गोरखापत्र अनलाइन
सिराहामा नौ पूर्वमन्त्री चुनावी मैदानमा
आगामी फागुन २१ गते हुने प्रतिनिधि सभाको निर्वाचनमा सिराहाका चार वटै निर्वाचन क्षेत्रमा मन्त्री भइसकेका आठ जना विभिन्न दलबाट चुनावी मैदानमा प्रतिस्पर्धाका लागि उत्रिएका छन् ।
राष्ट्रिय सभा निर्वाचन : सातै प्रदेशमा मतदान सुरु
राष्ट्रियसभामा रिक्त सदस्य चयन गर्न मतदान सुरु भएको छ । २०८२ फागुन २० गतेदेखि राष्ट्रियसभामा १७ सिट (सदस्य) रिक्त रहेको छ । यसका लागि बिहान ९ बजेदेखि मतदान सुरु भएको निर्वाचन आयोगले जनाएको छ ।
अनाथ बालबालिकालाई चिसोभन्दा बढी पढाइको चाहना
बाजुराको बुढीनन्दा नगरपालिका–९ डप्कमा रहेको श्री सिद्धेश्वरी अनाथ, विपन्न तथा जनजाति आवासीय आधारभूत विद्यालयमा अध्ययनरत अनाथ बालबालिकाहरूलाई चिसोभन्दा पनि पढाइप्रतिको चाहना बढी देखिएको छ ।
राष्ट्रिय सभा सदस्य निर्वाचनको तयारी पूरा
मधेश प्रदेशमा माघ ११ गते आइतबार हुने राष्ट्रिय सभा सदस्य निर्वाचनको सम्पूर्ण तयारी पूरा भएको छ । राष्ट्रिय सभा सदस्य निर्वाचन मधेश प्रदेशका निर्वाचन अधिकृत सुभाषबाबु पुरीले दिनुभएको जानकारी अनुसार मतदानका लागि धनुषाको जनकपुधाम उपमहानगरपालिका–४ स्थित रहेको श्री महेन्द्रनारायण निधि मिथिला सांस्कृतिक केन्द्रमा दुई वटा मतदान केन्द्र निर्माण गर्नुका साथै मतदान अधिकृत नियुक्त गर्ने कामदेखि लिएर मतपत्र हस्तान्तरण गर्नेसम्मको सम्पूर्ण काम पूरा भएको छ ।
राष्ट्रिय सभा निर्वाचन : कर्णालीमा मतदान सुरु
राष्ट्रिय सभा निर्वाचनअन्तर्गत कर्णाली प्रदेशमा मतदान सुरु भएको छ । आइतबार बिहान ९ बजेदेखि सुरु भएको मतदानमा पहिलो मतदान कर्णाली प्रदेशका मुख्यमन्त्री यामलाल कँडेलले गर्नुभएको छ ।
ओखलढुङ्गामा कडा चुनावी प्रतिस्पर्धा
ओखलढुङ्गामा आगामी फागुन २१ गते हुने प्रतिनिधि सभा सदस्य निर्वाचनका लागि प्रमुख राजनीतिक दलबिच कडा प्रतिस्पर्धा हुने भएको छ । नेपाली कांग्रेस, नेकपा (एमाले), नेपाली कम्युनिस्ट पार्टी (नेकपा) र राष्ट्रिय स्वतन्त्र पार्टी (रास्वपा) का उम्मेदवार चुनावी मैदानमा उत्रिएसँगै जिल्लाको राजनीतिक माहोल तातिएको हो ।
शेखर र विनोदबिचको प्रतिस्पर्धामा चासो
आगामी फागुन २१ गते हुने प्रतिनिधि सभा सदस्यको उपनिर्वाचनका लागि मोरङ क्षेत्र नम्बर ६ मा चुनावी सरगर्मी बढ्न थालेको छ । मनोनयन दर्तासँगै मुख्य राजनीतिक दलका उम्मेदवार आन्तरिक रणनीति र घरदैलोको प्रारम्भिक तयारीमा जुटेका छन् ।
पुरानालाई नयाँ उम्मेदवारको कडा चुनौती
मुख्य निर्वाचन अधिकृतको कार्यालयले निर्वाचन चिह्न वितरण गरेसंगै बाँकेमा उम्मेदवार निर्वाचनको प्रचारप्रसारमा लागेका छन् । विभिन्न राजनीतिक दल तथा स्वतन्त्र उम्मेदवारले जनताको घरदैलोमा पुग्ने योजना बनाएर घरदैलो अभियानलाई औपचारिक रूपमा सुरु गरिसकेका छन् । बाँकेको क्षेत्र नं. १ र क्षेत्र नं. २ मा पुराना उम्मेदवारलाई यस पटक नयाँ उम्मेदवारले कडा चुनौती दिने स्थानीय मतदाताको भनाइ छ ।
निरन्तर प्रतिस्पर्धामा चन्द्र र प्रदीप
आगामी फागुन २१ गते हुने प्रतिनिधि सभा निर्वाचनका लागि गुल्मी निर्वाचन क्षेत्र नं. १ मा मुख्य दलबिच नै प्रतिस्पर्धा हुने देखिएको छ । केन्द्रीयस्तरमा नै प्रभावशाली नेताका रूपमा स्थापित मुख्य दलका नेताबिच नै प्रतिस्पर्धा हुने भएकाले गुल्मी क्षेत्र नं. १ को निर्वाचनलाई जिल्लाबाहिरबाट पनि विशेष रूपमा हेरिन थालिएको छ ।
राष्ट्रिय सभा निर्वाचन : लुम्बिनीमा मतदान सुरू
राष्ट्रियसभा निर्वाचनका लागि लुम्बिनी प्रदेशमा मतदान प्रक्रिया सुरू भएको छ । प्रदेशमा तीन सिटका लागि आठ उम्मेदवारबिच प्रतिस्पर्धा हुँदैछ ।
पूर्वमन्त्रीलाई नयाँको टक्कर
कैलालीमा प्रतिनिधि सभा सदस्यको निर्वाचनमा उम्मेदवार भएका पूर्वमन्त्रीसँगको प्रतिस्पर्धामा नयाँ उम्मेदवार उत्रिएका छन् । विभिन्न दलले पूर्वमन्त्रीको प्रतिस्पर्धामा नयाँ उम्मेदवार उठाएका हुन् ।
उत्तरी क्षेत्रका लिमी र हिल्सामा आवतजावत बन्द
जिल्लाको उत्तरी क्षेत्र अन्तर्गत नाम्खा गाउँपालिका–५ को हिल्सा र ६ को हिमालपारिको गाउँ लिमीमा आवतजावत बन्द भएको छ। गत शुक्रबार राति परेको भारी हिमपातका कारण दुवै नाकाका सडक अवरुद्ध भएपछि हिल्सा र लिमीबीचको आवतजावत ठप्प भएको हो।
कैलाली क्षेत्र नं. १ चुनावी चर्चामा
हरेक निर्वाचनमा नयाँ उम्मेदवार जिताएर चक्मा दिने कैलाली जिल्ला प्रतिनिधि सभा क्षेत्र नं. १ मा यस पटकको चुनाव पनि रोचक हुने भएको छ । विसं २०७९ को निर्वाचनमा नागरिक उन्मुक्ति पार्टीले फराकिलो मतान्तरमा जितेको यो क्षेत्रमा सो पार्टी विभाजन भएर चार टुव्रmा भएपछि भने नतिजा के होला भन्ने चासो सबैमा बढेको छ ।
निर्वाचन प्रहरीमा काका भतिजी आवेदक
आसन्न प्रतिनिधि सभा सदस्य निर्वाचनका लागि माग गरिएको निर्वाचन प्रहरीमा एकै परिवारका काका भतिजीले आवेदन दिएका छन् । यहाँको शुक्लाफाँटा नगरपालिका–१०, मुक्तिटोलका ४१ वर्षीय जवाहरलाल राना र उहाँकी १९ वर्षीय भतिजी सुविता रानाले निर्वाचन प्रहरीका लागि आवेदन दिनुभएको हो । घरको आर्थिक समस्याले सुविताले कक्षा १२ को पढाइ छाड्नुभएको उहाँका काकाले बताउनुभयो । उहाँका पाँच भतिजी र एक भतिजामध्ये माइली सन्तान सुविताले रोजगारीका लागि काकासँगै निर्वाचन प्रहरीमा आवेदन दिएको बताउनुभयो । जवाहरलाल पूर्वसेना पनि हुनुहुन्छ ।
गोरखामा सुन्तला उत्पादन १५ प्रतिशत बढ्यो
जिल्लामा यस वर्ष सुन्तला उत्पादन १५ प्रतिशतले वृद्धि भएको छ । राष्ट्रिय कृषि आधुनिकीकरण कार्यक्रम कार्यान्वयन एकाइका अनुसार जिल्लामा यो वर्ष तीन हजार १८७ मेट्रिक टन सुन्तला उत्पादन भएको हो ।
