• गोरखापत्र अनलाइन
• ८ चैत २०८०, बिहिबार

एसइई दिने चेपाङ विद्यार्थी वृद्धि हुँदै

चितवनको इच्छाकामना गाउँपालिकाको राष्ट्रिय माध्यमिक विद्यालय हात्तीबाङबाट २२ जना चेपाङ विद्यार्थीले यस वर्षको एसइई दिँदै छन् । चेपाङ समुदायको बाक्लो बस्ती रहेको यस क्षेत्रमा छोराछोरीलाई पढाउनु पर्छ भन्ने चेतनाको विकासपछि अहिले पढ्न आउनेको सङ्ख्या वृद्धि भएको विद्यालयका प्रधानाध्यापक लोकबहादुर मगरले जानकारी दिनुभयो । यस वर्ष २३ जनाले एसइई दिने छन् भने २२ जना चेपाङ समुदायका रहेकामा तीमध्ये २० जना छात्रा छन् । एक जना अन्य जातिका गिरी रहेका छन् ।