एमालेले स्थापना दिवस रचनात्मक तरिकाले मनाउने
नेकपा (एमाले) ले पार्टीको स्थापना दिवस रचनात्मक कार्यक्रम गरी मनाउने भएको छ । आज बसेको केन्द्रीय कार्यालयको बैठकले पार्टी स्थापना दिवस मनाउने निर्णय गरेको हो ।
६०८ ग्राम लागुऔषधसहित दुई पक्राउ
झापाको कनकाई नगरपालिका –५ चप्रामारीमा ठूलो परिमाणमा लागुऔषधसहित खैरो हिरोईन सहित प्रहरीले दुईजना पक्राउ गरेको छ ।
रेडपाण्डा–थार अन्तर्राष्ट्रिय सम्मेलनः पर्यटन प्रवर्धनमा जोड
लोपोन्मुख वन्यजन्तुको संरक्षण र पर्यटन प्रवर्धनमा जोड दिने उद्देश्यले आजदेखि जैविक विविधता तथा रेडपाण्डा – थार अन्तर्राष्ट्रिय सम्मेलन २०८३’ सुरु भएको छ।
चिकित्सक अभावले अस्पतालमा सल्यक्रिया सेवा बन्द
जिल्ला अस्पताल सल्यानमा चिकित्सक अभावका कारण सल्यक्रिया (अपरेसन) सेवा पूर्ण रूपमा बन्द भएको छ । जटिल अवस्थाका गर्भवती तथा सुत्केरी हुन नसकेका महिलालाई सेवा दिँदै आएको अस्पतालमा एमडीजीपी चिकित्सक अभाव भएपछि चैत २८ गतेदेखि सेवा ठप्प भएको हो ।
खजुरा गोल्डकपमा जेबिएम लखनउ फाइनल प्रवेश
जेबिएम फुटबल एकेडेमी लखनउ बाँकेको खजुरामा जारी एमटि एरिना प्रथम खजुरा गोल्डकप फुटबल प्रतियोगिताको फाइनलमा प्रवेश गरेको छ ।
सल्लेरी जंगलमा पुरुषको शव फेला
रुकुमपश्चिमको चौरजहारी नगरपालिका ११ मा एक पुरुषको शव फेला परेको छ । शुक्रबार दिउँसो सर्केनाको सल्लेरीस्थित जंगलमा शव फेला परेको हो ।
इलाम गोल्डकपको तयारी पूरा
भोलिदेखि हुने इलाम गोल्डकपको तेस्रो संस्करणको तयारी पूरा भएको छ । ‘एनआरएनए इलाम गोल्डकप’ नाम दिइएको प्रतियोगिता इलामस्थित रेडहर्ष फूूटबल क्लब रहेको छ ।
सरकारको निर्णय पन्छाउँदै धनगढी भर्ना अभियान
संघीय सरकारको निर्णयलाई पन्छाउँदै धनगढीमा आजदेखि नयाँ शैक्षिकसत्रको लागि विद्यार्थी भर्ना अभियान सुरु गरिएको छ ।
राष्ट्रपति रनिङशिल्ड प्रतियोगिता सुरु
दाङ जिल्लास्तरीय राष्ट्रपति रनिङशिल्ड प्रतियोगिता बिहीबारदेखि तुलसीपुर उपमहानगरपालिका वडा १७ मा रहेको बेलझुण्डी रङ्गशालामा सुरु भएको छ ।
सल्लेरीमा दुई दिने कला साहित्य यात्रा
नेपाली कला साहित्य डटकम प्रतिष्ठानद्वारा सोलुखुम्बुको सल्लेरीमा आयोजित दुई दिने १९ औँ कला साहित्य यात्रा सम्पन्न भएको छ ।
त्रिवेणी–दुम्किबास सडकमा प्रधानमन्त्रीको चासो
गण्डकी प्रदेशको ‘लाइफलाइन’ को रूपमा रहेको नवलपुरको दुम्किबास–त्रिवेणी सडकखण्डको वातावरणीय प्रभाव मूल्याङ्कन (ईआइए) को काम तत्काल अगाडि बढ्ने भएको छ ।
-original-thumb.jpg)
घरदैलोमा सेवा दिन हुलाक सक्रिय
सरकारी सेवालाई नागरिकको घरदैलोमा पुगाउने उद्देश्यले जिल्ला हुलाक कार्यालय म्याग्दीले जिल्लाभर कार्यरत हल्करालाई उत्प्रेरणा तथा अभिमुखीकरण गरेको छ ।
पाँच वटा कक्षा एक शिक्षकका भरमा
हुम्लाको सदरमुकाम सिमकोटस्थित सिमकोट गाउँपालिका–६ को मानसरोवर माध्यमिक विद्यालयको प्राथमिक तह (कक्षा १–५) अहिले एक जना शिक्षकका भरमा सञ्चालन भइरहेको छ । चालु शैक्षिक सत्रदेखि यो विद्यालयले कक्षा १ देखि ५ सम्मको पठनपाठनका लागि स्वीकृति पाएको हो तर शिक्षकको आवश्यक व्यवस्था नगरी गाउँपालिकाले कक्षा सञ्चालनको अनुमति दिँदा विद्यालयमा अहिले पठनपाठनमा समस्या देखिएको छ ।
कानुनका विद्यार्थीलाई पालिकामा ‘इन्टर्न’
कर्णाली प्रदेश सरकारले न्याय सम्पादनलाई प्रभावकारी बनाउन नयाँ कार्यक्रम अघि सारेको छ । कानुनको अध्ययन पूरा गरेका विद्यार्थीलाई स्थानीय तहका न्यायिक समितिमा ‘इन्टर्न’ का रूपमा खटाउने कार्यलाई प्रदेश सरकारले तीव्रता दिएको हो ।
चुनौतीका चाङमाथि सुरतको ह्विलचेयर
घर बनाउन काठका धुरीखाँबा गाडिएका छन् । केही काठ भुइँमै छन् । जस्ताले छाएको छाप्रोको भित्ता छैन । त्यहीँनेर सानो घुम्ती छ । त्यसभित्र थोरै किराना पसलका सामान छन् । बाहिर ४२ वर्षका सुरत लोहार ह्विलचेयरमा बसिरहनुहुन्छ । छ वर्षअघि भारतमा रोजगारी गर्दा टीकापुर नगरपालिका–२, राजीपुरका सुरत लुहारका दुवै खुट्टा गाडीमा च्यापिएपछि काटेरै फ्याक्नुपर्ने अवस्था आयो । आठ लाख रुपियाँ खर्चेर एक वर्ष उपचार गरेपछि घर फर्किनुभएका सुरतलाई देश परदेशमा रहेका साथीहरूले ३५ हजार रुपियाँको सामान र १३ हजार रुपियाँ नगद दिएपछि घुम्ती पसल सुरु गर्नुभएको थियो ।
दुर्गमका सुत्केरीको सेवामा सरिताकुमारी
जिल्लाको पश्चिमी भेगमा पर्ने सोरू गाउँपालिका–४ की स्वास्थ्यकर्मी सरिताकुमारी शाही गरिब तथा विपन्न वर्गका सुत्केरीको सेवामा समर्पित हुँदै आउनुभएको छ । उहाँ टोल टोलमै पुगेर सुत्केरीको सेवा गरेको देखेर स्थानीयवासी पनि दङ्ग छन् । सोरू गाउँपालिकाका स्वास्थ्य शाखाका प्रमुख चित्र धामीका अनुसार भौगोलि
वन व्यवस्थापन कमजोर
बैतडीबाट विभिन्न औषधी तथा औद्योगिक प्रयोजनमा प्रयोग हुने करिब १० प्रकारका महत्वपूर्ण जडीबुटी निर्यात हुँदै आएको छ । बैतडीबाट लोक्ता (नेपाली कागज उत्पादनमा प्रयोग हुने), चुत्रो (स्थानीय भाषामा कृमडा), चिराइतो, तेजपत्ता, पाषाणभेद, सुगन्धवाल, तितेपाती, टिमुरलगायतका जडीबुटी निर्यात हुने गरेका छन् । बैतडीमा ३७५ वटा सामुदायिक वन र १७४ कबुलियत वन र ग्वालेक्ककेदार प्रस्तावित वन र सिगास प्रस्तावित वनसमेत गरेर ५४९ कायम गरिएका भए पनि तिनको नवीकरण तथा व्यवस्थापन प्रक्रिया भने प्रभावकारी देखिएको छैन । बैतडीमा करिब ४५ हजार ३२५.८ हेक्टर वन क्षेत्र रहेको छ ।
करोडौँका संरचना प्रयोगविहीन
करोडौँ रुपियाँ खर्च गरेर निर्माण गरिएका सरकारी भवन र संरचना प्रयोगविहीन अवस्थामा छन् । सब (इलाका सेवा कार्यालय) सेन्टरका भवन, मनोरञ्जन पार्क, सामुदायिक भवन, विभिन्न स्मृति नामका भवन र तरकारी सङ्कलन गर्न बनाइएको चिस्यान केन्द्रसमेत अलपत्र अवस्थामा छन् ।
स्थानीय तहमा गुनासो व्यवस्थापन प्रणाली
अबदेखि सबै स्थानीय तहले नागरिकको गुनासो, सुझाव तथा सेवा अनुरोधलाई प्रभावकारी छिटो र परिणामुखी रूपमा सम्बोधन गर्न २४ घन्टे राष्ट्रिय नागरिक सहायता तथा गुनासो व्यवस्थापन प्रणाली सञ्चालन गर्नुपर्ने भएको छ । उक्त कार्यका लागि फोन, मोबाइल एप, पोर्टल तथा सामाजिक सञ्जालमार्फत गुनासो दर्ता गर्न सकिने बहुच्यानलको व्यवस्था गर्नुपर्ने छ । सरकारले सार्वजनिक गरेको शासकीय सुधार अन्तर्गतको एक सय कार्यसूचीमा उल्लेखित विषयमा स्थानीय तहको क्षेत्राधिकार अन्तर्गत पर्ने कार्र्य कार्यान्वयन गर्न सङ्घीय मामिला तथा सामान्य प्रशासन मन्त्रालयले कार्यसूचीमा उल्लिखित कार्य कार्यान्वयन गर्न सबै जिल्ला समन्वय समिति, गाउँपालिका तथा नगरपालिकालाई परिपत्र गरेको छ । स्थानीय तहले फ्रन्ट डेस्कमा कार्यरत सबै कर्मचारीलाई कार्यालयबाट उपलब्ध हुने सबै सेवाको तालिम प्रदान गर्ने र तालिमको आवश्यकताबारे
बसाइ अवधि एक्काइस दिन पुर्याउने लक्ष्य
कर्णाली प्रदेशको उद्योग, पर्यटन, वन तथा वातावरण मन्त्रालयले कर्णालीको पर्यटन विकासका लागि १० बर्से दीर्घकालीन गुरुयोजना तयार परेको छ । सोही गुरुयोजना अनुसार अब कर्णालीको पर्यटनको विकास गरिने जनाइएको छ । मन्त्रालयका सचिव अजितकुमार कर्णले प्रदेश सरकारले कर्णालीको पर्यटन विकासका लागि १० बर्से दीर्घकालीन गुरुयोजना तयार पारेर अगाडि बढेको बताउनुभयो । गुरुयोजनामा विभिन्न पर्यटकीय गन्तव्यको पहिचान र पूर्वाधार विकासलाई प्राथमिकता दिइएको छ । साथै ‘गन्तव्य कर्णाली’ मोबाइल एपमार्फत पर्यटकलाई सूचना दिने कार्य भइरहेको बताउँदै उहाँले मोबाइल एप्समा होटेल, रुट, शुल्क र दुरीको विस्तृत जानकारी रहेको बताउनुभयो ।
बर्खाअघि नारायणी नदी नियन्त्रणको काम
पूर्वी र पश्चिम नवलपरासीको सीमा क्षेत्रबाट बग्ने नारायणी नदीको बाढी गत वर्ष सुस्तागाउँमा पसेपछि सुस्तामा अहिले नदी नियन्त्रणको काम भइरहेको छ । सङ्घीय सरकारको झन्डै १२ करोड रुपियाँको लगानीमा सुस्ता बाढी नियन्त्रणको काम सुरु भएको सिँचाइ तथा जलस्रोत व्यवस्थापन आयोजना चितवनका प्रमुख डा. नारायण सुवेदीले जानकारी दिनुभयो । उहाँका अनुसार नदीको बहाव सिधै सुस्ताको बस्तीतर्फ सोझिएकोले वर्षायाममा हुन सक्ने जोखिमलाई हेरेर बाढी नियन्त्रणको काम सुरु गरिएको हो ।
नारायणगढ–बुटवल सडक अन्तिम चरणमा
राष्ट्रिय गौरवका रूपमा निर्माणधीन पूर्वपश्चिम राजमार्गको बुटवल नारायणगढ सडकखण्ड सात वर्षमा निर्माण सम्पन्न हुने भएको छ । ४२ महिनामा सम्पन्न गर्ने गरी ११३ किलोमिटर सडक चाइना स्टेट कन्स्ट्रक्सन प्रालिले ठेक्कामा लिएको सात वर्ष पुग्न अब तीन महिना मात्रै बाँकी छ । सो अवधिभर निर्माणको काम सकेर सरकारलाई सडक हस्तान्तरण गर्ने लक्ष्यका साथ काम भइरहेको आयोजनाको ठेकेदार पक्षले दाबी गरेको छ ।
‘युवा र महिलाका मुद्दा संसद्मा उठाउँछु’
पाँच वर्षअघि राष्ट्रिय युवा परिषद्ले सञ्चालन गरेको नमुना युवा संसद् अभ्यासमा ‘काल्पनिक’ सभामुख बनेकी श्रद्धा कुँवर अहिले वास्तविक राजनीतिक यात्रामा प्रतिनिधि सभा सदस्य बन्नुभएको छ । रुपन्देहीको देवदह नगरपालिका–७, खैरेनीकी २७ वर्षीय श्रद्धा कुँवरको यो यात्रा केवल पद प्राप्तिका लागि मात्र होइन, सामाजिक सङ्घर्ष, आत्मविश्वास र निरन्तर नेतृत्व विकासको परिणाम हो ।
सडक अतिक्रमण हटाउन थालियो
बुटवलमा सडक अतिक्रमण हटाउन बुटवल उपमहानगरपालिकाले डोजर लगाएको छ । पछिल्लो समय बजार क्षेत्रमा सडक पेटीमै जथाभाबी व्यापार गर्ने प्रवृत्ति बढेपछि नियन्त्रणका लागि उपमहानगरपालिकाले डोजर प्रयोग गरेको हो ।
आमाको मृत्यु, बुवा सुधारगृहमा : चार वर्षीय बालिकाको बिचल्ली
गुल्मी सदरमुकाम तम्घासस्थित अमरकल्याणको सामुदायिक महिला सेवा केन्द्रको एउटा कोठामा चुपचाप तर आफन्तको प्रतीक्षामा टोलाइरहेकी एउटी चार वर्षीय अबोध बालिका छन् । चञ्चले, चुलबुले अनि निकै जिज्ञासु छन्, चार वर्षीय अबोध बालिका सपना (नाम परिवर्तन) । बाहिर आकाश खुला भए पनि सपनाको बाल्यकाल नै बन्द कोठा जस्तै छ ।
