काठमाडौं–२ को मतगणना सुरु
काठमाडौं क्षेत्र नं २ को मतगणना सुरु भएको छ । राजनीतिक दलका प्रतिनिधिबीच आपसी सहमति जुटाएर केहीबेरअघिदेखि मतगणना सुरु भएको सहायक मतदान अधिकृत यज्ञराज रेग्मीले जानकारी दिनुभयो ।
चितवन निर्वाचन क्षेत्र २ को मतगणना सुरु
चितवनको निर्वाचन क्षेत्र नम्बर २ को मतगणना दिउँसो २ः३० बजेबाट सुरु भएको छ । यस क्षेत्रको इच्छाकामना गाउपालिका वडा नम्बर १ र २ को हात्तीवाङ र भारलाङको मतगणना सुरु भएको हो । मतगणनाको अपडेट एक–एक घण्टामा गर्ने मुख्य निर्वाचन अधिकृतको कार्यालयका प्रमुख रितेन्द्र थापाले जानकारी दिनुभयो ।
ललितपुर १ मा एमालेको अग्रता
ललितपुर प्रतिनिधिसभा निर्वाचन क्षेत्र नम्बर १ मा नेकपा (एमाले) का उम्मेदवार नवराज सिलवालको अग्रता रहेको छ।
काठमाडौं–९ मा एमालेलाई अग्रता
काठमाडौँ क्षेत्र नं ९ मा प्रतिनिधिसभा सदस्यका लागि नेकपा (एमाले) का कृष्णगोपाल श्रेष्ठ पाँच सय ६४ मतसहित अग्रता लिनुभएको छ
काठमाडाैं १० मा काँग्रेसका राजन केसीकाे अग्रता
सत्ता गठबन्धन दलको मैत्रीपूर्ण प्रतिस्पर्धा रहेको काठमाडौं क्षेत्र नम्बर १० को चुनावी ताजा नतिजा अनुसार नेपाली काँग्रेसका उम्मेदवार राजन केसीले एकहजार ७७ मत प्राप्त गर्नुभएको छ । चौथौँ पटक चुनावी प्रतिस्पर्धामा रहनुभएका उहाँले तेस्रो पटक विजयी हुने दौडमा हुनुहुन्छ ।
काठमाडौं–८ मा राष्ट्रिय स्वतन्त्र पार्टीको अग्रता
काठमाडौं–८ मा राष्ट्रिय स्वतन्त्र पार्टीले अग्रता लिएको छ । राष्ट्रिय स्वतन्त्र पार्टीका उम्मेदवार विराजभक्त श्रेष्ठ ६०७ मत पाउनुभएको छ ।
मकवानपुरमा १० स्थानबाट मतगणना
मकवानपुरमा १० स्थानबाट मतगणना सुरु गर्ने तयारी थालेको छ । बिहान ११ बजेदेखि प्रतिनिधि तथा प्रदेश सभा सदस्यको प्राप्त मतगणना गरिने मुख्य निर्वाचन अधिकृत ऋषिराम निरौलाले जानकारी दिनुभयो ।
काठमाडौँको क्षेत्र नं. ७ मा मतगणना सुरु: अन्य क्षेत्रमा सुरु हुँदै
काठमाडौँ जिल्लाको क्षेत्र नं. ७ को मतगणना कार्य अहिले बिहान ५ बजेबाट सुरु भएको छ । काठमाडौँका मुख्य निर्वाचन अधिकृत राजकुमार खतिवडाले काठमाडौँ क्षेत्र नं. ७ को मतगणना कार्य सुरु भएको र अन्य निर्वाचन क्षेत्रको पनि मतगणना गर्ने कार्यको सुरु गर्ने तयारी भइरहेको जानकारी दिनुभयो ।
काठमाडौं-३ मा भोलिदेखि मात्रै मतगणना
काठमाडौं, मङ्सिर ४ गते। काठमाडौँ क्षेत्र नम्बर ३ मा सोमबार बिहानदेखि मात्रै मतगणना सुरु हुने भएको छ। सर्वदलीय बैठकले भोलिदेखि मात्रै मतगणना सुरु गर्ने प्रारम्भिक सहमति जुटाइसकेको निर्वाचन अधिकृत मन्दिरा शाहीले बताउनुभयो।“सर्वदलीय बैठकमा सोमबारदेखि मात्रै मतगणना सुरु गर्ने भन्ने प्रस्ताव आएको छ। उहाँहरूले नै हामी भोलिपल्ट बाट मात्रै मतगणना गर्न मञ्जुर छौँ भन्नुभएको छ। त्यसैअनुरुप हामीले भोलि नै गर्ने भनेर खाका बनाइसकेका छौँ”, निर्वाचन अधिकृत शाहीले भन्नुभयो। अहिले मतपेटिका बुझ्ने काम भइरहेको पनि निर्वाचन अधिकृत शाहीले जानकारी दिनुभयो। मतपेटिका बुझिसकेपछि अहिले ९ बजे फेरि सर्वदलीय बैठक बस्ने र मतगणना सुरु गर्नेबारे अन्तिम निर्णय गरिने उहाँको भनाइ छ। काठमाडौँ क्षेत्र नं ३ को मतगणना नारायणटारस्थित चामुण्डा माविमा हुँदैछ।
चितवनमा मतगणनाको तयारी
चितवनमा झण्डै ६५ प्रतिशत मत झरेको छ ।
मतगणनास्थलमा काठमाडौंका मतपेटिका (फोटो फिचर)
काठमाडौं, मङ्सिर ४ गते । काठमाडौंका विभिन्न मतदान केन्द्रबाट मतपेटिका मतगणनास्थल नयाँ बानेश्वरस्थित संसद् भवनमा ल्याइएको छ । सङ्घीय संसद् भवन परिसरमा मतपेटिकाको ढुवानी र त्यहाँका गतिविधि : तस्बिर: कविन अधिकारी
सहज देखिए महिलाले चलाएका मतदानस्थल
भरतपुर –१० का भुवन आचार्य अपराह्न २ बजे भरतपुर १० स्थित भरतपुर माध्यमिक विद्यालय मतदान स्थलमा मतदान गरेर फर्कनुभयो । सोही वडाका विश्वनाथ ओझाले पनि सोही मतदान स्थलबाट बिहान सबेरै मतदान गर्नुभयो ।
मतदान गर्ने बित्तिकै ७१ वर्षीय वृद्धको निधन
जिल्लाको लिखु तामाकोशी गाउँपालिका–४ बिजुलीकोमा मतदान गरेर निस्किनुभएको बिजुलीकोको दुसिम निवासी ७१ वर्षीय ठगबहादुर सुनुवारको ज्यान गएको हो ।
अनुमति नलिएका १५ सय मोटरसाइकल नियन्त्रणमा (फोटो फिचर)
काठमाडौं, मङ्सिर ४ गते । प्रतिनिधि सभा तथा प्रदेश सभा सदस्य निर्वाचनमा अनुमति नलिई चलाइएका १५ सय वटा मोटरसाइकललाई प्रहरीले नियन्त्रणमा लिएको छ । ट्राफिक प्रहरी प्रवक्ता राजेन्द्रप्रसाद भट्टका अनुसार १५ सयभन्दा बढी मोटरसाइकल र ८७ वटा चारपाङ्ग्रे सवारीलाई नियन्त्रणमा लिइएको छ । साँझ ७ बजेसम्म नियन्त्रणमा राखेर ट्राफिक प्रहरीले सवारी फिर्ता दिनेछ ।
सयौं सवारी साधन नियन्त्रणमा
प्रतिनिधि सभा तथा प्रदेश सभा सदस्य निर्वाचनमा अनुमती नलिई आज चलाइएका एक हजार ३४९ वटा मोटरसाइकललाई नियन्त्रणमा लिइएको ट्राफिक प्रहरीले जनाएको छ ।
नेत्री अञ्जना बिशंखेद्वारा सतुङ्गल, बोसीगाउँ मतदान केन्द्रबाट मतदान
नेकपा (माओवादी केन्द्र)का स्थायी समिति सदस्य तथा काठमाडौं निर्वाचन क्षेत्र नं. १० उम्मेदवार नेत्री अञ्जना बिशंखेले चन्द्रागिरि नगरपालिकाकाे वडा नम्बर १० भैरब आधारभूत विद्यालय, सतुंगल, बोसीगाउँ मतदान केन्द्रबाट मतदान गर्नुभएको छ ।
नेमकिपा अध्यक्ष नारायणमान बिजुक्छेद्वारा मतदान
पाल मजदुर किसान पार्टी (नेमकिपा)का अध्यक्ष नारायणमान बिजुक्छे ले मतदान गर्नुभएकाे छ । भक्तपुर –५ स्थित विद्यार्थी निकेतन मावि केन्द्रबाट उहाँले मतदान गर्नुभएकाे हाे ।
पूर्वमन्त्री मोहनबहादुर बस्नेतद्वारा मतदान
चित्र मिजारसिन्धुपाल्चोक, मंसिर ४ गते । पूर्वमन्त्री एंवम् नेपाली काँग्रेस केन्द्रीय सदस्य मोहनबहादुर बस्नेतले मतदान गर्नुभएको छ । उहाँले सिन्धुपाल्चोकको निर्वाचन क्षेत्र–१ को बाह्रबिसे नगरपालिका–४ स्थित क्षमादेवी मावि मतदान केन्द्रबाट मतदान गर्नुभएको हो । उहाँ सिन्धुपाल्चोक निर्वाचन क्षेत्र–२ का गठबन्धन उम्मेदवारसमेत हुनुहुन्छ । यस्तै, २०७० साल र २०५६ सालमा निर्वाचन क्षेत्र–१ बाट बस्नेत नेपाली काँग्रेसको तर्फबाट उम्मेदवार भई विजयी हुनुभएको हो । ०७९ सालको प्रतिनिधि सभा निर्वाचनमा बस्नेत गठबन्धनबाट निर्वाचन क्षेत्र नं. २ मा उम्मेदवार हुनुहुन्छ भने एमालेबाट शेरबहादुर तामाङ उम्मेदवार हुनुहुन्छ । यो पटकको प्रतिनिधि सभा निर्वाचनमा बस्नेतले आफूलाई मतदान गर्न पाउनुहुन्न । मतदान गर्न क्षमादेवी मावि केन्द्रमा पुग्नुभएका बस्नेतसँग क्षेत्र नं.१ का गठबन्धन उम्मेदवार माधव सापकोटासँगै बस्नेत पनि मतदान केन्द्रमा पुग्नुभएको हो ।
निर्वाचनमा जित्ने गठबन्धनका उम्मेदवारको दाबी
नेपाली कांग्रेसका महामन्त्री गगनकुमार थापाले निर्वाचन शानदार ढङ्गले जित्नेमा पूर्ण विश्वास रहेको बताउनुभएको छ ।
मकवानपुरको सबै मतदान केन्द्रमा सुरक्षा प्रबन्ध
राममणि दाहालहेटौँडा, मङ्सिर ४ गते । प्रतिनिधि तथा प्रदेश सभा सदस्यको निर्वाचनअन्तर्गत मकवानपुरमा आइतबार बिहानैबाट मतदान जारी रहेको छ । मतदान बिहान ७ बजेबाट सुरु भएसँगै मतदान केन्द्र र वरपरको क्षेत्रमा चहलपहल सुरु भएको हो । मतदान शान्तिपूर्ण सम्पन्न गर्न तीन तहमा सुरक्षा व्यवस्था मिलाइएको छ । मतदान केन्द्रको पहिलो घेरामा म्यादी प्रहरी र नेपाल प्रहरी, दोस्रो घेरामा सशस्त्र प्रहरी र अन्तिम घेरामा नेपाली सेना सुरक्षाका लागि रहेका छन् । सुरक्षाकर्मीले मतदातासँगै, मतदान केन्द्र मतपत्र र मतपेटिकाको सुरक्षा गर्नेछन् । मकवानपुरमा म्यादी प्रहरी एक हजार ६९९, जनपथ प्रहरी एक हजार ६९, सशस्त्र प्रहरी चार सय र नेपाली सेना खटाइएको छ ।जिल्लाको १६७ मतदान स्थल र दुई अस्थायीसहित ३६६ मतदान केन्द्रमा शान्तिपूर्ण रूपमा मतदान भइरहेको छ । जिल्लाको सबै मतदान केन्द्रमा मतदाताले निर्बाध रूपमा मतदान गरिरहेको मकवानपुरका प्रमुख जिल्ला अधिकारी राजेन्द्रदेव पाण्डेले जानकारी दिनुभयो ।जिल्लाको प्रतिनिधि सभा सदस्यमा निर्वाचन क्षेत्र नं. १ मा दुई स्वतन्त्रसहित १७ जना र क्षेत्र नं. २ मा एक स्वतन्त्रसहित १० जना प्रतिस्पर्धामा छन् ।यस्तै प्रतिनिधि सभा निर्वाचन क्षेत्र नं. १ को प्रदेश सभा निर्वाचन क्षेत्र १ मा दुई स्वतन्त्रसहित १० जना र प्रदेश सभा निर्वाचन क्षेत्र नं. २ मा छ स्वतन्त्रसहित १५ जना तथा प्रतिनिधि सभा निर्वाचन क्षेत्र नं. २ को प्रदेश सभा निर्वाचन क्षेत्र १ मा तीन स्वतन्त्रसहित आठ जना र प्रदेश सभा निर्वाचन क्षेत्र नं. २ मा छ तीन स्वतन्त्रसहित १० जना प्रदेश सभा सदस्यमा उम्मेदवार रहनुभएको छ ।मकवानपुरमा आइतबार जारी निर्वाचनका लागि एक लाख ५३ हजार ५२८ पुरुष, एक लाख ४७ हजार दुई सय महिला र अन्य पाँच जना गरी तीन लाख ७३३ मतदाता कायम भएको छ।प्रतिनिधि सभा निर्वाचन क्षेत्र नं. १ मा ७४ हजार ९३० पुरुष, ७५ हजार २२१ महिला र अन्य चार गरी एक लाख ५० हजार १५५ मतदाता मतदानमा सहभागी हुँदै छन् । निर्वाचन क्षेत्र नं. २ मा ७८ हजार ५९८ पुरुष, ७१ हजार ९७९ र अन्य एक जना गरी एक लाख ५० हजार ५७८ मतदाता रहेका छन् ।प्रतिनिधि सभा निर्वाचन क्षेत्र नं. १ मा ६२ मतदान स्थल र १७२ मतदान केन्द्र तथा निर्वाचन क्षेत्र नं. २ मा मतदान स्थल १०५ र मतदान केन्द्र १९२ वटा रहेको छ । यसैगरी मकवानपुरमा प्रतिनिधिसभा क्षेत्र नं. १ को प्रदेश सभा निर्वाचन क्षेत्र नं. १ मा पुरुष ४० हजार १११, महिला ३७ हजार ८७७ र अन्य एक गरी कुल मतदाता ७७ हजार ९८९ जना तथा प्रदेश सभा निर्वाचन क्षेत्र २ मा पुरुष मतदाता ३४ हजार ८१९, महिला ३७ हजार ३४४ र अन्य तीन जना गरी ७२ हजार १६६ मतदाता छन् । यस्तै प्रतिनिधिसभा निर्वाचन क्षेत्र नंं २ को प्रदेश सभा निर्वाचन क्षेत्र १ मा पुरुष मतदाता ४२ हजार ८४३, महिला मतदाता ४० हजार २५५ र अन्य एक जना गरी ८३ हजार ९९ जना तथा निर्वाचन क्षेत्र २ मा पुरुष मतदाता ३५ हजार ७५५ र महिला ३१ हजार ७२४ गरी ६७ हजार ४७९ जना रहेका छन् । प्रतिनिधि सभा १ को प्रदेश सभा निर्वाचन क्षेत्र १ मा मतदान स्थल ४७ र मतदान केन्द्र ९५, क्षेत्र नं. २ मा मतदान स्थल १५ र मतदान केन्द्र ७७ तथा प्रतिनिधि सभा क्षेत्र नं. २ को प्रदेश सभा क्षेत्र नं. १ मा मतदान स्थल ५६ र मतदान केन्द्र १०८, प्रदेश सभा २ मा मतदान स्थल ४९ र मतदान केन्द्र ८४ रहेको छ ।
निर्वाचन आयुक्त भण्डारीले गर्नुभयो मतदान
निर्वाचन आयोगका निर्वाचन आयुक्त रामप्रसाद भण्डारीले काठमाडौं महानगरपालिकास्थित अनामनगरको मिलन विद्यामन्दिर स्कुल मतदान केन्द्रबाट मतदान गर्नुभएको छ।
गगन थापाले गर्नुभयो मतदान
नेपाली कांग्रेसका महामन्त्री एवं काठमाडौं क्षेत्र ४ का प्रतिनिधि सभा सदस्यका उम्मेदवार गगनकुमार थापाले मतदान गर्नुभएको छ ।
विवेकको मत सुझबुझ ढङ्गले प्रयोग गरौँ–प्रमुख आयुक्त थपलिया
निर्वाचन आयोगका प्रमुख आयुक्त दिनेशकुमार थपलियाले विवेकको मत सुझबुझ ढङ्गले प्रयोग गर्नुपर्ने बताउनुभएको छ ।
मन्थली मतदान केन्द्रमा मतदान ढिला
रामेछाप सदरमुकामको मन्थली मतदान केन्द्रमा बिहान ८ बजेसम्म पनि मतदान सुरु हुन सकेको छैन । निर्वाचन आयोगले बिहान ७ बजेदेखि साँझ ५ बजेसम्म मतदान गर्ने भने पनि जिल्ला सदरमुकामस्थित जिल्ला समन्वय समितिमा रहेको मतदान स्थलमा ८ बजेसम्म पनि मतदान सुरु नभएको हो ।
सभामुखबाट मतदान
सभामुख अग्नि प्रसाद सापकोटाले सिन्धुपाल्चोकको कुबिण्डे सेतीदेवी पञ्चकन्या मावि मतदान केन्द्रबाट पहिलो मतदान गर्नु भएको छ ।
