उल्टियो ‘गोरे’ को मुद्दा, थप १० वर्ष कैद सजायको फैसला
बहुचर्चित ३३ किलो सुन तस्करी र मोरङको उर्लाबारीका सनम शाक्य हत्या प्रकरणमा उच्च अदालत विराटनगरले मुख्य अभियुक्त ‘गोरे’ भनिने चूडामणि उप्रेतीलाई थप १० वर्ष कैद सजाय सुनाएको छ । जिल्ला अदालत मोरङको यसअघिको फैसलालाई आंशिक रूपमा उल्ट्याउँदै उच्च अदालतले उप्रेतीलाई अपहरण तथा शरीर बन्धक मुद्दामा थप कैदको फैसला सुनाएको हो ।
सत्तारूढ दललाई अब्बल जनादेश
जापानी प्रधानमन्त्री साने ताकाइचीको पार्टीलाई दुई तिहाइ बहुमत प्राप्त भएको छ । आइतबार सम्पन्न संसदीय आमनिर्वाचनमा उहाँको सत्तारूढ दल लिबरल डेमोक्रेटक पार्टी (एलडिपी) ले दुई तिहाइ बहुमत प्राप्त गरेको अमेरिकी समाचार संस्था एपीले जनाएको हो ।
कार्यान्वयनको विषयमा चिन्ता
नेपालको संविधान २०७२ जारी भएयता एक हजार १३० वटा ऐन, नियम, गठन आदेश, निर्देशिका र कार्यविधि बनेका छन् । कानुन, न्याय तथा संसदीय मामिला मन्त्रालयका अनुसार सङ्घीयता अनुरूप र समयसापेक्ष बनाउन सङ्घीय संसद्मा १२१ वटा विधेयकको प्राथमिकताक्रमसहित सूची पेस गरिएको छ ।
फागुन ३ देखि देशैभरका मतदातालाई शिक्षा
कुनै पनि निर्वाचनमा जित र हारका लागि एक मतको मूल्य अत्यधिक रहन्छ । निर्वाचन आयोगले हरेक पल्ट भएका मतदानमा पाँचदेखि १५ प्रतिशतसम्म मत बदर भएर खेर गयो भन्ने तथ्य दिने गरेको छ । आयोगले देशैभर मतदाता शिक्षा दिने तयारी थालेको छ । फागुन २१ गते हुने प्रतिनिधि सभाको निर्वाचन नजिकिँदै गर्दा मतदातामा भने मत कसरी नबिगारी दिने भन्ने चिन्ता बढेको छ ।
भ्रामक तथा गलत सूचनामाथि निगरानी
कृत्रिम बौद्धिकता (एआई) लगायत विविध प्रविधिको दुरुपयोग गरी सामाजिक सञ्जालबाट बाहिरिने भ्रामक, गलत र नियोजित दुष्प्रचारको बिगबिगी रोकी संलग्नलाई कानुनी दायरामा ल्याउन प्रहरीले थप सक्रियता बढाउन लागेको छ ।
पर्यटक बढाउन नेपाल प्रवर्धन कार्यक्रम
नेपाल पर्यटन बोर्डले अन्तर्राष्ट्रिय पर्यटन समुदायमा नेपालको छविलाई स्थापित गर्ने उद्देश्यसहित नेपाल प्रवर्धनका कार्यक्रममा जोड दिएको छ । आर्थिक वर्ष २०८२/८३ को कुल बजेटको ७० प्रतिशत पर्यटन प्रवर्धनमा खर्च गर्ने गरी प्रवर्धनको अभियान चलाएको बोर्डले युरोप, अमेरिका, एसियाली र आसियान मुलुकबाट १५ प्रतिशत पर्यटक बढाउने लक्ष्यसहित नेपाल प्रवर्धनका कार्यक्रम गरिरहेको जनाएको छ ।
जाँचबुझ आयोगको म्याद थपियो
सरकारले गत भदौ २३ र २४ गतेको जेनजी प्रदर्शनमा भएको भौतिक एवं मानवीय क्षतिको यथार्थ छानबिन गर्न गठित जाँचबुझ आयोगको समयावधि २५ दिन थप गर्ने निर्णय गरेको छ । प्रधानमन्त्री तथा मन्त्रीपरिषद्को कार्यालय सिंहदरबारमा सोमबार बसेको मन्त्रीपरिषद् बैठकले गत असोज ५ गते पूर्वन्यायाधीश गौरीबहादुर कार्की नेतृत्वमा गठन भएको आयोगको म्याद थप गर्ने निर्णय भएको गृहमन्त्री ओमप्रकाश अर्यालले जानकारी दिनुभयो ।
कोइरालाकै अडानमा बन्यो संविधान
बहुआयामिक, सादगी जीवनशैली र निष्ठावान् राजनीतिज्ञ सुशील कोइरालाले २०७२ असोज ३ गते संविधान घोषणा गर्दा साझा राष्ट्रिय दृष्टिकोण निर्माण गर्नुभयो । ‘हलिउडको नायक बन्ने’ बाल्यकालको सपना पूरा नभए पनि पूर्वप्रधानमन्त्री एवं नेपाली कांग्रेसका पूर्वसभापति कोइरालाले नेपालको संविधान घोषणाका लागि नायकत्व प्रदान गर्नुभयो ।
प्रदेशलाई सबल र देशलाई सम्मुन्नत बनाउँछौँ : सभापति थापा
नेपाली कांग्रेसका सभापति गगनकुमार थापाले आगामी निर्वाचनबाट संविधान संशोधन गरेर प्रदेशलाई सबल र देशलाई सम्मुन्नत बनाउने बताउनुभएको छ ।
संविधान पुनरवलोकन अध्ययन सुरु, प्रधानमन्त्रीलाई जानकारी
नेपाल कानुन आयोगले संविधान पुनरवलोकनका लागि भइरहेको अध्ययनका विषयमा प्रधानमन्त्री सुशीला कार्कीलाई जानकारी गराएको छ ।
ल्होसार कप : खुम्बुले खुन्डेलाई हरायो
खुम्बु याम्बु शेर्पा समाजले १५औँ खुम्बु ल्होसार कप फुटबल प्रतियोगितामा सोमबार जित हात पारेको छ ।
समावेशी सवाल : अधिकार हो कि दयाको व्यवहार
नेपाल आदिबासी ज्ञान सम्मेलन २०८२ मा सङ्घीयता कार्यान्वयनका विभिन्न सवालमा बहस भएका छन् । नेपाल आदिवासी जनजाति उत्थान राष्ट्रिय प्रतिष्ठानद्वारा आयोजित कार्यक्रममा राजनीतिशास्त्री एवम् प्राध्यापक कृष्ण खनालले बहुजातीय राज्य व्यवस्थापनका लागि सङ्घीयता एक उपयुक्त राजनीतिक संयन्त्र भएको बताउनुभयो ।
स्वास्थ्य बीमा बन्द गर्न दिनु हुँदैन : प्रदीप पौडेल
नेपाली कांग्रेसका महामन्त्री एवं काठमाडौंँ ५ का प्रतिनिधि सभा सदस्य उम्मेदवार प्रदीप पौडेलले आफू नेतृत्वमा रहँदा प्रतिबद्धताअनुसार सुधार कार्य अघि बढेको भएपनि अहिले अवरोध आएकोमा दुःख प्रकट गर्नुभएको छ ।
कारागारबाट हतियार बरामद, १३ कैदीलाई सार्ने तयारी
सिरहा सदरमुकामस्थित कारागारमा जिल्ला सुरक्षा समिति सिरहाले सोमबार गरेको अनुगमनमा हतियार बरामद भएको छ ।
आयोजक झापा–११ सेमिफाइनलमा
आयोजक झापा–११ बिर्तामोडमा जारी सातौँ झापा गोल्डकप फुटबल प्रतियोगितामा जित निकाल्दै सेमिफाइनलमा प्रवेश गरेको छ ।
मतदाता शिक्षा विशेष कार्यक्रम फागुन ३ देखि १७ सम्म
फागुन २१ गते हुने प्रतिनिधि सभा सदस्य निर्वाचनका लागि फागुन ३ देखि १७ गतेसम्म मतदाता शिक्षा विशेष कार्यक्रम सञ्चालन हुने भएको छ ।
पुल निर्माण कार्य सुचारु गराउन स्थानीय युवा आन्दोलनमा
हुलाकी मार्ग अन्तर्गत सहजा नदीमा यथाशिघ्र पुल निर्माणकार्य सुचारु गर्ने माग सहित स्थानीय युवाहरु आन्दोलनमा उत्रिएका छन् ।
विद्यालयको जग्गाबाट माटो बेच्ने अध्यक्ष र मतियारविरुद्ध मुद्दा
अख्तियार दुरुपयोग अनुसन्धान आयोगले नवलपरासी (बर्दघाट सुस्ता पश्चिम), सरावल गाउँपालिका–३ स्थित महेन्द्र माध्यमिक विद्यालय व्यवस्थापन समितिका अध्यक्ष र एकजना बिचौलियाविरुद्ध आज विशेष अदालत, काठमाडौँमा आरोपपत्र दायर गरेको छ।
-original-thumb.jpg)
स्वास्थ्य बिमा सेवामा न्यूनतम दररेट दाबी गर्न निर्देशन
स्वास्थ्य बिमा बोर्डले औषधि तथा स्वास्थ्यजन्य सामग्रीको न्यून दररेट मात्र दाबी गर्न अस्पताललाई निर्देशन दिएको छ।
स्वर्णसहित दोहोरो अङ्कमा पदक ल्याउने गरी प्रशिक्षणलाई निरन्तरता दिन प्रधानमन्त्रीको निर्देशन
प्रधानमन्त्री सुशीला कार्कीले २०औँ एसियाली खेलकुदमा स्वर्णसहित दोहोरो अंकमा पदक ल्याउने उद्देश्यका साथ सञ्चालित प्रशिक्षणलाई निरन्तरता दिन निर्देशन दिनुभएको छ ।
एडभेन्चर रनिङ महासङ्घद्वारा खेलाडी सम्मानित
नेपाल एडभेन्चर रनिङ महासङ्घले विभिन्न राष्ट्रिय तथा अन्तर्राष्ट्रिय अल्ट्रा/ट्रेल रेसमा पदक जित्न सफल खेलाडीलाई सम्मान गरेको छ ।
नदीमा रमाउँदै आकर्षक पानीहाँस
राप्ती सोनारी गाउँपालिकास्थित अगैया पुलनजिकै राप्ती नदीमा माछा खोज्दै रमाइरहेका एक बथान पानी हाँस । स्वच्छ पानीमा पौडिँदै खाद्यान्न खोज्ने यी हाँसहरूले नदी किनारको प्राकृतिक सौन्दर्य अझ आकर्षक बनाएका छन् । तस्बिरः सन्तोष दहित
३५५ ऐनसहित सङ्घीय स्तरमा १ हजार १ सय ३० कानुन निर्माण
सङ्घीय स्तरमा हालसम्म १ हजार १ सय ३० वटा ऐन, कानुन, नियमावली तथा निर्देशिका निर्माण भएका छन् ।
पोखरा म्याराथन विजेतालाई चार लाख
आगामी फागुन २ गते शनिबार हुने २०औं सफल पोखरा अन्तर्राष्ट्रिय म्याराथनमा २१ विधामा प्रतिस्पर्धा हुने भएको छ ।
प्रतिनिधि सभा सदस्य निर्वाचन : एक करोड २२ लाख ५६ हजार मतपत्र छपाइ सकियो
आगामी फागुन २१ गते हुने प्रतिनिधि सभा सदस्य निर्वाचनका लागि ४४ जिल्लाका १०० निर्वाचन क्षेत्रको मतपत्र छपाइ सम्पन्न भएको निर्वाचन आयोगले जनाएको छ ।
