माओवादीले लडाकु बिर्सियो, लडाकुले पनि पार्टी बिर्से
नवलपुरको हात्तिखोर तत्कालीन नेकपा माओवादीका सेनाले खडा गरेको शिविर हो । शान्तिप्रकिया सम्पन्न भएर सेना समायोजनपछि उक्त शिविरमा नेपाली सेनाको सेवादल गण बस्यो । अहिले उक्त गणलाई सुन्दर देखिने गरी सजावट गरिएको छ । रुख रोपिएको छ । रुखलाई आकर्षक देखिने गरी पेन्टिङ गरिएको छ ।
माओवादीबाट सहिद परिवारकी शर्मा उम्मेदवार
नेकपा (माओवादी केन्द्र) ले राष्ट्रिय सभा सदस्यका लागि उम्मेदवार तय गरेको छ। गण्डकीमा महिला क्लस्टरबाट माओवादी केन्द्रकी मनरुपा शर्मा उम्मेदवार बन्ने निश्चित भएको हो।
खेल मैदानमा मेला-महोत्सव नगर्न आग्रह
प्रदेश खेलकुद परिषद् गण्डकीले वालिङ नगरपालिका खेल मैदानमा कुनै पनि मेला-महोत्सव नगर्न आग्रह गरेको छ ।
विभिन्न बहानामा मनपरी शुल्क असुल्दै विद्यालय
संविधानमै माध्यमिक तहसम्मको शिक्षालाई निःशुल्क गरेको छ । तर जिल्लाका नमुना मानिएका विद्यालय भने संविधान विपरीत विभिन्न बहानामा मनपरी शुल्क असुल गर्दै आएको छ ।
नगद अनुदानले बढ्यो कृषिजन्य उत्पादन
स्याङ्जाको फेदीखोला गाउँपालिकामा स्थानीय कृषि उत्पादन बढेको छ । कृषिजन्य उत्पादन गरी बेच्ने किसानलाई गाउँपालिकाले उत्पादन तथा बिक्रीको आधारमा १५ प्रतिशत नगद अनुदान दिँदै आएको पालिकाका अध्यक्ष घनश्याम सुवेदीले जानकारी दिनुभयो ।
जलविद्युतसँगै विकासको गतिमा ग्रामीण बस्ती
म्याग्दी जिल्लाको विद्युत् विकासको ‘गेटवे’ मानिएको राहुघाट जलविद्युत् आयोजना निर्माणले गति लिएको छ । ६५ प्रतिशत भौतिक प्रगति भएको आयोजना आगामी १५ महिनाभित्र सम्पन्न गर्ने कार्ययोजनाअनुसार निर्माणलाई तीब्रता दिइएको हो ।
बागलुङको पाँच पालिका अझै भाडाकै घरमा
बागलुङको विभिन्न पाँच पालिकाले अझै भाडाकै घरबाट कार्यालय सञ्चालन गर्दै आएका छन् । जैमिनी , गलकोट, ढोरपाटन, बागलुङ नगरपालिका सहित काठेखोला गाउँपालिकाले भाडाका घरबाट सेवा प्रवाह गरिरहेका छन् ।
-original-thumb.jpg)
एकीकरण पदयात्रामा नेपाली सेना
नेपाली सेनाले एकीकरण पदयात्रा सुरु गरेको छ । शनिबार बिहान यात्रामा निस्केका सैनिक टोलीलाई बिदाइ गरिएको छ । नेपाली सेनाको पश्चिम पृतना हेडक्वाटरका पृतनापति उपरथी सन्तोषबल्लभ पौडेल र गोरखा नगरपालिकाका प्रमुख कृष्णबहादुर रानाले टर्च दिएर टोलीलाई बिदाइ गर्नुभएको हो ।
मध्यवर्तीका बासिन्दालाई बालीसँगै ज्यान जोगाउन मुस्किल
नवलपरासी (बर्दघाट सुस्तापूर्व) नवलपुरको विनयी त्रिवेणी गाउँपालिका–१ मा बाघको आक्रमणबाट एकै घरका विष्णु पौडेल र मनादेवी पौडेलको यही पुस ९ गते ज्यान गयो । पुस ४ गते कावासोती–१ मा गैँडाको आक्रमणबाट पुष्प परियार घाइते हुनुभयो । पुस १९ गते कावासोती–८ का पतिराम महतो गैँडाको आक्रमणमा पर्नुभयो ।
गण्डकी प्रदेशलाई आत्मनिर्भर बनाउनु पर्नेमा जोड
गण्डकी प्रदेशको प्रदेश नीति तथा योजना आयोगले तनहुँको बन्दीपुर–४ मा गरेको दोस्रो पञ्चवर्षीय योजना योजना निर्माणका लागि सुझाव सङ्कलनमा वक्ताले सो सुझाव दिएका हुन्।
म्याग्दीमा दुई जनाको हत्या, एक घाइते
पश्चिम म्याग्दीको मालिका गाउँपालिका–७ बिमकी ७० वर्षीया मनिषा गर्बुजा र उहाँकी नातिनी ७ वर्षीया प्रियंका गर्बुजाको ढुंगा र दाउराको चिर्पट प्राहरबाट हत्या भएको छ।
घाँस काट्न गएकी महिला मृत फेला
पूर्वी नवलपरासीको बौदीकाली गाउँपालिकामा घाँस काट्न गएकी एक महिलाको शव भेटिएको छ ।
कृषि उपकरणमा अनुदान
व्यावसायिक कृषिमा लागेका किसानलाई पोखरा महानगरपालिकाले ५० प्रतिशत अनुदानमा कृषि औजार र उपकरण प्रदान गरेको छ । पोखरा प्रदर्शनी केन्द्रमा शुक्रबारदेखि सुरु भएको ‘प्रथम प्रदेशस्तरीय कृषि यान्त्रिकीकरण प्रदर्शनी’का अवसरमा महानगरले सो अनुदान वितरण गरेको हो ।
बालिका र महिलालाई यौनधन्दामा लगाउने तीन जना पक्राउ
प्रहरीले पोखरा–८, जाल्पारोडको एक होटलबाट पोखरा–९, पृथ्वीचोक बस्ने वर्ष २९ का प्रविन गुरुङ, पर्वत घर भई काठमाडौंको शंखमुल बस्ने वर्ष २३ का निर्मल मल्ल र पोखरा–१७, बिरौटा बस्ने वर्ष २६ का राजेश ठकुरीलाई पक्राउ गरेको हो ।
विदेसिने युवालाई हौसला दिएर तरकारी खेतीबाट लखपति बनेका हरिप्रसाद
‘‘छरछिमेकका साथीभाइ धेरै पैसा कमाउने लोभमा विदेशतिर हानिएका छन् । कोही सरकारी सेवामा छन् । मैले भने सानै उमेर देखि कृषिमा भविष्य देखेँ । आफ्नै माटोमा पसिना बगाएँ ’’युवा कृषक हरिप्रसाद आचार्यले भन्नुभयो ।
राष्ट्रिय सभा निर्वाचन: गण्डकीमा दुई सय ३० मतदाता
आगामी माघ ११ गते हुने राष्ट्रिय सभाको निर्वाचनका लागि उम्मेदवारको मनोनयन दर्ता गर्न दुई दिन बाँकी छ । शुक्रबार मतदाताको अन्तिम नामावली प्रकाशन भएको छ । गण्डकीमा दुई सय तीस मतदाता छन् ।
-original-thumb.jpg)
प्रदेश सभाको एक वर्ष : सांसदकै सक्रियता कम
गण्डकी प्रदेश सभाले पहिलो वर्ष नै दुई सरकार पायो । यो अवधिमा दुई नियमित र दुई विशेष गरी चार अधिवेशन भए । प्रदेश सभाका ६१ बैठक डाकिए । यो अवधिमा प्रदेश सभा सदस्यको सक्रियता कम देखियो भने ऐन निर्माण पनि उल्लेखनीय हुन सकेन । २०७९ साल मङ्सिर ४ गतेको निर्वाचनबाट चुनिएका सांसदले पुस १४ गते शपथ लिएका थिए । गण्डकी प्रदेश सभाको पहिलो बैठक भएको गत बुधबार एक वर्ष पुग्यो । यो अवधिमा प्रदेशका समस्या र एजेन्डा गण्डकी प्रदेश सभा जनअपेक्षा अनुरूप उठान भएनन् । राजनीतिशास्त्रका प्राध्यापक गिरधारी सुवेदी प्रदेश सभा जनताका एजेन्डामा अपेक्षाकृत जोडिन नसक्दा प्रश्न उठेको बताउनुहुन्छ ।
पृथ्वी राजमार्ग धमाधम कालोपत्रे
मुग्लिन–पोखरा सडक विस्तार अन्तर्गत पूर्वी खण्डमा दुईतर्फी कालोपत्रे धमाधम भइरहेको छ । पूर्वी खण्डका प्रमुख श्याम यादवले हालसम्म दुवैतर्फ साढे चार किलोमिटर सडक कालोपत्रे गरिएको बताउनुभयो । आँबुखैरेनी गाउँपालिकाको सत्रसत्र क्षेत्र र बन्दीपुर गाउँपालिकाको नाहाला क्षेत्रमा दुईतर्फी कालोपत्रे गरिएको उहाँले जानकारी दिनुभयो । तनहुँको आँबुखैरेनीबाट जामुनेसम्मको उक्त खण्ड ४१ दशमलव पाँच किलोमिटर छ । आयोजनाका इन्जिनियर विष्णुप्रसाद पाण्डेले आँबुखैरेनीबाट जामुनेसम्मको खण्डमा काम तीव्र गतिमा अगाडि बढेको बताउनुभयो ।
बजार र जनशक्ति अभावले आधुनिक अल्लो उद्योग बन्द
यहाँको विकट गाउँको अल्लो प्रशोधन गर्ने आधुनिक उद्योग बन्द भएको छ । कुनै समय वनजङ्गलमा खेर जाने चाल्ने सिस्नो (अल्लो) बाट कपडा बनाउन नयाँ प्रविधिसहितको उद्योग सञ्चालनमा आएको थियो । अहिले बजार अभाव र जनशक्तिको कमीले गर्दा दुई वर्षदेखि उद्योग अलपत्र बनेको हो ।
बेनीमा माघेसङ्क्रान्ति मेलाको तयारी
म्याग्दी सदरमुकाम बेनीमा परम्परागतरुपमा हुँदै आएको माघे सङ्क्रान्ति मेलाको तयारी तीव्र पारिएको छ । म्याग्दी उद्योग वाणिज्य सङ्घअन्तर्गतको महिला उद्यम विकास समितिको आयोजनामा यही पुस २९ देखि आगामी माघ २ गतेसम्म सो मेला आयोजना गर्न लागिएको हो ।
कर्मचारी अभावले अदालतको सेवा प्रवाहमा समस्या
बेँसीसरह नगरपालिका-८ स्थित जिल्ला अदालतमा दरबन्दीअनुसार कर्मचारी अभावमा दैनिक सेवा प्रवाहमा समस्या हुँदै आएको छ । दरबन्दीअनुसार ३० कर्मचारी हुनुपर्ने सो अदालतमा २० कर्मचारी हुँदा सेवा प्रवाहमा समस्या हुँदै आएको हो ।
पात्लेखेतका सबै घरमा खानेपानी
कास्कीको अन्नपूर्ण गाउँपालिका-७ को पात्लेखेतका सबै घरमा खानेपानी पुगेको छ । ७० लाख ९१ हजार २ सय ३९ रुपियाँ लागतमा पात्लेखेत खानेपानी तथा सरसफाइ योजनाको निर्माण भएपछि सबैको घरमा धारा जडान भएका हुन् ।
छिमेकी घट्दै, गाउँको रौनक हराउँदै
झ्यालको पर्दा उघारी उत्तरतर्फ हेर्दा सेता हिमाल मुसुक्क मुस्कुराएजस्ता देखिन्छन् । चराहरूको चिरचिराहटसँगै खेतबारीमा गहुँ र तोरीको हरियो पहेँलो दृश्यले मनलाई रोमाञ्चक बनाउँछ ।
बाँदरका डरले हिउँदे बाली लगाउँदैनन् किसान
पर्वतका ग्रामीण क्षेत्रमा बाँदर आतङ्क दिन प्रतिदिन बढ्दै गएको छ । बाँदर आतङ्कले हिउँदे बालीनाली लगाउने प्रचलनसमेत कम हुँदै गएको छ भने लगाएकाहरूलाई पनि पाक्ने बेलासम्म बाली जोगाउन हम्मेहम्मे पर्दै आएको छ ।
-original-thumb.jpg)
पोखरामा कृषि औजार र प्रविधि प्रदर्शनी
पोखरामा प्रादेशिक कृषि यन्त्र र प्रविधिसम्बन्धी प्रदर्शनी सुरु भएको छ। पोखरा प्रदर्शनी केन्द्रमा शुक्रबार आयोजित समारोहमा गण्डकी प्रदेशका कृषि तथा भूमि व्यवस्था मन्त्री महेन्द्रध्वज जिसी प्रदर्शनी सुरुआत गर्नुभयो।
