डोटीमा सवारी दुर्घटना : एकको मृत्यु, छ जना घाइते
धनगढीबाट बैतडीको पुर्चौडी गइरहेको सूपप्र ०२००१ ज ०५६७ नम्बरको जिप डोटीको जोरायल गाउँपालिका–२ मेलखोला स्थित भीमदत्त राजमार्गमा गए राति दुर्घटना हुँदा एक जनाको मृत्यु भएको छ भने अन्य ६ जना घाइते भएका छन् ।
उपाध्यायको नेतृत्वमा एमाले अछाम नयाँ कमिटी चयन
नेकपा (एमाले) जिल्ला अधिवेशनले शिवप्रसाद उपाध्यायको नेतृत्वमा ८७ सदस्यीय नयाँ कमिटी निर्विरोध चयन गरेको छ । उपाध्याय हाल एमाले सुदूरपश्चिम प्रदेश कमिटीको सचिवालय सदस्य हुनुहुन्थ्यो ।
विद्युतीय बस दुर्घटना सात जना घाइते
केशवचन्द्र महरादिपायल, वैशाख १७ गते । डोटीमा इभि हाइस दुर्घटना हुँदा ७ जना यात्रु घाइते भएका छन् । भीमदत्त राजमार्ग अन्तर्गत जिल्लाको जोरायल गाउँपालिका २ मेलखोलामा हाइस अनियन्त्रित भई दुर्घटना भएको प्रहरीले जनाएको छ । मङ्गलवार राति ११ स् ३० बजेको समयमा धनगढीबाट बैतडी जाँदै गरेको सु।प।प्र। ०२००१ ज ०५६७ नम्बरको इलोक्ट्रनिक हाइस दुर्घटना भएको हो । जिल्ला प्रहरी कार्यालय डोटीका प्रमुख, प्रहरी उपरीक्षक विनोद शर्माका अनुसार दुर्घटनामा हाइस चालक पूर्चौडी गाउँपालिकाका २४ वर्षीय अशोक बमसहित ७ जना यात्रु घाइते भएका हुन् । दुर्घटनामा डिलासैनी गाउँपालिका ४ का ४५ वर्षीय हर्क बहादुर नेगी, सोही ठाउँका २७ वर्षीय धिरेन्द्र नेगी, ४४ वर्षीय जगदीश जोशी, ५३ वर्षीय राम बहादुर नेगी, ६५ वर्षीया धना नेगी र २८ वर्षीय वीर बहादुर नेगी घाइते भएका छन् । घाइते मध्य ५ जनाको स्वास्थ्य अवस्था माध्यम रहेको प्रहरीले जनाएको छ। इभि हाइस चालक बम र ६५ वर्षीय धना नेगीको अवस्था गम्भीर रहेको छ। घाइते सबैको उद्धार गरेर उपचारका लागि सेती प्रादेशिक अस्पताल धनगढी पठाइएको छ ।प्रहरीको प्रारम्भिक अनुसन्धान अनुसार इभि हाइस एक्कासी आफै अनियन्त्रित भएर दुर्घटना भएको हो ।
व्यावसायिक कृषिमा ड्रोनको प्रयोग
पछिल्लो समय कृषिमा प्रविधिको प्रयोग बढ्दै गएको छ । परम्परागत रूपमा गोरु र राँगा प्रयोग गरी जोत्ने ठाउँमा ट्याक्टर, मिनिटिलर, पावर टिलरको प्रयोग गर्न थालिएको छ भने बाली काट्न र पिस्न प्रविधिको प्रयोग भइरहेको छ ।
बैतडीका दुई स्थानीय तहमा १२ जना क्षयरोगी फेला
बैतडीका दुई स्थानीय तहमा थप १२ जना क्षयरोगका बिरामी फेला परेका छन् । जिल्लाको पुर्चाैडी नगरपालिका र सूर्नया गाउँपालिकामा थप १२ जना क्षयरोगीका बिरामी फेला परेका हुन् ।
अस्पतालको तेस्रो तल्लाबाट हाम फालेर बिरामी घाइते
कैलालीको धनगढीस्थित सेती प्रादेशिक अस्पतालको तेस्रो तल्लाबाट आज हाम फालेर एक बिरामी घाइते हुनुभएको छ। अस्पतालमा उपचाररत मिर्गौला पीडित गोदावरी नगरपालिका–१ का ६३ वर्षीय चक्रबहादुर सिंह हाम फालेर घाइते हुनु भएको हो।
इतिहास फर्किंदैन : अध्यक्ष प्रचण्ड
नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले सामन्ती राजतन्त्र नफर्किने बताउनुभएको छ ।
बजेटको तयारीमा जुट्दै प्रदेश सरकार
प्रदेश सरकार बजेटको तयारीमा जुटेको छ । आगामी आर्थिक वर्ष २०८२-८३ को बजेट तयारीमा सरकार जुटेको हो ।
कार्यबाहक मुख्यमन्त्रीको जिम्मेवारी आर्थिकमन्त्री थापालाई
अविनाश चौधरीधनगढी, वैशाख १६ गते । सुदूरपश्चिमको कार्यबाहक मुख्यमन्त्रीको जिम्मेवारी आर्थिक मामिलामन्त्री बहादुरसिंह थापाले सम्हाल्नु भएको छ । आजबाट भारत भ्रमणमा जानुभएका मुख्यमन्त्री कमलबहादुर शाहले आफू भारतमा रहँदासम्मका लागि कार्यबाहक मुख्यमन्त्रीको जिम्मेवारी थापालाई दिनु भएको हो । बजेट तयारीको सङ्घारमा भारतमा भ्रमणमा निस्कनु भएका शाहले यो बेला आफ्नो भारत भ्रमणले बजेट तयारीमा असर नपर्ने बताउनुभयो । “कार्यबाहक मुख्यमन्त्रीको जिम्मेवारी मैले आर्थिक मन्त्रीलाई नै सुम्पेकाले बजेटको तयारीमा कुनै समस्या हुँदैन” उहाँले भन्नुभयो । भारत सरकारको आमन्त्रणमा मुख्यमन्त्री शाह नेतृत्वको १० सदस्यीय टोली आज भारत प्रस्थान गर्दै हुनुहुन्छ । टोलीले एक हप्तासम्म दिल्ली, देहरादुन र लखनऊमा बिताउने बताइएको छ । भ्रमणको क्रममा मुख्यमन्त्री शाहले दिल्लीमा सङ्घीय मन्त्रीहरू, उत्तराखण्डका मुख्यमन्त्री पुष्करसिंह धामी, उत्तर प्रदेशका मुख्यमन्त्री योगी आदित्यनाथसँग भेटवार्ता गर्ने कार्यक्रम रहेको छ ।
सुदूरपश्चिम प्रदेश सरकारको चालु वर्षको खर्च ३० प्रतिशत
चालु आर्थिक वर्षको ८ महिनामा सुदूरपश्चिम प्रदेश सरकारको पुँजीगत खर्च अत्यन्तै न्यून रहेको छ । सुदूरपश्चिम प्रदेश सरकारलको चालु आर्थिक वर्षको बजेट खर्च भने ३० प्रतिशतमा सिमित रहेको छ ।
३१ लाखमा निर्मित वन कार्यालय भवन एक दशकदेखि अलपत्र
बझाङको केदारस्युँ गाउँपालिका–९, झोता बजार र सुँडिखोलाको बिचमा रहेको भैरवनाथ इलाका वन कार्यालयको भवन विगत नौ वर्षदेखि अलपत्र अवस्थामा छ। समयमै निर्माण सकिए पनि आवश्यक प्रक्रिया नपुगेका कारण भवन प्रयोगमा आउन सकेको छैन, जसले सरकारी लगानी, स्रोत र जनशक्ति दुवैलाई निरर्थक बनाएको छ।
कुटानी–पिसानी मिलबाट एक लाख बढी आम्दानी
बेलडाँडी गाउँपालिका–३ वैवाहाका चित्रबहादुर चौधरी एक दशकदेखि कुटानी–पिसानी मिल सञ्चालन गर्दै आउनुभएको छ । मिल सञ्चालन गरेर उहाँले मासिक रु एक लाख बढी आम्दानी गर्दै आउनुभएको हो ।
भजहरमा रमाउँदै कैलालीका थारू समुदाय
लस्करै खाना पकाउन चुलो लगाइएको थियो । कोही खाना पकाउन व्यस्त देखिन्थे भने कोही खाना भाग लगाउन व्यस्त देखिन्थे । छेउमै थारू समुदायले गाउने ‘सजना’ सुकमैया र रामलाल चौधरी गीत गाउनमा व्यस्त थिए ।
अपाङ्गताले छेकेन उद्यमी बन्न
अपाङ्गता भएका बैतडीका ५६ वर्षीय गजेन्द्रसिंह कार्की आफ्नै साहस र हिम्मतले उद्यमी बन्नुभएको छ । बैतडीमै पहिलो पटक चप्पल उद्योग खोलेर उहाँ आफैँ मेसिन उपकरण चलाउँदै आत्मनिर्भर बन्नुभएको छ ।
महिला नेतृत्व स्वीकार्न आनाकानी
कैलारी गाउँपालिका–३ की शान्तिदेवी चौधरीले शिव सामुदायिक वन उपभोक्ता समूहको नेतृत्व गरेको केही वर्ष बितेको छ ।
सरकारी विद्यालय सुनसान निजीमा धमाधम भर्ना
शिक्षक आन्दोलनका कारण सामुदायिक विद्यालयमा भर्ना अभियान र पठनपाठन बन्द भएपछि विद्यार्थीहरू संस्थागत (निजी) विद्यालयमा भर्ना हुन थालेका छन् ।
बजार जोगाउन कठोर निर्णय
बर्सौंको मेहनतले बनाएको आफ्नो पक्की घर भत्काउन लगाएर गीता कठायत कुँवरले साँफे हाटबजारलाई आगलागी हुनबाट जोगाउनुभयो ।
तराई–मधेश जागरण अभियान : माओवादी नेता कैलाली आउने क्रम सुरु
तराई–मधेश हुलाकी राजमार्ग जागरण अभियानका लागि नेकपा (माओवादी केन्द्र) का नेता कैलाली आउने क्रम सुरु भएको छ ।
कर्णाली नदीमा डुबेर एक युवक बेपत्ता
बाजुराको कर्णाली नदीमा डुबेर एक जना युवक बेपत्ता भएका छन् । बेपत्ता हुनेमा रुकुम पश्चिम आठबिसकोट नगरपालिका–१३ रुकुम बस्ने वर्ष अन्दाजी २७ का नरेन्द्र परियार रहेका छन् ।
जन्डिसको सुइ लगाएको दुई मिनेटमै मृत्यु
कैलालीको घोडाघोडी नगरपालिका वडा नम्बर ८ का निरजबहादुर शाहीको स्थानीय मेडिकलमा सुई लगाएको दुई मिनेटमा निधन भएको छ । ३५ वर्षीय शाही सोमबार बिहान टाउको दुखेपछि नजिकै रहेको दहित मेडिकलमा पुग्नु भएको थियो ।
गोइचनगाड जलविद्युत आयोजना तीन वर्षदेखि बन्द
बझाङको बुंगल नगरपालिका–१ गोइचनमा रहेको गोइचनगाड लघु जलविद्युत आयोजना विगत तीन वर्षदेखि बन्द हुँदा स्थानीयवासी अन्धकारमा बस्न बाध्य भएका छन् ।
तरबूजा खेती गरेरै जीविका चलाउँँदै दुई सय परिवार
यहाँको शुक्लाफाँटा नगरपालिका–३ पिपलाडीका बन्धु चौधरीले स्याली नदी बगरमा उत्पादित तरबूजा बिक्री गरेरै जीविका चलाउँदै आउनुभएको छ । विगत १५ वर्षदेखि उहाँले बगरमा तरबूजाखेती गर्दै आउनुभएको छ ।
विपिन जोशीको रिहाइमा प्रयासरत : इजरायली राजदूत
नेपालका लागि इजरायली राजदूत स्मुलिक आरी बासले हमास लडाकुको अपहरणमा परेका नेपाली विद्यार्थी विपिन जोशीको सुरक्षित रूपमा फिर्ता गराउनका लागि आफू प्रयत्नरत रहेको बताउनुभएको छ ।
माओवादी अध्यक्ष प्रचण्ड भोलि कैलाली आउनुहुँदै
पूर्व प्रधानमन्त्री एवम् नेकपा (माओवादी केन्द्र) का अध्यक्ष पुष्पकमल दाहाल 'प्रचण्ड' भोलि कैलाली आउँदै हुनुहुन्छ।
सात वर्ष बित्दासमेत सञ्चालनमा आएन ‘महेन्द्रनगर सभागृह’
पटक–पटक म्याद थप्दै बनेको ‘महेन्द्रनगर सिटी हल’ सञ्चालन र व्यवस्थापनमा अन्यौलता छाएको छ । वर्षौ समय लगाएर आठ करोड ५१ लाख रुपियाँमा निर्माण गरिएको सिटी हल (सभागृह) सञ्चालन र व्यवस्थापन गर्न स्थानीय सरकारले समयमै आवश्यक कार्यविधि नबनाउँदा अन्यौलता देखिएको हो ।
