गोरखापत्र अनलाइन
मलेसियामा बन्धक बनाइएका १३ नेपाली स्वदेश फर्किँदै
मलेसियामा बन्धक बनाइएका १३ जना नेपालीको उद्धार भएको छ । उद्धार भएकामध्ये छ जना भोलि (मङ्गलबार) स्वदेश फर्किने भएका छन् ।
संघीयता कार्यान्वयनमा ध्यान दिनुपर्छ : नेता यादव
जनता समाजवादी पार्टी (जसपा) का संसदीय दलका नेता रामसहायप्रसाद यादवले सङ्घीयता, समावेशी लोकतन्त्र, गणतन्त्र र समावेशीलाई संस्थागत गरेर कार्यान्वयन गर्नु अहिलेको संसद्को जिम्मेवारी भएको बताउनुभएको छ ।
जनताको विश्वासलाई खेर जान दिँदैनौँ : गृहमन्त्री लामिछाने
राष्ट्रिय स्वतन्त्र पार्टी (रास्वपा) का सभापति तथा सरकारका गृहमन्त्री रवि लामिछानेले नेपाली जनताको आशाको मतलाई खेर जान नदिने बताउनुभएको छ ।
सङ्घीय लोकतान्त्रिक गणतन्त्रात्मक शासनको सुदृढीकरण हुनुपर्छ : सभापति देउवा
नेपाली कांग्रेसका सभापति एवम् पूर्व संसदीय दलका नेता शेरबहादुर देउवाले सङ्घीय लोकतान्त्रिक गणतन्त्रात्मक शासन व्यवस्थाको सुदृढीकरण आजको आवश्यक रहेको बताउनुभएको छ ।
मिस्टर नेपाल नूतन 'मिस्टर ग्लोबल' मा सहभागी हुने
‘मिस्टर नेपाल वर्ल्ड’ २०२२ का विजेता नूतन श्रेष्ठले ‘मिस्टर ग्लोबल’ मा नेपालको प्रतिनिधित्व गर्ने भएका छन् । श्रेष्ठलाई नेक्स्ट मोडल्स नेपालले उक्त प्रतियोगितामा पठाउन लागेको हो ।
सभामुखको अनुपस्थितिमा बैठकको अध्यक्षता गर्न सात सदस्य चयन
प्रतिनिधि सभा बैठकले सभामुखको अनुपस्थितिमा बैठकको अध्यक्षता गर्न सात सदस्य मनोनयन गरेको छ ।
जनताको अपेक्षा अनुसार काम गर्नुपर्नेछ : अध्यक्ष ओली
नेकपा (एमाले) का अध्यक्ष तथा संसदीय दलका नेता केपी शर्मा ओलीले जनतालाई परिवर्तनको अपेक्षा र आकाङ्क्षा रहेकाले सोअनुसार यो सरकार र संसद्सामु जिम्मेवारी रहेको बताउनुभएको छ ।
सरकारको न्यूनतम साझा कार्यक्रम आजै सार्वजनिक हुँदै
मङ्सिर ४ गते सम्पन्न सङ्घीय निर्वाचनपछि बनेको नयाँ सरकारले सरकारको न्यूनतम साझा कार्यक्रम आजै सार्वजनिक गर्ने भएको छ ।
तस्बिरमा प्रतिनिधि सभाका झलक
प्रतिनिधि सभाका झलकहरुतस्बिरः सुजन गुरुङ, केशब गुरुङ
सरकारलाई विश्वासको मत दिन माओवादी केन्द्रको आग्रह
नेकपा (माओवादी केन्द्र)ले प्रतिनिधिसभामा रहेका सबै दल तथा स्वतन्त्र सांसदलाई सरकारको पक्षमा विश्वासको मत दिन आग्रह गरेको छ ।
राष्ट्रिय सभाको बैठक सुरु
राष्ट्रिय सभाको बैठक सङ्घीय संसद् भवन नयाँ बानेश्वरमा सुरु भएको छ । गत मङ्सिर ४ मा सम्पन्न निर्वाचनपछि गठन भएको प्रतिनिधि सभासँगै राष्ट्रिय सभाकोसमेत पहिलो बैठक दिउँसो १ बजे सुरु भएको हो ।
प्रतिनिधि सभाको पहिलो बैठकलाई सम्बोधन गर्नुहुँदै कांग्रेस सभापति देउवा
नेपाली कांग्रेसका सभापति एवम् प्रमुख प्रतिपक्षी दलका नेता शेरबहादुर देउवा प्रतिनिधि सभाको पहिलो बैठकलाई सम्बोधन गर्नुहुँदै ।
सार्वभौम संसद्ले नेपाली इतिहासको नयाँ भाष्य रच्न सफल हुनेछ : प्रधानमन्त्री प्रचण्ड
प्रधानमन्त्री पुष्पकमल दाहाल‘ ‘प्रचण्ड’ले परम्परागत संसदीय अभ्यास र राजनीतिले मात्रै हामी जनतामाझ फर्कन सक्ने अवस्थामा नभएको बताउनुभएको छ ।
प्रतिनिधि सभाको पहिलो बैठक जारी
मङ्सिर ४ गतेको निर्वाचनपछि सोमबार प्रतिनिधि सभाको पहिलो बैठक सुरु भएको छ । बैठकमा सभाका ज्येष्ठ सदस्य पशुपतिशमशेर जबराले संसद् आह्वानसम्बन्धी राष्ट्रपति कार्यालयबाट प्राप्त पत्र पढेर सुनाउनुभयो ।
हवाई भाडा घट्यो
काठमाडौँ, पुस २५ गते । सरकारले हवाई इन्धनको मूल्य घटाएसँगै हवाई भाडा पनि घटाइएको छ । आयल निगमले इन्धनको मूल्यमा प्रतिलिटर रु. २० कटौती गरेसँगै वायुसेवा सञ्चालक सङ्घले हवाई भाडा घटाएको हो । सङ्घका अनुसार काठमाडौँदेखि धनगढीसम्मको उडानमा सबैभन्दा धेरै रु. आठ सय ८५ भाडा घटेको छ । यो गन्तव्यका लागि रु. सात हजार पाँच सय दश कायम भएको छ । काठमाडौँदेखि धनगढीसम्म अधिकतम भाडा रु. १६ हजार एक सय ४० कायम भएको छ ।काठमाडौँबाट हुने पर्वतीय उडान (माउन्टेन्ट फ्लाइट)मा रु. छ सय ८५ भाडा घटेर अधिकतम रु. १४ हजार दुई सय पाँच कायम भएको छ । काठमाडौँ–सिमरामा रु. एक सय ८० भाडा घटेको छ । त्यस्तै काठमाडौँ–भद्रपुरमा रु. छ सय, काठमाडौँ–विराटनगरमा रु. चार सय ८५, काठमाडौँ–जनकपुरमा रु. दुई सय ६०, काठमाडौँ–भरतपुरमा रु. दुई सय १५ र काठमाडौँ–पोखरामा रु. तीन सय २० भाडा घटेको छ ।
