काठमाडौँ, मङ्सिर ३ गते । गायक विजय महर्जनको ‘मेरी सपनाकी रानी’ बोलको गीत सार्वजनिक भएको छ । चर्चित गायिका लोचन भट्टराईको प्रमुख उपस्थितिमा शनिबार एक कार्यक्रमको आयोजना गरी गायक महर्जनले गीतको भिडियो सार्वजनिक गर्नुभएको हो ।
रोहिया महर्जन निर्देशक रहेको सो गीतमा विजय महर्जनको स्वर तथा शब्द र दीपक रमनले सङ्गीत दिनुभएको छ ।
दुई दशकदेखि नृत्य क्षेत्रमा कार्यरत रहँदा धेरै भिडियोमा अभिनय गरेको अनुभव सुनाउनुहुँदै महर्जनले निर्देशन विद्या धेरै गाह्रो भएको बताउनुभयो ।
नेवा आइडल गायन प्रतियोगिताको प्रतिस्पर्धी समेत रहनुभएको विजयले आफू नयाँ गायक भएर यस क्षेत्रमा प्रवेश गरिरहँदा पुराना तथा स्थापित गायक गायिकाहरूको साथ, सहयोग र सल्लाहको खाँचो रहेको बताउनुभयो ।
