• गोरखापत्र अनलाइन
• २४ असार २०८०, आइतबार

सडक स्तरोन्नति सम्पन्न

लामो समयदेखि अलपत्र परेको मितेरी मार्गको चन्द्रागिरि नगरपालिका–१२, गैरीगाउँदेखि चुनदेवी मन्दिरसम्म जाने सडकको स्तरोन्नति एवं सुधार कार्य सम्पन्न भएको छ । उपत्यका विकास प्राधिकरण जिल्ला आयुक्तको कार्यालय काठमाडौँको सहयोगमा उक्त बाटो स्तरोन्नति गरिएको हो । पर्खाल र ढल निर्माण भएपछि त्यस क्षेत्रका स्थानीय बासिन्दालाई सम्भावित बाढीपहिरोको जोखिमबाट सुरक्षित बनाएको छ । दुई वर्षको निरन्तर प्रयासपछि जिल्ला आयुक्त कार्यालयका प्रमुख जगदीश लामिछानेको पहलमा सो बाटोको स्तरोन्नति एवं व्यवस्थित ढल निकासको कार्य भएको हो ।