गोरखापत्र अनलाइन
थप दुई जनामा हैजा पुष्टि
टेकुस्थित शुक्रराज ट्रपिकल तथा सरुवा रोग अस्पतालमा थप दुई जनामा हैजा पुष्टि भएको छ।
काठमाडौं महानगर र ३३ संस्थाबीच निःशुल्क सार्वजनिक शौचालय सञ्चालन गर्ने सम्झौता (सूचीसहित)
काठमाडौं, असार ७ गते। काठमाडौं महानगरपालिकासँग हालसम्म विभिन्न ३३ संघसंस्थाबीच निःशुल्क सार्वजनिक शौचालय सञ्चालन सम्बन्धमा सम्झौता भएको छ। बैङ्क, रेष्टुरेन्ट, विद्यालय, प्रकाशन गृह, विजनेस कम्प्लेक्ससहितका संघसंस्थाका प्रतिनिधिबीच सोमबार सम्झौता भएको हो। महानगरप्रमुख वालेन्द्र शाह, उपप्रमुख सुनिता डंगोल र प्रमुख प्रशासकीय अधिकृत लोकनाथ पौड्यालको रोहवरमा भएको सम्झौतामा महानगरकातर्फबाट निर्देशक नुरनिधि न्यौपाने र दोस्रो पक्षकातर्फबाट प्रतिनिधिले हस्ताक्षर गर्नुभयो। आगामी पाँच वर्षका लागि भएको उक्त सम्झौतामा यसरी उपलब्ध गराइएका शौचालयको मर्मत सम्भार गर्ने, सरसफाइ गर्न आवश्यक सामग्री तथा पानी, सुगन्धका सामान व्यवस्था गर्ने जिम्मा दोस्रो पक्षकै हुनेछ। यसबापत सेवा लिन करकाप वा प्रोत्साहन नगर्ने सम्झौतामा उल्लेख गरिएको छ। सर्वसाधारण प्रयोगकर्तालाई सार्वजनिक शौचालय चिन्न सजिलो होस् र भनेर सबै सार्वजनिक शौचालयको पहिचान एउटै हुनका लागि संकेत चिन्ह तयार पारिएको छ। गोलो रेखाभित्र नीलो पृष्ठभूमि, त्यसको माथिल्लो भागमा नेपाली भाषामा सेतो अक्षरले ‘सार्वजनिक शौचालय’ लेखिएको छ। बीच भागमा सेतो रङ्मै महिला र पुरुषको चिह्न रहेको छ। संकेत चिह्नको पुछारमा अंग्रेजी भाषामा ‘पब्लिक ट्वाइलेट’ लेखिएको छ। यसरी सञ्चालन भएका शौचालयको अवस्था अनुगमन तथा मूल्याङ्कन गर्न दुवै पक्षबाट एक/एक जना प्रतिनिधि तोकिने र उनीहरुले हरेक चार महिनामा प्रतिवेदन प्रस्तुत गर्ने जनाइएको छ। सम्झौता गरिएका संघ संस्था टायम्स स्क्वायर, लङ् एण्ड बार, बालुवाटार पशुपति भ्यु होटल एण्ड रेष्टुरेन्ट, बालकुमारी टोलडेन्टल भिल्ला, वडा नं. १४, बल्खु देवयानी इन्टरनेशनल नेपाल प्रा. लि. अन्तर्गत क) पिजा हट, वडा नं. १ दरबारमार्ग ख) केएफसी, वडा नं. १ दरबारमार्ग ग) केएफसी, वडा नं. ६ बौद्धडाक गल्वी कोरियन हाउस, ल्याकसु गल्ली, वसन्तपुरहोटल रत्नज्योती, पेरिसडाँडानेक्सस ग्लोबल भिसा एण्ड इमिग्रेसन प्रा. लि, शंखमुलखानेकुरा प्रा. लि., गौशालासांग्रिला डिभलपमेन्ट बैङ्क, बालुवाटारबेबिलोन नेशनल स्कुल, शान्तिनगरओटिसी किचेन रेष्टुरेन्ट, बालुवाटारनेपालय पब्लिकेसन, डिल्लीबजारबसुन्धरा एण्ड गोङ्गबु एरिया रेष्टुरेन्ट, बसुन्धरागोमा लक्ष्मी इन्टरनेशनल, ठमेलघराना लञ्च एण्ड बार, बानेश्वरकामना सेवा विकास बैङ्क, कुलेश्वर, बौद्ध, ठमेल, ज्ञानेश्वर, कलंकी, भीमसेनगोला, नयाँ बानेश्वर, न्युरोड, सिटी एक्सप्रेस मनी ट्रान्सफर, कमलादीनेम इन्स्टिच्युट फर मेडिकल एजुकेसन प्रा लि, पुतलीसडक आरडीएक्स बार प्रा. लि. ठमेलनेपालगञ्ज विरयानी, डिल्लीबजार पिपलबोट कार्निभल रेष्ट्रो एण्ड मिटिङ्, बिजुलीबजार बार्दली रेष्ट्रो एण्ड मिटिङ्, शंखमुलनेशनल विजनेस ट्रेड सेन्टर, कलंकीसांग्रिला डिपलपमेन्ट बैङ्क, बालुवाटारबिन्का लङ्, छाउनीप्रोग्रेसियो विस्ट्रो पिबीज रेष्टुरेन्ट, बौद्ध मिलाल्याण्ड डिभलपमेन्ट प्रा.लि., कलंकी क्रिम्पजी एडभान्चर हव, बौद्धबर्गर हब एण्ड केसीए चिकेन, बिजुलीबजार अनुपम फुडल्याण्ड, बत्तीसपुतलीरिट्रिप क्याफे, बौद्धचिकेन स्टेशनस्तुपा हब, बौद्धनबिल बैंकसँग यसअघि नै सम्झौता भएको थियो। यस पश्चात् दुई सय ५० वटा शौचालय सञ्चालनमा आउनेछन्।
तीन बुँदे सहमति कार्यान्वयन गर्न माग
गृहमन्त्री बालकृष्ण खाणसँग धर्मेन्द्र बास्तोला अध्यक्ष रहेको नेपाल कम्युनिष्ट पार्टी (बहुमत) को टोलीले भेट गरेको छ ।
केकी अधिकारीको 'सिल्ली फो'
काठमाडौं, असार ७ गते । केकी अधिकारीको मुख्य भूमिका रहेको फिल्म ‘सिल्ली फो’को ट्रेलर सार्वजनिक गरिएको छ । कमेडी जनरामा निर्माण भएकोे फिल्ममा अभिनेत्री अधिकारीले नायिका बन्न गरेको संर्घषलाई देखाइएको हो ।राज बहादुर सानेको निर्देशनमा बनेको फिल्म ह्याप्पी फिल्मस् प्रालीको व्यानरमा निर्माण भएको हो । फिल्ममा मनोज डिके निर्माता र विशाल श्रेष्ठ सह-निर्माताको रुपमा छन् ।फिल्ममामा रवीन्द्र झा, राजाराम पौडेल, दिनेश रेग्मी, भुगोल कार्की, रमेश बजगाईं, अनिता लामिछाने, दीपक थापा, पुर्णचन्द्र पोखरेल (मामाजी), अनिता श्रेष्ठ, सरस्वती रम्जाली मगर, रेजिना थापा, राज गौतम (केशव), अम्बर बहादुर विष्ट (सागर), सौजन बोहोरा जयमन बिश्वकर्माको अभिनय रहेको छ ।सिनेमामा दिव्य सुवेदी, वीरेन्द्र परियार, नरेन्द्र आलेको छायांकन, शिव विकको कोरियोग्राफी, पुरुषोत्तम न्यौपानेको संगीत, तारा थापा ‘किम्भे’को सम्पादन, अनन्त घिमिरेको कलर, मदन बास्तोलाको भीएफएक्स छ ।फिल्म आगामी असार ३१ गतेबाट प्रदर्शनमा आउन भएको छ ।
प्रतिनिधिसभाको अर्को बैठक बिहीबार बस्ने
काठमाडौं, असार ७ गते। प्रतिनिधिसभाको अर्को बैठक बिहीबार दिउँसो १ बजे बस्ने भएको छ। संघीय संसद् सचिवालयका अनुसार प्रतिनिधिसभाको अर्को बैठक असार ९ गते बिहीबार दिउँसो १ बजे बैठक बस्नेछ। राष्ट्रिय सभाको अर्को बैठक भने असार ८ गते बुधबार दिउँसो १ बजे बस्नेछ। प्रतिनिधिसभा बैठकले बिरुवा संरक्षण र बीउबिजनसम्बन्धी विधेयकमाथि राष्ट्रियसभाबाट भएको संशोधन सर्वसम्मतिले स्वीकृत गरेको छ। प्रतिनिधिसभाको बैठकमा कृषि तथा पशुपन्छीमन्त्री महिन्द्र राय यादवले ‘विरुवा संरक्षण (पहिलो संशोधन) विधेयक, २०७६’ र बीउबिजन (दोस्रो संशोधन) विधेयक, २०७६ माथि राष्ट्रियसभाबाट भएको संशोधनमाथि विचार गरियोस्’ भन्ने प्रस्ताव प्रस्तुत गर्नुभएको थियो। ‘विरुवा संरक्षण (पहिलो संशोधन) विधेयक, २०७६’ माथि राष्ट्रियसभाबाट भएको संशोधनमाथि विचार गरियोस् भन्ने प्रस्तावमाथिको छलफलमा भाग लिँदै सांसद प्रेम सुवाल, गङ्गा चौधरी सत्गौवा, बिमला विक र सरिताकुमारी गिरी लगायतले रैथाने बिरुवाको संरक्षण गर्नुपर्ने, किसानलाई समयमै मल बीउबिजन उपलब्ध गराउने, निकुञ्ज क्षेत्र आसपासका नागरिकका कृषि उत्पादन जङ्गली जनावरले नष्ट गर्ने गरेको भन्दै त्यस्ता घटना न्यूनीकरण गर्न सरकारले ध्यान दिनुपर्ने बताउनुभएको थियो। ‘बीउबिजन (दोस्रो संशोधन) विधेयक, २०७६ माथि राष्ट्रियसभाबाट भएको संशोधनमाथि विचार गरियोस्’ भन्ने प्रस्तावमाथिको छलफलमा भाग लिँदै सांसद गङ्गा चौधरी सत्गौवा र सरिताकुमारी गिरीले स्वदेशमा बीउ उत्पादन गर्ने प्याकेज निर्माण गर्नुपर्ने, हाइब्रिड बीउबिजनको प्रयोगका बढवा दिँदै गर्दा किसानलाई तालिम र प्रविधि पनि उपलब्ध गराउनुपर्ने बताउनुभयो। छलफलमा उठेका जिज्ञासाको जवाफ दिँदै कृषिमन्त्री यादवले रैथाने बिरुवा र बीउबिजनलाई संरक्षण र संवद्र्धन गर्ने उद्देश्यले सरकारले उक्त विधेयक संशोधन गर्न लागेको बताउनुभयो। बीउबिजनसम्बन्धी ऐन संशोधन भएपछि बीउले फल नदिएमा किसानले सम्बन्धित कम्पनीबाट क्षतिपूर्ति पाउने उहाँले बताउनुभयो।
दुई विधेयक दफावार छलफलका लागि समितिमा
प्रतिनिधिसभा बैठकले ‘सामाजिक सुरक्षा (पहिलो संशोधन) विधेयक, २०७९’ र ‘तेजाब तथा अन्य घातक रासायनिक पदार्थ (नियमन) विधेयक, २०७९’ दफावार छलफलका लागि समितिमा पठाएको छ ।
आठ लाख डलर ठगी आरोपमा पक्राउ
प्रहरीले लाख डलर ठगी गरेको आरोपमा एक जनालाई पक्राउ गरेको छ । पक्राउ पर्नेमा सिन्धुपाल्चोकको बाह्रबीसे नगरपालिका–६ घर भइ हाल काठमाडौंको नागार्जुन–९ स्युचाटार बस्ने ३३ वर्षीय कुमार श्रेष्ठ रहेका छन् ।
निरुका दुई कृति सार्वजनिक
काभ्रेपलाञ्चोकको पनौतीका स्रस्टा निरु न्यौपानेको दुई कृति र एउटा गीत लोकार्पण गरिएको छ ।
नयाँ औषधि दर्ता एवम् गुणस्तर यकिनका लागि ५८ विदेशी कम्पनी छनौट
औषधि व्यवस्था विभागले नयाँ औषधि दर्ता एवम् गुणस्तर यकिनका लागि ५८ वटा विदेशी कम्पनी छनौट गरेको छ ।
-original-thumb.jpg)
तटबन्ध भत्किएपछि रातभर जागै बस्नुपर्ने बाध्यता
विष्णुप्रसाद पोखरेलदमक, असार ७ गते। झापाको दमक ७ स्थित रतुवा पुल उत्तर क्षेत्रमो पक्की तटबन्धन भत्किएपछि स्थानीयहरु रातभर जागै बस्न बाध्य भएका छन्। तत्काल कटान रोक्नका लागि स्थानीयले माग गरेका छन्। दमक नगरपालिकाका प्रमुख रामकुमार थापाका अनुसार खोला किनारको सडक भत्किन थालेको र उक्त सडक भत्किएको जनाउँदै खोला नियन्त्रणका लागि सरोकारवाला निकायसँग समन्वय भइरहेको बताउनुभयो। कटान जारी हुँदा नेपाल रेडक्रस सोसाइटीमा निर्माणाधीन प्रदेशस्तरीय बाल अस्पताल, दमक उद्योग वाणिज्य सङ्घ, रोज गार्डेन लगायतका संरचनामा क्षति पुग्ने र सयौं घरपरिवार प्रभावित बन्ने देखिएको नेपाल रेडक्रस सोसाइटी दमक उपशाखाका अध्यक्ष प्रकाश बुढाथोकीले जानकारी दिनुभयो। ‘हामी स्थानीय पानी नरोकिँदा रातभर निदाउन सकेका छैनौं’, उहाँले भन्नुभयो। कतिखेर पानी पसेर विजोग हुने र संरचना भत्काउने हो भन्ने चिन्ता भएको उहाँको भनाइ छ। खोलाको किनारमा रेक्रस भवनमा नै सर्पदंश उपचार सेवा र रक्त सञ्चार सेवासमेत सञ्चालनमा रहदै आएको छ।नेकपा माओवादी केन्द्रका दमक नगर इन्चार्ज बेदु गौतमका अनुसार कटान भइरहेको क्षेत्र रतुवा पुल र राजमार्गबाट नजिक रहेकाले यसले गम्भीर क्षति गर्नसक्ने नगर प्रमुख थापासहित सरोकारवाला निकायलाई ध्यानाकर्षण गराइएको बताउनुभएको छ। दमक–७ का वडाध्यक्ष भीमप्रसाद पौड्यालका अनुसार करिब रतुवा पुलसम्म तटबन्धन गर्न चार सय मिटर बाँकी रहेकाले तटबन्धनको काम भइरहेको भए पनि वर्षाका कारण काम छिटो गतिमा अघि बढ्न सकेको छैन। कतिपयले तत्काललाई खोला च्यानालाइज अर्थात् अहिले बगेभन्दा अर्को दिशामा लैजान पनि सुझाव दिइरहेकाले यस विषयमा छलफल भइरहेको जनाउनुभयो।
वायुसेवा सञ्चालक सङ्घद्वारा नियमित उडान स्थगित गर्ने निर्णय
वायुसेवा सञ्चालक सङ्घले बुधबारदेखि आपतकालीन उद्धारलगायत नियमित उडानहरु स्थगित गर्ने निर्णय गरेको छ ।
मधेश प्रदेशमा मङ्गलबारदेखि घुम्ती कोभिड खोप सेवा सञ्चालन
धर्वेन्द्र झाधनुषा, असार ७ गते। मधेश प्रदेशमा मङ्गलबारदेखि कोभिड-१९ खोप घुम्ती सेवा सञ्चालन भएको छ। मधेश प्रदेश सरकार, अष्ट्रेलियन एड तथा आड्रा नेपालको संयुक्त सहयोगमा बागमती सेवा समाज सर्लाहीले सञ्चालन गरेको घुम्ती कोभिड-१९ खोप सेवालाई मङ्गलबार औपचारिक रुपमा सुरु गरिएको हो। मधेश प्रदेशका मुख्यमन्त्री लालबाबु राउत, समाजिक विकासमन्त्री नवलकिशोर साह र महिला, बालबालिका, युवा तथा खेलकुदमन्त्री वीरेन्द्रप्रसाद सिंहले संयुक्तरुपमा अभियान शुभारम्भ गर्नुभयो। कार्यक्रममा बोल्दै मुख्यमन्त्री राउतले खोप लिन छुटेका लक्षित वर्गलाई सेवाले फाइदा पुग्ने विश्वास व्यक्त गर्नुभयो। उहाँले कोभिड–१९ को भ्याक्सिनले जनजीवनलाई सहज बनाएको स्मरण गर्दै वृद्ध, अशक्त, अपांग तथा दीर्घरोगीका साथै बच्चाको लागिसमेत घुम्ती सेवा सञ्चालन गर्न सम्बन्धित निकायलाई आग्रह गर्नुभयो। कार्यक्रममा समाजिक विकासमन्त्री नवलकिशोर साहले कोरोना माहामारीको नियन्त्रणमा कोरोना विरुद्धका विभिन्न खोप प्रभावकारी भएको भन्दै छुटेलाई सहभागी गराइने बताउनुभयो। मधेश प्रदेशमा ८० प्रतिशतले मात्रै कोरोनाविरुद्धको खोप लिएको कारण बाँकी रहेका २० प्रतिशतलाई लक्षित गरेर एक सय दिनसम्म सञ्चालनमा रहने घुम्ती सेवाबाट एक लाखभन्दा बढी व्यक्ति लाभान्वित हुने लक्ष्य स्वास्थ्य निर्देशनालयले लिएको स्वास्थ्य निर्देशक विजय झाले जानकारी दिनुभयो।
राखेपद्वारा खेलकुद विश्वविद्यालय कार्यदल गठन
राष्ट्रिय खेलकुद परिषद् (राखेप) ले खेलकुदको समग्र विकासका लागि खेलकुद सम्बन्धी छुट्टै विश्वविद्यालय स्थापना गरी व्यवस्थित अध्यापन हुनु पर्ने आवश्यकतालाई मध्यनजर गरी खेलकुद विश्वविद्यालय सम्बन्धी कार्यदल गठन गरेको छ ।
नेपाल हङकङसँग पराजित
एसीसी महिला टी–२० क्रिकेट च्याम्पियनसिप अन्तर्गत समूह चरणको अन्तिम खेलमा नेपाल हङकङसँग पराजित भएको छ । मलेसियाको किनरारा ओभल मैदानमा मंगलबार भएको खेलमा नेपाल हङकङसँग सात विकेटले पराजित भयो ।
विदेशमा रहेका नेपालीको मताधिकारबारे आयोगलाई कांग्रेसको ध्यानाकर्षण
काठमाडौं, असार ७ गते। नेपाली कांग्रेसले विदेशमा रहेका नेपालीको मताधिकारको सुरक्षाबारे निर्वाचन आयोगको ध्यानाकर्षण गराएको छ।कांग्रेसका महामन्त्रीद्वय गगनकुमार थापा र विश्वप्रकाश शर्माले मंगलबार विदेशमा रहेका नेपालीको मताधिकार प्रबन्ध गर्न आवश्यक कानुन निर्माण गर्ने र यसका लागि आवश्यक बन्दोबस्त मिलाउनुपर्ने विषयमा आयोगको ध्यानाकर्षण गराउनुभएको हो।महामन्त्री शर्माले सम्मानित सर्वोच्च अदालतको फैसला लगत्तै पार्टीको महासमितिको बैठकले पनि विदेशमा रहेका नेपालीको मतदान अधिकार सुनिश्चित गर्नेबारे सरकारको ध्यानाकर्षण गराएको बताउनुभयो। “विगतका मुद्दालाई घनिभूत र निर्णयमा पुर्याउन अग्रसर हुने र आन्तरिक रुपमा जुन कानुन तयार हुँदैछ, मतदानको अधिकारलाई अगाडि बढाउन सुनिश्चित गरौं भनेर छलफल भएको हो”, उहाँले भन्नुभयो। नेपालबाहिर रहेका नेपालीको भावना गाँस्ने र अमेरिका, जापान, क्यानडाको डलर मात्रै होइन भोट पनि चल्ने दिन आउनुपर्ने शर्माले उल्लेख गर्नुभयो। यसैगरी, निर्वाचन आचारसंहिता कार्यान्वयन हुन नसकेको विषयमा पनि छिट्टै नै सबै राजनीतिक दलसँग छलफल गरिने महामन्त्री थापाले बताउनुभयो। “मतदान अधिकार प्रारम्भमै अस्तव्यस्त, यति धेरै कष्ट झेल्ने कुरा, नामावाली संकलन गर्ने, निर्वाचनको खर्चको सीमा एउटा तोकिएको छ, साँच्चिकै निर्वाचनको खर्च घटाउने विषयमा सुझावको कुरा छ। सबै दललाई बोलाएर छलफल गरेर अघि बढ्ने कुरा भएको छ”, थापाले भन्नुभयो।
