सिन्धुलीको सबै निर्वाचन क्षेत्रमा गठबन्धनको अग्रता
सिन्धुली जिल्लाको प्रतिनिधिसभाको दुई वटै निर्बाचन क्षेत्रमा सत्तारुढ गठबन्धन दलका उम्मेद्वारको सुरुवातदेखि नै अग्रता रहेको छ । प्रतिनिधिसभा निर्वाचन क्षेत्र नं. १ मा दिउँसो २ बजेसम्म १४ हजार ११७ मतगणना हुदा गठबन्धनबाट नेपाली काँग्रेसका उम्मेद्वार श्यामकुमार घिमिरेले निकटतम प्रतिद्वन्द्वी नेकपा एमालेका प्रदिप कटुवाललाई एक हजार ७२१ मतान्तरले अग्रता लिनु भएको छ ।
भक्तपुर १ (क) मा कांग्रेस अगाडि
प्रदेश सभा सदस्यकाे निर्वाचन क्षेत्र नम्बर १ (क) भक्तपुरमा नेपाली कांग्रेस अगाडि छ । मङ्गलबार दिउँसो १ बजेर ५० मिनेटसम्म कांग्रेसका उम्मेदवार सुरेश श्रेष्ठले सात हजार २५६ मत ल्याएर अग्रता लिनुभएको हो ।
काठमाडौं १० मा कांग्रेसका केसीको अग्रता
काठमाडौं निर्वाचन क्षेत्र नं १० मा नेपाली कांग्रेसतर्फका प्रतिनिधिसभा सदस्यका उम्मेदवार राजेन्द्रकुमार केसीले अग्रता लिनुभएको छ ।
भक्तपुर २ मा कांग्रेसकै अग्रता
भक्तपुर प्रतिनिधि सभा निर्वाचन क्षेत्र नम्बर २ मा नेपाली कांग्रेस अगाडि छ । मङ्गलबार दिउँसो १ बजेर ५० मिनेटसम्म नेपाली कांग्रेसका उम्मेदवार दूर्लभ थापाले १४ हजार ०९६ मतसहित अगाडि हुनुहुन्छ।
सिन्धुपाल्चाेक १ मा नेपाल र २ मा बस्नेतकाे अग्रता
प्रारम्भिक मतगणनामा प्रतिनिधि सभा–१ मा नेकपा एमालेका सरेश नेपाल र प्रतिनिधि सभा–२ मा गठबन्धनका काँग्रेसका मोहनबहादुर बस्नेतले अग्रता कायम गरेका छन् ।
रामेछापमा गठबन्धन अगाडि
रामेछापमा मङ्सिर ४ गते आइतबार भएको प्रतिनिधि सभा सदस्य र प्रदेश सभा सदस्य निर्वाचनको मतगणना जारी छ । एक प्रतिनिधि सभा सदस्य र दुई प्रदेश सभा सदस्यका लागि भएको निर्वाचनमा अहिले प्रदेश १ को मतगणना भइरहेको छ ।
ललितपुर ३ मा डा. तोसिमा कार्कीकाे अग्रता कायम
ललितपुर क्षेत्र नम्बर ३ मा राष्ट्रिय स्वतन्त्र पार्टीकी उम्मेदवार डा. तोसिमा कार्कीले अग्रता कायम राख्नुभएको छ ।
काठमाडौं ८ (क) मा हाम्राे नेपाली पार्टीका बज्राचार्य निर्वाचित
प्रदेशसभाको सदस्यको लागि भएको निर्वाचनमा काठमाडौं क्षेत्र नम्बर ८ (क) मा लौरो चिन्ह लिएर चुनावमा उत्रनुभएका हाम्रो नेपाली पार्टीका उम्मेदवार शैलेन्द्र बज्राचार्य निर्वाचित हुनुभएको छ ।
काठमाडौं ४ बाट कांग्रेस महामन्त्री थापा विजयी
नेपाली कांग्रेसका महामन्त्री गगनकुमार थापा प्रतिनिधि सभा सदस्य निर्वाचनमा काठमाडौंको क्षेत्र नम्बर ४ बाट अत्यधिक मतका साथ विजयी हुनुभएको छ।
गगन थापाको जित निश्चित
काठमाडौं क्षेत्र नम्बर ४ मा नेपाली कांग्रेसका गगन थापा निर्वाचित हुने निश्चित भएको छ ।
ललितपुर–३ मा डा. तोसिमा कार्कीको अग्रता कायमै
ललितपुर क्षेत्र नम्बर ३ मा राष्ट्रिय स्वतन्त्र पार्टीकी उम्मेदवार डा. तोसिमा कार्कीले अग्रता कायम राख्नुभएको छ ।
काठमाडौं– ८ मा स्वतन्त्र पार्टीका श्रेष्ठको अग्रता
काठमाडौं क्षेत्र नम्बर ८ मा राष्ट्रिय स्वतन्त्र पार्टीका उम्मेदवार विराजभक्त श्रेष्ठले अग्रता कायमै राख्नुभएको छ ।
काभ्रेमा हजार मतले गोकुल बास्कोटा पछाडि
काभ्रेपलाञ्चोक प्रतिनिधि सभा सदस्य पदका उम्मेदवार गोकुल बास्कोटा एक हजार ७६ मतले पछि पर्नुभएको छ ।
बागमतीका अधिकांश जिल्लामा मतगणना सुरु
आइतबार भएको प्रतिनिधि तथा प्रदेश सभा सदस्यको निर्वाचनको मतगणना कार्य सुरु भएको छ । बागमती प्रदेशका केही जिल्लामा ढिला गरी मतगणना सुरु भए पनि अधिकांश जिल्लामा सोमबार बिहानैबाट मतगणना प्रक्रिया सुरुभएको छ । मतदान स्थलमा सुरक्षा व्यवस्थामा कडाइ गरिएको छ । प्रतिनिधि सभाको ३३ र प्रदेश सभाको ६६ निर्वाचन क्षेत्र रहेको यस प्रदेशमा मतगणनाको प्रारम्भिक मतपरिणामअनुसार नेकपा (एमाले), नेपाली कांग्रेस, राष्ट्रिय स्वतन्त्र पार्टी र नेकपा (एकीकृत समाजवादी)का उम्मेदवार अगाडि रहेका छन् । यस प्रदेशमा प्रदेश सभा सदस्यमा प्रत्यक्षमा ६६८ उम्मेदवार प्रतिस्पर्धामा गरेका थिए ।
काठमाडौंका ९ वटा निर्वाचन क्षेत्रमा कसको अग्रता कति ?
सङ्घीय राजधानी काठमाडौँ जिल्लाका १० निर्वाचन क्षेत्रमध्ये १ मा नेपाली कांग्रेसका प्रकाशमान सिंह विजयी हुनुभएको छ। अन्य क्षेत्रको प्रतिनिधि सभा र प्रदेश सभा सदस्यको मतगणना जारी छ।
ललितपुर २ मा सूर्य र ३ मा घण्टीको अग्रता
ललितपुर निर्वाचन क्षेत्र नम्बर २ मा नेकपा (एमाले) का उम्मेदवार प्रेम महर्जनको अग्रता कायमै रहेको छ।
दोलखामा अझै सुरु भएन मतगणना
आइतबार राति नै मतपेटिका सदरमुकाम चरिकोट ल्याइए पनि मतगणना भने अझै सुरु हुन सकेको छैन। दोलखाका ५ स्थानमा बुथ कब्जा भएको र मतदान स्थगित गरेर पुन मतदानको माग गर्दै एमालेले निर्वाचन अधिकृतको कार्यालयमा उजुरी दिएका कारण मतगणना सुरु हुन नसकेको हो।
चितवन १ मा कांग्रेसका पौडेल र २ मा एमालेका पोख्रेलको अग्रता
चितवन क्षेत्र नं १ मा हालसम्म एक हजार मतगणना हुँदा गठबन्धनका तर्फबाट नेपाली कांग्रेसका उम्मेदवार विश्वनाथ पौडेलले सुरुआती अग्रता लिनुभएको छ ।
ललितपुर–३ मा तोसिमा अगाडि
ललितपुर क्षेत्र नम्बर ३ मा राष्ट्रिय स्वतन्त्र पार्टीका डा. तोसिमा कार्कीले अग्रता लिनुभएको छ ।
भक्तपुर–१ मा राप्रपा, २ मा कांग्रेस अगाडि
क्तपुर क्षेत्र नं २ को मतगणनामा नेपाली कांग्रेसको अग्रता कायमै छ । मध्यपुरथिमि नगरपालिकाको बोडेस्थित नेपाल कृषि विकास बैङ्कको तालिम केन्द्रमा जारी मतगणनामा १० हजार मतगणना हुँदा प्रतिनिधिसभातर्फ कांग्रेसले नेकपा (एमाले) का उम्मेदवारलाई पछाडि पार्दै अग्रता कायमै राखेको हो ।
काठमाडौं–१ मा राप्रपाका रविन्द्र मिश्रको अग्रता
काठमाडौं क्षेत्र नं. १ को प्रारम्भिक मतगणना अनुसार राष्ट्रिय प्रजातन्त्र पार्टीका रविन्द्र मिश्रको अग्रता देखिएको छ ।
सिन्धुलीमा अझै सुरु भएन मतगणना
सिन्धुलीमा प्रतिनिधिसभा र प्रदेशसभा निर्वाचनको मतगणना सोमबार बेलुका ४ बजेसम्म पनि सुरु हुन सकेको छैन ।
काठमाडौंको तीन क्षेत्रमा राष्ट्रिय स्वतन्त्र पार्टी अगाडि
काठमाडौंमा प्रतिनिधि सभाका १० निर्वाचन क्षेत्रको मतगणना भइरहेको छ । गणना भएकामध्ये तीन स्थानमा राष्ट्रिय स्वतन्त्र पार्टी अगाडि छ ।
भक्तपुर २ मा कांग्रेसका दुर्लभ थापाको अग्रता
भक्तपुर क्षेत्र नं. २ को मतगणनामा नेपाली कांग्रेसले ४३५ मतले अग्रता लिएको छ । मध्यपुरथिमि नगरपालिका बोडेस्थित नेपाल कृषि विकास बैङ्कको तालिम केन्द्रमा जारी मतगणनामा प्रतिनिधिसभातर्फ नेपाली काँग्रेसका उम्मेदवार दुर्लभ थापाले ४ हजार ११९ मत प्राप्त गर्नुभएको छ ।
ललितपुर २ र ३ मा एमालेको अग्रता
ललितपुर निर्वाचन क्षेत्र नंं. २ मा नेकपा (एमाले) का प्रेम बहादुर महर्जन र ललितपुर ३ मा एमालेका अमृत खड्काको अग्रता रहेको छ ।
