काव्यात्मक अनुराग विचरण गर्छ;
नील नभमा फन्फनी
चक्कर मार्छ बेतोड भाव–गतिमा
कल्पनाशील – चिन्तन सम्हाली
पानी झैँ बहावको गतिमा !
आखिर अनुरागको नि
लक्ष्य त हुन्छ नै,
लक्ष्य विहीन फन्फनिनु त
मदहोस – बेहोसीपन न हो
भुमरीको प्रतीकात्मक विचलन
गत्यात्मकताकै विचलन !
काव्यात्मक अनुरागको विचलन
सोचिन्न – साँचिइ भाव गाम्भिर्य पहिल्याइन्छ
अनुरागको राग पहेलिन्छ ।
अनुरागै त राग बन्छ;
राग गाउँदा गाउँदै गर्भ धारण हुन्छ
अनुरागको संयोग – सम्भोगबाट उद्भव हामी
सृष्टिकै नैरन्तर्य – प्रकृतिकै स्वरूप यो ।
