• गोरखापत्र अनलाइन
• २५ वैशाख २०८१, मङ्गलबार

विद्यालयमा पाँच लाखको अक्षयकोष

म्याग्दीको रघुगङ्गा गाउँपालिका–८, घ्यासीखर्कमा रहेको रितुङ माध्यमिक विद्यालयमा अध्ययनरत उत्कृष्ट विद्यार्थीलाई छात्रवृत्ति प्रदान गर्न एक परिवारले अक्षयकोष स्थापना गरेका छन् । दिवङ्गत हुनुभएका स्थानीय समाजसेवी रामबहादुर घरब्जा छन्त्याल र हल्जना घरब्जा छन्त्यालको स्मृतिमा उहाँका छोराछोरी, बुहारी र नातिनातिनीले विद्यालयको शैक्षिक क्षेत्रमा सघाउन पाँच लाख रुपियाँको अक्षयकोष स्थापना गरेका हुन् ।