गोरखापत्र
ईश्वरपुरको नगरप्रमुख र उपप्रमुखमा कांग्रेस विजयी
सर्लाहीको ईश्वरपुर नगरपालिकाको प्रमुखमा नेपाली काँग्रेसका मनोजकुमार आचार्य विजयी हुनुभएको छ ।
सरकारी शिक्षकको पोशाक परिवर्तन
काठमाडौं, जेठ ६ गते। सरकारी विद्यालयका शिक्षकको पोशाक परिवर्तन भएको छ। शुक्रबार शिक्षा तथा मानव स्रोत विकास केन्द्रले शिक्षा विकास तथा समन्वय इकाई र सबै स्थानीय तहलाई पत्र लेख्दै पोशाक परिवर्तन भएको जानकारी गराएको हो। विद्यालयमा कार्यरत शिक्षक कर्मचारीको पोशाक परिवर्तन गर्ने सन्दर्भमा नेपाल शिक्षक महासंघबाट अनुरोध भएर आएको भन्दै केन्द्रले यो पत्र पठाएको हो। “तोकिए अनुसारको पोशाक चालु शैक्षिक सत्रभित्र कार्यान्वयनको व्यवस्था मिलाउनुहुन अनुरोध छ,” केन्द्रका निर्देशक गणेशप्रसाद पौडेलले सार्वजनिक गर्नुभएको पत्रमा भनिएको छ। गाढा खैरो रङको सुट (कोट, पेन्ट्स) महिला\पुरुष शिक्षक कर्मचारीले लगाउनुपर्ने छ भने हल्का निलो रङको शर्ट (कमिज), मौसम अनुसार गाढा खैरो रङको ज्याकेट, कलेजी स्वेटर र कालो जुत्ता पोशाकको रुपमा लगाउनुपर्नेछ। साडी, ब्लाउज, कुर्ता सुरुवालमा (चाप्पल) परिवर्तन गरिएको छैन भने शैक्षिक पोशाकको नमुना नेपाल शिक्षक महासङ्घबाट प्राप्त गर्न सकिने पत्रमा उल्लेख छ। पोशाकको नमुना नेपाल शिक्षक महासंघबाट प्राप्त गर्नसकिने व्यहोरा पत्रमा उल्लेख गरिएको छ। साडी, ब्लाउज, कुर्ता सुरुवाल परिवर्तन नगरिएको पत्रमा प्रष्ट पारिएको छ ।
थप ११ जनामा कोरोना सङ्क्रमण
स्वास्थ्य तथा जनसङ्ख्या मन्त्रालयका अनुसार दुई हजार तीन सय जनाको पीसीआर परीक्षण गर्दा ११ जनामा सङ्क्रमण पुष्टि भएको हो ।
सरुवा रोग अस्पतालले आइतबार बिदा नदिने
शुक्रराज ट्रपिकल तथा सरुवा रोग अस्पतालले आइतबार बिदा नदिने निर्णय गरेको छ । अस्पतालले सूचना निकाल्दै सार्वजनिक बिदाबाहेक अन्य दिन बहिरङ्गलगायत अन्य सेवा नियमित सञ्चालन हुने जानकारी दिएको हो ।
-original-thumb.jpg)
स्थानीय तहले सरकार पाउन थाले : शपथसँगै पदभार ग्रहण
२०७९ वैशाख ३० गते एकै चरणमा सम्पन्न भएको स्थानीय तह निर्वाचनबाट निर्वाचित जनप्रतिनिधिहरूको नयाँ कार्य अवधि आज शुक्रबारबाट सुरु भएको छ ।
महोत्तरीमा थप पाँच पालिकाको परिणाम सार्वजनिक
महोत्तरी जिल्लामा शुक्रबार बिहानसम्म थप चार पालिकाको परिणाम सार्वजनिक भएको छ । जसमा सम्सी गाउँपालिका, लोहारपट्टी नगरपालिका, औरही नगरपालिका, सोनमा गाउँपालिका र बर्दिबास नगरपालिका छन् ।
विर्तामोड नगरपालिका प्रमुख र उपप्रमुखमा एमाले विजयी
झापाको विर्तामोड नगरपालिकाको प्रमुख र उपप्रमुखमा नेकपा (एमाले)का उम्मेद्वार विजयी भएका छन्। नगर प्रमुखमा पवित्रा महतारा (प्रसाईं) र उपमेयरमा एमालेकै नगेन्द्र संग्रौला निर्वाचित हुनुभएको हो।
गुल्मीमा पालिका प्रमुखले लिए शपथ
जिल्लाका दुई नगरपालिका र दश गाउँपालिका प्रमुखले पद तथा गोपनियताको शपथ ग्रहण गर्नुभएको छ ।
झापामा महिला नगर प्रमुखको विजयी
गत वैशाख ३० गते सम्पन्न भएको स्थानीय तहको निर्वाचन परिणाम अनुसार झापाको बिर्तामोड नगरप्रमुख र उपप्रमुखमा नेकपा (एमाले) विजयी भएका छन् ।
राजविराज नगरपालिकामा जसपाको विजय
सप्तरीको राजविराज नगरपालिकामा जसपाका उम्मेदवार प्रमुख र उपप्रमुखमा विजयी भएका छन् । जसपाका प्रमुख पदमा उम्मेदवार भिमराज यादवले नौ हजार ३४६ मत प्राप्त गरी विजयी हुनुभएको हो । यादवका प्रतिद्वन्द्वी नेकपा (माओवादी केन्द्र)का शम्भु यादवले चार हजार ७६६ मत प्राप्त गर्नुभएको छ ।
धादिङका सबै पालिकाको मतगणना सकियो, काँग्रेस पहिलो दल
धादिङमा स्थानीय तहको निर्वाचनको मतगणना सम्पन्न भएको छ । धादिङको १३ स्थानीय तहमध्ये सातवटा नेपाली कांग्रेस, तीन वटामा नेकपा (माओवादी केन्द्र), दुई वटामा नेकपा (एमाले) र एक पालिकामा नेकपा समाजवादी विजयी भएको छ ।
मिथिलामा प्रमुखमा काँग्रेस र उपप्रमुख एमाले विजयी
धनुषाको मिथिला नगरपालिकाको नगर प्रमुखमा नेपाली काँग्रेसका महेन्द्र महतो विजयी हुनुभएको छ । उहाँले सात हजार ३२ मत ल्याएर विजय हुनुभएको हो ।
झापाको गौरादहमा मतगणना प्रभावित
झापाको गौरादह नगरपालिकाको वडा नं. ७ मा नेकपा एमालेका वडाध्यक्ष पदका उम्मेदवार बलराम खरेलले एक मत अन्तरले विजयी भएको निर्वाचन अधिकृतको कार्यालयले घोषणा गरेपछि विवाद सिर्जना भएको छ ।
'लाइफ इन एलए' आजदेखि प्रदर्शनमा
सूर्य एन श्रेष्ठकाे निर्देशनमा बनेको चलचित्र 'लाइफ इन एलए' आज शुक्रबारबाट प्रदर्शनमा आएको छ । फिल्म अमेरिकाको एलएमा ७० प्रतिशत र नेपालमा ३० प्रतिशत छायांकन गरिएको हो ।
बझाङका स्थानीय तहका प्रमुख तथा अध्यक्षले लिए पद तथा गोपनीयताको शपथ
बझाङ जिल्लाको १२ वटा स्थानीय तहका नवनिर्वाचित प्रमुख तथा अध्यक्षहरुलाई पद तथा गोपनीयताको शपथ ग्रहण गराइएको छ । शुक्रबार मुख्य निर्वाचन अधिकृतको कार्यालय बझाङमा जिल्ला न्यायाधीश विष्णुप्रसाद अवस्थीले नवनिर्वाचित पालिकाका प्रमुख तथा अध्यक्षहरुलाई पद तथा गोपनीयताको सपथ ग्रहण गराउनुभएको हो ।
