• १६ चैत २०८०, शुक्रबार

सङ्घीय संसद्को संयुक्त बैठक र संयुक्त समिति (कार्यसञ्चालन) नियमावली पारित

blog

फाइल तस्बिर ।

काठमाडौँ, जेठ १४  गते । सङ्घीय संसद्को संयुक्त बैठक र संयुक्त समिति (कार्यसञ्चालन) नियमावली, २०८० पारित भएको छ । 

सङ्घीय संसद्को आज बसेको संयुक्त बैठकले बहुमतले नियमावली पारित गरेको हो । नियमावली मस्यौदा समितिका सभापति ध्रुवबहादुर प्रधानले आजको संयुक्त बैठकमा उक्त नियमावली पारित गरियोस् भनी प्रस्ताव गर्नुभएको थियो ।

आजै सङ्घीय संसद्को संयुक्त बैठकमा नियमावलीको मस्यौदा प्रतिवेदनमाथिको संशोधनसहितको दफावार छलफल भएको थियो । दफावार छलफलका क्रममा संशोधन प्रस्ताव गर्नुभएका सांसदहरू खिमलाल देवकोटा, जितेन्द्र नारायण देवले राख्नुभएको संशोधन प्रस्ताव फिर्ता लिनु भएको थियो भने अमरेशकुमार सिंह, प्रभु साह, सुमना श्रेष्ठ, प्रेम सुवाल, डा विमला राई पौड्यालले आफ्नो संशोधन फिर्ता लिनुभएन ।

संयुक्त सदनबाट नियमावली पारित गर्नका लागि निर्माणार्थ प्रस्तुत भएकोमा बहुमतले पारित भएको घोषणा सभामुखले गर्नुभएको हो ।  रासस