गोरखापत्र अनलाइन
आज सङ्घीय संसद्को दुवै सदनको बैठक बस्दै
सङ्घीय संसद्को दुवै सदनको बैठक सोमबार बस्दैछ । सङ्घीय संसद् भवन नयाँ बानेश्वरमा बिहान ११ बजे बस्ने बैठकमा विनियोजन विधेयकमाथिको छलफलमा उठेका प्रश्नको जवाफ र स्पष्टीकरण दिने कार्यसूची छ ।
वारागुङ मुक्तिक्षेत्रले पुरातात्विक संग्रहायलय र सूचना केन्द्र बनाउने
मुस्ताङको वारागुङ मुक्तिक्षेत्र गाउँपालिकाले ऐतिहासिक एवम् पुरातात्विक महत्त्वलाई झल्किने गरी संग्रहायलय बनाउने भएको छ ।
बरेङको बजेट ३८ करोड ९० लाख
दक्षिण बागलुङको बरेङ गाउँपालिकाले आर्थिक वर्ष २०८२/०८३ का लागि ३८ करोड ९० लाखको बजेट ल्याएको छ । गाउँपालिकाको प्रशासकीय भवन निर्माण गर्नका लागि दुई करोड रुपियाँ विनियोजन गरिएको छ ।
मनसुनी वायुको प्रभाव : यी प्रदेशमा भारी वर्षाको सम्भावना
हाल देशभर मनसुनी वायुको प्रभाव रहेको छ । जसको प्रभावका कारण कोशी, मधेश, बागमती र सुदूरपश्चिम प्रदेशमा साधारणतया बदली रही बाँकी प्रदेशहरूमा आंशिक बदली रहेको छ ।
एमालेको कारोबार बैङ्कमार्फत
नेपाल कम्युनिस्ट पार्टी (एमाले) बागमती प्रदेश, जिल्ला, महानगर र उपमहानगर कमिटीले पार्टीभित्रको आर्थिक परिचालन तथा लेखा व्यवस्थापनको साझा प्रतिबद्धता जनाएका छन् ।
अमेरिकाद्वारा इरानमाथि आक्रमण
अमेरिकाले इरानका तीन वटा आणविक केन्द्रमा आक्रमण गरेको छ । इरानका फोर्डो, नातान्ज र इस्फहान आणविक केन्द्रमा आइतबार बिहान शक्तिशाली बम प्रहार गरी आक्रमण गरिएको अमेरिकी टेलिभिजन संस्था सिएनएनले जनाएको छ ।
शवदाह मेसिनमा अनियमितताको आरोप, सोह्र जनाविरुद्ध मुद्दा
शव जलाउने विद्युतीय मेसिन खरिद तथा जडान गर्दा अनियमितता गरेको आरोपमा अख्तियार दुरुपयोग अनुसन्धान आयोगले पशुपति क्षेत्र विकास कोषका सदस्यसचिव डा. मिलनकुमार थापासहित १६ जनाविरुद्ध भ्रष्टाचार मुद्दा दायर गरेको छ ।
वडा अध्यक्षमाथि दुर्व्यवहार
कञ्चनपुरमा वडा अध्यक्षमाथि दुव्र्यवहार भएको छ । जिल्लाको भीमदत्त नगरपालिकाको आइतबार बसेको १२ औँ कार्यपालिका बैठकमा वडा १८ का अध्यक्ष रविन्द्रप्रसाद देवकोटामाथि कार्यपालिका बैठकमै दुव्र्यवहार गरिएको हो ।
गोरखापत्रकर्मी ढुङ्गेल पुरस्कृत
गोरखापत्र दैनिकका स्वास्थ्य समाचारदाता सरोज ढुङ्गेल शारदा सुदर्शन देकोटो स्मृति पाँचौ राष्ट्रिय स्वास्थ्य पत्रकारिताबाट सम्मानित हुनुभएको छ ।
मिथेन ग्याँस र फलाम छिटो उत्पादनमा लाग्न प्रधानमन्त्रीको निर्देशन
प्रधानमन्त्री केपी शर्मा ओलीले दैलेखको ग्याँस उत्खनन् र पूर्वी नवलपरासीको धौवादी फलाम खानी उत्पादनका विषयमा आज उद्योग, वाणिज्य तथा आपूर्ति मन्त्रालय र सम्बन्धित निकायका अधिकारीसँग ब्रिफिङ लिनुभएको छ ।
कर्णाली प्रदेशसभाको बैठक स्थगन
प्रतिपक्षी दल नेपाल कम्युनिष्ट पार्टी (माओवादी केन्द्र)ले अवरोध गरेपछि कर्णाली प्रदेशसभाको बैठक स्थगन भएको छ ।
पाँच दिनभित्र ‘भिजिट भिसा’ प्रकरणबारे छानबिन संयन्त्र बन्छः मुख्य सचेतक बर्तौला
काठमाडौँ, असार ८ गते । नेपाल कम्युनिष्ट पार्टी (एमाले) का मुख्य सचेतक महेश बर्तौलाले ‘भिजिट भिसा’ प्रकरणबारे सत्तापक्ष र प्रमुख प्रतिपक्षबीच दुईबुँदे सहमतिमा सरकार प्रतिबद्ध रहेको स्पष्ट पार्नुभएको छ । प्रतिनिधिसभाको आजको बैठकमा विनियोजन विधेयक, २०८२ का विभिन्न शीर्षकमाथि जारी छलफलमा मुख्य सचेतक बर्तौलाले दुईबुँदे सहमतिका पक्षमा केही दिनमै संयन्त्र बनाउने जानकारी दिनुभयो । “विपक्षी दलसँग भएको समझदारीबारे सरकार प्रतिबद्ध छ । एक महिना कुर्दैनाँै । आजको मितिले बढीमा पाँच दिनभित्रमा हामी संयन्त्र बनाउँछौँ,” उहाँले भन्नुभयो, “गृहमन्त्री रमेश लेखकले नै सदनमा उपस्थित भएर घोषणा गर्नुहुनेछ । त्यस प्रकारको तयारी उच्चस्तरबाट भएको छ ।”मुख्य सचेतक बर्तौलाले गत जेठ १३ गतेदेखि लगातार सदन अवरोध कायम राखेको उल्लेख गर्दै रास्वपा र राप्रपाका सांसदहरुको अवरोधप्रति असहमति व्यक्त गर्नुभयो । आजको बैठकमा त्यसअघि प्रमुख प्रतिपक्षी दल नेकपा [माओवादी केन्द्र] का प्रमुख सचेतक हितराज पाण्डेले सहमतिअनुसार सरकारले भिजिट भिसा प्रकरणमा छानबिन समिति बनाउन ढिलाइ गर्न नहुने राय व्यक्त गर्नुभएको थियो ।
मुलुकमा अहिलेको सबैभन्दा ठुलो खाँचो सिस्टमको हो: माधव सापकोटा
काठमाडौँ, असार ८ गते । नेकपा (माओवादी केन्द्र) का नेता माधव सापकोटाले मुलुकमा सबैभन्दा ठुलो खाँचो सिस्टमको भएको बताउनुभएको छ ।आइतबार ललितपुरमा आयोजित सद्गमय सिजन–२ समापन समारोहमा बोल्दै उहाँले यस्तो बताउनुभएको हो । उहाँले सार्वजनिक यातायातदेखि अस्पतालदेखि सिंहदरबारभित्रै विभिन्न जटिलता, समस्या र चुनौतीहरूको रहेको बताउँदै मुलुकमा सिस्टमको खाँचो रहेको बताउनु भयो । उहाँले विदेशी राष्ट्रहरूले गरेका प्रगति र उन्नतिसँग तुलना गर्दा धेरै निराश हुनुपर्ने स्थिति नरहे पनि सिस्टम भने नभएको जिकिर गर्नुभयो । उहाँले एउटा नागरिकले सहजतापूर्वक अस्पतालमा गएर उपचार गर्न सक्ने अवस्था बनाउन नसकिएको बताउनु भयो । उहाँले नेपालमा केही नभएको भन्ने बुझाइ गलत भएको बताउँदै पछिल्लो १० वर्षको अवधिको पूर्वाधार निर्माणदेखि मानव विकास सूचकाङ्कसम्म हेरेको खण्डमा फरक पाउने बताउनु भयो । उहाँले बिस्तारै क्रमिक रूपमा विकासहरू हुँदै गएको दाबी गर्नुभयो । उहाँले भन्नुभयो, “ नेपालमा केही नभएको त्यस्तो कुरा पनि होइन । हिजो भर्खरै प्रधानमन्त्री ज्यूको उपस्थितिमा नयाँ संरचनाको उद्घाटन भएको छ । यसले हाम्रो समाजमा नयाँ रक्तसञ्चार गरेको छ । हामीले १० वर्षको बिचको समग्र पूर्वाधार निर्माण, मानव विकास सूचकाङ्कसहित अरू सबै कुराको हे¥यौ भने फरक पाउँछौँ । बिस्तारै क्रमिक रूपमा विकास सुधार हुँदै गएका छन् । तर, आजको समस्या के हो भने सार्वजनिक यातायात चढ्यो भने त्यो चढी साध्य छैन । त्यसको जटिलता, समस्या र चुनौतीहरूको बारेमा, हस्पिटल गयो भने अरू प्रकारका चुनौतीहरू छन् । सिंहदरबारभित्रकै कुरा गर्ने हो भने अरू चुनौतीहरू छन्, सबै भन्दा ठुलो खाँचो भनेको हाम्रा देशमा सिस्टमको हो । विदेशी राष्ट्रहरूले गरेका प्रगति र उन्नतिसँग हामीलाई तुलना गर्दा धेरै निराश हुनुपर्ने स्थिति छैन । तर, हामीकहाँ सिस्टम छैन । एउटा नागरिकले सहजतापूर्वक अस्पतालमा गएर लाइन बसी कुपन लिएर उपचार गर्न सक्ने अवस्था हामीले बनाउन सकिरहेका छैनौँ । यहीँबाट हाम्रो कमजोरी छ ।” उहाँले कसरी विधिमा बस्ने र विधिको विकासलाई संस्थागत गराउने विषयमा बहस हुनु जरुरी रहेको बताउनु भयो ।
सबैको सम्पत्ति छानबिन गर्न आयोग गठन गरौँ : महामन्त्री थापा
नेपाली काँग्रेसका महामन्त्री गगनकुमार थापाले पछिल्लो तीन दशकमा पार्टीबाट सरकारमा गएका सबै जनप्रतिनिधिको सम्पत्ति छानविन गर्न पूर्व न्यायाधीशको संयोजकत्वमा शक्तिशाली आयोग गठन गर्ने प्रस्ताव राख्नुभएको छ ।
जटिल प्रकृतिका रोगको उपचारमा थप १ लाख पाउने
स्वास्थ्य तथा जनसङ्ख्या मन्त्री प्रदीप पौडेलले जटिल प्रकृतिका रोगको उपचारका लागि स्वास्थ्य बिमा कोषमार्फत थप एक लाख उपलब्ध गराउने गरी निर्णय गरेका छन् ।
