हिल्सामा क्वारेन्टाइन स्थापना गर्न सुझाव
नेपाल र चीनको सिमाना हिल्सामा क्वारेन्टाइन स्थापना गर्न चिनियाँ पक्षले सुझाव दिएको छ । नाम्खा गाउँपालिकाको आयोजनामा चीनको पुलान काउन्ट्रीको ताक्लाकोटबाट स्थानीयस्तरको समन्वय बैठकमा आएका चिनियाँ प्रतिनिधिले सो सुझाव दिएका हुन् । नाम्खा गाउँपालिकाका अध्यक्ष प्रेमबहादुर लामाले दुई देशको सिमाना हिल्सामा नेपाल सरकारले क्वारेन्टाइन स्थापना गरेर नेपाली खाद्यवस्तु चीनतर्फ लैजाने वातावरण तयार गर्न सुझाव दिएको बताउनुभयो । उहाँले चिनियाँ प्रतिनिधिमण्डलका प्रमुख डुनजुले ताक्लाकोटमा नेपाली स्थानीय खाद्य सामग्रीको माग धेरै भए पनि ती खाद्यवस्तुको गुणस्तर नापजाँच नभएका कारण हिल्साबाट चीनतर्फ आयात गर्न स्वीकृत नभएकाले नेपाली स्थानीय खाद्य सामग्री जान नसकेको धारणा बैठकमा राखेको बताउनुभयो ।
नजिकियो चाडपर्व महँगियो भान्सा
चाडपर्व सुरु भएसँगै नेपाली बजारमा विभिन्न वस्तुको भाउ अस्वाभाविक बढ्न थालेको छ । नियमित प्रयोग हुने अत्यावश्यक वस्तुहरू चामल र चिनीको मूल्य क्रमिक बढिरहेको छ । मूल्य वृद्धि हुनुको स्पष्ट कारण नभए पनि व्यापारीहरू भने चिनी र चामलको मूल्य बढ्नुमा भारतले निकासीमा गरेको कडाइ र भन्सार महसुल वृद्धि हुनुलाई देखाउँछन् । नेपाल खाद्य किराना तथा थोक व्यापार सङ्घका अनुसार नेपाल सरकारले स्वदेशी उद्योगको संरक्षण गर्ने नाममा अनावश्यक रूपमा लगाउँदै आएको ३० प्रतिशत भन्सार महसुल एवं अग्रिम आयकर कट्टीबापत १० प्रतिशतको राजस्व उठाउने गरेकाले पछिल्लो महिना चिनी, दलहन र चामलको भाउ बढेको हो । नेपाल खाद्यवस्तुमा लगभग भारतमै निर्भर रहेको र हाल भारतमै ती वस्तुको भाउ बढेको हुँदा चामल प्रतिबोरा दुई सय रुपियाँ बढेर आएको सङ्घले जनाएको छ ।
निर्यातभन्दा दोब्बरको पेट्रोलियम पदार्थ आयात
चालु आर्थिक वर्षको पहिलो महिनामा नेपालले निर्यात गरेर प्राप्त गरेको आम्दानीभन्दा दोब्बर बढीको पेट्रोलियम पदार्थ आयात भएको छ । भन्सार विभागको तथ्याङ्क अनुसार भन्सार विभागको तथ्याङ्क अनुसार साउनमा २१ अर्ब ६६ करोड ९० लाख ४९ हजार रुपियाँ बराबरको पेट्रोलियम पदार्थ (डिजेल, पेट्रोल, हवाई इन्धन, खाना पकाउने ग्यास) आयात भएको छ । जबकि साउनमा नेपालले करिब १२ अर्ब रुपियाँको मात्रै वस्तु निर्यात गरेको छ ।
कपन र लुभुको सयौँ रोपनी जग्गाबारे त्रिवि बेखबर
त्रिभुवन विश्वविद्यालयको जग्गा अतिक्रमण भएको विषयमा सरकारी अध्ययन भइरहेका बेला विगतमा त्रिविलाई दिने घोषणा गरिएको तर हालसम्म भोगचलन नै गर्न नपाएको जग्गाको विषयमा नयाँ तथ्य पत्ता लागेको छ । काठमाडौँ उपत्यकाभित्र रहेको त्रिविको जग्गाको विषयमा अध्ययन गर्ने क्रममा उक्त तथ्य पत्ता लागेको हो । अध्ययनका क्रममा ललितपुर लुभुको ३७५ रोपनी र कपनको २९ रोपनी आठ आना जग्गाको विषय हालसम्म बेखबर छ । जब कि यी दुवै स्थानको जग्गा त्रिविलाई दिने भनिएको सरकारी दस्ताबेजबाट नै पुष्टि हुन्छ ।
बाहिर निस्कन थाले घाइते बाघ
पछिल्लो समय संरक्षित क्षेत्रका वयस्क बाघ घाइते अवस्थामा मानव बस्तीमा निस्कन थालेका छन् । विगतमा बुढा र अशक्त बाघ जङ्गलमा सिकार गर्न नसकेपछि मानव बस्तीमा निस्कने गर्थे तर पछिल्लो समय वयस्क बाघ नै घाइते अवस्थामा निकुञ्जबाहिर भेटिन थालेका छन् । तिनले मानव बस्तीनजिकका साना वनमा बस्ने र घरपालुवा जनावर र मानिसलाई आक्रमण गर्ने गरेको पाइएको छ । चितवन राष्ट्रिय निकुञ्जका पशु चिकित्सक डा. विजयकुमार श्रेष्ठले जङ्गलमा बाघहरू जुधेर घाइते हुँदा मानव बस्तीतर्फ निस्किएको बताउनुभयो । उहाँले भन्नुभयो, “वयस्क दुई बाघ एकआपसमा भेटिएपछि जुध्छन् । यसरी जुध्दा बलियोले कमजोरलाई मार्न सक्छ । कतिपय घाइते भएर लखेटिन्छन् । यसरी लखेटिएका बाघ निकुञ्जबाहिरका बस्तीमा आइरहेका छन् ।”
पोखरीमा डुबेर दाजु बहिनीको मृत्यु
खोटाङमा एउटै घरका दुई बच्चाको पोखरीमा डुबेर मृत्यु भएको छ । हलेसी तुवाचुङ नगरपालिका–३ च्यास्मिटारका बालक दाजु बहिनीको पोखरीमा डुबेर मृत्यु भएको हो ।
-original-thumb.jpg)
चट्याङ लागेर दुई घाइते
बर्षासंगै परेको चट्याङ लागेर अछामको मेल्लेख गाउँपालिकामा बाजे र नाती घाइते भएका छन् । घाइते हुनेमा मेल्लेख गाउँपालिका –५ विन्देवासिनी धामी गाउँका ६२ वर्षीय तुले धामी र उहाँका डेढ वर्षीय नाती गणेश धामी रहेको अछाम प्रहरीले जानकारी दिएको छ ।
कपिलवस्तु दुर्घटना अपडेट : गम्भीर घाइते १३ जनालाई भैरहवा पठाइयो
कपिलवस्तुको शिवराज नगरपालिका–१ बनकसबासास्थित भएको बस दुर्घटनाका १३ जना गम्भीर घाइतेलाई थप उपचारका लागि भैरहवा पठाइएको छ ।
हेटौँडा–काठमाडौँ जोड्ने सडक अवरुद्ध
निरन्तर वर्षाका कारण हेटौँडा–काठमाडौँ जोड्ने दुई वटा सडक अवरुद्ध भएको छ । माथिबाट खसेको लेदोका कारण सिस्नेरी–कुलेखानी–फर्फिङ–काठमाडौँ सडक र कान्ति लोकपथ सडकखण्ड अवरुद्ध भएको हो ।
रेडपाण्डा संरक्षणका लागि टोपी उत्पादन
लोपोन्मुख रेडपाण्डा खोटाङका जङ्गलमा पाइन्छन् । संरक्षणका लागि अहिले कार्यक्रमहरू सञ्चालन भइरहेका छन् । संरक्षण कार्यक्रम अन्तर्गत रेडपाण्डाको चित्र अङ्कित ऊनको टोपी उत्पादन सुरु गरिएको छ ।
मुग्लिन–आँबुखैरेनी खण्ड सुचारु
पृथ्वीराजमार्ग अन्तर्गत तनहुँको आँबुखैरेनी–मुग्लिन सडक खण्ड सुचारु गरिएको छ । आबुखैरेनी–२ ऐनापहरामा शुक्रबार दुर्घटनामा परेको बस निकाल्न बिहान ७ः४५ बजेबाट बन्द गरिएको सडक आठ घण्टापछि सुचारु गरिएको हो ।
शङ्कर ग्रुपको हिलटन होटलबाट नक्सालवासी फेरि पीडित
निर्माणकै क्रममा नक्सालवासीलाई हैरानी दिएर पटक-पटक विवादमा तानिएको शङ्कर ग्रुपद्वारा निर्माण सम्पन्न भई अन्तर्राष्ट्रिय चेन होटल हिलटन नामबाट हालै सञ्चालनमा ल्याइएको सो होटलबाट फेरि स्थानीयवासीले चर्को पीडा बेहोरेका छन् ।
विद्यालयस्तरीय तिज गीत प्रतियोगिता
नवलपुरमा श्री कृष्ण जन्माष्टमीको अवसर पारेर विद्यालयस्तरीय तिज गीत प्रतियोगिता आयोजना गरिएको छ । नेपाली कला, संस्कृति संरक्षण गर्ने उद्देश्यले हरेक वर्षझैँ यो वर्ष पनि श्री कृष्ण जन्माष्टमी उत्सव गरेर राष्ट्रिय भजन, शंखध्वनि र विद्यालय स्तरीय तिज गीत प्रतियोगिता आयोजना गरिएको हो ।
ग्रामीण सडक मर्मत नहुँदा स्थानीयलाई सास्ती
बाजुराका ग्रामीण सडक मर्मत नहुँदा स्थानीयले सास्ती खेप्नु परेको छ । अविरल वर्षातका कारण गत असारदेखि अवरुद्ध बनेका यहाँका ग्रामीण सडक लामो समयदेखि मर्मत नहुँदा स्थानीयलाई आउजाउमा सास्ती खेप्नु परेको हो ।
बाँध फुटेर बस्ती डुब्ने त्रास
नदी नियन्त्रण गर्न तथा नहर छेउमा बनाइएको बाँध अतिक्रमण गरी बसोबास गरेपछि बाँध फुट्न सक्ने र नजिकैको बस्ती डुब्न सक्ने त्रास बढेको छ ।
ताप्लेजुङमा सात सयले पाए राष्ट्रिय परिचयपत्र
ताप्लेजुङमा अहिलेसम्म सातसय जनाले राष्ट्रिय परिचयपत्र प्राप्त गरेका छन् । ताप्लेजुङमा चार वर्ष अघिदेखि राष्ट्रिय परिचयपत्रका लागि नाम दर्ता अर्थात् विवरण सङ्कलन गर्न सुरु गरिएको थियो ।
हायु बस्तीमा धाँजा फाटेर घर जोखिममा
कमलामाई नगरपालिका–१ कोप्चे सिम्लेगाँउ निवासी ३४ वर्षीया मोतीमाया हायु बस्दै आएको घरको मझेरी वर्षाका कारण चिरा पर्दा चिन्तित हुनुहुन्छ ।
पृथ्वी राजमार्गको मुग्लिन-आँबुखैरेनी खण्ड तत्काल नखुल्ने
पृथ्वी राजमार्गअन्तर्गत तनहुँको आँबुखैरेनी–मुग्लिन सडकखण्ड तत्काल नखुल्ने भएको छ । सोमबार बिहानदेखि क्रेनको सहायतामा दुर्घटनामा परेको बस निकाल्नको लागि सडक बन्द गरिएको हो ।
काभ्रे भिरमा पहिरो जाँदा बेनी-जोमसोम सडक बन्द
म्याग्दी र मुस्ताङको सिमानामा पर्ने काभ्रे भिरमा पहिरो जाँदा बेनी–जोमसोम सडक खण्डको सोझो यातायात सेवा बन्द भएको छ । मुस्ताङका पर्यटन व्यवसायी अमृत सुवेदीका अनुसार बिहान १० बजेपछि पहिरो जाँदा ठुला ढुङ्गा सडकमा थुप्रिएकाले सोझो यातायात सञ्चालनमा अवरोध भएको हो ।
विद्यार्थीलाई चाडपर्वका नाममा अतिरिक्त पोसाक किन्न बाध्य नपार्न निर्देशन
विद्यार्थीहरूलाई विभिन्न चाडपर्व लक्षित पोसाक खरिद गर्न विद्यालयहरूले गर्ने गरेको बाध्यात्मक अवस्था अन्त्य गराउन भरतपुर महानगरले निर्देशन दिएको छ ।
बेनी–मालढुङ्गा सडक : ढुङ्गाको लोभमा पहरा काट्दा पहिरोको जोखिम
राष्ट्रिय गौरवको आयोजना कालिगण्डकी कोरिडोरअन्तर्गत मालढुङ्गा–बेनी सडकखण्डमा पर्ने केराबारीमा आयोजना र ठेकेदारको लापरबाहीका कारण नयाँ पहिरो उत्पत्ति भएपछि जोखिम बढेको छ ।
बिहानदेखि देशभरका श्रीकृष्णमन्दिरमा भक्तजनको भिड
प्रत्येक वर्ष भाद्रकृष्ण अष्टमीका दिनमा मनाइने ‘श्रीकृष्णजन्माष्टमी’ पर्वका अवसरमा देशभरका श्रीकृष्णमन्दिरमा बिहानदेखि भक्तजनको भिड लागेको छ ।
बैकुण्ठधाम निर्माणमा सबैको सहयोग आवश्यक : नगरप्रमुख विष्ट
नेपालगन्ज उपमहानगरपालिकाका नगरप्रमुख प्रशान्त विष्टले सिधनियाघाटस्थित बैकुण्ठधाम निर्माण गर्नका लागि सबै पक्षको सहयोग आवश्यक रहेको बताउनुभएको छ ।
सिक्टा सिँचाइको नहर
बाँकेमा निर्माणाधीन सिक्टा सिँचाइ आयोजनाको कोहलपुर नगरपालिका–१५ स्थित पश्चिमी मूलनहर
पाटनमा कृष्णभक्त (फोटो फिचर)
आज भाद्रकृष्ण अष्टमी अर्थात् कृष्णजन्माष्टमी । सनातन धर्मावलम्बीहरू भगवान् कृष्णको जन्म भएको दिनको सम्झना गर्दै आजको दिन भव्य रूपमा मनाउने गर्छन् । यसै अवसरमा सोमबार सरकारले सार्वजनिक बिदा दिएको छ ।
