रत्यौली संरक्षणमा आमा समूहको सक्रियता
बागलुङ नगरपालिका–८ सिगाना सायकोटको सृजनशील आमा समूहले तयार पारेको रत्यौली गीतको टुक्का हो यो । विवाह संस्कारमा गाइने गीतमध्यको रत्यौली अहिले लोप हुने अवस्थामा आएपछि यहाँका आमा समूह मिलेर संरक्षणमा जुटेका छन् ।
राष्ट्रिय ह्वीलचियर बास्केटबल च्याम्पियनसिप एपिएफ र सुदूरपश्चिमले जिते
विकास शिल्ड राष्ट्रिय ह्वीलचियर बास्केटबल च्याम्पियनसिप नेपाल २०८० को उपाधि पुरुषतर्फ सशस्त्र प्रहरी बल एपीएफ र महिलातर्फ सुदूरपश्चिम प्रदेशले हात पारेका छन् ।
अझै घरमै हुन्छन् सुत्केरी
मङ्गला गाउँपालिका–१ कुहुँ क्षेत्रमा अहिले पनि घरमै सुत्केरी हुने गरेको पाइएको छ । जिल्ला खोप समन्वय समितिका प्रमुख तथा जिल्ला समन्वय समितिका प्रमुख राजकुमार थापाको नेतृत्वमा कुहुँ स्वास्थ्य चौकी पुग्दा घरमै सुत्केरी हुने गरेको पाइएको हो । जिल्ला समन्वय समितिका प्रमुख राजकुमार थापाले भन्नुभयो, “खोपको अनुगमनका लागि आएका थियौँ स्वास्थ्य चौकीको अनुगमनका क्रममा घरमै सुत्केरी हुने गरेको तथ्य पनि भेटियो । खोप लगाएको अवस्था निकै राम्रो देखिएको र लक्षित बालबालिकाले खोप लगाउन पाएको समेत कुहुँ क्षेत्रमा देखिएको उहाँको भनाइ छ ।
-original-thumb.jpg)
हिमपातले यातायात ठप्प
पानी परेसँगै हिमालपारीको जिल्ला मुस्ताङको उपल्लो भेकमा हिमपात हुँदा जनजीवन प्रभावित भएको छ । बाह्रगुङ मुक्तिक्षेत्र गाउँपालिका–१, मुक्तिनाथका वडा सचिव सुवास अधिकारीले शनिबार बेलुकादेखि हिउँ पर्न थालेको बताउनुभयो । मङ्सिर, पुसमा हिमपात राम्रोसँग हुन नसके पनि अहिले हुँदा किसानका लागि सहज हुने उहाँको भनाइ छ । झारकोट स्वास्थ्य चौकीका इन्चार्जसमेत रहनुभएका अधिकारीले भन्नुभयो, “ज्येष्ठ नागरिक तथा बालबालिकालाई चिसोले गर्दा समस्या हुन सक्ला तर अन्य हिसाबले हेर्दा हिउँले राम्रो नै गर्ला ।”
जलजलामा एक करोड ३९ लाख रुपियाँ थप बजेट
पर्वतको जलजला गाउँपालिका गाउँ सभाको १६ औँ अधिवेशनबाट थप एक करोड ३९ लाख रुपियाँ थप बजेट विनियोजन गरेको छ ।सोमबार गाउँपालिकाको केन्द्र लामाखेतमा सम्पन्न गाउँ सभा अधिवेशनबाट गाउँपालिकाको अल्यामा रहेको १ करोड २९ लाख रुपियाँ र आन्तरिक आम्दानीबाट १० लाख रुपियाँ बजेट स्रोत अनुमान गरेर पूर्वाधार निर्माणलगायतका योजनामा विनियोजन गरेको हो ।
मनाङको ढुकुरपोखरीमा हिमपहिरो : आवतजावत गर्न जोखिम
मनाङको ङिस्याङ गाउँपालिकामा हिमपहिरो गएको छ । ङिस्याङ–१ ढुकुरपोखरीमा हिमपहिरो जाँदा माथिल्लो मनाङ र तल्लो मनाङ आवतजावतमा गर्न जोखिम बढेको छ ।
म्याग्दे गाउँपालिकामा घुम्ती शिविर सञ्चालन
तनहुँको म्याग्दे गाउँपालिकाले सबै सेवा एकै ठाउँबाट दिन घुम्ती शिविर सुरुआत गरेको छ । जनतालाई सहजरूपमा वडास्तरबाटै पालिकाका सेवा प्रदान गर्न गाउँपालिकाले सोमबारदेखि एकीकृत घुम्ती शिविर आयोजना गरेको हो ।
नारायणगढ-बुटवल सडक खण्डको अवरोध अझै हटेन
पूर्व-पश्चिम राजमार्गअन्तर्गत नवलपरासी-बर्दघाट सुस्तापूर्वको दाउन्ने क्षेत्रमा आइतबार साँझदेखि अवरुद्ध भएको सडक अझै पूर्णरुपमा सञ्चालन हुन सकेको छैन ।
-original-thumb.jpg)
तनहुँमा १९९ टावर बन्दै
अमेरिकी सहयोग मिलेनियम च्यालेन्ज कर्पोरेसन (एमसीसी)द्वारा विद्युत प्रसारण लाइन परियोजनाका लागि तनहुँमा एक सय ९९ वटा टावर संरचनाको र एउटा सबस्टेशनको काम भइरहेको छ ।
गण्डकीमा आमसञ्चार र बिउँबिजन विधेयक पारित
गण्डकी प्रदेश सभाको सोमबारको बैठकले दुई विधेयक पारित गरेको छ । प्रदेश सभाका विषयगत समितिबाट पारित भएका गण्डकी प्रदेशमा बिउँ बिजनसम्बन्धी व्यवस्था गर्न बनेको विधेयक र आमसञ्चार सम्बन्धमा व्यवस्था गर्न बनेको विधेयक पारित भएका हुन् ।
चोरमारा–दाउन्ने सडक खण्ड अवरुद्ध,यात्रुलाई सास्ती
पूर्व–पश्चिम राजमार्गको चोरमारा–दाउन्ने सडकखण्ड रातिदेखि अवरुद्ध हुँदा हजारौँ यात्रुले सास्ती पाएका छन् । सडक मर्मत र हल्का पानी परेकाले बाटो चिप्लो भएका कारण जाम हुँदा यात्रुले सास्ती पाएका हुन् ।
प्रहरीमा उजुरी र गुनासो गर्न क्युआर कोड प्रयोगमा
जिल्ला प्रहरी कार्यालयले प्रहरीलाई उजुरी गर्न तथा गुनासो र सुझाव दिनका लागि क्युआर कोड प्रयोगमा ल्याएको छ ।
पञ्चकोटमा धार्मिक पर्यटकको घुइँचो
बागलुङको सर्वसिद्धिधाम पञ्चकोटमा जल सम्पदा र ब्रह्माण्डको संरक्षणका लागि आयोजित अनन्तश्री ब्रह्माण्डीय महायज्ञमा दर्शनार्थीको भीड लागेको छ । महायज्ञ देशभरबाट श्रद्धालु भक्तजन आउन थालेपछि पञ्चकोट दर्शनार्थीको बाक्लो उपस्थितिले भरिएको हो ।
-original-thumb.jpg)
बेपत्ता बालक खोज्न सेतीको बाँध खोलिने
शुक्रबारदेखि पोखराको सेती नदीमा बेपत्ता भएका बालकको खोजीका लागि सेती बाँध खोलिने भएको छ ।
सात करोड ठगी अभियोगमा विन्दवासिनी सहकारीका अध्यक्षसहित तीन पक्राउ
पोखरा महानगरपालिका वडा नम्बर ९ मा रहेको विन्दवासिनी बचत तथा ऋण सहकारीको करिब सात करोड ठगी गरेको अभियोगमा कास्की प्रहरीले तीन जनालाई पक्राउ गरेको छ ।
म्याग्दी उद्योग वाणिज्य सङ्घको अध्यक्षमा श्रेष्ठ निर्वाचित
म्याग्दी उद्योग वाणिज्य सङ्घको अध्यक्षमा युवा व्यवसायी सुविन श्रेष्ठ निर्वाचित हुनुभएको छ ।
कामदारलाई करणी गरेको आरोपमा होटेल सञ्चालक पक्राउ
गोरखामा आफ्नै कामदारलाई करणी गरेको आरोपमा होटेल सञ्चालकलाई प्रहरीले पक्राउ गरेको छ । पक्राउ पर्नेमा गोरखा नगरपालिका – ११ को बाहैकिलोमा होटेल ब्याबसायी सञ्चालन गर्नु भएका ईश्वर बस्नेत रहेको जिल्ला प्रहरी कार्यालय गोरखाका प्रहरी निरीक्षक रवीन्द्र अधिकारीले जानकारी दिनु भयो ।
गाउँमै इँटा उत्पादन
नवलपुरदेखि चर्को ढुवानी गरेर सरकारी कार्यालयदेखि निजी घर बनाउन प्रयोग हुने इँटा अहिले गाउँमा नै बनाउन थालिएको छ । जिल्लाको पहाडी बुलिङटार र बौदीकाली गाउँपालिकामा सरकारी कार्यालय र निजी आवास बनाउने क्रम बढ्दो छ । नवलपुरबाट प्रतिगोटा १० रुपियाँ भाडा तिरेर इँटा खरिद गर्न बाध्य भएका स्थानीय सरकार र व्यक्तिले अहिले गाउँमा नै इँटा खरिद गरेर भवन निर्माण गर्न थालेका बुलिङटार गाउँपालिका–३ का वडाध्यक्ष विष्णुवीर जर्घामगरले बताउनुभयो ।
धार्मिक पर्यटकले भरियो पञ्चकोट
बागलुङ नगरपालिका–६ स्थित प्रसिद्ध धार्मिक स्थल सर्वसिद्धिधाम पञ्चकोटमा धार्मिक पर्यटकको ओइरो लागेको छ । धार्मिक पर्यटकका कारण पञ्चकोट दैनिक जसो भरिभराउ देखिएको छ । पञ्चकोटमा आयोजित अनन्तश्री ब्रह्माण्डीय महायज्ञको दर्शन र अवलोकन गर्न देशभरबाट भक्तजन पञ्चकोट पुग्ने गरेका छन् । फागुन ९ देखि सुरु भएको ब्रह्माण्डीय महायज्ञको धार्मिक प्रवचनमा सहभागी हुन, दान गर्न, पूजाअर्चना र दर्शन गर्न देशका विभिन्न जिल्लाबाट दैनिक रूपमा हजारौँको सङ्ख्यामा धार्मिक पर्यटकको आगमन भएको आयोजकले जनाएका छन् ।
‘ऋणमा भएको लगानी जनताको बचत हो, तिर्नै पर्छ’
जनताको रगत पसिनाले जोडेको रकम नै बैङ्क तथा वित्तीय संस्थाले ऋणका रूपमा लगानी गर्ने भएकाले खाएको ऋण तिर्नैपर्ने नेपाल उद्योग वाणिज्य महासङ्घका अध्यक्ष चन्द्रप्रसाद ढकालले बताउनुभएको छ । म्याग्दी उद्योग वाणिज्य सङ्घको ३० औँ वार्षिक साधारण सभा तथा १२ औँ अधिवेशनमा बोल्दै उहाँले जनताले थोरै थोरै गरेर जम्मा गरेको बचत रकम नै बैङ्क तथा वित्तीय संस्थाले ऋणका रूपमा परिचालन गर्ने भएकाले कसैले तिर्दिनँ भनेर उम्कन नपाइने धारणा राख्नुभयो ।
'अलिखित पाना' विमोचन
गुप्ततारा स्मृति प्रतिष्ठान वालिङ स्याङ्जाले वालिङ नगरपालिका-६, मिर्दीमा कथाकृति विमोचन तथा विमर्श कार्यक्रम गरेको छ ।
कृषकलाई आलु लगाउने चटारो
हिउँद लागेसँगै जाडो छल्न बेँसी झरेका र काठमाडौँ, पोखरालगायतका सहर पसेका मनाङी कृषकहरू अहिले गाउँ फर्केर आलु रोप्नमा व्यस्त रहेका छन् ।
बुङकोट आधारभूत स्वास्थ्य केन्द्र निर्माण
गोरखाको सहिदलखन गाउँपालिका–८ मा रहेको महादेव थुम्काडाडामा आधारभूत स्वास्थ्य केन्द्र भवन निर्माण सम्पन्न भएको छ ।
यु–१३ अन्तर विद्यालय २०८० को उपाधि द ओल्डक्यापिटल माविलाई
यु –१३ अन्तर विद्यालय २०८० को उपाधि द ओल्डक्यापिटल माविले हात पारेको छ ।लक्ष्मी सामुदायिक शिक्षा सदनलाई २–० गोलले पराजित गर्दै द ओल्ड क्यापिटल माविले उपाधि जित्न सफल भएको हो ।
गोरखामा मोटरसाइकल दुर्घटना हुँदा एकको मृत्यु
गोरखामा मोटरसाइकल दुर्घटना हुँदा एक जनाको मृत्यु भएको छ ।
