कुटपिटबाट पत्रकार चौधरी घाइते

रवीन्द्र उप्रेती

बर्दिबास, फागुन २५ गते । पत्रकार नवीन चौधरीमाथि कुटपिट भएको छ । उहाँलाई उपचारका लागि जनकपुरस्थित  जानकी हेल्थ केयर एण्ड टिचिङ हस्पिटलमा भर्ना गरिएको छ । उहाँको टाउको, पिठ्युलगाएत शरीरका विभिन्न अङ्गमा  चोट लागेको अस्पतालले जनाएको छ । 

पत्रकार चौधरी ग्रामीण भेगमा मनाइने होलीको समाचार सङ्कलन र छायाङ्कनका लागि जलेश्वर नपा ५ स्थित चौरीया गाउँमा पुग्दा कुटपिट भएको हो । चौरीया सीमावर्ती गाउँ पनि हो । 

चौधरीलाई बियरको बोतलले टाउकोमा प्रहार गर्नुका साथै लात घुसा र चिरपटले प्रहार गरिएको छ । 

प्रहरी उपरीक्षक प्रकाश मल्लले घटनास्थलबाट भारत बिहार मधुवनी जिल्लाका रञ्जित ठाकुरलाई नियन्त्रणमा लिएको जनाउनुभयो । 

नेपाल प्रेस युनियन महोत्तरी शाखाले प्रेस विज्ञप्ति जारी गर्दै घट्नाको भर्त्सना गरेको छ ।