गोरखापत्र अनलाइन
राजाविरुद्ध बोल्न नपाइने देश
दक्षिणपूर्वी एसियाली मुलुक थाइल्यान्डमा राजाको विरोध र आलोचना गर्न पाइँदैन । त्यहाँ राजाको मात्र होइन राजपरिवारका सदस्यको समेत विरोध र आलोचनामाथि रोक लगाइएको छ । राजतन्त्रमा सुधारको माग गर्ने मानवाधिकारकर्मी वकिल आनोन नाम्पा अहिले जेलमा छन् । उनलाई चार वर्षको जेल सजाय तोकिएको छ । सन् २०२० को अक्टोबरमा भएको प्रदर्शनमा नाम्पाले गरेको टिप्पणीका कारण बैङ्ककको एक अदालतले उनलाई दोषी ठहर ग¥यो । त्यसै गरी आन्चन नाम गरेकी थाई महिलालाई ४३ वर्ष जेल सजाय गरिएको छ ।
लोकल रक्सी ब्राण्डिङको काम सुरु
स्याङ्जाको वालिङ नगरपालिकाले स्थानीय मदिरालाई ब्राण्डिङ गर्ने भएको छ । स्थानीय उत्पादनलाई प्राथमिकता दिँदै नागरिकलाई स्वरोजगारको कार्यक्रमसँग जोड्न पालिकाले घरेलु मदिरालाई ब्राण्डिङ गर्न लागेको नगरप्रमुख कृष्ण खाँणले जानकारी दिनुभयो ।
बस दुर्घटना हुँदा २९ जनाको निधन
मध्य फिलिपिन्समा बस भीरबाट खस्दा २९ जनाको मृत्यु भएको छ । मध्य फिलिपिन्सको एन्टिक प्रान्तमा मंगलवार एउटा यात्रुवाहक बस भीरबाट खस्दा कम्तीमा २९ जनाको मृत्यु भएको स्थानीय अधिकारीहरूले बताएका छन् ।
प्रधानमन्त्रीले लिनुभयो उपप्रधानमन्त्रीको स्वास्थ्यस्थितिबारे जानकारी
प्रधानमन्त्री पुष्पकमल दाहाल ‘प्रचण्ड’ले उपप्रधानमन्त्री एवं गृहमन्त्री नारायणकाजी श्रेष्ठको स्वास्थ्य अवस्थाबारे जानकारी लिनुभएको छ ।
अलपत्र छ वज्रगुरु स्तूपा
सिन्धुपाल्चोकको बाह्रबिसे नगरपालिका–४ स्थित स्तूपाडाँडामा निमार्णाधीन वज्रगुरु स्तूप १८ वर्षदेखि अलपत्र अवस्थामा छ । बजेट अभाव र स्थानीयबिचको विवादका कारण बौद्ध धर्मावलम्बीको आस्थाको धरोहर वज्रगुरु स्तूप अलपत्र अवस्थामा रहेको हो ।
जीर्ण घरमा वडा कार्यालय
सर्लाहीको हरिपुर्वा नगरपालिका–२ को वडा कार्यालय अत्यन्त जीर्ण घरबाट सञ्चालन गर्नु पर्दा सेवा प्रवाहमा समस्या परेको छ । वडाको आफ्नै भवन नहुँदा काठको पुरानो घर भाडामा लिएर वडा कार्यालय सञ्चालन गर्नु परेको हो । झट्ट हेर्दा वडा कार्यालय रहेको घर बेवारिसे जस्तो लाग्छ ।
कृषिमा आत्मनिर्भर बनाउने सक्रियता
बैतडी जिल्लाको तल्लोस्वराड क्षेत्रमा पर्ने शिवनाथ गाउँपालिका १० वटा स्थानीय तहमध्ये दुर्गम गाउँपालिका हो । डडेलधुरा जिल्ला र छिमेकी राष्ट्र भारतसँग जोडिएको यो गाउँपालिकामा कुल छ वटा वडा रहेका छन् । स्थानीय तहमा दोस्रो कार्यकालमा समेत गाउँपालिका अध्यक्ष हुनुभएका नेपाली कांग्रेसका कर्णसिंह साउदसँग गोरखापत्रका लागि बैतडी समाचारदाता गोकर्ण दयालले स्थानीय सरकारको कामकारबाही तथा उपलब्धिका विषयमा गर्नुभएको कुराकानी :
विद्यार्थीको आकर्षण आइटीमा
नेपालगन्जमा स्थापना भएको लुम्बिनी प्राविधिक विश्वविद्यालयमा सूचना प्रविधि (आइटी) विषयप्रति विद्यार्थीको आकर्षण बढेको छ। आइटी विषयमा स्नातक तहमा भर्ना भएका पहिलो ब्याचका विद्यार्थीले यसको भविष्य तथा सम्भावना राम्रो भएको बताएका छन्। आइटी कोर्समा अध्ययनरत विद्यार्थीसँगको एक अन्तर्क्रिया कार्यक्रममा सहभागीले रुचि र आकर्षण भएका कारण आफूहरू आइटी शिक्षा अध्ययन गर्न आएको बताएका छन्। नेपालगन्ज रामनगरकी तृष्णा विकले नर्सिङ पढ्ने इच्छालाई त्यागेर आइटी पढ्न आएको बताउनुभयो।
पोखरा–मुग्लिन सडक विस्तार
पृथ्वी राजमार्गको पोखरा–मुग्लिन सडक विस्तार अन्तर्गत थप पाँच किलोमिटर कालोपत्रेको काम मङ्गलबारबाट सुरु भएको छ । योजनाको पूर्वी खण्डको काम सुरु भएको हो । पूर्वी खण्डका आयोजना प्रमुख श्याम यादवले आँबुखैरेनी गाउँपालिका चोकदेखि मार्कीचोकसम्मको साढे चार किलोमिटर दूरीमा कालोपत्रे कार्य मङ्गलबारबाट सुरु गरिएको जानकारी दिनुभयो । गाउँपालिका चोकबाट सुरु गरी गत असार महिनामा कालोपत्रे गरिएको स्थान मार्कीचोकसम्म जोड्ने गरी कालोपत्रे कार्य अघि बढाएको उहाँले जानकारी दिनुभयो । यसअघि आँबुखैरेनी गाउँपालिका–१, सत्रसयबाट सुरु गरी मार्की चोकसम्म गरी तीन किलोमिटर दुरीमा कालोपत्रे कार्य सम्पन्न गरिसकेको छ ।
गर्न सक्ने जति मात्रै बोल्न नागरिकको सुझाव
वालिङका नागरिकले सांसद तथा नेतालाई आफूले गर्न सक्ने जति मात्रै बोल्न सुझाव दिएका छन् । सबै समस्याको म समाधान गरिदिन्छु भन्ने नेताहरू गाउँ फर्केर नआउने गरेको भन्दै धेरै आश्वासन नदिन आग्रह गरेका हुन् । संसदीय पत्रकार मञ्च गण्डकी प्रदेशको आयोजनामा स्याङ्जाको वालिङ–१४ मा भएको सार्वजनिक सुनुवाइमा नागरिकले प्रश्न राखेका थिए । स्थानीय राजेन्द्र थापाले भन्नुभयो, “म नेताहरूलाई सक्ने जति मात्रै प्रतिबद्धता जनाउन भन्छु, ताकि हामी आशावादी भएर बस्न नपरोस् ।” नेताले जे पनि हुन्छ भन्ने र नागरिक त्यसैमा रमाउने अवस्था आएको उहाँको तर्क छ ।
स्रोत नखुलेको रकमसहित पक्राउ
काभ्रेपलाञ्चोक जिल्लाको बनेपाबाट खरिदको स्रोत नखुलेका गरगहना र रकमसहित एक जनालाई पक्राउ गरिएको छ ।
हात्तीसँगै रत्तिएका छन् गैँडा
पूर्व नेपालको कोशीटप्पु वन्यजन्तु आरक्षमा दुई महिनाअघि मात्र चितवन राष्ट्रिय निकुञ्जबाट स्थानान्तरण गरी ल्याइएका पुष्पा र अञ्जली नामका दुई वटा पोथी गैँडा त्यहाँस्थित कोशीकली र कुसाहाकली नामका दुई वटा हात्तीसँगै रत्तिएका छन् ।
बूढानीलकण्ठ क्षेत्रमा लागु औषध विक्री गर्ने फार्मेसीमा सिलबन्दी
औषधि व्यवस्थापन विभाग र नेपाल प्रहरीले अवैध रूपमा औषधि बिक्री गर्ने एक फार्मेसीलाई सिलबन्दी गरेको छ ।
परराष्ट्र सचिवको पौडयालको अवकाश
परराष्ट्र सचिव भरतराज पौड्यालले सेवाबाट अवकाश लिनुभएको छ । “करिब ३७ वर्ष लामो सक्रिय निजामती सेवाबाट आजदेखि अवकाश लिएको छु”, सामाजिक सञ्जालमा उहाँले लेख्नुभएको छ ।
हङकङमा बौद्ध शिक्षा अध्यापन गराउँदै केयु
धुलिखेलमा रहेको काठमाडौँ विश्वविद्यालय (केयु) ले आफ्ना शैक्षिक कार्यक्रमलाई अन्तर्राष्ट्रियकरण गर्ने कार्यलाई तीव्रता दिएको छ । सोही क्रममा केयुले हङकङमा चारवर्षे ‘ब्याचलर अफ बुद्धिस्ट स्टडिज’ (स्नातक तहमा चारवर्षे बौद्ध शिक्षा) कार्यक्रम सञ्चालन गर्ने भएको हो ।
