गोरखापत्र अनलाइन
अस्थायी कर्मचारी कायमै ‘हटाउन सकिने अवस्था छैन’
गत असोज ५ को सङ्घीय मन्त्रीपरिषद् बैठकले गरेको स्वीकृत दरबन्दीबाहेक अस्थायी तथा करारका कर्मचारी हटाउने निर्णय सुदूरपश्चिम प्रदेशका पहाडी जिल्लास्थित सरकारी कार्यालयले कार्यान्वयन गर्न सकेका छैनन् । सरकारको नीतिगत निर्णय र अख्तियार दुरुपयोग अनुसन्धान आयोगमा परेको उजुरीपछि सुदूरपश्चिमका सरकारी कार्यालयमा कार्यरत सबै अस्थायी कर्मचारीलाई हटाउन परिपत्र भए पनि यहाँका सात जिल्लास्थित भेटेरिनरी अस्पताल तथा पशु सेवा विज्ञ केन्द्रले उक्त निर्णय कार्यान्वयन गरेका छैनन् ।
चुनावी प्रतिबद्धता सार्वजनिक
प्रतिनिधि सभा सदस्य निर्वाचनका लागि नेपाली कम्युनिस्ट पार्टीका उम्मेदवार परमानन्द भट्टले मत माग्न चुनावी प्रतिबद्धता सार्वजनिक गर्नुभएको छ । नेकपा (एमाले) बैतडीका संस्थापक र तत्कालीन जिल्ला विकास समितिका सभापतिसमेत रहेका उम्मेदवार भट्ट एमालेबाट विभाजित भएको समाजवादी पार्टी हुँदै हाल एकीकरण भएको नेपाली कम्युनिस्ट पार्टीका नेता तथा प्रतिनिधि सभाका उम्मेदवार हुनुहुन्छ ।
सुकुम्वासीको गुनासो, ‘हामीलाई भोट बैंक मात्रै बनाइयो’
भूमिहीन तथा सुकुम्वासी किसानहरूले राजनीतिक दलहरूले आफूहरूलाई वर्षौंदेखि ‘भोट बैंक’ का रूपमा मात्र प्रयोग गरेको गुनासो गरेका छन्।
दमौली–केशवटार सडक कालोपत्रे
तनहुँको सदरमुकाम दमौलीदेखि व्यास नगरपालिकाको केशवटार जोड्ने दमौली–केशवटार सडकखण्डको गुँदी भाग कालोपत्रे गर्ने काम सम्पन्न भएको छ । कुल १४ किलोमिटर दुरी रहेको यस सडकको हालसम्म नौ किलोमिटर भाग कालोपत्रे भइसकेको छ भने पाँच किलोमिटर सडक कालोपत्रे हुन बाँकी रहेको छ । यसअघि सात किलोमिटर सडक कालोपत्रे सम्पन्न भएकामा गण्डकी प्रदेश सरकारको करिब पाँच करोड रुपियाँ लागतमा थप दुई किलोमिटर सडक ढलान, नाला निर्माण तथा विस्तारको काम सम्पन्न गरिएको व्यास नगरपालिकाले जनाएको छ ।
दुई हजार छपन्नभन्दा बढी कर्मचारी परिचालन हुने
पूर्वी नवलपरासीमा आगामी फागुन २१ गते हुने प्रतिनिधि सभा सदस्य निर्वाचनका दुई हजार ५६ भन्दा बढी कर्मचारी परिचालन गरिने भएको छ । पूर्वी नवलपरासीमा दुई वटा निर्वाचन क्षेत्र छन् । दुई वटै निर्वाचन क्षेत्रमा गरी कुल ११४ मतदान स्थल र ३११ वटा मतदान केन्द्र र समानुुपातिकका लागि एक अस्थायी मतदान केन्द्र गरी ३१२ मतदान केन्द्र तोकिएको छ । ती केन्द्रमा निर्वाचन सम्पन्न गर्न दुई हजार ५६ जना कर्मचारी परिचालन गरिने जिल्ला निर्वाचन कार्यालयले जनाएको छ ।
निर्वाचन सुरक्षालक्षित प्रहरी गस्ती
प्रतिनिधि सभा सदस्यको निर्वाचन नजिकिएसँगै निर्वाचनलाई शान्तिपूर्ण रूपमा सम्पन्न गर्न प्रहरीले बाँकेमा निर्वाचनलक्षित गस्ती तीव्र पारेको छ । जिल्ला प्रहरी कार्यालय बाँकेका अनुसार निर्वाचनलाई शान्तिपूर्ण रूपमा सफलताका साथ सम्पन्न गर्न जिल्लाका विभिन्न स्थानको अवस्था बुझ्न र नागरिकलाई सुरक्षा अनुभूति गराउन प्रहरी गस्ती सुरु गरिएको हो । जिल्ला प्रहरी कार्यालय बाँकेका प्रमुख प्रहरी उपरीक्षक अङ्गुर जिसीले निर्वाचन नजिकिँदै गर्दा जिल्लाका विभिन्न ठाउँमा सुरु गरिएको प्रहरी गस्तीमार्फत स्थानीयस्तरमा सूचना सङ्कलन गर्ने, जनसम्पर्क अभिवृद्धि गर्ने र जनचेतनामूलक कार्यक्रम सञ्चालन गर्ने बताउनुभयो ।
धुलो धुवाँको प्रकोपले समस्या
सर्लाहीसहित तराई मधेश क्षेत्रमा धुलो, धुँवाको अत्यधिक प्रकोप हुँदा मानिसमा स्वास्थ्य समस्या बढ्न थालेको छ । जताततै सडक भत्काएर नयाँ सडक निर्माण गर्ने, उखु काटेर पत्कर जलाउने र साँझपख सडक छेउ तथा घर, गोठमा घुर बालेर छाड्दा धुलो, धुवाँको अत्यधिक प्रकोप देखिएको हो । धुलो, धुवाँका कारण अहिले हरेक उमेर समूहका मानिसमा स्वास्थ्य समस्या देखिएको चिकित्सकले बताएका छन् ।
जनताका अधिकार संरक्षण गर्नुपर्नेमा अध्यक्ष ओलीको जोड
नेपाल कम्युनिष्ट पार्टी (एमाले)का अध्यक्ष केपी शर्मा ओलीले संविधानको संरक्षण गर्दै जनताका अधिकारलाई जीवित राख्नुपर्नेमा जोड दिनुभएको छ ।
स्याङ्जामा निर्वाचन प्रहरी कार्यक्षेत्रमा खटाइयो
फागुन २१ गते हुने सङ्घीय निर्वाचनलाई लक्षित गर्दै स्याङ्जामा सुरक्षाकर्मी परिचालन कार्य तीव्र पारिएको छ। पहिलो चरणअन्तर्गत निर्वाचन प्रहरीलाई सम्बन्धित कार्यक्षेत्रमा खटाइएको छ।
झापा क्षेत्र नं. ३ मा पुराना दल आधारक्षेत्र जोगाउन खटिँदै
झापा क्षेत्र नं. ३ मा आगामी २१ गते हुने प्रतिनिधि सभा निर्वाचनमा पुराना दल आफ्नो आधारक्षेत्र जोगाउन कसरत गरिरहेका छन् भने संसदीय निर्वाचनमा पहिलो पटक भाग लिएकाहरू त्यसमा चुनौती थपिरहेका छन् ।
समावेशीकरणको दिशामा नयाँ फड्को : गोरखापत्रद्वारा प्रकाशित बराम भाषा
समावेशीकरणको दिशामा नयाँ फड्को : गोरखापत्रद्वारा प्रकाशित बराम भाषा
धनकुटामा नेपाली कांग्रेसको घोषणापत्र सार्वजनिक
नेपाली कांग्रेस धनकुटाले आगामी निर्वाचनलाई लक्षित गर्दै घोषणापत्र सार्वजनिक गरेको छ। नेपाली कांग्रेस निर्वाचन मूल प्रचारप्रसार समिति धनकुटाले धनकुटास्थित नेपाल पत्रकार महासंघको सभाहलमा आयोजित पत्रकार सम्मेलनमार्फत घोषणापत्र सार्वजनिक गरेको हो।
मतदाता शिक्षा सञ्चालन
गुल्मीका गाउँ गाउँमा मतदाता शिक्षा सञ्चालन भएको छ । जिल्लाभरिमा ९३ मतदाता स्वयंसेवकमार्फत मतदाता शिक्षा सञ्चालन भइरहेको छ । आगामी निर्वाचनमा बदर मत कम गर्ने उद्देश्यले निर्वाचन आयोगले मतदाता शिक्षा सञ्चालन गरेको हो । फागुन १७ गतेसम्म मतदाता शिक्षा सञ्चालन हुने छ ।
शहीदको त्याग स्मरण गर्दै संविधान संरक्षणमा कांग्रेस सभापति थापाको जोड
नेपाली कांग्रेसका सभापति गगन कुमार थापाले राष्ट्रिय प्रजातन्त्र दिवसका अवसरमा सम्पूर्ण नेपाली दिदीबहिनी तथा दाजुभाइमा हार्दिक शुभकामना व्यक्त गर्नुभएको छ।
समावेशीकरणको दिशामा नयाँ फड्को : गोरखापत्रद्वारा प्रकाशित बझाङी भाषा
समावेशीकरणको दिशामा नयाँ फड्को : गोरखापत्रद्वारा प्रकाशित बझाङी भाषा
