षमा निर्वाचित हुनुभएको छ । यद्यपि बाँकी सात जिल्लाका वडाध्यक्षमा महिला प्रतिनिधित्व छैन ।
योजना अलपत्र बनाउने आठ कम्पनी कालोसूचीमा
ठेक्का सम्झौता गरी समयमै काम पुरा नगरी अलपत्र बनाउने आठ वटा कम्पनीलाई कालोसूचीमा राख्ने तयारी गरिएको छ । प्रधानमन्त्री तथा मन्त्रीपरिषद्को कार्यालयले सूचना जारी गर्दै यी कम्पनीहरुलाई सात दिने स्पष्टीकरणको समय दिएर कालोसूचिमा राख्ने तयारी थालेको हो ।
