रजत जयन्ती मनाउँदै सिरुबारी
दक्षिण एसियाको पहिलो नमुना सामुदायिक होमस्टे (घरबास) सिरुबारीले रजत जयन्ती मनाउने तयारी गरेको छ । २०५४ सालमा स्थापना भएको ग्रामीण पर्यटकीय गाउँ सिरुबारी होमस्टेले फागुन ५ र ६ गते रजत वर्ष मनाउने तयारी गरेको सिरुबारी पर्यटन विकास समितिका अध्यक्ष जितेन्द्र गुरुङले बताउनुभयो । संस्कृति, पर्यटन तथा नागरिक उड्डयनमन्त्री, गण्डकी प्रदेश सरकारका मन्त्री तथा विशिष्ट व्यक्तिलाई सहभागी गराएर रजत वर्ष मनाउने समितिले तयारी गरेको हो ।
भ्यालेन्टाइनमा पोखरा प्रेमिल गन्तव्य
प्रत्येक दिन प्रेम दिवस हो, एउटा सत्य जानिराख, प्रेमभन्दा मूल्यवान् केही अरू हुँदैन ठानिराख, सभ्यताको आकाशभर कति घाम उदाए, जून उदाए, प्रेमको इतिहास चोखो लेखिनुपर्छ ठानीराख।
ज्यामिरेमा बहुउद्देश्यीय भवन सञ्चालनमा
पुतलीबजार नगरपालिका – २ ज्यामिरेमा स्थानीयले बहुउद्देश्यीय भवन निर्माण गरेका छन् ।
रानीमहलमा आउने जोडीलाई सम्मान (फोटो फिचर)
प्रणय दिवसका अवसरमा आज (मङ्गलबार) रानीमहलमा पुग्ने जोडीलाई सम्मान गरिएको छ । प्रेम साटासाट गर्न रानीमहल पुगेका प्रेम जोडीलाई तानसेन नगरपालिका, नाटा लुम्बिनी र नाटा पाल्पा च्याप्टरले सम्मान गरेको हो ।
डाक्टर छैनन्, उपकरण बिग्रिए
पर्वतको कुस्मा नगरपालिका–१२, ठूलीपोखरीमा रहेको प्राथमिक स्वास्थ्य केन्द्रमा एक जना एमबीबीएस डाक्टरसहित १० जनाको दरबन्दी रहेको छ तर अहिले करारमा रहेका स्वास्थ्य सहायक ‘एचए’ले निमित्तका रूपमा स्वास्थ्य केन्द्र चलाउँदै आएका छन्। दरबन्दीमा रहेका डाक्टर अध्ययन बिदामा गएपछि हालसम्म अन्य डाक्टर आएका छैनन्। डा. विवेक भण्डारी २०७५ सालमा अध्ययन बिदामा गएपछि केन्द्रमा दरबन्दीको कुनै डाक्टर आएका छैनन्।
दाताको भरमा आश्रम सञ्चालन
तनहुँको व्यास नगरपालिका–५ बेनीपाटनमा सञ्चालित ज्येष्ठ नागरिक आश्रममा नौ वृद्धवृद्धाले सहारा पाउनुभएको छ ।
वालिङ नगरपालिकाले थाल्यो अव्यवस्थित तार व्यवस्थापनको काम
स्याङ्जाको वालिङ नगरपालिकाले बजारमा अव्यवस्थित रुपमा रहेका टेलिफोन तथा इन्टरनेटका तार व्यवस्थापन गर्न सुरु गरेको छ ।
हात्तीपाइलेको औषधि खुवाइँदै
पर्वतमा आगामी फागुन ११ गतेदेखि हात्तीपाइले रोगविरुद्धको औषधि खुवाइने भएको छ। स्वास्थ्य कार्यालयका निमित्त प्रमुख सन्तोष पौडेलले यस वर्ष अन्तिम चरणमा औषधि खुवाउन थालिएको जानकारी दिनुभयो। २०६४ सालबाट सो औषधि सेवनको थालनी गरिएको थियो। स्वास्थ्य कार्यालयको फितलो अनुगमन र स्वास्थ्यकर्मीको लापरबाहीका कारण पर्वतमा अभियान सुरु भएको १३ वर्षसम्म हात्तीपाइले रोगको निवारण हुनसकेको छैन। १३औँ चरणमा पनि प्रभावकारी नभएपछि यस वर्ष १४औँ चरणमा हात्तीपाइले रोगविरुद्धको आम औषधि खुवाइने भएको छ।
अन्तर्राष्ट्रिय उडानसँगै रात्रिकालीन सेवाको तयारी
पोखरा अन्तर्राष्ट्रिय विमानस्थल अन्तर्राष्ट्रिय उडान सेवाका लागि आवश्यक तयारी पूरा भएको छ। सो उडानसँगै रात्रिकालीन उडान सेवासमेत सञ्चालन गरिने विमानस्थल प्रमुख विक्रम गौतमले बताउनुभएको छ। उहाँले २३ फेब्रुअरी (फागुन ११)देखि अन्तर्राष्ट्रिय विमान उडानको तयारी रहेको जानकारी दिनुभयो। गत जनवरी १ देखि सञ्चालनमा आएको पोखरा अन्तर्राष्ट्रिय विमानस्थलमा अहिले दिउँसो चार बजेपछि नियमित उडान रहेको छैन।
वन्यजन्तुलाई खानेपानीको सुविधा
मानव र वन्यजन्तुबीचको द्वन्द्व न्यूनीकरण तथा वन्यजन्तुलाई खानेपानी सुविधाका लागि वनमै पोखरी निर्माण गरिएको छ। डिभिजन वन कार्यालय बागलुङले ‘एक सामुदायिक वन, एक पोखरी’ कार्यक्रमअन्तर्गत पोखरी निर्माण अभियानलाई तीव्र बनाएको छ। पानीको स्रोत संरक्षण, जङ्गल तल रहेका पानीको मुहान ‘रिचार्ज’ बढाउने तथा जङ्गली जीवजन्तुलाई पानीको स्रोत उपलब्ध गराउने उद्देश्यले सामुदायिक वन उपभोक्ता समूहमार्फत एक सामुदायिक वन एक संरक्षण पोखरी निर्माण अभियान थालेको डिभिजन वन कार्यालय प्रमुख
विद्यार्थीको निःशुल्क मुटु परीक्षण
नेपाल हृदय रोग प्रतिष्ठान तनहुँको आयोजनामा आइतबार दमौलीमा करिब तीन हजार विद्यार्थीको मुटु परीक्षण गरिएको छ। विज्ञ चिकित्सकहरू विद्यालयमै पुगेर विद्यार्थीको मुटु परीक्षण गरिएको हो। बालबालिकामा मुटुको समस्या भएर भविष्यमा जटिलता उत्पन्न नहोस् भन्ने उद्देश्यले नेपाल हर्ट फाउन्डेसन केन्द्रीय कार्यालयको सहयोगमा मुटु परीक्षण गरिएको प्रतिष्ठानका अध्यक्ष कृष्णचन्द्र पाण्डेले बताउनुभयो।
राष्ट्रपति भण्डारी जलजलाको वराह तालमा आउने
राष्ट्रपति विद्यादेवी भण्डारी यही फागुन १० गते पर्वतको जलजला गाउँपालिकामा रहेको हम्पाल कालञ्जर,जलजला र वराह तालको भ्रमणमा आउनुहुने भएको छ । राष्ट्रपतिको भ्रमणलाई सफल बनाउन जलजला गाउँपालिका तयारीमा जुटेको छ ।
पोखराको महेन्द्रपुलमा कार दुर्घटना, तीन जना घाइते
पोखराको महेन्द्रपुलमा आइतबार दिउँसो कार दुर्घटना भएको छ। दुर्घटनामा कार चालकसहित दुई जना पैदलयात्रु घाइते भएका छन्।
सचिन स्मृति खुला दौड प्रतियोगिता हुने
सचिन श्रेष्ठको स्मृतिमा दमौलीमा खुला दौड प्रतियोगिता आयोजना हुने भएको छ। रोट्याक्ट क्लब अफ दमौलीले २०औं स्वर्गीय सचिन स्मृतिमा फागुन ७ गते दौड प्रतियोगिता गर्न लागेको हो ।
हिमाली क्षेत्रमा डढेलो
यसवर्ष हिमपात नभएका कारण म्याग्दी जिल्लाको हिमाली क्षेत्रमा डढेलो लागेको छ । धवलागिरी गाउँपालिका ७ ताकमबाट देखिएको गुर्जा हिमाल र हिमालको फेदीमा लागेको डढेलो ।
बसको ठक्करबाट पैदलयात्रीको मृत्यु
पृथ्वीराजमार्ग सडकखण्डको आबुँखैरेनी गाउँपालिका–३ गाउँपालिका चोकमा आज बिहान बसको ठक्करबाट एक पैदलयात्रीको मृत्यु भएको छ ।
पहिलाे होमस्टे सिरुबारीले रजत जयन्ती मनाउँदै
दक्षिण एसियाको पहिलो नमूना सामुदायिक होमस्टे शिरूबारीले रजत जयन्ती मनाउने तयारी गरेको छ । पहिलाे नमूना हाेमस्टे भएकाले पनि यस गाउँकाे सुन्दर तस्बिर हुलाक टिकटमा समेत अङ्कित छ ।
स्याङ्जामा आगलागीपछि बेहोस हुँदा एकको मृत्यु
स्याङ्जाको वालिङ नगरपालिका–१४ डाँडाखर्कस्थित बारी र खरबारीमा आगलागी हुँदा एक स्थानीयको ज्यान गएको छ ।
नियम उल्लङ्घन गर्ने सवारीलाई कारबाही
जिल्ला ट्राफिक प्रहरी कार्यालय कास्कीले स्वरूप परिवर्तन, लापरबाही तथा ध्वनि प्रदूषण गरी तीव्र गतिमा सवारी चलाउनेलाई कारबाही थालेको छ। सवारी नियम उल्लङ्घन गर्ने विभिन्न कम्पनीका ५० वटा मोटरसाइकल र चालकलाई नियन्त्रणमा लिई कारबाही गरिएको सो कार्यालयले जनाएको छ। जिल्ला ट्राफिक प्रहरीका अनुसार, यही माघ २६ र २७ गते दुई दिनको अवधिमा ५० वटा मोटरसाइकललाई नियन्त्रणमा लिएको हो।
वास्तविक किसानका लागि नीति बनाइँदै
गण्डकी प्रदेश कृषि, ऊर्जा तथा जलस्रोतमन्त्री वेदबहादुर गुरुङले वास्तविक किसानको दर्दनाक अवस्था रहकाले उनीहरूको आर्थिक अवस्था परिवर्तनका लागि नीति बनाएर अगाडि बढ्ने बताउनुभएको छ। गण्डकी प्रदेशका किसानको संरक्षणका लागि सङ्घ र स्थानीय तहसँग समन्वय गरेर अगाडि बढ्ने उहाँको भनाइ छ।नेपाल भेटेरिनरी एसोसिएसन गण्डकी प्रदेशको तेस्रो साधारण सभा एवं राष्ट्रिय अधिवेशनको उद्घाटन गर्दै उहाँले सो कुरा बताउनुभएको हो।
राम्रो मूल्य पाउन जिल्लामै कफी प्रशोधन
राम्रो मूल्य पाइने भएपछि पर्वतको एक कफी उत्पादक सहकारी संस्थाले आफँै प्रशोधन गरी बजारमा धुलो कफी बिक्री गर्न सुरु गरेका छ । जिल्लामा उत्पादित कफीले राम्रो बजार पाउन नसकेपछि सहकारी आफैँले उत्पादन गरेर बिक्री सुरु गरेपछि किसानले समेत राम्रो मूल्य पाउन थालेका हुन् ।
बेनी–जोमसोम सडक दैनिक साढे छ घण्टा बन्द हुने
म्याग्दीको उत्तरी क्षेत्र हुँदै मुस्ताङलाई जोड्ने बेनी–जोमसोम सडक सोमबारदेखि दैनिक साढे छ घण्टा बन्द हुने भएको छ । स्तरोन्नतिको कामलाई गति दिनका लागि बेनी–जोमसोम सडकको बेनी–गलेश्वर खण्डमा सवारी चल्ने र बन्द हुने समयतालिका बनाइएको जिल्ला प्रशासन कार्यालय म्याग्दीले जनाएको छ ।
बसको ठक्करबाट पैदल यात्रुको मृत्यु
बसको ठक्करबाट एक युवकको मृत्यु भएको छ । शनिबार पृथ्वीराजमार्ग अन्तर्गत आँबुखैरेनी गाउँपालिका–३ गाउँपालिकाचोक, आँबुखैरैनी बजारमा ठक्कर दिँदा सोही ठाउँ बस्ने ४० वर्षीय मीनबहादुर विकको मृत्यु भएको हो ।
आँधीखोलामा अठतीस लाखको प्रवेशद्वार
आँधीखोला गाउँपालिकाले वडा नं ५ सेतीदोभानमा पालिका प्रवेशद्वार बनाएको छ । पुतलीबजार नगरपालिका–४, नागडाँडाबाट पालिका प्रवेश गर्ने ठाउँमा प्रवेशद्वार बनाइएको हो । गण्डकी प्रदेश सरकारको पर्यटन मन्त्रालयको आर्थिक वर्ष २०७७/७८ को बजेटबाट विनियोजित ३५ लाख २० हजार र गाउँपालिकाको दुई लाख ८० हजार गरी ३८ लाख रुपियाँमा पालिकाले अन्धाअन्धी पर्यटन समितिमार्फत प्रवेशद्वार बनाएको हो ।
फोहोर व्यवस्थापनमा सकस
बागलुङका चार नगरपालिकाले फोहोर विसर्जन गर्ने स्थायी संरचना बनाउन सकेका छैनन् । नयाँ पालिकाहरूले पाँच वर्षदेखि अस्थायी रूपमा फोहोर व्यवस्थापन गर्दै आएका हुन् । जिल्लाकै जेठो बागलुङ नगरपालिकाले अस्थायी संरचना तयार गरी फोहोर व्यवथापन गरे पनि स्थायी संरचना छैनन् ।
