भियतनामको कार्यवाहक राष्ट्रपतिमा जुआन नियुक्त
बिहीबार भियतनामका उपराष्ट्रपति भो थि एन्ह जुआनलाई कार्यवाहक राष्ट्रपतिमा नियुक्त गरिएको स्थानीय सञ्चारमाध्यमले जनाएका छन् । भियतनामका राष्ट्रपति भो भान थुहाङले राजीनामा दिएको एक दिनपछि जुहानलाई कार्यबाहक राष्ट्रपति बनाइएको हो ।
सुनको मूल्य दुई हजार छ सयले बढ्यो
स्थानीय बजारमा छापावाल सुनको मूल्य प्रति तोला रु. दुई हजार ६ सयका दरले वृद्धि भएको छ । बुधबार प्रति तोला सुन रु एक लाख २५ हजार दुई सयमा कारोबार भएको थियो ।
मोबाइलमा भिडियो हेर्ने विषयमा विवाद हुँदा साथीको हत्या
मोबाइलमा भिडियो हेर्न विषयमा विवाद हुँदा दुई जनाले साथिको हत्या गरेका छन् । धनुषाको जनकनन्दनी गाउँपालिका–२, का १८ वर्षीय कैफ नदाफको हत्या भएको प्रहरीले जानकारी दिएको छ ।
अन्नपूर्णको खिबाङ गाउँका घरघरमा खानेपानीका धारा
म्याग्दीको अन्नपूर्ण गाउँपालिका ६ खिबाङ गाउँका घरघरमा खानेपानीका धारा निर्माण गरिएको छ । खानेपानी योजना सम्पन्न भएसँगै घरघरमा पानी वितरण हुन थालेपछि एक गाग्री पानी लिन एक घण्टा पैदल हिँड्नुपर्ने खिबाङवासीको वर्षौदेखिको बाध्यता हटेको छ । घरको आँगनमै पानी आउन थालेपछि खिबाङवासीहरु खुसी भएका छन् ।
बाँसबारी जग्गा हिनामिना प्रकरण : विनोद चौधरीसँग बयान
बाँसबारी छाला जुत्ता कारखानाको जग्गा हिनामिना प्रकरणमा नेपाली कांग्रेसका सांसद विनोद चौधरीसँग केन्द्रीय अनुसन्धान ब्यूरो (सिआइबीले) बयान लिएको छ ।
सडक विस्तारका लागि घर भत्काउन आग्रह
विस्तारको क्रममा रहेको पृथ्वी राजमार्गको पोखरा–मुग्लिन खण्डको कामलाई सहयोग गर्न तनहुँको शुक्लागण्डकी नगरपालिकाले स्थानीय बासिन्दालाई आग्रह गरेको छ ।
-original-thumb.jpg)
ताप्लेजुङका सीडीओ र डीएसपीको सरुवा
ताप्लेजुङका प्रमुख जिल्ला अधिकारी र प्रहरी नायब उपरीक्षकको एकसाथ सरुवा भएको छ । गृह मन्त्रालयले प्रमुख जिल्ला अधिकारी हीरादेवी पौडेल र ताप्लेजुङका प्रहरी प्रमुख प्रहरी नायब उपरीक्षक राजन लिम्बूको सरुवा गरेको हो ।
५६ लाख ४३ हजार बालबालिकाले लगाए दादुरा–रुबेलाविरुद्धको खोप
सरकारले सञ्चालन गरेको दादुरा–रुबेलाविरुद्धको खोप अभियानमा ५६ लाख ४३ हजार नौ सय १२ जना बालबालिकाले खोप लगाएका छन् ।
खोटाङमा ट्याक्टरले किचेर एक जनाको मृत्यु
खोटाङमा ट्याक्टरले किचेर एक जनाको मृत्यु भएको छ । ऐंसेलुखर्क गाउँपालिका–६ ज्यामिरे सल्लेका ५१ वर्षीय रणबहादुर पोखरेलको ट्याक्टरले किचेर बुधबार साँझ मृत्यु भएको हो ।
खन्ती प्रहारबाट साथीको हत्या
बिहीबार बिहान ५ बजेको समयमा झापाको पृथ्वीनगरमा धारिलो हतियार खन्ती प्रहार गरी साथीको हत्या भएको छ । साबिक पृथ्वीनगर गाविस हाल भद्रपुर नगरपालिका–२ स्थित गौरीशङ्करमा अन्दाजी ३५ वर्षीय सनम राई (गंगा)को हत्या गरिएको हो ।
मोटरसाइकल दुर्घटनामा एक जनाको मृत्यु
धनुषामा मोटरसाइकल दुर्घटना हुँदा एक युवाको मृत्यु भएको छ । दुर्घटनामा धनुषाको धनुषाधाम नगरपालिका–९, बस्ने अन्दाजी २५ वर्षीय आनन्द विकको मृत्यु भएको प्रहरीले जानकारी दिएको छ ।
रफाहमा आक्रमणको तयारी गर्दै इजरायल
इजरायलका प्रधानमन्त्री बेन्जामिन नेतान्याहुले गाजाको दक्षिणी शहर रफाहमा आक्रमणको तयारी भइरहेको बताउनुभएको छ । तयारी भइरहे पनि आक्रमण सुरु गर्न केही समय लाग्ने बताउनु भयो ।
इजरायली आक्रमणमा परी तीन प्यालेस्टाइनीको मृत्यु
उत्तरी वेस्ट बैंकको जेनिन शरणार्थी शिविरमा रहेको एउटा गाडीमा इजरायली हवाई हमलामा बुधबार तीन प्यालेस्टाइनीको मृत्यु भएको छ भने अर्का एक जना गम्भीर घाइते भएका छन् ।
बदली र वर्षाको सम्भावना
हाल नेपालमा पश्चिमी न्यून चापीय प्रणाली तथा भारतको विहार आसपास रहेको न्यून चापीय प्रणालीको प्रभाव रहेको छ । जसका कारण कोशी, मधेश र बागमती प्रदेशको थोरै स्थानहरुमा साथै बाँकी देशका पहाडी भू–भागका एक–दुई स्थानमा मेघगर्जन/चट्याङसहित छिटपुटदेखि हल्का वर्षाको सम्भावना रहेको जल तथा मौसम विज्ञान विभागले जनाएको छ ।
रसिदकै भरमा सवारी
सवारीचालक अनुमतिपत्र जारी भएको वर्षौंसम्म चालकले राजस्व तिरेको रसिदका भरमा सवारी चलाउँदै आएका छन् । सरकारले लाइसेन्स छपाइ नै नगरेपछि सवारीचालक अनुमतिपत्र रसिदकै भरमा चलेको छ । चौरजहारी नगरपालिका–५ का विराज ढकालले एक वर्षपहिला मोटरसाइकल चालक अनुमतिपत्रका लागि लिइएको परीक्षा उत्तीर्ण गर्नुभएको थियो । ढकाल जस्तै सयौँले यातायात कार्यालयमा तिरेको करको रसिदका आधारमा सवारीसाधन चलाउँदै आएका छन् । रसिदको भरमा यात्रा गर्दा पानीमा भिज्ने, पटक पटक ट्राफिक जाँचका क्रममा देखाउनुपर्ने भएकाले रसिद झुत्रो भएर समस्या पर्ने गरेको बताइन्छ ।
६ संसदीय समितिको बैठक बस्दै
बिहीबार एकैपटक ६ वटा संसदीय समितिको बैठक बस्दैछ । जसअनुसार बिहान ११ बजे अर्थ समितिको बैठक बस्दैछ ।बैठकमा आ.व. २०८१/८२ का लागि विनियोजन विधेयकका प्राथमिकता र सिद्धान्त (कर प्रस्ताव बाहेक) सम्बन्धमा अर्थ मन्त्रीसँग छलफल हुनेछ, कार्ययोजना उपसमितिको प्रतिवेदन प्रस्तुत हुनेछ ।
सात सयभन्दा बढीको हातमा लालपुर्जा
दुई वर्षको अवधिमा सात सयभन्दा बढी व्यक्तिले लालपुर्जा पाएका छन् । जिल्लास्थित भूमि आयोग पछिल्लो दुई वर्षको अवधिमा पाल्पाका ७४७ जना व्यक्तिलाई लालपुर्जा वितरण गरेको जनाएको छ ।
राधाकृष्ण मन्दिरबाट बिरुवाटार जाने सडक कालोपत्रे हुँदै
गण्डकी प्रदेशको औद्योगिक क्षेत्रको रुपमा प्रख्यात गोरखाको पालुङटार नगरपालिकाको कार्यालयदेखि बिरुवाटार जोड्ने सडक कालोपत्रे हुने भएको छ । पालुङटार नगरपालिका – ५ राधाकृष्ण मन्दिरदेखि बिरुवाटारसम्म १० किलो मिटर सडक कालो पत्रे हुने भएको हो ।
मोटरसाइकल दुर्घटनामा एकको मृत्यु, दुई घाइते
नवलपुरमा गएराति भएको मोटरसाइकल दुर्घटनामा एक जनाको मृत्यु भएको छ भने अन्य दुई जना घाइते भएका छन् । बुधबार राति १ बजे मध्यविन्दु ११ दमार चोकस्थित भित्रि सडक खण्डमा दमारबाट तमासपुरतर्फ आउँदै गरेको लु ७६ प १६२१ नम्बरको मोटरसाइकल दुर्घटना भएको हो ।
दुई हजार तीन सय ८० खानेपानी आयोजना निर्माण
ट्रष्टको बुधबार म्याग्दीको अन्नपूर्ण गाउँपालिका–२ भुरुङ्ग तातोपानीमा सम्पन्न कार्यशालामा ६१ हजारभन्दा बढी धारा जडान गरेर खानेपानी वितरण गरिएको ट्रष्टका कार्यक्रम निर्देशक दीपककुमार श्रेष्ठले बताउनुभयो ।
सूर्योदय नगरपालिकामा प्राङ्गारिक चियाखेती अभियान
सूर्योदय नगरपालिका–९ ढोडेका रामप्रसाद राईले चियाको प्राङ्गारिक खेती सुरु गर्नुभएको ६ वर्ष भयो । उहाँको १६ रोपनी क्षेत्रफलमा फैलिएको चिया बगानबाट दैनिक ८० किलो उत्पादन हुन्छ ।
आठ महिनामा साढे दुई अर्बको सिमेन्ट निर्यात
चालु आर्थिक वर्षको आठ महिनामा साढे दुई अर्ब रुपियाँ बराबरको सिमेन्ट र क्लिङ्कर निर्यात भएको छ । भन्सार विभागको तथ्याङ्क अनुसार चालु आवको साउनदेखि फागुन महिनासम्म २ अर्ब ४७ करोड १७ लाख रुपियाँको क्लिङ्कर तथा सिमेन्ट निर्यात गरेको हो । गत वर्ष सो अवधिमा १९ करोड ४१ लाख १८ हजार रुपियाँको समेन्ट र क्लिङ्कर निर्यात भएको थियो । मुलुकबाट एक खर्ब रुपियाँभन्दा बढीको कुल निर्यात भइरहेका बेला सिमेन्टको निर्यातमा उलेख्य वृद्धि भएको हो ।
महराको बयान सुरु
सुनको अवैध तस्करीमा संलग्न भएको आरोपमा पक्राउ परेका पूर्वसभामुख तथा नेपाल कम्युनिस्ट पार्टी (माओवादी केन्द्र) का उपाध्यक्ष कृष्णबहादुर महरासँग बयान लिन सुरु गरिएको छ । जिल्ला सरकारी वकिलको कार्यालय काठमाडौँको रोहबरमा नेपाल प्रहरीको केन्द्रीय अनुसन्धान ब्युरो (सिआइबी) महरासँग बयान सुरु गरिएको ब्युरोका प्रवक्ता होविन्द्र बोगटीले जानकारी दिनुभयो । विद्युतीय सिगरेट (भेप) भित्र लुकाएर तस्करीमार्फत ल्याएको नौ केजी सुनका चिनियाँ तस्करसँग महरासँगको सम्पर्क देखिएपछि प्रहरीले महरालाई कपिलवस्तुबाट पक्राउ गरी आइतबार काठमाडौँ ल्याएको थियो ।
विनोद चौधरीबारे सभामुखलाई पत्राचार
नेपाल प्रहरीको केन्द्रीय अनुसन्धान ब्युरोले कांग्रेस सांसद विनोदकुमार चौधरीमाथि अनुसन्धान भइरहेको जानकारी सभामुख देवराज घिमिरेलाई पठाएको छ । बाँसबारी छाला जुत्ता कारखानाको जग्गा हिनामिना प्रकरणमा चौधरीमाथि छानबिन भइरहेको जानकारी प्रहरीले सभामुख घिमिरेलाई गरेको हो ।
देशका अधिकांश ठाउँमा वर्षा
बागमती, मधेश, कोशी, गण्डकी र लुम्बिनी प्रदेशमा हल्कादेखि मध्यम वर्षा सुरु भएको छ । त्यसै गरी कर्णाली र सुदूरपश्चिम प्रदेशमा मौसम बदली सुरु भए पनि पानी नपरेको मौसम पूर्वानुमान महाशाखाले जनाएको छ । महाशाखाका अनुसार गण्डकी र लुम्बिनी प्रदेशको केही स्थानमा हिउँसमेत परेको छ ।
