१२ वर्षपछि मनोहराको तान्डव : तीन सय घर डुबानमा
स्थानीय बासिन्दा मिनबहादुर श्रेष्ठका अनुसार १२ वर्षमा खोला फर्किन्छ भन्ने भनाइ अहिले मनोहरा खोलामा लागू भएको छ ।
साढे १४३ किलोग्राम गाँजासहित भारतीय ट्रक नियन्त्रणमा
परवानीपुर–सुख्खा बन्दरगाह सडकखण्ड अन्तर्गत वीरगञ्ज महानगरपालिका वडा नम्बर २४ बहुअरी चोकमा रोकिराखेको एक भारतीय नम्बरको मालवाहक ट्रकबाट सशस्त्र प्रहरी बल १३ नम्बर गणको प्रहरी टोलीले १४३ किलो पाँच सय ग्राम लागूऔषध गाँजा बरामद गरेको छ ।
पहिरो पीडितलाई सुरक्षित स्थानमा सारिँदै
वर्षाका कारण पहिरोबाट विस्थापित भएका सिन्धुपाल्चोकका पहिरो पीडितहरुलाई सुरक्षित स्थानमा सार्न थालिएको छ । वडा अध्यक्ष दिपकुमार तामाङले हेलम्बु गाउँपालिका–५ का पहिरोबाट विस्थापितलाई सुरक्षित स्थानमा टेण्ट हालेर सार्न थालिएको जानकारी दिनुभयो ।
गन्तव्यमा पुग्नै कठिन
मेलम्ची नगरपालिका–१२ का अमर तामाङ शिक्षण पेसा गर्नुहुन्छ। मेलम्ची ६ को तालामाराङमा रहेको जागेश्वरी आधारभूत विद्यालयमा अङ्ग्रेजी विषय अध्यापनरत उहाँ दैनिकजसो मोटरसाइकलमा विद्यालय जाने गर्नुभएको छ। सोमबार बिहान ८ बजे घरबाट विद्यालयका लागि निस्कनुभएका उहाँ १० बजे विद्यालय पुग्नुपर्नेमा बाढीले क्षति पुगेका सडक नबन्दा मध्याह्न १२ बजेसम्म मेलम्ची ११ सिमखेतमा रोकिनु भयो। “पोहोर झन् कठिन थियो, अहिले त सडकमा केही सुधार होला भनेको समस्या उही छ”, उहाँले चिन्ता व्यक्त गर्नुभयो, “यस्तो हुँदा पठनपाठन अवरुद्व हुन्छ। विद्यालय पुगेर एक–दुई घण्टा पढाउन पाए पनि विद्यार्थीलाई सहज हुन्थ्यो,” उहाँले भन्नुभयो।
दुईवटा विधेयक फिर्ता
बागमती प्रदेश सरकारले अध्यादेशलाई प्रतिस्थापन गर्न बनेका दुईवटा विधेयक फिर्ता लिने भएको छ। प्रदेश सरकारद्वारा जारी अध्यादेशलाई प्रतिस्थापन गर्न ल्याइएको विधेयक प्रदेश सभाको समितिमा छलफलमा रहेको अवस्थामा मङ्गलबार बसेको बागमती प्रदेश सरकारको मन्त्रिपरिषद् बैठकले फिर्ता लिने निर्णय गरेको हो।
मिलापत्रका कारण अपराध वृद्धि
घरेलु हिंसाका विषयमा प्रहरीमा पुगेका अधिकांश उजुरी मिलापत्रमा टुङ्गो लाग्ने गरेको पाइएको छ। लामो समयदेखि हुने घरेलु हिंसाका घटनालाई छलफलको माध्यमबाट मिलापत्र गराएर टुङ्गो लगाउँदा पछि जघन्य अपराघ हुने गरेको महिला अधिकारकर्मीले बताएका छन्। जिल्ला प्रहरी कार्यालय चितवनको महिला सेलमा दर्ता भएका घटना धेरै मिलापत्रमा समाधन हुने गरेको प्रवक्ता नरहरि अधिकारीले जानकारी दिनुभयो। “घरेलु हिंसा भनेर दर्ता गर्न आएका हुन्छन्, दुई पक्षबीच छलफल गरेपछि मिल्ने भएमा त्यहीँबाट मिलाएर पठाउने गरिएको छ,” उहाँले भन्नुभयो, “अदालती प्रक्रियामा जाँदा लामो समय लाग्ने र झन्झटिलो मान्ने हुँदा त्यहीँबाट टुङ्गो लाग्ने गरेको हो।” “श्रीमान्÷श्रीमतीको झगडाका विषय, खान लगाउन नदिएको विषय, अन्य घरायसी विवादको कुरा मिलापत्र गरिएको हुन्छ,” उहाँले भन्नुभयो।
ठूला अपराध आफन्तबाटै : प्रहरी
नेपालमा अपराधको स्वरूप परिवर्तन हुँदै गएकोमा चिन्ता व्यक्त गर्दै भरतपुरमा आयोजित कार्यक्रमका वक्ताहरूले यसको नियन्त्रण गर्न नसकिए भयावह स्थिति आउने बताएका छन्। नेपाल प्रहरी प्रधान कार्यालय अनुसन्धान विभाग र बागमती प्रदेश प्रहरी कार्यालयको संयुक्त आयोजनामा मङ्गलबार भएको प्रदेशस्तरीय अपराध अनुसन्धान समीक्षा गोष्ठीमा बोल्दै वक्ताहरूले हत्या, बलात्कार, ठगीजस्ता जघन्य अपराधको स्वरूप परिवर्तन भएको बताए।
गठबन्धन नेतालाई जिताउन मात्र हैन : मन्त्री कार्की
सञ्चार तथा सूचना प्रविधिमन्त्री ज्ञानेन्द्रबहादुर कार्कीले गठबन्धन केवल दलका नेतालाई निर्वाचन जिताउन मात्र नभएको बताउनुभएको छ ।
नर्भिक जग्गा विवाद, अध्ययन समिति गठन गर्ने सहमति
नर्भिक अस्पतालले सरकारी जग्गा मिचेर संरचना बनाएको विषयमा अध्ययन गर्न काठमाडौं महानगरपालिका र अस्पतालका प्राविधिक सहितको अध्ययन समिति गठन हुने भएको छ।
सूचना नदिने ३३ कार्यालय प्रमुखलाई कारबाही
राष्ट्रिय सूचना आयोगले सूचना नदिने ३३ कार्यालय प्रमुखलाई कारबाही गरेको छ । आयोगले सूचनाको हकसम्बन्धी ऐन, २०६५ को दफा ३२ बमोजिम सूचना नदिने, आंशिक सूचना दिने तथा सूचनाको हक कार्यान्वयन नगर्ने कार्यालय प्रमुखलाई कारबाही गरेको हो ।
पहिरोले दुई घर पूर्ण क्षति, दर्जन बस्ती उच्च जोखिममा
चौतारा साँगचोकगढी नगरपालिका ठूलोसिरुवारी जङगलछापमा पहिरो जाँदा दुई घरमा क्षति पुगेको छ । सोमबार राती पानीसँगै गएको पहिरोका कारण १२ घर उच्च जोखिममा परेको छ ।
कार्यालय नै छैनन् अपाङ्गतामैत्री
सिन्धुली जिल्लामा रहेका सरकारी कार्यालय अपाङ्गतामैत्री नहुँदा अपाङ्गता भएका सेवाग्राही सास्ती बेहोर्न बाध्य भएका छन्। अधिकांश सरकारी कार्यालय दुई/तीन तलाको रहेका र सरकारी सेवासुविधा लिन तलमाथि गर्न नसक्दा सास्ती बेहोर्नु परेको अपाङ्गता भएका सेवाग्राहीको गुनासो छ। उनीहरूका अनुसार राज्यले सरकारी तथा सार्वजनिक स्थल, भवन तथा कार्यालय अपाङ्गतामैत्री हुनुपर्ने घोषणा गरेको एक दशक बिते पनि सिन्धुलीमा भने कार्यान्वयन हुन सकेको छैन।
दश हजार लिटर खानेपानी निःशुल्क
हेटौँडा उपमहानगरपालिकावासीले १० हजार लिटरसम्म खानेपानीको महसुल तिर्नु नपर्ने भएको छ। हेटौँडा खानेपानी व्यवस्थापन बोर्डमार्फत पानी उपभोग गरिरहेका उपभोक्ताले न्यूनतम १० हजार लिटरसम्म पिउने पानी खपत गर्दा पानीको महसुल तिर्नु नपर्ने भएको हो।
पहिरो प्रभावितलाई जोखिम अध्ययन गरेर स्थानान्तरण गरिने
मेलम्ची नगरपालिकाका पहिरो प्रभावितलाई जोखिम अध्ययन गरेर स्थानान्तरण गरिने भएको छ । मेलम्ची नगरपालिकाका प्रमुख आइतमान तामाङले नगरभित्रका प्राकृतिक प्रकोपमा परेका तथा जोखिममा रहेका बस्ती तथा संरचनालाई जोगाउनका लागि नगरपालिका सधैँ तयार रहेको बताउनुभयो ।
सिपाघाट–मेलम्ची सडक अबरुद्ध
निरन्तर बर्षाले सिन्धुपाल्चोकको सिपाघाट–मेलम्ची सडक अबरुद्ध भएको छ । यो सडकसँगै जिल्लाका अधिकाँश सडक अबरुद्ध भएका छन् ।
टोले योजनालाई बजेट विनियोजन
मुलुकमा सङ्घीयता कार्यान्वयनसँगै तीन तहको सरकार निर्माण भए पनि तीनै तहका सरकारबाट टुक्रे योजनामा बजेट विनियोजन गर्ने पुरानो परम्परा भने कायमै रहेको छ। बागमती प्रदेश सरकारले चालू आर्थिक वर्षमा पनि मातहतका कार्यालयमार्फत कार्यालयबाट कार्यान्वयन गर्ने गरी टुक्रे तथा टोले कार्यक्रमममा बजेट विनियोजनलाई निरन्तरता दिएको छ। प्रदेश सरकारले काभ्रेपलाञ्चोक जिल्ला तथा आसपासका जिल्लामा कार्यक्षेत्र रहेको पूर्वाधार विकास कार्यालय, सहरी विकास तथा भवन कार्यालयलगायतका पूर्वाधारको काम गर्ने कार्यालयमार्फत काम गर्न गराउन साना टुक्रे योजनामा बजेट विनियोजन गरेको हो। प्रदेश सरकारले जनशक्तिको अवस्था नहेरी टुक्रे योजनामा बजेट विनियोजन गर्दा कार्यान्वयनमा समस्या हुने अवस्था आउने गरेको कार्यालयले जनाएका छन्।
बोलबम भक्तजनहरु महास्नानमा सरिक हुँदै (फाेटाे फिचर)
साउन महिनाको चौथो सोमबारको बोलबम भक्तजनहरुले सुन्दरीजलमा महास्नान सम्पन्न गरेका छन् ।
समाधानोन्मुख व्यवस्थापन : फोहोरबाट मोहर बनाइँदै
पछिल्लो समय जटिल बनिरहेको उपत्यकाको फोहोर व्यवस्थापनको लागि स्थान पहिचान भएसँगै त्यस्ता फोहोर यही नै व्यवस्थापन गर्न लागिएको हो । काठमाडौँ महानगरपालिकाले कुहिने फोहोरलाई उपत्यकामा नै व्यवस्थापन गर्न पहिलो चरणमा कीर्तिपुरमा करिब ५० रोपनी जग्गा प्राप्त भएको र सोही स्थानबाट नै काम सुरु गर्ने जनाएको छ ।
पानी शुद्धीकरण गर्ने ‘थेरापी गार्डेन’
धुलिखेल अस्पतालले दुई रोपनी क्षेत्रफलमा अस्पतालबाट निस्कने दूषित पानी शुद्धीकरण गर्ने प्रविधिको निर्माण गरेको छ। पछिल्लो समय अस्पतालले परियोजना निर्माण गरेको स्थानलाई ‘थेरापी गार्डेन’का रूपमा विकसित गरेपछि उक्त स्थान बिरामी कुरुवाको विश्रामस्थल, गर्भवती महिलाको डिँडडुल गर्ने र बच्चाको तेल लगाउने स्थानका रूपमा परिणत भएको छ।
‘मेडिकल हब’ जिल्लामै छैन नर्सिङ पढाइ
मेडिकल हबका रूपमा चर्चित चितवनमा पीसीएल नर्सिङ पढाउने अनुमति नदिँदा यस वर्ष पनि भर्ना नहुने भएको छ । चितवनमा १२ वटा कलेजले नर्सिङ पढाउँदै आएका थिए तर दुई वर्ष अगाडिदेखि जिल्लाका ११ वटा संस्थाले विद्यार्थी भर्ना लिन छाडेका छन् ।
सिंगटी, जिरी र आसपासमा भारी वर्षा
पछिल्लो ३ घन्टा दोलखाको सिंगटी, जिरी र आसपास भारी वर्षा मापन भएको छ ।
कामनपा र ट्राफिक प्रहरीको ‘नो हर्न’ अभियान शुरु
काठमाडौं उपत्यका ट्राफिक प्रहरी कार्यालयले आजबाट ‘नो हर्न’ प्रभावकारी बनाउन अभियान सञ्चालन गरेको छ । आइतबार एक कार्यक्रम आयोजना गरेर पुनः काठमाडौं उपत्यकामा नो हर्न अभियानलाई प्रभावकारी बनाइने लागेको हो । काठमाडौं उपत्यका ट्राफिक प्रहरी कार्यालयको आयोजनमा काठमाडौं महानगरपालिका, पद्यकन्या बहुमुखी क्याम्पस र कान्तिपुर डेण्टल कलेज तथा हस्पिटलसँगको सहकार्यमा सो अभियान सञ्चालन गरिएको हो ।
भीरमा अड्किएका एक जनाको सशस्त्र प्रहरीद्वारा सकुशल उद्धार
सिन्धुपाल्चाेककाे हेलम्बु गाउँपालिका १ तिम्बु बस्ने ३५ वर्षीय छिरिङ्ग शेर्पाकाे सशस्त्र प्रहरीले सकुशल उद्धार गरेकाे छ । उहाँ गोरेटो बाटो हिँड्ने क्रममा चिप्लिएर बाटोबाट करिब ५० मिटर तल मेलम्ची खोलामाथिको भिरमा अड्किनु भएकाे थियाे ।
बनेपाको आफ्नै फोहोर व्यवस्थापन
पुरानो डम्पिङसाइटमा अवरोध र नयाँ डम्पिङसाइटको व्यवस्थापन गर्न नसक्दा ६५ किलोमिटर टाढा फोहोर व्यवस्थापन गर्दै आएको बनेपा नगरपालिकाले वडामै फोहोर व्यवस्थापनको योजना अघि सारेको छ।
अभिलेखबिना लाखौँ खर्च
चितवनको रत्ननगर नगरपालिका कार्यालयमा आवश्यक ‘डकुमेन्ट’ (दस्तावेज) नराख्दा खर्च र कार्यसम्पादनमा बेथितिको चाङ देखिएको छ। नियमावली पालना नगर्दा पालिकाको कार्यसम्पादनमा समेत प्रश्न उठेको छ । पालिकाले खर्च गर्दा नियमावलीलाई पालना नगर्दा आवश्यक अभिलेख नराखेको पाइएको छ भने खरिद गर्दा ऐन नियमको पालना नगरेको पाइएको महालेखाको कार्यालयको प्रतिवेदन २०७९ मा औँल्याइएको छ।
