कर्णाली प्रदेशमा बजेटको तयारी
कर्णाली प्रदेश सरकारले आगामी आर्थिक वर्ष २०८२/८३ का लागि ल्याउने बजेटको आकार बढ्ने भएको छ । सङ्घीय सरकारबाट बजेटको सिलिङ बढेर आएपछि प्रदेश सरकार पनि आकार बढाएर बजेट निर्माणमा जुटेको छ ।
एक अर्बको लगानीमा औषधी उद्योग
विराटनगरका दुई युवाको लगानी साझेदारीमा एक अर्ब रुपियाँ लागतको औषधी उद्योग सञ्चालनमा आएको छ । मोरङको बुढीगङ्गा गाउँपालिका–२ मा एलेक्सा लाइफ साइन्सेस प्रालि नामको इलेक्ट्रोलर औषधी उद्योग सञ्चालनमा आएको हो ।
वन समूहद्वारा प्राङ्गारिक मल उत्पादन
दाङमा सामुदायिक वन समूहले काठ उत्पादनसँगै अन्य विकल्प अपनाएर रोजगारी सिर्जनासँगै आयआर्जन गर्न थालेका छन् । वन संरक्षण गरेर काठ, दाउरा उत्पादन गर्दै आएका सामुदायिक वनले जङ्गलमा खेर जाने घाँस र पातपतिङ्गरबाट जैविक मल उत्पादन गरेर आयआर्जन गर्न थालेका हुन् ।
एक चौथाइभन्दा बढी उद्योग प्रतिष्ठानले दिँदैनन् न्यूनतम पारिश्रमिक
सरकारले निर्धारण गरेको न्यूनतम पारिश्रमिक एक चौथाइभन्दा बढी उद्योग प्रतिष्ठानले कार्यान्वयन नगरेको पाइएको छ । सरकारले न्यूनतम पारिश्रमिक १७ हजार तीन सय रुपियाँ निर्धारण गरेको छ ।
थप एक लाख उन्नाइस हजार मेट्रिक टन मल ल्याइँँदै
आगामी धान बालीका लागि थप एक लाख १९ हजार मेट्रिक टन मल ल्याइने भएको छ ।
व्यावसायिक कृषिमा ड्रोनको प्रयोग
पछिल्लो समय कृषिमा प्रविधिको प्रयोग बढ्दै गएको छ । परम्परागत रूपमा गोरु र राँगा प्रयोग गरी जोत्ने ठाउँमा ट्याक्टर, मिनिटिलर, पावर टिलरको प्रयोग गर्न थालिएको छ भने बाली काट्न र पिस्न प्रविधिको प्रयोग भइरहेको छ ।
चलचित्र विधेयक दर्ता
सञ्चार तथा सूचना प्रविधि मन्त्रालयले राष्ट्रिय सभामा चलचित्र विधेयक, २०८१ दर्ता गराएको छ । सो विधेयक ऐनका रूपमा आएपछि चलचित्र (निर्माण, प्रदर्शन तथा वितरण) ऐन, २०२६ लाई प्रतिस्थापन गर्ने छ ।
‘छ दशकपछि पाएँ मान्छेको नाम’
रुकुमपश्चिमको सानीभेरी गाउँपालिका–३ निवासी ६१ वर्षीय कमला बिटालु यसअघि कुकुर्नी कामीको नामबाट चिनिनुहुन्थ्यो । उहाँले २०४४ माघ ८ गते प्राप्त गरेको नागरिकतामा उहाँको नाम कुकुर्नी कामी थियो ।
कानुन अभावमा करोडौँका मेसिन प्रयोगविहीन
आवश्यक कार्यविधि तथा प्राविधिक परीक्षण गराउनुपर्ने अनिवार्य व्यवस्था नहुँदा ‘भेहिकल फिटनेस टेस्ट लेन’ मेसिन करिब डेढ दशकदेखि प्रयोगविहीन बनेको छ ।
सरकार–शिक्षक वार्ता सहमतिनजिक आज निर्णय
विभिन्न पेसागत माग राखेर २८ दिनदेखि आन्दोलरत शिक्षक र सरकारबिच मङ्गलबार साँझको वार्ता सहमतिनजिक पुगेको छ । वार्तामा सहभागी दुवै पक्षका सदस्यका अनुसार सहमतिबारे बुधबार औपचारिक घोषणा हुने छ ।
राजनीतिक दलसम्बन्धी ऐनमा फरक सुझाव
राजनीतिक दलसम्बन्धी ऐन, २०७३ संशोधन तथा परिमार्जनका लागि निर्वाचन आयोगको प्रस्तावित व्यवस्थामा राजनीतिक दलहरूको सुझाव बाझिएको छ ।
चौँरी प्रतियोगिताको उपाधि गुरुङको ‘मिक्टा’ लाई
चौँरी प्रवर्द्धनका लागि ताप्लेजुङमा आयोजना गरिएको चौँरी प्रतियोगिताको उपाधि राजेश गुरुङले हात पार्नुभएको छ । सिरीजङ्घा गाउँपालिकाद्वारा आयोजित प्रतियोगितामा स्थानीय कृषक गुरुङले पाल्नु भएको ‘मिक्टा’ नामक चौँरी उत्कृष्ट ठहर गरी उपाधि प्रदान गरिएको हो ।
-original-thumb.jpg)
डा. रेग्मीलाई प्रज्ञा साहित्य सम्मान
पर्वतको जलजला गाउँपालिका ५ लेखफाँट निवासी प्राडा. जगन्नाथ रेग्मी पोखरामा सम्मानित हुनुभएको छ ।
सामाजिक परीक्षण कार्यक्रम सम्पन्न
मधेश प्रदेशको चार जिल्लामा सञ्चालित कार्यक्रम प्रभावकारी भए नभएको विषयमा लेखाजोखा गर्न मंगलबार महोत्तरीको बर्दिबासमा सेभ द चिल्ड्रेनले समाजिक परीक्षण कार्यक्रम सम्पन्न गरेको छ ।
नेपालको श्रम बजार चुनौतीपूर्ण छ : अध्यक्ष श्रेष्ठ
नेपाल ट्रेड युनियन महासङ्घ (जिफन्ट) का अध्यक्ष विनोद श्रेष्ठले नेपालको श्रम बजार चुनौतीपूर्ण रहेको बताउनुभएको छ । अन्तर्राष्ट्रिय श्रमिक दिवसको अवसरमा नेपालको श्रम बजारको अवस्थाबारे गरिएको अध्ययन प्रतिवेदन सार्वजनिक गर्न मंगलबार काठमाडौंमा आयोजित पत्रकार सम्मेलनमा श्रमिकलाई उत्साहितभन्दा निरुत्साहन गर्ने प्रवृत्ति रहेको भन्नुहुँदै सो कुरा बताउनुभएको हो ।
घोराही सडकमा बन्दै डिभाइडर
डिभाइडर नहुँदा सडक दुर्घटना बढेपछि दाङको घोराही बजारमा भित्री सडकहरूमा डिभाइडर बनाउन सुरु गरिएको छ । गत चैत ५ गते गोरखापत्र अनलाइनमा ‘डिभाइडर नहुँदा सडक दुर्घटना बढ्यो’ भन्ने शिर्षकमा समाचार प्रकाशन गरिएको थियो ।
गुमनाम झारकोटको तोरा ताल
मुस्ताङको वारागुङ मुक्तिक्षेत्र गाउँपालिका १ झारकोट गाउँमा रहेको तोरा ताल पर्यटकको पर्खाइमा छ ।
सडक स्तरोन्नतीले यात्रा सहज
सिमलतारा–मुलाबारी–हाँसीपुर–बाङ्गेसाल हुँदै लुम्बिनी प्रदेशको राजधानी जोड्ने विपी मार्ग स्तरोन्नति भएसँगै स्थानीयलाई सहजता भएको छ ।
सार्वजनिक जग्गा मिचेर बनाइएका घर भत्काइयाे
पश्चिम मकवानपुरको मनहरी गाउँपालिका ७ र ८ जोड्ने पक्की पुल बनाउँदा खारेज गरिएको पूर्व पश्चिम राजमार्गको जग्गा मिचेर बनाइएका १३ वटा घरटहरा भत्काइएको छ ।
कृषकलाई कृषि तालिम
सुनसरीको गढी गाउँपालिका ५ सतैरझोराका अगुवा कृषकहरूका लागि कृषि तालिम सम्पन्न भएको छ ।
पाउदुरे नाच संरक्षणको पहल
कुमाल समुदायको प्रख्यात पाउदुरे नाच संरक्षणका लागि पहल थालिएको छ ।
बजेटको तयारीमा जुट्दै प्रदेश सरकार
प्रदेश सरकार बजेटको तयारीमा जुटेको छ । आगामी आर्थिक वर्ष २०८२-८३ को बजेट तयारीमा सरकार जुटेको हो ।
कालिगण्डकीमा पुल निर्माण अघि बढेन
कालिगण्डकी नदीमा पुल निर्माण प्रक्रिया रोकिएको छ ।
नदी खोंचमा महिला मृत फेला
जिल्लाको रम्भामा एक जना महिला मृत अवस्थामा फेला परेकाे छन्। रम्भा गाउँपालिका–३, राम्दीस्थित कालीगण्डकी नदी खोचमा बगनासकाली–६, यम्घाकी ३४ वर्षीया गंगा माझी मृत भेटिएको जिल्ला प्रहरी कार्यालय पाल्पाले जनाएको छ ।
कार्यबाहक मुख्यमन्त्रीको जिम्मेवारी आर्थिकमन्त्री थापालाई
अविनाश चौधरीधनगढी, वैशाख १६ गते । सुदूरपश्चिमको कार्यबाहक मुख्यमन्त्रीको जिम्मेवारी आर्थिक मामिलामन्त्री बहादुरसिंह थापाले सम्हाल्नु भएको छ । आजबाट भारत भ्रमणमा जानुभएका मुख्यमन्त्री कमलबहादुर शाहले आफू भारतमा रहँदासम्मका लागि कार्यबाहक मुख्यमन्त्रीको जिम्मेवारी थापालाई दिनु भएको हो । बजेट तयारीको सङ्घारमा भारतमा भ्रमणमा निस्कनु भएका शाहले यो बेला आफ्नो भारत भ्रमणले बजेट तयारीमा असर नपर्ने बताउनुभयो । “कार्यबाहक मुख्यमन्त्रीको जिम्मेवारी मैले आर्थिक मन्त्रीलाई नै सुम्पेकाले बजेटको तयारीमा कुनै समस्या हुँदैन” उहाँले भन्नुभयो । भारत सरकारको आमन्त्रणमा मुख्यमन्त्री शाह नेतृत्वको १० सदस्यीय टोली आज भारत प्रस्थान गर्दै हुनुहुन्छ । टोलीले एक हप्तासम्म दिल्ली, देहरादुन र लखनऊमा बिताउने बताइएको छ । भ्रमणको क्रममा मुख्यमन्त्री शाहले दिल्लीमा सङ्घीय मन्त्रीहरू, उत्तराखण्डका मुख्यमन्त्री पुष्करसिंह धामी, उत्तर प्रदेशका मुख्यमन्त्री योगी आदित्यनाथसँग भेटवार्ता गर्ने कार्यक्रम रहेको छ ।
