एमाले उपाध्यक्ष पाण्डेद्वारा मतदान
शालिग्राम नेपाल । चितवन, मङ्सिर ४ गते । नेकपा एमालेका उपाध्यक्ष तथा चितवनको निर्वाचन क्षेत्र नं. १ का उम्मेदवार सुरेन्द्र पाण्डेले मतदान गर्नुभएको छ । उहाँले राप्ती नगरपालिकाको भण्डारा अस्पताल केन्द्रमा मतदान गर्नुभएको हो । २०७० र २०७४ सालमा भएको निर्वाचनमा विजयी उपाध्यक्ष पाण्डे अहिले यसै क्षेत्रबाट उम्मेदवार हुनुहुन्छ । १६२ मतदान स्थल रहेको चितवनमा ४६० केन्द्र तोकिएका छन् । प्रतिनिधिसभा निर्वाचन क्षेत्र नं. १ मा एक लाख ३९ हजार ८४५ मतदान रहेका छन् । क्षेत्र नम्बर १ मा एक लाख २४ हजार २१४ र ३ मा एक लाख ४४ हजार २८३ जना रहेका छन् । मतदान स्थलमा बिहानदेखि नै मतदाताको ठुलो उपस्थिति रहेको छ ।
प्रधानमन्त्रीकै लागि विवाद गर्दैनौँ : अध्यक्ष प्रचण्ड
नेकपा (माओवादी) का अध्यक्ष पुष्पकमल दाहाल प्रचण्डले चुनाव पछि पनि गठबन्धन कायमै रहने बताउनुभएको छ ।
प्रमुख निर्वाचन आयुक्त थपलियाद्वारा मतदान
प्रमुख निर्वाचन आयुक्त थपलियाद्वारा मतदान
मतदान गर्न बिहान ५ः३० देखिनै लाम
प्रतिनिधि तथा प्रदेशसभा निर्वाचनमा मतदान गर्ने भरतपुर महानगरपालिका वडा नं. ११ का मतदाता उत्साहित भएर बिहान ५ः३० बजे देखिनै लाइनमा बसेका छन् ।
प्रमुख निर्वाचन आयुक्त, आयुक्त र सचिवले मतदान गर्ने समय मतदानस्थल
आइतबार हुने संघीय निर्वाचनमा प्रमुख निर्वाचन आयुक्त दिनेशकुमार थपलियाले भक्तपुरको लोकन्थलीस्थित युनिक नेपाल एकेडेमीमा मतदान गर्नुहुने छ।
७० वर्षपछि ज्येष्ठ नागरिक जुल्फेलाई नागरिकता
बलेफी गाउँपालिका–८ का बोल्न नसक्ने ७० वर्षीया (आवाजविहीन) जुल्फे तामाङलाई ७० वर्षपछि नेपाली नागरिकता प्रदान गरिएको छ । तामाङ २००९ जेठ २० गते जन्मेको आधारमा जिल्ला प्रशासन कार्यालय सिन्धुपाल्चोकले नागरिकता दिलाइएको छ ।
अनर्गल प्रचारप्रति प्रेस सेन्टर, नेपालको आपत्ति
प्रतिनिधिसभा तथा प्रदेशसभा सदस्यको निर्वाचनको स्थिर समय (मौन अवधि) चलिरहेको अवस्थामा नेकपा (एमाले)को प्रचार विभाग सदस्य तथा प्रेस चौतारी नेपालका अध्यक्ष गणेश बस्नेतलगायतले स्थापित अनलाइन र पत्रिकाहरूको समाचारलाई प्रविधिको दुरुपयोग (सोर्स कोड परिवर्तन) गरी सामाजिक सञ्जालमा शेयर गरेर अफवाह फैलाएको भन्दै प्रेस सेन्टर, नेपालको ध्यानाकर्षण भएको जनाइएको छ ।
ललितपुरमा मतदान केन्द्र तयारीको काम धमाधम (फोटो फिचर)
भोलि मङ्सिर ४ गते हुने प्रतिनिधि सभा र प्रदेश सभा सदस्यकाे निर्वाचनको लागि ललितपुरमा मतदान केन्द्रको काम धमाधम भइरहेका छन् ।
भरतपुरको दुई स्थानमा कुकर बम फेला
भरतपुर महानगरपालिकाको दुई स्थानमा बम लेखिएको शङ्कास्पद वस्तु फेला परेको छ ।
मतगणनास्थलमा तारजाली र सिसिटिभी क्यामेरा
चितवनमा मतगणनास्थललाई सुरक्षित बनाउन तारजाली र सिसिटिभी क्यामेरा जडान गरिएको छ । जिल्लाको तीनवटै निर्वाचन क्षेत्रको मतगणना गरिने स्थानमा तारजाली र सिसिटिभी क्यामेरा जडान गरिएको हो ।
मलको अभावमा आलु खेती छाड्दै किसान
आलु रोप्दा आवश्यक पर्ने डीएपी मल नभएपछि काभ्रेपलाञ्चोक जिल्लाका किसान आलु रोप्ने वा नरोप्ने भन्ने दोधारमा परेका छन्। विगत तीन वर्षदेखि निरन्तर रूपमा रासायनिक मलको अभाव खेप्दै आएका काभ्रेली किसान सहज रूपमा मल किन्न नपाउँदा आलु खेती छाडेर के बाली लगाउने भन्ने चिन्तामा छन्। काभ्रे जिल्लाको मण्डनदेउपुर, पाँचखाल, पनौती नगरपालिकालगायतका स्थानमा आलु रोप्ने समय भएको छ तर यति बेला जिल्लामा डीएपी र युरिया मलको आवश्यकताको अनुपातमा न्यून परिमाणमा मात्र रासायनिक मल भित्रिएको छ।
कर्मचारीलाई चुनावको चटारो
शालिग्राम नेपाल। चितवन, मङ्सिर २ गते। आइतबार हुने प्रतिनिधि र प्रदेशसभा निर्वाचनका लागि आवश्यक सामग्री लिएर कर्मचारी मतदानस्थल पुग्ने क्रम सुरु भएको छ। मुख्य निर्वाचन कार्यलाय र निर्वाचन कार्यालयबाट मतदानस्थल र केन्द्रमा खटिने कर्मचारीहे बिहीबार आवश्यक सामग्री बुझेर कार्यस्थलमा गएको मुख्य निर्वाचन अधिकृतको कार्यालयका सहायक निर्वाचन अधिकृत ईश्वरराज अचार्यले जानकारी दिनुभयो। निर्वाचनका लागि चाहिने आवश्यक सामग्री लिएर कर्मचारी बिहीबारनै मतदानस्थलमा जानुपर्ने हुन्छ। बिहीबार बुझेको सामग्री प्रहरीको सुरक्षामा मतदान स्थलमा लैजाने व्यवस्था छ। मतदान अधिकृतसहितका कर्मचारीले मतदान केन्द्र वरीपरी कुनै पनि प्रकारका मादकपदार्थ सेवन गर्न नपाइने सूचना टाँस गरेर बिक्री वितरणमा रोक लगाइने व्यवस्था रहेको आचार्यले जानकारी दिनुभयो। चितवनको तीनवटै प्रतिनिधिसभा सदस्यको निर्वाचन कार्यालयबाट कर्मचारीले सामग्री बुझेको मुख्य निर्वाचन अधिकृतको कार्यालयका प्रमुख रितेन्द्र थापाले जानकारी दिनुभयो। मतदान केन्द्रमा सामग्री लैजाने भए पनि अन्य दिनभन्दा सुरक्षा व्यवस्था अझ मजबुत बनाएको जिल्ला प्रहरी कार्यालय चितवनले जानकारी दिएको छ। तीन हजार छ सय ८० कर्मचारी परिचालनजिल्ला निर्वाचन कार्यालय चितवनका प्रमुख भीमसेन कार्कीले प्रतिनिधि र प्रदेशसभा निर्वाचनका लागि तीन हजार छ सय ८० कर्मचारी खटिने जानकारी दिनुभयो। निर्वाचन सम्पन्न गर्नका लागि सबै मतदान केन्द्रमा मतदान अधिकृतसहित आठ–आठ जना कर्मचारी परिचालन हुनेछन्। एक सय ६२ मतदानस्थल रहेको चितवनमा चार सय ६० केन्द्र तोकिएको छ। निर्वाचनका लागि आवश्यक सुरक्षा व्यवस्था मिलाइएको प्रमुख जिल्ला अधिकारी आस्मान तामाङले जानकारी दिनुभयो। भयरहित निर्वाचन सम्पन्न गर्नको लागि सुरक्षा व्यवस्था मजबुत रहेको प्रहरी प्रमुख नवराज अधिकारीले बताउनुभयो।
मेलम्ची मुहानमा पुनः काम सुरु (फोटो फिचर)
वर्षा सुरु भएसँग बन्द गरिएको मेलम्चीको मुहानमा बुधवारबाट माटो र ढुङ्गा पन्छाउन सुरु गरिएको छ । यी काम सम्पन्न गर्न करिब दुई हप्ता लाग्ने बताइएको छ । हाल छ वटा एक्स्काभेटर र छ वटा टिपरले दैनिक रूपमा काम गर्दै आएको छ ।
कर्मचारी र सुरक्षाकर्मी मतदान स्थल पुग्दै
यही मङ्सिर ४ गते आइतबार हुने प्रतिनिधि सभा र प्रदेश सभा सदस्य निर्वाचनको मिति नजिकिएसँगै तयारीलाई तीव्र बनाइएको छ । निर्वाचनको पूर्वतयारीका लागि निर्वाचन कार्यालयले खटाएका कर्मचारीसँगै सुरक्षाकर्मीहरू बागमती प्रदेशका विभिन्न जिल्लाका मतदान स्थलमा जाने क्रम सुरु भएको छ । निर्वाचनमा खटिएका कतिपय कर्मचारी र सुरक्षाकर्मीहरू निर्वाचन सामग्रीसहित मतदान स्थलमा पुगिसकेका छन् ।
तस्बिरमा चुनावी प्रचारप्रसारको अन्तिम दिन
मङ्सिर ४ गते हुने प्रतिनिधिसभा र प्रदेशसभा सदस्य निर्वाचन प्रयोजनका लागि बिहीबार राति १२ बजेदेखि स्थिर समय लागू हुँदैछ।
‘मतदान गर्न जागौँ, उठौँ सारा’
आगामी मंसिर ४ मा हुने प्रतिनिधिसभा र प्रदेशसभाको चुनावका लागि मतदान वा मतदाता शिक्षा बारे विभिन्न श्रव्यदृश्य सामाजिक सञजालमा देखिएका छन्।
गठबन्धनले बहुमत ल्याए ज्येष्ठ नागरिकलाई ६५ वर्षमै भत्ता दिन्छौँ : प्रवक्ता महत
सत्तारूढ दलबीचको गठबन्धनले बहुमत प्राप्त गरेमा ज्येष्ठ नागरिकलाई उपलब्ध गराउँदै आएको सामाजिक सुरक्षाभत्ता ६५ वर्षको उमेरमै उपलब्ध गराइने नेपाली कांग्रेसका प्रवक्ता डा प्रकाशशरण महतले बताउनुभएको छ।
तीन दिनभित्र प्रत्यक्षतर्फको नतिजा सार्वजनिक गर्ने आयोगको योजना
आगामी प्रतिनिधिसभा सदस्य तथा प्रदेशसभा सदस्यको पहिलो हुने निर्वाचित हुने निर्वाचन प्रणालीको नतिजा तीन दिनभित्र सार्वजनिक गर्ने निर्वाचन आयोगको योजना रहेको छ ।
फेरि गठबन्धन सरकार बन्छ : अध्यक्ष नेपाल
नेकपा (एकीकृत समाजवादी) का अध्यक्ष माधवकुमार नेपालले निर्वाचनपछि फेरि गठबन्धन सरकार बन्ने बताउनुभएको छ।
अन्तिम न्यायाधीश जनता : अध्यक्ष दाहाल
नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ ले आगामी निर्वाचनमा अन्तिम न्यायाधीश जनता रहेको बताउनुभएको छ।
गठबन्धन जिताउन लाग्नुस्ः विकास कोइराला
झण्डै दश वर्षअघि कारबाहीमा परी पार्टी सदस्यता गुमेपछि स्वतन्त्र रहँदै आउनुभएका नेपाली काँग्रेस चितवनका पूर्व सभापति विकास कोइरालाले निर्वाचनमा वाम लोकतान्त्रिक गठबन्धनलाई जिताउन आग्रह गर्नुभएको छ । आफू स्वतन्त्र भएकाले गोप्य मतदान गर्ने अधिकार आफूमा रहे पनि काँग्रेसका हरेक तह र तप्कामा रहेकाहरुले गठबन्धन उम्मेदवार जिताउन लाग्नुपर्ने धारणा राख्नुभयो ।
चितवनमा ह्वात्तै बढे पर्यटक
कात्तिक महिना शुरु भए यता चितवन राष्ट्रिय निकुञ्ज घुम्न आउने पर्यटकको सङ्ख्या ह्वात्तै बढेको छ । चितवन राष्ट्रिय निकुञ्ज कार्यालयले दिएको जानकारीअनुुसार बितेको तीन महिनाको समग्र पर्यटक आगमन भन्दा कात्तिक महिनाको पर्यटक संख्या दोब्बर भन्दा बढी छ । पर्यटकबाट भएको राजश्व आम्दानी समेत दोब्बर भन्दा बढी छ ।
-original-thumb.jpg)
डेढ करोड रुपियाँ बराबरको अवैध सामान बरामद
रसुवामा प्रहरीले झण्डै डेढ करोड रुपियाँ बराबरको अवैध सामान बरामद गरेको छ । सशस्त्र प्रहरी बल नेपाल बीओपी टिमुरेले भन्सार छली सीमा इलाकाको अस्थायी ड्राइपोर्ट रसुवामा राखिएको अवस्थामा सो सामान बरामद गरेको हो ।
मेलम्चीको पानी टनेलमा पठाउने कार्य अन्तिम चरणमा
राजधानी ल्याउनका लागि मेलम्चीको पानी टनेलमा पठाउने कार्य अन्तिम चरणमा पुगेको छ । वर्षाको कारण अवरुद्ध रहेको मेलम्चीको पानी काठमाडौं ल्याउनका लागि काम सुरु भइरहेको छ ।
अध्यक्ष दाहालले छाड्नुभएको चितवन–३ मा त्रिपक्षीय प्रतिस्पर्धा
प्रायः निर्वाचनमा चर्चामा रहेन जिल्ला हो चितवन । यही मङ्सिर ४ गते हुने निर्वाचनमा पनि चितवनलाई निकै महत्त्वका साथ हेरिएको छ ।
