यसरी पल्टिन्छ खुदो (फोटो फिचर)
कसैलाई केही फलिफाप भयो भने भनिन्छ, खुदो पल्टियो । तर साँच्चिकै खुदो कसरी पल्टिन्छ ? नयाँ पुस्तालाई थाहा नहुन सक्छ । उखुको रस पकाएर खुदो बनाउने चलन केही ठाउँमा मात्रै बाँकी छ ।
घलेगाउँका घरबास पर्यटकले खचाखच
समुद्री सतहबाट दुई हजार एक सय मिटरको उचाइमा रहेको प्राकृतिक छटाले भरिपूर्ण घलेगाउँ पर्यटकले भरिएको ग्रामीण घलेगाउँ पर्यटन व्यवस्थापन समितिका कार्यालय सचिव दीर्घराज घलेले राससलाई बताउनुभयो ।
-original-thumb.jpg)
त्रिभुवन आर्मी क्लबले जित्यो भलिबलको उपाधि
बागलुङको गलकोट नगरपालिकामा सञ्चालित बुकी कप भलिबलको उपाधि त्रिभुवन आर्मी क्लबले जितेको छ । फाइनल खेलमा त्रिभुवन आर्मी क्लबले नेपाल पुलिस क्लबलाई ३–२ को सेटमा पराजित गर्दै उपाधि हात पारेको हो ।
वकिल पेसा छाडेर सुन्तला खेतीमा
पच्चिस वर्षअगाडि वकिल (कानुन व्यवसायी) पेसालाई छाडेर सुन्तला खेतीमा लाग्नुभएका फनिनारायण अर्याल स्याङ्जा जिल्लामै उदाहरणीय बन्नुभएको छ । यस वर्ष मात्र उहाँले झन्डै ६० लाख रुपियाँ बराबरको सुन्तला बिक्री गर्नुभएको छ । अर्जुनचौपारी गाउँपालिका थापाथोकका ६४ वर्षीय अर्यालले गत वर्ष करिब ६५ लाख रुपियाँ बराबरको सुन्तला बिक्री गर्नुभएको थियो । ८० रोपनी जग्गामा दुई हजार दुई सय सुन्तलाका बिरुवा लगाएका अर्यालले सिँचाइ सुविधा भएको धान खेत मासेर त्रिपुत्र बागवानी फार्ममार्फत सुन्तला खेती गर्दै आउनुभएको हो ।
रुसी सेनामा भर्ती भएका पाँच जना सम्पर्कविहीन
रुसी सेनामा भर्ती भएका तनहुँका पाँच जना सम्पर्कविहीन भएका छन् । सम्पर्कविहीन भएपछि घरपरिवारका सदस्य चिन्तामा परेका छन् । बेखबर भएका परिवारले स्वदेश फिर्ता गरिदिन याचना गरेका छन् ।
कानुन अभावले सङ्घीयता कार्यान्वयन चुनौती
संघीयता कार्यान्वयनमा संरचना र कानुनको अभाव चुनौती देखिएको छ । सङ्घीयता आफैमा खराव नभइ यसलाई प्रयोग गर्ने प्रवृति खराव रहेको प्रजातान्त्रिक विचार समाजका केन्द्रीय अध्यक्ष कुलचन्द्र वाग्लेले बताउनुभयो ।
रोजाइमा गाउँका मौलिक उत्पादन
बालबालिका पिङमा रमाइरहेका छन् । किशोरकिशोरी कलाकारका गीतमा झुमेका छन् । कसैलाई खेलको चिन्ता, कसैलाई व्यवसायको चिन्ता । बुधबारदेखि सुरु भएको सातौँ बागलुङ महोत्सवको मुख्य मञ्चको दायाँतर्फका प्रदर्शनी कक्ष भरिभराउ छन् ।
प्रकृतिको क्रीडाभूमि मनाङको स्वरुप फेरिँदै
हिमालबाट आएको मर्स्याङ्दी नदीको सङ्लो र कञ्चन पानी तथा स्वच्छ हावाको महसुस गर्दै प्राकृतिक सुन्दरताको भरपुर मनोरञ्जन लिन पाइने क्षेत्र हो मनाङ । सहरको कोलाहलबाट टाढिएर प्रकृतिमा रमाउन चाहनेका लागि नदी किनारका साथै हिमाल हाँसेको जस्तो आभास दिने एवम् अग्ला पहाडका चुचुरा हेर्दै उकालो चढ्दै जाँदा स्वर्गमै पुकेको जस्तो अनुभूति हुन्छ ।
झामरे नाच संरक्षणको पहल
मगर समुदायको प्रख्यात झामरे नाच संरक्षणका लागि पहल थालिएको छ । तनहुँको ऋषिङ गाउँपालिका-६ स्थित डुकुडाँडा लाफा युवा क्लब र जय दुर्गा आमा समूहले झामरे नाच उत्थान र संरक्षणका लागि पहल गरेका हुन् ।
-original-thumb.jpg)
पालिकास्तरीय अस्पताल भवन अलपत्र
म्याग्दीको मङ्गला गाउँपालिकामा निर्माणाधीन पालिकास्तरीय अस्पताल भवन अलपत्र परेको छ ।
-original-thumb.jpg)
पर्यटन प्रवर्द्धन गर्न 'घुम्न जाऔं बन्दीपुर' अभियान
‘पहाडकी रानी’ उपनामले परिचित बन्दीपुरको पर्यटन प्रवर्द्धनका लागि 'घुम्न जाऔँ बन्दीपुर' अभियान सुरु गरिएको छ ।
फाखेल–फर्पिङ सडकखण्ड दुई महिना बन्द
फाखेल–फर्पिङ सडकखण्ड दुई महिनाका लागि बन्द गरिएको छ । मकवानपुरको इन्द्रसरोवर गाउँपालिकाअन्तर्गत पर्ने कुलेखानी, हुमाने, फाखेल सडक र हुमाने मातातीर्थ हुँदै काठमाडौँको टेकु जोड्ने सडक निर्माण र स्तरोन्नति गरिने भएकाले सवारीसाधन सञ्चालन बन्द गरिएको हो ।
तरुल खोज्न गएका युवाको हत्या
पर्वतमा तरुल खोज्न गङ्गल गएका युवकको हत्या गरिएको छ । मोदी गाउँपालिका–२ देउपुरका ४० वर्षीय उदय रिजालको आइतबार हत्या भएको हो ।
स्याउ बगैँचा गोडमेलमा व्यस्त किसान
स्याउ टिपेर बिक्री गरेपछि दाना टिपेको र पात झरेर उजाड बनेको स्याउको बोट तथा बगैँचा पुस र माघ महिनामा व्यवस्थापन तथा काँटछाँट गर्ने गरिन्छ । अहिले मुस्ताङका किसान स्याउका बोट व्यवस्थापनमा लागेका छन् । अन्य खेतीको तुलनामा कम मेहनत गर्नुपर्ने मानिने स्याउको बोटलाई हाँगाबिँगा काँटछाँट गर्ने गरिन्छ । शीतोष्ण बागवानी विकास केन्द्र मार्फाका निमित्त प्रमुख पद्मनाथ आत्रेयले स्याउको उत्पादन, सङ्कलन तथा बजारीकरणपछि हिउँदमा स्याउ बगैँचा व्यवस्थापन सुरु हुने जानकारी दिनुभयो । उहाँ सिँचाइका लागि पनि हिउँदको समय अति नै महत्वपूर्ण हुने बताउनुहुन्छ ।
-original-thumb.jpg)
बेनीमा सात गौरवका योजना
म्याग्दीको बेनी नगरपालिकाले चालु आर्थिक वर्ष २०८०/८१ मा सात वटा ठुला गौरवका योजना कार्यान्वयनमा लैजान थालेको छ । बेनी नगरले चालु आर्थिक वर्षमा प्राथमिकता दिएका सडक, खानेपानी र विद्यालय भवन निर्माणका लागि उक्त योजनामा करिब पाँच करोड रुपियाँ बराबर बजेट विनियोजन गरेको छ । नगरपालिकाको पूर्वाधार शाखाका सबइन्जिनियर चन्द्रबहादुर थापाले चालु आर्थिक वर्षमा नगरपालिकाभित्र सात वटा ठुला योजना सञ्चालनको तयारी गरिएको जानकारी दिनुभयो । नगरपालिकाले सङ्घ तथा प्रदेश सरकारसँगको साझेदारीमा उक्त ठुला योजना सञ्चालनमा ल्याएको हो ।
मर्दीमा स्वीडेन नागरिक बेपत्ता
माछापुच्छ्रे गाउँपालिकामा वडा नम्बर ९ मा रहेको मर्दी हिमालको हाइक्याम्पबाट एक जना स्वीडेन नागरिक बेपत्ता भएका छन् ।
संस्कृतिको सम्मान गर्दै देशलाई एकतामा जोड्नु पर्छ : कानुनमन्त्री गुरुङ
नेपाली कांग्रेसका उपसभापति तथा नेपाल सरकारका कानुन, न्याय तथा संसदीय मामिलामन्त्री धनराज गुरुङले सबै धर्म, संस्कृति, भेषभुषाको सम्मान गरे मात्र देश एकतामा जोडिने बताउनुभएको छ।
विदेशबाट फर्केर नाम र दाम कमाउँदै युवा कृषक
नवलपुरको बुलिङटार गाउँपालिका–४ देउरालीका ३४ वर्षीय लक्ष्य आले मलेसियामा चार वर्ष, कतारमा तीन वर्ष ९ महिना गरी ७ वर्ष ९ महिना विदेशी भूमिमा पसिना बगाउनुभयो ।
गुफाभित्रबाट देखिने झरना पर्यटकको आकर्षण
ऐतिहासिक, पुरातात्त्विक एवम् धार्मिक महत्त्व बोकेको पोखराको पर्यटकीयस्थल गुप्तेश्वर महादेव गुफामा पर्यटकीय आकर्षण बढेको छ । गुफाभित्रबाट मनोरम डेभिजफल (पातले छाँगो) को दृश्यावलोकन गर्न पर्यटकको भीड लाग्ने गरेको छ ।
म्याग्दीको मङ्गलामा राष्ट्रपति रनिङ शिल्ड सुरु
म्याग्दीको मङ्गला गाउँपालिकाको आयोजनामा चौथो विद्यालय स्तरीय राष्ट्रपति रनिङ शिल्ड खेलकुद प्रतियोगिता सुरु भएको छ ।
संस्कृति प्रवर्धनमा स्यौरा
गुरुङ समुदायको तमु ल्होसार पर्वको पूर्वसन्ध्यामा नवलपुरमा स्यौरा गायनले रौनक छाएको छ । नवलपुर जिल्लाको गुरुङ समुदायको बाहुल्य रहेका स्थानमा तमु ल्होसार आउनुपूर्व स्यौराको रौनक छाएको हो । तमुहरूको महान् पर्व २६ सय सातौँ तोला ल्होसारको अवसरमा विभिन्न स्थानमा रहेका गुम्बा तथा बौद्ध धर्मावलम्बीको निवासमा स्यौरा छाइरहेको छ ।
एक वर्षअगावै योजना सम्पन्न
ठेकेदारको ढिलासुस्ती र लापरबाहीका कारण विकास निर्माणका योजना वर्षौंदेखि अलपत्र परेका समाचार धेरै आउने गर्छन् तर यहाँको एक सडक योजना भने लक्ष्यभन्दा एक वर्षअगावै सम्पन्न भएको छ । दुई वर्षको ठेक्का अवधि भएको बेनी–गलेश्वर सडक आयोजनाका ठेकेदारले एक वर्षमै निर्माण काम सम्पन्न गरेपछि ठेकेदारले प्रशंसा पाएका छन् । छिटो छरितो र राम्रो काम गरेको भन्दै स्थानीयले ठेकेदारलाई सम्मान गरेका छन् ।
संरक्षण नहुँदा कुरूप बन्यो ताल
सदरमुकामको छेउमै रहेको मनमोहक मानिने टरुवा ताल अहिले संरक्षणको अभावमा कुरूप बन्दै गएको छ । कावासोती नगरपालिका–७ र ८ को सङ्गममा रहेको टरुवा तालको संरक्षणमा बेवास्ता हुन थालेपछि अहिले झाडीले तालको सौन्दर्य नै लोप हुने अवस्था आएको हो । कावासोती–७ का स्थानीय हरिलाल महतो थारूले सदरमुकाम कावासोतीमा रहेको एक मात्र टरुवा ताललाई पर्यटकीय गन्तव्यका रूपमा विकास गर्न यहाँका स्थानीय र सरकारी निकायले समेत चासो दिएका छैनन् । दुई वर्षअघि केही काम भए पनि अहिले भने काम शून्य हुँदै जान थालेको छ ।
कालीगण्डकी कोरिडोर : नागढुङ्गा–काभ्रे खण्डको काम सुरु
राष्ट्रिय गौरवको कालीगण्डकी कोरिडोर, बेनी–जोमसोम–कोरला सडक योजनाअन्तर्गत म्याग्दीको अन्नपूर्ण गाउँपालिकाको नागढुङ्गादेखि काभ्रे खण्डमा चार वर्षपछि सडक निर्माण पुनः प्रारम्भ भएको छ ।
चाडपर्वले राष्ट्रिय एकता कायम गर्न सघाउने
गण्डकी प्रदेशप्रमुख पृथ्वीमान गुरुङले राष्ट्रिय एकता कायम गर्न धर्म संस्कृतिको महत्वपूर्ण भूमिका हुने बताउनुुभएको छ ।
