न्यायका अभियन्ता पनि हुन् अली

पार्किन्सन रोगले ग्रसित बक्सिङका हस्ती मोहम्मद अलीले सद्दाम हुसेनसँग अनौपचारिक रूपमा भेट गरी १५ अमेरिकी बन्धक रिहा गर्न महत्त्वपूर्ण भूमिका निर्वाह गरेका थिए । बक्सिङ खेलका हस्ती, पप संस्कृतिका मेगास्टार, नागरिक अधिकारका हिमायती र बन्धक मामिलाका वार्ताकार– मोहम्मद अलीको पहिचान यतिमै सीमित छैन । रिङभित्र आफ्नो तेजस्वी उपस्थिति तथा त्यसबाहिर लोकोपकारी र सामाजिक न्यायका अभियन्ता अली अमेरिकाको एक महान् र यशस्वी खेलाडी पनि थिए ।