काठमाडौं, माघ २८ गते । गोविन्द सिंह भण्डारीको लेखन तथा निर्देशनमा बनेको फिल्म 'प्रेमा'को टिजर सार्वजनिक भएको छ । टिजरमा फिल्मका प्रमुख तीन कलाकार शुभेक्क्षा खड्का, सृष्टि श्रेष्ठ र अरुण क्षेत्री फिचर्ड हुनुहुन्छ ।
काठमाडौं, धनगढी र कर्णालीमा सुटिङ गरिएको फिल्ममा अरुण, शुभेक्क्षा र सृष्टि लगायत विमला केसी, हिउँवाला गौतम, पुरण जोशी, सबिन बास्तोला, रोशनी स्याङबो, प्रकाश बस्नेत, महान थापा, सुरेन्द्र बसेल, भिभियाना थपलिया(काजु)को अभिनय छ ।
सामर्थविक्रम थापाको कार्यकारी निर्माण रहेको फिल्ममा सुशान्त गौतमको सङ्गीत, सुशान्त, सबिन एकतारे र अनिल शर्माको गीत, चन्द्र भट्टराईको प्रमुख सहायक निर्देशन, अमित श्रेष्ठको व्याकग्राउण्ड स्कोर र ५.१ मिक्सिङ, शैफुद्दीन कादर मोहम्मदको क्रिएटिभ हेड, कृष्ण भण्डारीको सम्पादन तथा रंग संयोजन र महेश पौडेलको डीओपी छ ।
बाघठाटा फिल्म फ्याक्ट्रीको ब्यानरमा निर्माण भएको फिल्म आगामी चैत १७ अर्थात् ३१ मार्चमा रिलिज हुने तयारीमा छ ।
