गाडिएको अवस्थामा महिलाको शव फेला
धनुषाको मिथिला नगरपालिका–३, हरिहरपुरस्थित मुसहरी टोलमा हत्या गरी गाडिएको अवस्थामा एक महिलाको शव फेला परेको छ ।
वीरगञ्जबाट डिजेल आयात घट्यो, पेट्रोल बढ्यो
वीरगञ्ज नाकाबाट डिजेल आयात घटेको छ भने पेट्रोल पैठारी बढेको छ । चालुु आर्थिक वर्षको पाँच महिनामा डिजेलको आयात एक दशमलव १३ प्रतिशतले घटेको वीरगञ्ज भन्सार कार्यालयले जनाएको छ ।
चाँडै भुक्तानी पाउने लोभमा ठगिँदै उखु किसान
सरकारले प्रतिक्विन्टल उखुको न्यूनतम खरिद मूल्य ६५५ रुपियाँ तोकेको छ ।
विषादी अवशेष जाँच्ने प्रयोगशाला स्थापना
सङ्घीय सरकारको कृषि तथा पशुपन्छी विकास मन्त्रालयले धनुषाको ढल्केबरस्थित कृषिउपज बजारमा विषादी अवशेष द्रुत विश्लेषण प्रयोगशाला एकाइ स्थापना भएको छ ।
पूर्वपश्चिम राजमार्ग स्तरोन्नति छिट्टै
लामो समयदेखि चर्चा र प्रतिक्षाको केन्द्रमा रहेको पूर्वपश्चिम राजमार्गअन्तर्गत कमला–ढल्केबर–पथलैया सडक आयोजना (पूर्वी खण्ड) स्तारोन्नतीको काम यही महिनाबाट सुरु हुने भएको छ ।
उखु बोकेका साधनलाई गाउँ प्रवेशमा रोक
सर्लाहीको धनकौल गाउँपालिका–२, धनकौल गाउँमा स्थानीय बासिन्दाले उखु बोकेका ट्याक्टरलाई गाउँको बाटो भएर हिँड्न रोक लगाएका छन् । उखु लोड गरेर गाउँ हुँदै चिनी मिलतर्फ जाने ट्याक्टरलाई विद्युतीय जोखिमका कारण प्रवेशमा प्रतिबन्ध लगाइएको हो । ट्याक्टरमा अत्यधिक उखु लोड गर्दा विद्युतीय तारमा छोइने समस्या उत्पन्न भएको स्थानीयले बताएका छन् ।
बोरा बिछ्याएर पढिरहेका विद्यार्थी र सात वर्षदेखि तलब नपाएका एक शिक्षकप्रति स्थानीय सरकार उदासीन भएको गुनासो
फतुवा विजयपुर नगरपालिका–१ शीतलपुरस्थित दलित प्राथमिक विद्यालयका विद्यार्थी विगत १७ वर्षदेखि बोरामा बसेर अध्ययन गरिरहेका छन् । बकैया नदीको ‘ड्याम’मा स्थानीय समाजसेवी गणेश महराले दान गरेको १० धुर जग्गामा २०६४ सालमा दलित प्राथमिक विद्यालय स्थापना भएको हो ।
विषादी अवशेष जाँच्ने प्रयोगशाला सञ्चालन
धनुषाको ढल्केबरस्थित कृषिउपज बजारमा विषादी अवशेष द्रुत विश्लेषण प्रयोगशाला एकाइ सञ्चालनमा आएको छ ।
आलुमा डढुवाको प्रकोप
आलु बालीमा डढुवा रोगको प्रकोप देखा परेको छ । रोग प्रकोपले फल नलाग्दै आलुका बोट सुक्न थालेपछि व्यावसायिक आलु कृषक चिन्तित छन् ।
स्यालको आक्रमणमा छजना गम्भीर घाइते
स्यालको आक्रमणमा परी महोत्तरीको ग्रामीण भेगमा ४ महिलासहित ६ जना गम्भीर घाइते छन् । स्यालले ३ थान चौपायालाई पनि टोकेर घाइते पारेको छ ।
मुसहर समुदाय अधिकारबाट वञ्चित
जनचेतनाको अभावमा मधेशका मुसहर समुदायका नागरिक सरकारी सेवा र नागरिक अधिकारबाट वञ्चित हुनुपरेको छ । नागरिकता र जन्मदर्ता नेपाली नागरिकको जन्मसिद्ध अधिकार हो ।
छोटी सीमा नाकाबाट सवारी सञ्चालन गर्न माग
रौतहटको छोटी सिमा नाकाहरूबाट (चार पाङ्ग्रे )सवारीसाधनहरू आवतजावत गर्नुपर्ने यहाँका सरोकावालाहरूले माग गरेका छन् ।
गहुँखेती गर्न रासायनिक मल अभाव
सिरहाको सखुवानन्कारकट्टी गाउँपालिका–१ का बद्री यादवले रासायनिक मल अभाव हुँदा गहुँ छर्न पाउनुभएको छैन । कृषि सामग्री कम्पनी लिमिटेड शाखा कार्यालय लहानले गत मङ्सिरमा तीन चरणमा रासायनिक मल वितरण गरेको थियो । सरकारले उपलब्ध गराउँदै आएको सहुलियतको उक्त मल यादवले भने पाउन सक्नु भएन ।
पालिकाका गरीब तथा विपन्न नागरिकलाई सिरक वितरण
रौतहटको गरुडा नगरपालिकाकाले पालिकाभित्र रहेका गरीब तथा विपन्न नागरिकलाई सिरक वितरणको अभियान चलाएको छ । सिरक वा कम्बलको अभावमा कुनै पनि विपन्न वर्गका नागरिक कठ्याङग्रिएर सुत्न नपरोस् भन्ने उद्देश्यकासाथ पालिकाले आफ्नो नौ वटै वडामा उक्त अभियान सञ्चालन गरेको हो ।
ढल्केबरमा विषादी अवशेष प्रयोगशाला सञ्चालनमा
धनुषाको ढल्केबरस्थित कृषि उपज बजारमा विषादी अवशेष द्रुत विश्लेषण प्रयोगशाला एकाइ सञ्चालनमा ल्याएको छ ।
'शिक्षामा लगानी अनुसारको परिणाम आएन'
लहान नगरपालिकाको सामुदायिक विद्यालयहरूमा लगानी अनुसारको परिणाम आउन नसकेपछि सरोकारवाला निकायहरूले चिन्ता व्यक्त गरेका छन् ।
दृष्टिविहीनका विद्यालय सञ्चालन गर्न प्रदेश सरकारले सघाउने
मधेश प्रदेशका मुख्यमन्त्री सतिशकुमार सिंहले दृष्टिविहीनहरूका लागि आवाससहितको विद्यालय निर्माण गरी सञ्चालन गर्न प्रदेश सरकारले सघाउने बताउनुभएको छ ।
तरकारीखेतीको आम्दानीबाट जीविकोपार्जन गर्दै कुशाहाका दलित समुदाय
सप्तरीको सुरुङ्गा नगरपालिका–५ स्थित कुशाहाका पबितार पासवानले पाँच वर्षदेखि व्यावसायिक तरकारीखेती गर्दै आउनुभएको छ । उहाँले तरकारीखेतीबाट परिवारको जीविकोपार्जन मात्र होइन, मनग्य आम्दानी पनि गर्दै आउनुभएको छ ।
वीरगञ्ज नाकाबाट चारपाङ्ग्रे सवारीको आयात घट्यो
वीरगञ्ज भन्सार नाका हुँदै चालु आर्थिक वर्षको पाँच महिनामा चारपाङ्ग्रे सवारीसाधनको आयात घटेको छ । वीरगञ्ज भन्सार कार्यालयका अनुसार चालु आवको पाँच महिनामा रु ९२ करोड तीन लाख ३६ हजार मूल्य पर्ने चार सय ८२ जीप, कार र भ्यान आयात भएका छन् ।
ट्याक्टरमा ठोक्किँदा मोटरसाइकल चालकको मृत्यु
नवलपुर–मलङ्गवा सडक अन्तर्गत सर्लाहीको फरहदवामा सोमबार साँझ ट्याक्टरसँग ठोक्किँदा मोटरसाइकल चालकको मृत्यु भएको छ ।
स्वास्थ्य सुरक्षा सुनिश्चित गर्न किशोरीहरुको माग
धनुषाको जनकनन्दनी गाउँपालिकाका किशोरीले सामाजिक सरोकारका मुद्दाहरु उठान गरी स्थानीय सरकारसँग सम्बोधन गराउन पहल सुरु गरेका छन् ।
सिराहा कारागार प्रकरणः छानबिन समितिले बुझायो प्रतिवेदन
सिराहा कारागार प्रकरणको अनुसन्धान गर्न बनेको छानबिन समितिले झण्डै डेढ महिनापछि अनुसन्धान प्रतिवेदन बुझाएको छ । समितिले गत बिहीबार नै प्रतिवेदन जिल्ला प्रशासन कार्यालयमा बुझाएको छानबिन समितिका सदस्य तथा जिल्ला प्रशासन कार्यलयका सूचना अधिकारी रवीन्द्रकुमार महतले जानकारी दिनुभयो ।
विद्युत र इन्टरनेटका तार स्तरोन्नतिले कार्यालयका कामकाज प्रभावित
महोत्तरीको सदरमुकाम जलेश्वरमा रहेको जिल्ला प्रशासन कार्यालय मालपोत कार्यालयलगायतका अन्य कार्यालयहरुमा आइतबार कामकाज ठप्प जस्तै भएको छ । बिजुली र इन्टरनेटको तार व्यवस्थित गर्नुपर्ने कारण जलेश्वरका अधिकांश कार्यलयहरुमा कामकाज प्रभावित बनेको हो ।
-original-thumb.jpg)
किशोरी शिक्षित भएमात्र समाज परिवर्तन हुन्छ
मधेश प्रदेशका शिक्षा तथा संस्कृतिमन्त्री रानी शर्मा तिबारीले किशोरीहरु शिक्षित भएमात्र समाज परिवर्तन हुने भएकाले शिक्षालाई पहिलो प्राथमिकतामा राख्नु पर्ने बताउनुभएको छ ।
छुट्टै विद्यालयका लागि नीति निर्माण गर्न माग
मधेश प्रदेशको जिल्लामा अपाङ्गता भएका बालबालिकाको पठनपाठनका लागि छुट्टै विद्यालय हुनुपर्ने नीति निर्माण गर्न माग गरिएको छ । बालबालिकामा लगानी सुनिश्चित भविष्यको थालनी मूल नारासाथ राष्ट्रिय बाल अधिकार परिषदले सेभ द चिल्ड्रेनको सहयोग र एकीकृत हातेमालो समाज नेपालको समन्वयमा मधेश प्रदेशको राजधानी जनकपुरधाममा आइतबार कार्यक्रम आयोजना गरिएको हो ।
