गोरखापत्र अनलाइन
प्रकृति, समाज र मानवीय जीवन ‘पानीको अर्थ’
अग्रज कथाकार भागीरथी श्रेष्ठको लघुकथाकृति ‘पानीको अर्थ’ एक कार्यक्रमबिच लोकार्पित गरिएको छ । यो उहाँको दोस्रो लघुकथाकृति हो । ३४ वर्षअघि उहाँको पहिलो लघुकथाकृति ‘रङ्गीन पोखरी’ प्रकाशित भएको थियो । कृतिमा प्रकृति, समाज र मानवीय जीवनसँग पानीको सम्बन्धका कुरालाई कृतिभित्र उल्लेख गर्न खोजिएको छ ।
सोह्र विद्यालयमा सङ्गीत शिक्षा
पूर्वी नवलपरासीको कावासोती नगरपालिकाले विद्यार्थीलाई सङ्गीतमा अध्ययन गराउन थालेपछि यसै वर्षदेखि नगरभित्रका १६ वटा विद्यालयमा सङ्गीत कक्षा सञ्चालनमा आएका छन् । सङ्गीत कक्षा सुरु भएपछि विद्यार्थीमा मोबाइलको लत घटाउन सहयोग गर्ने पनि सङ्गीत कक्षाको एउटा आधार भएको नगर शिक्षा अधिकारी हेमचन्द्र पौडेलले बताउनुभयो । सङ्गीत सिकाइले विद्यार्थीको विषयवस्तुमा ध्यानाकर्षण हुने क्षमता विकास हुने तथा आधुनिक तथा परम्परागत बाजाको संरक्षण गर्न यो कार्यक्रमले मद्दत गर्ने पौडेलको भनाइ छ ।
कला, संस्कृति संरक्षणका लागि ‘पहल थिएटर’
दाङमा सुविधासम्पन्न थिएटर बन्ने भएपछि स्थानीय कला, संस्कृतिको संरक्षण र प्रवर्धनमा थप टेवा पुग्ने भएको छ । स्थानीय कला, संस्कृति तथा सिर्जनशीलताको संरक्षण र प्रवर्धन गर्ने उद्देश्यसहित दाङको घोराहीमा सामुदायिक कलाघर ‘पहल थिएटर’ निर्माण हुने भएको छ ।
एक सय छयसट्ठीबुँदे कार्यप्रगति सार्वजनिक
जेनजी आन्दोलनपछि अन्तरिम सरकारको उद्योग, वाणिज्य तथा आपूर्ति मन्त्रालयको जिम्मेवारी पाएका अनिलकुमार सिन्हा बुधबार बिदाइ हुनुभएको छ । बिदाइ हुँदै गर्दा मन्त्री सिन्हाले १६६ बुँदे कार्यप्रगति सार्वजनिक गर्नुभएको छ । जस अनुसार कार्यकालमा सुशासन, औद्योगिक विकास, व्यापार सहजीकरण र आपूर्ति व्यवस्थापनका क्षेत्रमा सुधारका काम अघि बढाइएको छ ।
बागमतीमा बजेट निर्माण प्रक्रिया सुरु
बागमती प्रदेश सरकारले आगामी आर्थिक वर्ष २०८३/८४ का लागि बजेट निर्माण प्रक्रिया औपचारिक रूपमा सुरु गरेको छ । प्रदेशको आर्थिक मामिला तथा योजना मन्त्रालयले स्रोत अनुमान तथा मूल्याङ्कन सम्पन्न गर्दै बजेट तयारीको गृहकार्य अघि बढाएको हो ।
पश्चिमी वायुको प्रभावः पहाडी क्षेत्रमा वर्षा र हिमपात
हाल देशमा पश्चिमी वायुका साथै स्थानीय वायुको आंशिक प्रभाव रहेको छ । कोशी प्रदेशलगायत देशका पहाडी र हिमाली भू–भागमा साधारणतया बादल लागेको छ ।
हेलिकोप्टर दुर्घटना मौसमी कारणले
सोलुखुम्बुको लोबुचेमा भएको अल्टिच्युड एयरको हेलिकोप्टर दुर्घटना उडानअघि पाइलटलाई अद्यावधिक मौसमसम्बन्धी पर्याप्त सूचना नहुनु र हिउँले ढाकिएको समथर नरहेको हेलिप्याडका कारण भएको देखिएको छ ।
---Kathmandu,-Nepal-para-Microsoft-Flight-Simulator-_-MSFS-1-original-thumb.jpg)
चार सयभन्दा बढी उडान प्रभावित
पश्चिम एसियाका देशमा जारी युद्धका कारण खाडी मुलुकका गन्तव्यमा हुँदै आएका चार सयभन्दा बढी उडान प्रभावित भएका छन् । फागुन १६ गतेदेखि उडान सुरक्षासम्बन्धी तनावका कारण पश्चिम एसियाका नौ वटा देशमा गैरसैनिक उडान प्रतिबन्धका कारण फागुन २० गतेदेखि बुधबारसम्म सात वटा वायुसेवा कम्पनीका ४०६ अन्तर्राष्ट्रिय उडान रद्द भएका हुन् ।
एक सय दस वर्ष पुरानो घरमा ‘होमस्टे’
इलाममा आउने पर्यटकलाई इलाम सदरमुकामनजिकै रहेको नेपाल भिलेज होमस्टेले निकै आकर्षण गर्ने गरेको छ । यो होमस्टे नयाँ बनेको घर भने होइन, न त यो कुनै सुविधा सम्पन्न होटेल रिसोर्ट नै हो ।
रास्वपा सभापति लामिछानेलाई अमेरिकाको बधाई
संयुक्त राज्य अमेरिका सरकारले नेपालमा हालै सम्पन्न प्रतिनिधि सभा सदस्य निर्वाचनमा बहुमत प्राप्त गर्न सफल भएकामा राष्ट्रिय स्वतन्त्र पार्टी (रास्वपा) का सभापति रवि लामिछानेलाई बधाई दिएको छ । अमेरिका सरकारको दक्षिण तथा मध्य एसियाली मामिलासम्बन्धी अमेरिकी विशेष दूत सर्जिओ गोरले रास्वपा सभापति रवि लामिछानेलाई टेलिफोनमार्फत कुराकानी गर्दै निर्वाचनमा प्राप्त जितका लागि बधाई दिनुभएको हो ।
‘राइड सेयरिङ’ सवारीमाथि कडा निगरानी
ट्राफिक प्रहरीले ‘राइड सेयरिङ’ सवारीमाथि कडा निगरानी बढाएको छ । प्रहरीले विशेष चेकिङ अभियान सञ्चालन गर्दै कारबाही गरिरहेको छ । ‘राइड सेयरिङ’ चालकले मनोमानी पैसा असुल्ने, बार्गेनिङ गर्ने र अनलाइन नलिई अफलाइन चलाउने गुनासो बढेपछि ट्राफिक प्रहरीले निगरानी बढाएको हो ।
विशेषज्ञ चिकित्सकको न्यूनतम तलब दुई लाख प्रस्ताव
सरकारी स्वास्थ्य सेवामा कार्यरत विशेषज्ञ चिकित्सकको तलब मासिक दुई लाख रुपियाँ पुर्याउन प्रस्ताव गरिएको छ । सार्वजनिक प्रशासन रूपान्तरण अभियानले सार्वजनिक गरेको प्रस्तावमा स्वास्थ्यकर्मीको संरचनामा व्यापक सुधार आवश्यक रहेको औँल्याउँदै चिकित्सकको न्यूनतम तलब मासिक दुई लाख रुपियाँ पुर्याउन सुझाव दिएको हो । अभियानले भावी सरकारलाई बुझाएको सुधार खाकामा हाल विशेषज्ञ चिकित्सकको तलब अन्य सरकारी कर्मचारी सरह रहेको उल्लेख गर्दै यसलाई पुनर्संरचना गर्दै दुई लाख रुपियाँ पुर्याउने प्रस्ताव गरेको हो ।
कांग्रेसको १५ औँ महाधिवेशन असोजमा
नेपाली कांग्रेसको १५ औँ महाधिवेशन असोजमा हुने भएको छ । कांग्रेस केन्द्रीय कार्यालयमा बुधबार सम्पन्न केन्द्रीय कार्यसमिति बैठकले १५ औँ महाधिवेशन २०८३ असोज १६, १७, १८ र १९ गते गर्ने निर्णय गरेको हो । प्रवक्ता देवराज चालिसेका अनुसार प्रदेश अधिवेशन २०८३ असोज ७ र ८ गते, जिल्ला अधिवेशन २०८३ असोज २ र ३ गते गर्ने निर्णय भएको छ । कांग्रेसले संविधान संशोधन सम्बन्धमा अध्ययन तथा सुझावका लागि विज्ञसहितको समिति गठन गर्ने निर्णय गरेको छ । उहाँले भन्नुभयो, “संविधान संशोधनको विषयमा अध्ययन गरी आवश्य
-original-thumb.jpg)
कागमा बर्डफ्लु
कीर्तिपुरस्थित त्रिभुवन विश्वविद्यालय (त्रिवि) परिसरमा रहेका कागमा बर्डफ्लु पुष्टि भएको छ । पशु सेवा विभागका प्रवक्ता डा. मुकुल उपाध्यायले कीर्तिपुरका जङ्गलमा काग मरेको जानकारी पाइएपछि विभागको प्राविधिक टोली गएर परीक्षण गर्दा बर्डफ्लु पुष्टि भएको जानकारी दिनुभयो । कागमा बर्डफ्लु (एभियन इन्फ्लुएन्जा) सङक्रमण पुष्टि भएपछि सतर्कता अपनाउन आग्रह गर्दै आत्तिनुपर्ने अवस्था नरहेको जानकारी दिनुभयो ।
‘मतदानको उत्साह लोकतन्त्रप्रतिको आस्था’
राष्ट्रपति रामचन्द्र पौडेलले निर्वाचनमा मतदाताले देखाएको अभूतपूर्व सहभागिता लोकतन्त्रप्रतिको अटुट विश्वास भएको बताउनुभएको छ । चुनावी प्रक्रिया समापनका अवसरमा निर्वाचन आयोगले बुधबार आयोजना गरेको जलपान समारोहलाई सम्बोधन गर्दै राष्ट्रपति पौडेलले निर्वाचनले सङ्घीय लोकतान्त्रिक गणतन्त्रलाई थप सु्दृढ तुल्याएको बताउनुभयो ।
