गोरखापत्र अनलाइन
ताप्लेजुङमा २४४ नयाँ मतदाता नामावली दर्ता
ताप्लेजुङमा दुई सय ४४ जनाले मतदाता नामावली दर्ता गराएका छन् । मतदाता नामावली खुल्ला भएको असोज १० गतेदेखि आइतबार सम्ममा दुई सय ४४ जनाले नाम दर्ता गराएका हुन् ।
लोखरममा तीन जनामा हैजा पोजेटिभ
सप्तरीको छिन्नमस्ता गाउँपालिका–५ लोखरममा झाडापखाला प्रभावित क्षेत्र तीन जनामा हैजा पोजेटिभ देखिएको छ ।
रियल म्याड्रिडको फराकिलो अग्रता
किलियन एम्बापेले दुई गोल गरेपछि स्पेनी लिगमा रियल म्याड्रिडले शनिबार राति भ्यालेन्सियालाई ४–० ले पराजित गरेको छ । यस नतिजासँगै रियल म्याड्रिडले शीर्ष स्थानमा आफ्नो अग्रता सात अङ्कले फराकिलो पारेको छ ।
‘सन्त्रासका साठी दिन’ लाई अनेसास सर्वोत्कृष्ट पुरस्कार
विश्वभरि छरिएर रहेका नेपाली भाषा र साहित्यको क्षेत्रमा साधनारत साहित्यकार, लेखक तथा स्रष्टाले नेपाली भाषा र साहित्य उत्थानका लागि हातेमालो गरेर काम गर्न आग्रह गरेका छन् । शनिबार अमेरिकाको वासिङ्टन डिसीमा अन्तर्राष्ट्रिय नेपाली साहित्य समाज (अनेसास) को ११७ औँ लक्ष्मी जयन्ती तथा पुरस्कार वितरण समारोहमा आयोजित कार्यक्रममा सहभागीले यस्तो आग्रह गरेका हुन् ।
आधा करोड खर्च गरी अलपत्र परेको कस्या टाकुरोमा नागरिक स्तरबाट सरसफाई
पर्यटकिय क्षेत्रका रुपमा भौतिक संरचना निर्माण गरी अलपत्र अवस्थामा रहेको प्राकृतिक डाडो कस्या टाकुरो क्षेत्रमा नागरिक स्तरबाट सरसफाई गरिएको छ ।
शाहको लघुकथासङ्ग्रह ‘डाइपर भिसा’
कथाकार दिलीप शाहको लघुकथासङ्ग्रह ‘डाइपर भिसा’ बजारमा आएको छ । अभाव, पीडा, बेथिति, भ्रष्टाचार जस्ता विषयलाई सहज रूपमा चोटिलो पारामा सङ्ग्रहभित्र प्रस्तुत गरिएको छ । यसै गरी माया, प्रेम अभाव, पीडा, गरिबी, विदेशमोह, सन्तानप्रेम र यसका राम्रा र नराम्रा पक्षलाई पुस्तकभित्र समान रूपमा चित्रण गरिएको छ ।
‘माला’ बजारमा
कथाकार माधव सयपत्रीको कथासङ्ग्रह ‘माला’ आइतबारदेखि बजारमा आएको छ । पुस्तकमा २२ वटा कथा समावेश छन् । कथासङ्ग्रहमा सयपत्रीले प्रेम र मानवीय संवेदनालाई समेट्नुभएको छ । मानिसका ढोङ र आडम्बरका मुखौटा च्यात्दै विद्रोहसमेत बोलेका छन् । सरल र सरस शैलीमा लेखिएका सयपत्रीका कथालाई समकालीन नेपाली साहित्यका प्रतिनिधि मान्न सकिन्छ ।
करिब एक सय कलाकारको ट्याटु प्रदर्शनी
नेपाल ललितकला प्रज्ञा–प्रतिष्ठान र हिमालयन ट्याटु समिटले आयोजना गरेको ‘यात्रा ट्याटु प्रदर्शनी कला कार्यशाला’ आइतबार सम्पन्न भएको छ । प्रतिष्ठानका कुलपति नारदमणि हार्तम्छालीले नेपालमा पनि ट्याटु कलाको पुरानो इतिहास रहेको बताउँदै यस्ता कार्यलाई आगामी दिनमा अझ व्यवस्थित रूपमा सञ्चालन गर्ने प्रतिबद्धता जनाउनुभएको छ ।
तीन वर्षमा एघार सयभन्दा बढिको सम्बन्ध विच्छेद
गुल्मीमा तीन वर्षमा एघार सयभन्दा बढिको सम्बन्ध विच्छेद भएको छ । दुई नगरपालिका र दश गाउँपालिका गरी १२ स्थानीय तहमा तीन वर्षमा एघार सय ३६ जनाले सम्वन्ध विच्छेद भएको पाइएको छ ।
आजका लागि तोकियो विदेशी मुद्राको विनिमयदर
नेपाल राष्ट्र बैङ्कले सोमबारका लागि विदेशी मुद्राको विनिमयदर निर्धारण गरेको छ । राष्ट्र बैङ्कअनुसार अमेरिकी डलर एकको खरिददर १४१ रुपियाँ ७३ पैसा र बिक्रीदर १४२ रुपियाँ ३३ पैसा निर्धारण गरिएको छ ।
मौसमः पश्चिमी वायुको प्रभाव कायमै
नेपालमा हाल पश्चिमी वायुको प्रभाव कायमै रहेकाले केही पहाडी तथा हिमाली क्षेत्रमा हल्का वर्षाको सम्भावना रहेको जल तथा मौसम विज्ञान विभागले जनाएको छ ।
श्रम स्वीकृति लिने बढे
चालु आर्थिक वर्षको पहिलो तीन महिनामा वैदेशिक रोजगारीका लागि श्रम स्वीकृति लिनेको सङ्ख्या बढेको छ । वैदेशिक रोजगार विभागका अनुसार चालु आव २०८२/८३ को साउन, भदौ र असोजमा दुई लाख १० हजार ५१६ जना श्रम स्वीकृति लिएर वैदेशिक रोजगारीमा गएका छन् । गत आव २०८१/८२ को सोही अवधिमा एक लाख ७० हजार ६०३ जनाले श्रम स्वीकृति लिएर वैदेशिक रोजगारीमा गएका थिए । यस अनुसार चालु आवमा श्रम स्वीकृति लिएर विदेश जानेको सङ्ख्या ३९ हजार ९१३ जनाले बढी हो ।
नेपाल एसबिआईको अध्यक्षमा कुन्चा चयन
नेपाल एसबिआई बैङ्क लिमिटेडले सञ्चालक समितिको अध्यक्षमा वेंकट वंशीधर कुन्चालाई चयन गरेको छ । बैङ्क सञ्चालक समितिको ५३६ औँ बैठकले स्टेट बैङ्क अफ इन्डियालाई प्रतिनिधित्व गर्दै आएका सञ्चालक कुन्चालाई बैङ्क सञ्चालक समितिको अध्यक्षमा चयन गरेको हो ।
बाँके र बर्दियामा असी प्रतिशत धान भित्र्याइयो
बाँके र बर्दिया जिल्लाका किसानले हालसम्म ८० प्रतिशतभन्दा बढी धान बाली काटेर भित्र्याइसकेका छन् । कृषि ज्ञान केन्द्र बाँकेका कृषि प्रसार अधिकृत खड्क बस्नेतले जिल्लाका आठ वटै पालिकामा किसानले ८० प्रतिशतभन्दा बढी धान बाली काटेर धान भित्र्याइसकेको बताउनुभयो । उहाँले जिल्लाका किसानले मोटो धान करिब करिब शतप्रतिशत भित्र्याइसकेको जनाउँदै मध्यम र मसिनो धान पनि ८० प्रतिशत जति भित्र्याइसकेको बताउनुभयो ।
अवरुद्ध पृथ्वीराजमार्ग दुईतर्फी खुल्यो
सुक्खा पहिरोका कारण अवरुद्ध पृथ्वीराजमार्गमा दुईतर्फी नै यातायात सेवा सञ्चालनमा आएको छ ।
