कालापानीमा स्वामित्व स्थापना गराउने प्रतिबद्धता
प्रतिनिधि सभा सदस्य निर्वाचनका लागि नेपाली कांग्रेस दार्चुलाका उम्मेदवार धर्मानन्द जोशीले दार्चुलाको समुन्नति, युवाको नेतृत्व, विश्वासको निरन्तरता र पाँचबर्से दृष्टिसहितको प्रतिज्ञापत्र सार्वजनिक गर्नुभएको छ ।
-original-thumb.jpg)
फोहोर व्यवस्थापन नगरेसम्म मतदान नगर्ने चेतावनी
डडेलधुरा सदरमुकाम डडेलधुराको अमरगढी नगरपालिकामा फोहोर व्यवस्थापनको विषयलाई लिएर वडा नं. ६ का स्थानीयले निर्वाचन बहिष्कार गर्ने चेतावनी दिएका छन् । अमरगढी नगरपालिका–६ को एक जङ्गलमा भएको सार्वजनिक जमिन खरिद गरेर डम्पिङ साइट निर्माण गर्न बोलपत्र आह्वान गर्ने तयारीमा छ तर स्थानीयले यसको विरोध गर्दै आइरहेका छन् ।
चुनावी व्यवस्थापनको काम तीव्र
निर्वाचनका लागि आवश्यक पर्ने सामग्री व्यवस्थापनको काम धमाधम भइरहेको छ । यही फागुन २१ गतेका लागि तय भएको प्रतिनिधि सभा सदस्य निर्वाचनलक्षित सल्यानमा आवश्यक मतपत्र तथा बन्दोबस्ती सामग्रीको तयारी धमाधम भइरहेको छ ।
उम्मेदवारसँग खानेपानी माग्दै मतदाता
जुम्ला तातोपानी–१, बाइराकागाउँका मीनबहादुर शाही हरेक चुनावमा खानेपानी आयोजना बनाइदिनुपर्ने भन्दै उम्मेदवारसामु आवाज उठाउँदै आउनुभएको छ । अहिले पनि मत माग्न आउने हरेक उम्मेदवारसँग उहाँले खानेपानीको व्यवस्था गर्न माग गर्दै आउनुभएको छ । उम्मेदवारले पनि आफ्नो प्राथमिकता खानेपानी आयोजना रहेको भन्दै आउनुभएको छ तर जब चुनाव जितेर संसद्मा प्रवेश गर्नुहुन्छ अनि बाइराकागाउँमा बाचा बिर्सन्छन् । अहिले बाइराकागाउँका मतदाताले उम्मेदवारप्रति विश्वास गर्न छाडेका छन् ।
अढाई वर्षपछि हटाइयो पहिरो
मध्यपहाडी राजमार्ग अन्तर्गत रुकुमपश्चिमको करिब ५० स्थानमा रहेको पहिरो हटाइएको छ । २०८० कात्तिक १७ गते जाजरकोट केन्द्रविन्दु भएर आएको भूकम्प र वर्षाका कारण विभिन्न स्थानमा खसेको पहिरो करिब अढाई वर्षपछि हटाइएको हो । सडक डिभिजन कार्यालय चौरजहारीले साना तथा ठुला गरेर जिल्लाभित्रका ५० स्थानको पहिलो सफा गरेको जनाएको छ ।
‘सामाजिक सञ्जाल अवसर’
गोरखापत्र संस्थानका अध्यक्ष गोविन्दप्रसाद भण्डारीले सामाजिक सञ्जाललाई चुनौतीभन्दा अवसरका रूपमा उपयोग गर्नुपर्ने बताउनुभएको छ । मैथिली विकास कोषद्वारा जनकपुर
झापा–२ मा बहुआयामिक प्रतिस्पर्धा
प्रतिनिधि सभा सदस्य निर्वाचन नजिकिँदै गर्दा झापा–२ मा चुनावी चहलपहल तीव्र बन्दै गएको छ । बिहानको झिसमिसे उज्यालोसँगै गाउँटोल, चियापसल, भक्का पाइने स्थल, चौतारो र बजारका गल्लीमा निर्वाचनको नै चर्चा चल्ने गरेको भेटिन्छ ।
मतदातालाई विकास र नेतालाई भोटको चिन्ता
फागुन २१ हुने प्रतिनिधि सभाको निर्वाचनका लागि उम्मेदवार मतदातासँग भेट गर्न घरदैलोमा पुगेका छन् । उम्मेदवारहरू मतदातासमक्ष गाउँको विकासको चिन्ता गरिरहेका छन् भने उम्मेदवाले कसरी मत आफ्नो पक्षमा कसरी तान्ने चिन्तामा हुन्छ । सो चिन्ताका कारण मतदाताले त्यतिबेला जे भन्छन्, त्यसैमा उम्मेदवारले हुन्छ भन्नुभएको छ ।
बागमती प्रदेशमा निर्वाचन गतिविधि तीव्र
आसन्न प्रतिनिधि सभा निर्वाचनको तयारी बागमती प्रदेशका विभिन्न जिल्लामा तीव्र बनाइएको छ । जिल्लास्थित निर्वाचन कार्यालयले निर्वाचन व्यवस्थापनको तयारीसँगै निर्वाचनमा उम्मेदवार बनेका र राजनीतिक दलहरूले आन्तरिक एवं बाह्य तयारीलाई तीव्र बनाएका हुन् । निर्वाचन कार्यालयले निर्वाचन सामग्री, निर्वाचन अधिकृतको कार्यालय कर्मचारी व्यवस्थापन र जिल्ला प्रशासन कार्यालयसहित सुरक्षाका निकायले सुरक्षा रणनीति र योजना बनाउँदै शान्तिपूर्ण वातावरणमा निर्वाचन सम्पन्न गर्न आवश्यक तयारी गरिरहेका छन् ।
यातायातको नीतिगत सुधारमा उम्मेदवारको जोड
प्रतिनिधि सभामा यातायात व्यवसायीको प्रतिनिधित्व गर्ने भन्दै उम्मेदवार बनेका व्यवसायीले यातायात क्षेत्रको विकासलाई प्राथमिकतामा राखेर प्रचारप्रसारमा जुटेका छन् । प्रतिनिधि सभा सदस्य निर्वाचनमा विभिन्न पार्टीबाट प्रत्यक्षतर्फको उम्मेदवार भएका करिब आधा दर्जन व्यवसायीले सार्वजनिक यातायात क्षेत्रलाई विश्वसनीय, भरपर्दो र प्रविधियुक्त बनाउने प्रतिबद्धता गरेका छन् ।
बाँदर नियन्त्रणदेखि मल कारखानासम्म
राजनीतिक दलले भने यस पटक कृषिलाई केन्द्रमा राखेर समृद्धिका आधारका रूपमा अघि सारेका छन् । किसानका धेरै समस्या र गुनासा उस्तै रहे पनि दलहरूले किसानलाई समृद्ध बनाउने आधार देखाएर आफ्ना घोषणापत्र त्यस्ता विषय समेटेका हुन् ।
श्रम सम्झौताको प्रस्ताव नै बेखबर
सरकारले नेपालीको रोजगारीमा आकर्षक श्रम गन्तव्य युरोप बन्न सक्ने भन्दै डेढ वर्षअगाडि पठाएको प्रस्तावको अहिलेसम्म जवाफ आएको छैन । तत्कालीन श्रम, रोजगार तथा सामाजिक सुरक्षामन्त्री शरतसिंह भण्डारीले खाडी मुलुक र मलेसियाको विकल्पमा नेपालीको श्रम गन्तव्य युरोपेली देश बन्न सक्ने भन्दै श्रम सम्झौताका लागि पठाइएको प्रस्तावको जवाफ अहिलेसम्म नआएको हो ।
लगानी बढ्दा सुनको आयात बढ्यो
लगानीकर्ता आकर्षित हुँदा सुन आयात बढेको छ । भन्सार विभागको तथ्याङ्क अनुसार चालु आर्थिक वर्ष २०८२/८३ को सात महिनामा २१ अर्ब २० करोड ७९ लाख रुपियाँ बरारको एक हजार ११४ केजी सुन आयात भएको छ । गत वर्ष साही अवधिमा १० अर्ब ४५ करोड ४९ लाख रुपियाँ बराबरको ८८७ केजी सुन आयात भएको थियो ।
ग्लोबल मनी विक मनाइँदै
‘स्मार्ट मनी टक्स’ भन्ने नाराका साथ नेपाल राष्ट्र बैङ्कले आगामी चैतमा ग्लोबल मनी विक मनाउने भएको छ । राष्ट्र बैङ्कले आगामी मार्च १६ देखि २२ (२०८२ चैत २ देखि ८) ग्लोबल मनी विक मनाउन लागेको हो । राष्ट्र बैङ्कका अनुसार ग्लोबल मनी विकको यो चौधौँ शृङ्खला हो ।
‘निर्वाचनलाई निष्पक्ष शान्तिपूर्ण बनाउनूस्’
प्रधानमन्त्री सुशीला कार्कीले प्रतिनिधि सभाको निर्वाचन निष्पक्ष र शान्तिपूर्ण बनाउन लुम्बिनी प्रदेशका सुरक्षा अधिकारीलाई निर्देशन दिनुभएको छ । शुक्रबार साँझ बुटवल आएकी प्रधानमन्त्री कार्कीले शनिबार बिहान लुम्बिनी प्रदेशका सुरक्षा अधिकारीलाई निर्वाचन निष्पक्ष, स्वच्छ र शान्तिपूर्ण बनाउन निर्देशन दिनुभएको हो ।
रास्वपा दाङका अध्यक्षलाई आयोगको स्पष्टीकरण
निर्वाचन आयोगले राष्ट्रिय स्वतन्त्र पार्टी दाङ जिल्लाका सभापतिलाई स्पष्टीकरण सोधेको छ । दाङको तुलसीपुरमा राष्ट्रिय स्वतन्त्र पार्टी (रास्वपा) का कार्यकर्ताले नेपाल कम्युनिस्ट पार्टी (एकीकृत माक्र्सवादी लेनिनवादी) को झन्डा जलाउँदै सो पार्टीका अध्यक्षविरुद्ध असभ्य शब्द प्रयोग गर्दै नाराबाजी गरेको विषयमा स्पष्टीकरण सोधिएको हो । सो सम्बन्धमा आयोगमा सूचना/उजुरी प्राप्त भएकोले स्पष्टीकरण सोधिएको आयोगले जनाएको छ ।
नयाँ र पुराना होइन नवीनता खोजी
प्रतिनिधि सभा सदस्य निर्वाचनमा मतदान गर्न शनिबारदेखि १२ दिन बाँकी रहँदा राजनीतिक विमर्श दुई धारमा विभाजित भएको छ । राजनीतिक दलका नेता कार्यकर्ता र सामाजिक सञ्जालमा हुने निर्वाचनसम्बन्धी बहस सिद्धान्त, नीति र अबको संसद्ले गर्नुपर्ने कामका सन्दर्भमा भन्दा पनि ‘पुराना’ कि ‘नयाँ’ दल भन्दै सामाजिक ध्रुवीकरण सिर्जना गर्ने खतरा देखिएको हो ।
ट्रम्पले लगाएको कर सर्वोच्चद्वारा खारेज
अमेरिकाका राष्ट्रपति डोनाल्ड ट्रम्पले लगाएका विश्वव्यापी कर अर्थात् आयात शुल्क त्यहाँको सर्वोच्च अदालतले खारेज गरिदिएको छ । ह्वाइट हाउसले गत वर्ष घोषणा गरेका अधिकांश कर अवैध रहेको ठहर सर्वोच्चले गरेपछि राष्ट्रपति ट्रम्पले नयाँ १० प्रतिशत करको घोषणा गर्नुभएको अमेरिकी टेलिभिजन संस्था सिएनएनले जनाएको छ ।
प्रतिबद्धता जनाउने, कार्यान्वयन नगर्ने
प्रतिनिधि सभा निर्वाचन प्रतिस्पर्धामा रहेका ठुलादेखि साना दलले समेत आफूहरू सरकारको नेतृत्व गर्ने तहमा पुगेमा शिक्षामा आमूल परिवर्तन गर्ने उद्घोषसहितको घोषणापत्र सार्वजनिक गरेका छन् ।
विकास लक्ष्य भेट्टाउने कार्ययोजना तय
राष्ट्रिय योजना आयोगले १६ औँ पञ्चवर्षीय योजना (आर्थिक वर्ष २०८१/८२–२०८५/८६) लाई प्रभावकारी बनाउन र लक्ष्य पूरा गर्न प्रधानमन्त्री तथा मन्त्रीपरिषद्को कार्यालयमा विशेष कार्ययोजना (एक्सन प्लान) पेस गरेको छ ।
मतदाता फकाउने फरक शैली
प्रतिनिधि सभाको निर्वाचनको मिति नजिकिँदै गर्दा दलका उम्मेदवारले अनेक प्रचार शैली अपनाउन थालेका छन् । उम्मेदवारले मतदातासँग साखुल्य हुन गर्ने गरेका व्यवहार सामाजिक सञ्जालमा रमिता देखाउने ‘ट्रोल’ बन्ने गरेका छन् ।
मातृभाषा संरक्षण अभ्यास : जनचेतना अभिवृद्धिदेखि अध्यापनसम्म
नेपालका आदिवासी जनजाति समुदायको मतृभाषा संरक्षण प्रयासमा सामान्य जनचेतना अभिवृद्धिदेखि विश्वविद्यालयमा प्राध्यापनसम्मको अभ्यास भएको सरोकारवालाले बताएका छन् ।
विकास मेरो प्राथमिकताः डा. शाक्य
नेकपा (एमाले) का नेता तथा काठमाडौं क्षेत्र नम्बर–९ का उम्मेदवार डा. अजयक्रान्ति शाक्यले मतदाताहरूमा आफ्नो लागि ठुलो उत्साह र भरोसा पाएको बताउनुभएको छ । ‘काठमाडौं क्षेत्र नम्बर–९ का बुद्धिजीवी र आम नागरिकले एक जना प्राज्ञिक, विकासको स्पष्ट खाका बुझेको र कार्यन्वयन गर्न सक्ने विज्ञ व्यक्तित्वलाई उम्मेदवारको रूपमा पाएको बताउनुभएको छ ।
अध्यक्ष ओली दमकमा, निजी क्षेत्रसँग आज अन्तरसंवाद
नेकपा (एमाले) का अध्यक्ष केपी शर्मा ओलीले आज दमकमा निजी क्षेत्रसँग अन्तरसंवाद गर्ने हुनेभएको छ । निर्वाचन क्षेत्र झापा ५ को दमकमा दिउँसो ३ बजे अन्तरक्रिया हुन लागेको उहाँको सचिवालयले जनाएको छ ।
