उपराष्ट्रपति निर्वाचनको मौन अवधि सुरु
यही चैत ३ गते हुने उपराष्ट्रपति निर्वाचनका लागि मौन अवधि सुरु भएको छ । मङ्गलबार राति १२ बजेदेखि प्रचारप्रसार निषेधको अवधि लागू भएको हो ।
उपराष्ट्रपति निर्वाचन : मौन अवधि सुरु
उपराष्ट्रपति निर्वाचनमा उम्मेदवारले प्रचारप्रसार गर्न नपाउने गरी मङ्गलबार मध्यरातिदेखि प्रचारप्रसार निषेध अवधि सुरु भएको छ। यही चैत ३ गते हुने उपराष्ट्रपतिको निर्वाचनभन्दा ४८ घण्टाअघिदेखि लागू हुने गरी सो अवधि सुरु भएको निर्वाचन आयोगले जनाएको छ। आयोगका प्रवक्ता शालिग्राम शर्मा पौडेलले निर्वाचनलाई स्वच्छ, स्वतन्त्र, निष्पक्ष, विश्वसनीय, पारदर्शी तथा भयमुक्त वातावरणमा सम्पन्न गर्न मतदानको दिन मतदान केन्द्र बन्द नहुञ्जेलसम्म प्रचारप्रसार निषेधको अवधि लागू हुने बताउनुभयो।
राजस्व हिनामिनामा एघार जना भ्रष्टाचारी ठहर
विशेष अदालतले यातायात कार्यालय कोशीका तत्कालीन ११ कर्मचारीलाई राजस्व हिनामिनामा दोषी ठहर गरेको छ । सङ्कलित राजस्व रकम पूरा बैङ्कमा दाखिला नगरी हिनामिना गरेको अभियोगमा विशेषले चार उपसचिव, दुई अधिकृत र पाँच सहायक स्तरका कर्मचारीलाई दोषी ठहर गरेको हो । अदालतले अभियोगपत्रमा प्रतिवादी बनाइएका सबैलाई दोषी ठहर गरेको छ ।
बुधबार कांग्रेस कार्यसम्पादन समितिको बैठक बस्दै
नेपाली कांग्रेसले पार्टीको केन्द्रीय कार्यसम्पादन समितिको बैठक बुधबार (चैत १ गते) का लागि बोलाएको छ।
राष्ट्रपतिको प्रमुख स्वकीय सचिवमा डा. चालिसे
राष्ट्रपति रामचन्द्र पौडेलकोे प्रमुख स्वकीय सचिवमा पूर्व राजदूत डा. सुरेशचन्द्र चालिसे नियुक्त हुनुभएको छ ।
-original-thumb.jpg)
गणतन्त्र नेपालका १४ वर्ष : तीन राष्ट्रपति
गणतन्त्र नेपालको १४ वर्षमा तीनजना नागरिकले राष्ट्राध्यक्षको भूमिका निर्वाह गर्नुभएको छ।
खानेपानीमन्त्री न्यूयोर्क जानुहुने
खानेपानीमन्त्री अब्दुल खांन अमेरिकाको न्यूयोर्कमा आयोजना हुने विश्व पानी सम्मेलनमा (वर्ल्ड वाटर कन्फ्रेन्स) मा सहभागी हुन त्यसतर्फ जानुहुने भएको छ।
एमाले राष्ट्रिय सभा दलको नेतामा दाहाल र प्रमुख सचेतकमा श्रेष्ठ मनोनीत
नेकपा (एमाले) ले राष्ट्रिय सभाको दलको नेतामा देवेन्द्र दाहाललाई मनोनीत गरेको छ।
नेपाली श्रमिकको गुनासो सुन्न सभामुख घिमिरे बहराइनस्थित दूतावासमा
अन्तरव्यवस्थापिका संघ (आईपीयु)को १४६ औं महासभामा भाग लिन बहराइन पुग्नुभएका सभामुख देवराज घिमिरेले नेपाली श्रमिकको अवस्थाबारे जानकारी लिनुभएको छ।
राष्ट्रपति पौडेललाई जापानी प्रधानमन्त्री किशिदाको बधाई
राष्ट्रपति रामचन्द्र पौडेललाई जापानका प्रधानमन्त्री किशिदा फुमियोले बधाई ज्ञापन गर्नुभएको छ । राष्ट्रपति पौडेलले सोमबार पदभार ग्रहणसँगै प्रधानमन्त्री किशिदाले आज (मङ्गलबार) औपचारिक पत्रमार्फत उहाँलाई बधाइ ज्ञापन गर्नुभएको यहाँस्थित जापानी राजदूतावासले जनाएको छ ।
कांग्रेस महामन्त्री शर्माको प्रस्ताव : दोहोरिएर राष्ट्रपति नबन्ने व्यवस्था गरौं
नेपाली कांग्रेसका महामन्त्री विश्वप्रकाश शर्माले एउटै व्यक्ति दोहोरिएर राष्ट्रपति बन्न नपाउने व्यवस्था गर्नुपर्ने बताउनुभएको छ ।
‘प्रधानमन्त्रीकै नेतृत्वमा उच्चस्तरीय प्रशासन सुधार आयोग बन्छ’
प्रधानमन्त्री पुष्पकमल दाहाल ‘प्रचण्ड’ले प्रशासनिक क्षेत्रमा देखिएका समस्या सम्बोधनका लागि उच्चस्तरीय प्रशासन सुधार आयोग गठन गरिने बताउनुभएको छ।
केन्द्रीकृत मानसिकताबाट प्रदेशको अपेक्षाकृत परिवर्तन भएनः मुख्यमन्त्री अधिकारी
ण्डकी प्रदेशका मुख्यमन्त्री खगराज अधिकारीले संविधानमा जेजस्ता कुरा लेखिए पनि व्यवहारमा देखिएको केन्द्रीकृत मानसिकताले अपेक्षाकृत परिवर्तन गर्न चुनौती खडा भइरहेको बताउनुभएको छ ।
पाँच राष्ट्रिय गौरवका आयोजना : तोकिएको अवधिमा काम नसकिने
नेपालमा सञ्चालित राष्ट्रिय गौरवका आयोजनामध्ये पाँच वटा आयोजना आगामी आर्थिक वर्षभित्र सम्पन्न गर्नुपर्ने समयसीमा रहेको छ । तर तोकिएको समयसीमा भित्र आयोजनाहरु सम्पन्न हुने सम्भावना भने छैन ।
विवादमै अल्झियो वैकल्पिक मार्ग
बाजुराको साँफे–मार्तडी सडक अन्तर्गत पर्ने बल्दे अम्कोट वैकल्पिक मार्गले गति लिन सकेको छैन ।
तनहुँ १ मा कहिले होला उपनिर्वाचन ?
निर्वाचन आयोगले राष्ट्रपति निर्वाचनपछि रिक्त भएको तनहुँ–१ मा प्रतिनिधि सभा सदस्य उपनिर्वाचनका लागि उपराष्ट्रपतिको निर्वाचनसम्म पर्खिने भएको छ। उपराष्ट्रपतिको निर्वाचन परिणामले निर्वाचन क्षेत्र रिक्त हुने अवस्था आए चितवन–२ र तनहुँ–१ सँगै सो क्षेत्रमा पनि एकै दिन निर्वाचन गर्नेगरी आयोगले आन्तरिक तयारी गरेको हो।
प्रधानन्यायाधीश सिफारिसमा कानुनी शून्यता
सर्वोच्च अदालत कायममुकायम प्रधानन्यायाधीशको नेतृत्वमा चलेको १३ महिना पुगेको छ। २०७८ फागुन १ गते तत्कालीन प्रधानन्यायाधीश चोलेन्द्रशमशेर जबरामाथि संसद्मा महाभियोग दर्ता भएयता अदालत कायममुकायमका भरमा चलिरहेको छ। वर्तमान सत्ता गठबन्धनमा रहेका बहुमत दलले त्यसबेला प्रधानन्यायाधीश जबरामाथि महाभियोग दर्ता गरेका थिए तर सात महिनासम्म प्रस्तावबारे कुनै निर्णय भएन। अदालत कायममुकायम प्रधानन्यायाधीश दीपककुमार कार्कीको नेतृत्वमा चल्यो। असोज १७ देखि कार्कीले अवकाश पाएपछि पुनः हरिकृष्ण कार्कीले कायममुकायमको जिम्मेवारी सम्हाल्नुभएको छ। महाभियोग लागेका प्रधानन्यायाधीश जबराले मङ्सिर २७ गते उमेरहदका कारण अवकाश पाएको तीन महिना पूरा भइसके पनि अझै प्रधानन्यायाधीश सिफारिस हुने अवस्था छैन।
निजामती, शिक्षा र प्रहरी समायोजन ऐन छिट्टै ल्याउँछौं : प्रधानमन्त्री प्रचण्ड
प्रधानमन्त्री पुष्पकमल दाहाल ‘प्रचण्ड’ ले सङ्घीय निजामती ऐन र शिक्षा ऐन तथा प्रहरी समायोजन ऐन निर्माण प्रक्रिया तीव्र गतिमा बढाइएको बताउनुभएको छ।
राष्ट्रपति पौडेललाई भारत, चीन र अमेरिकाको बधाइ
नवनिर्वाचित राष्ट्रपति रामचन्द्र पौडेललाई भारत, चीन र अमेरिकाले बधाइ दिएका छन्।
राष्ट्रपति पौडेललाई भारतीय राष्ट्रपति द्रौपदी मुर्मुकाे बधाइ
नवनिर्वाचित राष्ट्रपति रामचन्द्र पौडेललाई भारतीय राष्ट्रपति द्रौपदी मुर्मुले बधाई ज्ञापन गर्नुभएको छ ।
राष्ट्रपतिका जेलका साथी भन्छन् : पौडेल असाध्यै शालीन र सरल व्यक्ति
“म असाध्यै खुसी छु उहाँ (राष्ट्रपति रामचन्द्र पौडेल) को राम्रो सेवा गर्न पाएकोमा । जेलबाट निस्किएर सभामुख बन्नुभयो, पटकपटक मन्त्री हुनुभयो तर विगतको दुःख कहिल्यै भुल्नु भएन ।
-original-thumb.jpg)
अन्तर्राष्ट्रिय सम्बन्ध विस्तारमा निवर्तमान राष्ट्रपति भण्डारीको भूमिका
काठमाडौं, फागुन २९ गते। २०७२ साल कार्तिक १२ गते गणतन्त्र नेपालको प्रथम महिला राष्ट्रपतिका रूपमा निर्वाचित विद्यादेवी भण्डारी २०७४ साल फागुन २९ गते दोस्रो कार्यकालका लागि निर्वाचित हुनुभयो। सात वर्षभन्दा बढी समय राष्ट्राध्यक्ष रहँदा उहाँले विभिन्न मुलुकको राजकीय भ्रमण गर्नुभयो । उहाँको कार्यकालमा विभिन्न राष्ट्रका राष्ट्रप्रमुख‚ सरकारप्रमुख तथा उच्च प्रतिनिधि मण्डललाई नेपालमा स्वागत गर्नुभएको छ। विदेश भ्रमण उहाँले महामारी र प्राकृतिक विपदका समयमा विश्वभरका आफ्ना समकक्षीसँग टेलिफोन संवाद‚ पत्राचारका साथै अन्य माध्यमबाट सहयोगका लागि पहल गर्नुभएको छ। सन् २०१७ को अप्रिलमा उहाँको राजकीय भ्रमण मित्र राष्ट्र भारतमा भएको थियो। तत्कालीन भारतीय राष्ट्रपति प्रणव मुखर्जी र प्रधानमन्त्री नरेन्द्र मोदीसँग नेपाल भारत सम्बन्धलाई नयाँ उचाइमा पुर्याउँदै आपसी सरोकार‚ चासो र प्राथमिकताको विषयमा छलफल भएको थियो। सोही वर्ष नोभेम्बरमा उहाँले संयुक्त अरब इमिरेट्सको भ्रमण गर्नुभयो । सन् २०१८ को अक्टोबरमा कतारको राजकीय भ्रमण गर्नुभयो। मित्रराष्ट्र जनवादी गणतन्त्र चीनका राष्ट्रपतिको सी चिनफिङलाई २०७७ असोज २५ गते त्रिभुवन अन्तर्राष्ट्रिय विमानस्थलमा स्वागत गर्नुहुँदै तत्कालीन राष्ट्रपति विद्यादेवी भण्डारी । तस्बिरः राष्ट्रपति कार्यालय सन् २०१९ को अप्रिलमा चीनको राजकीय भ्रमण गर्नुभएको थियो। भ्रमणका क्रममा उहाँले दोस्रो अन्तर्राष्ट्रिय बेल्ट एण्ड रोड सम्मेलनमा नेपाली प्रतिनिधि मण्डलको नेतृत्व गर्दै विश्वका अन्य राष्ट्रप्रमुख तथा सरकारप्रमुखसँग साक्षात्कार गर्नुभयो। सन् २०१९ वर्ष अक्टोबरमा उहाँले म्यानमारको भ्रमण गर्नुभयो भने मार्च २०२१ मा बङ्गलादेशका राष्ट्रपिता शेख मुजिबुर रहमानको जन्म शताब्दीका अवसरमा आयोजित कार्यक्रमको विशिष्ट अतिथिका रूपमा बङ्गलादेशको राजकीय भ्रमण गर्नुभयो। त्यसैगरी उहाँले जापानका वर्तमान सम्राटको गद्दी आरोहरणका अवसरमा जापानको औपचारिक भ्रमण गर्नुका साथै श्रीलङ्काको राजकीय भ्रमणसमेत गर्नुभएको थियो। राष्ट्रपति भण्डारीको मैत्रीपूर्ण निमन्त्रणामा भारतका राष्ट्रपति प्रणव मुखर्जीले सन् २०१६ नोभेम्बर‚ चीनका राष्ट्रपति सी चिनफिङले अक्टोबर २०१९ मा तथा बङ्गलादेशका राष्ट्रपति महमुद अब्दुल हमिदले नोभेम्बर २०१९ मा नेपालको राजकीय भ्रमण गर्नुभयो । राष्ट्रपति भण्डारीले संयुक्त राष्ट्र सङ्घको अन्तर्राष्ट्रिय श्रम सङ्गठनद्वारा आयोजित श्रममा महिला शीर्षकको सम्मेलनलाई मुख्य वक्ताका रूपमा सम्बोधन गर्नुभयो। नेपालले सन् १९६६ मा आईएलओको सदस्यता ग्रहण गरेपछि सम्बोधनका निम्ति आमन्त्रण गरिएको पहिलो अवसर भएकाले यसको ऐतिहासिक महत्त्व छ। पोल्याण्डको राजधानी वार्सामा आयोजित जलवायु परिवर्तनसम्बन्धी सम्मेलन (कोप-२४) मा राष्ट्रपति भण्डारीले सम्बोधन गर्नुभएको थियो। भारतीय राष्ट्रपति प्रणव मुखर्जीसँगको भेटमा तत्कालीन राष्ट्रपति विद्यादेवी भण्डारी । तस्बिर : राष्ट्रपति कार्यालय सन् २०१९ मार्चमा संयुक्त राष्ट्र सङ्घको महासभाका अध्यक्षद्वारा अमेरिकाको न्यूयोर्कमा आयोजित ‘सत्तामा महिलाहरू’ विषयक अन्तर्राष्ट्रिय सम्मेलनलाई सम्बोधन गर्दै राष्ट्रपति भण्डारीले लैङ्गिक समानताका क्षेत्रमा नेपालले हासिल गरेका उपलब्धि‚ पहल तथा संवैधानिक प्रबन्धलाई सशक्त रूपमा प्रस्तुत गर्नुभयो। उक्त सम्मेलनमा निम्त्याइएका तीन जना राष्ट्र प्रमुखमा नेपालका राष्ट्रपति विद्यादेवी भण्डारीका साथै लिथुआनिया तथा ट्रिनिडाड र टोबागोका महिला राष्ट्रपति हुनुहुन्थ्यो। नेपाली महिला आन्दोलनको नेतृत्व गर्दै लैङ्गिक समानताका लागि विश्वलाई नै उदाहरण हुने भूमिकाको कदर गर्दै राष्ट्रपति भण्डारीलाई सन् २०२२ को नाभेम्बरमा विश्व महिला नेतृत्व परिषद्ले आइसल्याण्डको राजधानी रेक्जाभिकमा ठूलो कार्यक्रम आयोजना गरी पुरस्कृत गर्यो। जर्मनीकी पूर्व चान्सलर एन्जेला मर्केल‚ न्यूजिल्याण्डकी पूर्व प्रधानमन्त्री हेलेन क्लार्कजस्ता सशक्त महिला नेत्रीहरुले स्थापना गरेको उक्त परिषदद्वारा आयोजित कार्यक्रममा राष्ट्रपति भण्डारीको राजनीतिक पृष्ठभूमि‚ सङ्घर्ष र जीवनको उच्च प्रशंसा गरिएको थियो। साही अवसरमा उहाँलाई परिषद्को सबैभन्दा ठूलो पुरस्कार ट्रेल ब्लेजर अवार्डद्वारा सम्मान गरिएको थियो। गणतन्त्र भारतको राजकीय भ्रमण (२०७४ वैशाख ४ देखि ८ गते)का क्रममा भारतीय प्रधानमन्त्री नरेन्द्र मोदीसँगको शिष्टाचार भेट गर्नुहुँदै तत्कालीन राष्ट्रपति विद्यादेवी भण्डारी । तस्बिर: राष्ट्रपति कार्यालय नेपालको कूटनीतिक सम्बन्धलाई अझ बलियाे बनाउँदै अझ बनाउँदै सरकारको पहल र समन्वयमा राष्ट्रपति भण्डारीले कोभिड-१९ महामारीको बेला विश्वका विभिन्न मुलुकका समकक्षीसँग विभिन्न माध्यमबाट प्रत्यक्ष विचार आदानप्रदान गर्नुभयो। चिनियाँ राष्ट्रपतिसँग उहाँले टेलिफोन संवादको फलस्वरूप नेपालले तत्कालै १० लाख मात्रा खोप प्राप्त गर्यो। दक्षिण एसियामा खोप प्राप्त गर्ने पहिलो राष्ट्र बन्न राष्ट्रपति भण्डारीको भूमिका उल्लेखनीय छ। यसैगरी उहाँले खोप उत्पादक मुलुकका राष्ट्रप्रमुखलाई खोप खरिदका निम्ति सहजीकरण गर्न पत्राचार गर्नुभएको थियो।
चार राजदूतद्वारा सेती प्रादेशिक अस्पतालको अवलोकन
युरोपियन युनियनका राजदूत नोना डिप्रेजसहित चार जना राजदूतले सोमबार सेती प्रादेशिक अस्पतालको अवलोकन गर्नु भएको छ।
राष्ट्रपति पौडेललाई अमेरिकाको बधाइ
नवनिर्वाचित राष्ट्रपति रामचन्द्र पौडेललाई संयुक्त राज्य अमेरिकाले बधाई ज्ञापन गरेको छ । पौडेलले नयाँ राष्ट्रपतिका रुपमा जिम्मेवारी सम्हाल्नु भएलगत्तै अमेरिकाका तर्फबाट काठमाडौंस्थित अमेरिकी राजदूतावासले आज उहाँलाई बधाइ दिँदै सफल कार्यकालका लागि शुभकामना व्यक्त गरेको हो ।
गैरआवासीय राजदूत नियुक्त
राष्ट्रपति पौडेलले सोमबार संविधानको धारा २८२ को उपधारा १ बमोजिम इजिप्टका लागि आवासीय राजदूत सुशीलकुमार लम्साललाई मोरोक्कोका लागि गैरआवासी राजदूत पदमा नियुक्त गर्नुभएको हो ।
.jpg)