गोरखापत्र अनलाइन
लामो समयपछिको हिमपातले किसान खुसी
लामो समयपछि हिमपात भएपछि यहाँका किसान खुसी भएका छन् । उत्तरी गोरखामा बाक्लो हिमपात भएको छ । चुमनुब्री गाउँपालिका अन्तर्गत साम्दो, सामागाउँ, ल्हो, स्याला चुम्चेत र छेकाम्पारमा हिमपात हुँदा यहाँका किसान खुसी भएका कुरा चुमनुब्री गाउँपालिकाका अध्यक्ष निमा लामाले बताउनुभयो । चुमनुब्री गाउँपालिका–७ का पासाङफुन्जो लामाले उत्तरी गोरखामा हिमपात हुँदा स्थानीय खुसी भएको बताउनुभयो । हिमपात भएपछि खेती वृद्धि हुनुका साथै धुलो, धुवाँ, आगजनी नहुने भएकाले स्थानीय कृषक खुसी भएको उहाँको भनाइ छ । आगलागीको जोखिम घटेको छ । स्थानीय पासाङफुन्जो लामाले भन्नुभयो, “हिमपात भएपछि गाउँ नै शान्त भएको छ । मङ्सिरमा छरेको गहुँले पानी पाउनुका साथै उत्तरी गोरखाको वनजङ्गल हराभरा हुने भएको छ ।”
मर्स्याङ्दीबेँसी बनाउन सबै दल सहमत
मर्स्याङ्दी नदीमा बन्न लागेको ५० मेगावाटको मस्र्याङ्दीबेँसी जलविद्युत् आयोजना बनाउन जिल्लास्थित सबै राजनीतिक दल सहमत भएका छन् । आयोजनाले स्थान र डिजाइन परिवर्तन गर्ने भएपछि दलहरू निर्माण गर्न सहमत भएका हुन् ।
सीमाक्षेत्रमा थप कडाइ गरिने
नेपाल–भारत सीमाक्षेत्र अन्तर्गत ८३ किलोमिटर खुला सीमाक्षेत्र भएको बर्दिया जिल्लामा आगामी फागुन २१ गते हुने प्रतिनिधि सभा निर्वाचनमा बर्दियाका ३९ मतदान स्थल संवेदनशील सूचीमा राखिएको छ । दुई वटा निर्वाचन क्षेत्र रहेको बर्दियामा क्षेत्र नम्बर १ मा २४ र क्षेत्र नम्बर २ मा १५ वटा मतदान स्थल संवेनशील सूचीमा राखिएको जिल्ला प्रशासन कार्यालय बर्दियाले जनाएको छ ।
समुदायभित्र बढ्दै कुष्ठरोग
नेपालले आजभन्दा १५ वर्षअघि नै राष्ट्रियस्तरमा कुष्ठरोग निवारणको लक्ष्य प्राप्त गरिसके पनि प्रदेश र जिल्लास्तरमा भने कुष्ठरोगको स्थिति अझै भयावह देखिन्छ । देशका सात प्रदेशमध्ये लुम्बिनीसहित तीन प्रदेशमा अझै पनि कुष्ठरोग निवारणको लक्ष्य प्राप्त हुन नसकेको दाबी गरिएको छ ।
नयाँ र पुराना उम्मेदवारबिच प्रतिस्पर्धा
अनुभवी नेता, चर्चित अनुहार र नयाँ राजनीतिक शक्तिको उपस्थितिले धादिङ निर्वाचन क्षेत्र नम्बर १ लाई मतदाताका लागि विशेष रोचक बनाएको छ । धादिङ–१ मा यस पटक कुल २३ जनाले उम्मेदवारी दिनुभएको छ । तीमध्ये नेकपा (एमाले), नेपाली कांग्रेस, राष्ट्रिय स्वतन्त्र पार्टी (रास्वपा), राष्ट्रिय प्रजातन्त्र पार्टी (राप्रपा), नेपाली कम्युनिस्ट पार्टी (नेकपा) पार्टीका उम्मेदवार मुख्य प्रतिस्पर्धामा देखिनुभएको छ ।
सुर्खेतका दुवै क्षेत्रमा नयाँ अनुहार
कर्णाली प्रदेशको राजधानी जिल्ला सुर्खेतमा आगामी फागुन २१ गते हुने प्रतिनिधि सभा सदस्यको निर्वाचनमा उम्मेदवार बनाएका राजनीतिक दलले सबै जसो नयाँ अनुहारका छन् । सुर्खेतको दुई वटा निर्वाचन क्षेत्रका लागि ३० जना उम्मेदवारले दर्ता गराएका छन् । जसमा अधिकांश नयाँ अनुहार छन् ।
चिसोका कारण मतदान स्थलका प्रहरीलाई सारियो सदरमुकाम
कर्णाली प्रदेशका दुर्गम हिमाली जिल्लाका २० वटा मतदान स्थल सुरक्षा गर्ने प्रहरी जिल्ला सदरमुकाम सारिएका छन् । अत्यधिक चिसो र हिमपातका कारण बस्न सक्ने अवस्था नभएपछि त्यहाँका प्रहरीलाई नजिकै रहेको अर्को प्रहरी युनिट तथा सदरमुकाम सारिएको हो । फागुन लागेपछि मात्रै उनीहरू आफ्नो कार्यक्षेत्र जान सक्ने छन् ।
लमजुङमा मतदानस्थलको अनुगमन
आगामी फागुन २१ गते हुने प्रतिनिधि सभा निर्वाचनका लागि लमजुङमा मतदानस्थल र सुरक्षाका लागि अनुगमन कार्य तीव्र बनाइएको छ । सुरक्षा समिति लमजुङले जिल्लाका मतदान स्थलहरुको अनुगमन तथा निरीक्षणलाई तीव्र बनाएको हो ।
हिउँको घुम्टोमा मुस्कुराएको छेडेदह ताल
बाजुरामा पर्यटकीय स्थलको रुपमा चिनिँदै आएको खप्तड छेडेदह गाउँपालिकाका वडा ४ र ७ को बीचमा पर्ने छेडेदह ताल अहिले केही दिन यता हिउँको कब्जामा परेको छ ।
कांग्रेस सभापति थापाको उपस्थितिमा मधेश कार्यसमिति बैठक बस्दै
नेपाली कांग्रेसका सभापति गगनकुमार थापाको उपस्थितिमा कांग्रेस मधेश प्रदेश कार्यसमितिको बैठक शुक्रबार बस्ने भएको छ ।
समावेशीकरणको दिशामा नयाँ फड्को : गोरखापत्रद्वारा प्रकाशित सुनुवार भाषा
समावेशीकरणको दिशामा नयाँ फड्को : गोरखापत्रद्वारा प्रकाशित सुनुवार भाषा
समावेशीकरणको दिशामा नयाँ फड्को : गोरखापत्रद्वारा प्रकाशित थामी भाषा
समावेशीकरणको दिशामा नयाँ फड्को : गोरखापत्रद्वारा प्रकाशित थामी भाषा
मोटरसाइल लुटपाट र चोरी घटनामा संलग्न तीन पक्राउ
महोत्तरीमा मोटर साइकल लुटपाट र चोरी घटनामा संलग्न तीनजना पक्राउ परेका छन् । जिल्ला प्रहरी कार्यालय महोत्तरीका अनुसार महोत्तरीको गौशाला नगरपालिका–१२ प्रडियामा मोटरसाइकल र मोबाइल लुटपाट घटनामा संलग्न तीन जना युवालाई प्रहरीले पक्राउ गरेको छ ।
निर्वाचन सुरक्षा सुदृढीकरणबारे मुख्यमन्त्री–प्रदेश प्रहरी प्रमुख छलफल
लुम्बिनी प्रदेशका मुख्यमन्त्री चेतनारायण आचार्यले निर्वाचन लक्षित सुरक्षा व्यवस्थालाई थप सुदृढ बनाउने विषयमा लुम्बिनी प्रदेशका प्रहरी प्रमुखसँग छलफल गर्नुभएको छ।
प्राङ्गारिक मल उत्पादनमा जोड दिँदै स्थानीय तह
ताप्लेजुङका स्थानीय तहले प्राङ्गारिक मल उत्पादनमा जोड दिन थालेका छन् । अर्गानिक तथा प्राङ्गारिक खेती प्रवर्धन कार्यक्रम कार्यान्वयन गर्न सुरु गरेका स्थानीय तहले प्राङ्गारिक तथा जैविक मल उत्पादनतर्फ जोड दिन थालेका हुन् ।
