काठमाडौँ, असोज ७ गते । भुटानले श्रीलङ्कामा जारी यु–१७ साफ च्याम्पियनसिपमा सानत्वना जित निकालेको छ ।
कोलम्बो स्पोर्ट्स कम्प्लेक्समा सोमबार राति भएको समूह ‘बी’को अन्तिम खेलमा भुटानले माल्दिभ्सलाई १–० गोलले हरायो ।
भुटानको जितमा थिन्ले डेनदुप दोर्जीले गोल गर्नुभयो । दोर्जीले १०औँ मिनेटमा गर्नुभएको गोल निर्णायक बन्यो । भुटान र माल्दिभ्स समूहको अन्तिम खेल खेल्नुअघिनै बाहिरिएका थिए ।
यस समूहबाट भारत र पाकिस्तानले सेमिफाइनलमा स्थान बनाएका छन् । यस्तै समूह ‘ए’बाट बङ्गलादेश र नेपाल सेमिफाइनलमा पुगेका छन् । दुवै सेमिफाइनल खेल बिहीबार हुनेछ ।
