.jpg)
सडक भत्काइयो बनाउन चासो भएन
स्तरोन्नतिका लागि सडक भत्काएर छाड्ने प्रवृत्ति बढ्दा सर्वसाधारणले सास्ती बेहोर्न परेको छ । तानसेन–हार्थोक–छहरा सडक, बाँसटारी–झडेवा सडक र आर्यभन्ज्याङ–रामपुर सडकखण्डको ओटासिल प्रविधिबाट बनाइएको सडक उप्काएर त्यसै छाडिएको छ ।
-(1)-(1)-original-thumb.jpg)
एक महिनामा सोह्र स्थानमा आगलागी
गुल्मी जिल्लामा एक महिनामा मात्रै १६ स्थानमा आगलागीका घटना भएको प्रहरीले जनाएको छ ।
पवन मिष्ठानको अखाद्य खुवा बरामद
रुपन्देहीको भैरहवास्थित पवन मिष्टान्न भण्डारले खाद्य स्वच्छता तथा गुणस्तर ऐन २०८१ विपरीत पेडा बनाउन प्रयोग गरिने खुवा ढुवानी गर्ने गरेको पाइएको छ ।
नवलपरासीमा झडप हुँदा एकको मृत्यु
पश्चिम नवलपरासीको पाल्हीनन्दन गाउँपालिका–३ बेलासपुरमा दुई पक्षबीच झडप हुँदा घाइते भएका एक जनाको मृत्यु भएको छ । मृत्यु हुनेमा पाल्हीनन्दन–३ कुश्माका ३५ वर्षीय विजय धवल रहेको प्रहरीले जनाएको छ ।
पिकअप गाडी अनियन्त्रित भई घरमा पस्दा बालकको मृत्यु, चार घाइते
नेपालगन्जको बेलासपुरमा दुर्घटना हुँदा घरभित्र खेलिरहेका एक बालकको मृत्यु भएको छ ।
विजयनगरमा बिहीबार सार्वजनिक बिदा
जिल्लाको विजयनगर गाउँपालिकाले बिहीबार सार्वजनिक बिदा दिएको छ । गाउँपालिकाले बिहीबार मगर दिवसको अवसरमा स्थानिय बिदा दिइएको हो ।
प्रेम विवाहको विषयमा झडप हुँदा १९ घाइते
प्रेम विवाहको विषयमा पश्चिम नवलपरासीको पाल्हीनन्दन गाउँपालिका–३ बेलासपुरमा आज दुई पक्षबिच झडप हुँदा १९ जना घाइते भएका छन् ।
-original-thumb.jpg)
सेवा प्रवाहलाई चुस्त बनाउन निजामती सेवा ऐन : मुख्यमन्त्री आचार्य
लुम्बिनी प्रदेश सरकारले स्थानीय निजामती सेवा ऐन कार्यान्वयनका लागि नियमावली निर्माणको काम जारी राखेको छ । यही फागुन महिनाभित्र नियमावली तयार गरी स्थानीय तहमा रहेका कर्मचारीहरूको वृत्तिविकास तथा व्यवस्थापनलाई अघि बढाइने मुख्यमन्त्री चेतनारायण आचार्यले बताउनुभएको छ ।
लागुऔषध नियन्त्रण गर्न सीमा नाकामा कडाइ
रुकुमपश्चिम र डोल्पाका सुरक्षा निकायका प्रमुखले लागुऔषध नियन्त्रणका लागि जिल्लाका सीमा नाकामा कडाई गर्ने निर्णय गरेका छन् ।
मगर दिवसमा गुल्मीका सात स्थानीय तहमा सार्वजनिक बिदा
मगर दिवसका अवसरमा फागुन १५ गते गुल्मीका सात स्थानीय तहले सार्वजनिक बिदा दिने भएको छ । दुई नगरसहित १२ स्थानीय तह रहेको गुल्मीमा सात वटा स्थानीय तहले सार्वजनिक बिदा दिएका हुन् । जिल्लाको रेसुंगा नगपालिका, चन्द्रकोट, कालीगण्डकी, सत्यवती, गुल्मीदरबार, मालिका र छत्रकोट गाउँपालिकाले सार्वजनिक बिदा दिएको जनाएका छन् ।
गुल्मीमा २४ करोड बढीको सुन्तला उत्पादन
गुल्मीमा यस वर्ष २४ करोडभन्दा बढीको सुन्तला उत्पादन भएको छ । यस जिल्लामा यस वर्ष २४ करोड ५० लाख रुपियाँ बराबरको सुन्तला उत्पादन भएको कृषि ज्ञान केन्द्र गुल्मीले जनाएको छ ।
गाउँ गाँउमा कालोपत्रे सडक
दाङ उपत्यकामा कालोपत्रे सडकमा हिँड्नका लागि घोराही तुलसीपुर सडकखण्ड मात्रै थियो। त्यसबाहेक गाउँका सडक हिउँद् याममा धुलाम्य त वर्षायाममा हिलाम्य हुन्थे ।
कान्ति ताल आसपासका पूर्वाधार जीर्ण
संरक्षण अभावमा यहाँको नेपालगन्ज उपमहानगरपालिका–२२ पुरैनीस्थित कान्ति ताल आसपासमा निर्मित पूर्वाधार जीर्ण बन्दै गएका छन् । नेपालगञ्ज उपमहानगरपालिकाले करोडौँ खर्च गरेर निर्माण गरेको रेलिङ भत्किएका छन् । फलामका पाइप चोरी भएको स्थानीय चक्र बुढाले बताउनुभयो ।
मगर दिवसमा सार्वजनिक बिदा
४३औँ मगर दिवसको अवसरमा फागुन १५ गते प्युठानका तीन वटा गाउँपालिकाले सार्वजनिक बिदा दिने निर्णय गरेका छन् । जिल्लाको सरुमारानी, मल्लरानी र ऐरावती गाउँपालिकाले मगर संस्कृतिप्रति सम्मान जनाउँदै बिदा दिएका हुन् ।
खुकुरी प्रहार गरी श्रीमतीको हत्या
रोल्पामा श्रीमानले खुकुरी प्रहरी गरी श्रीमतीको हत्या गरेका छन् । त्रिवेणी गाउँपालिका वडा नम्बर ६ थुम्काका ४० वर्षका खिमबहादुर बुढामगरले ३२ वर्षीया श्रीमती अस्मिता बुढामगरलाई खुकुरी प्रहार गरी हत्या गरेको जिल्ला प्रहरी कार्यालय रोल्पाले जनाएको छ ।
चरनकालागी राखिएका मौरी
दाङ, फागुन १३ गते । दाङको घोराही उपमहानगरपालिका ६ स्थित गुरुवागाउँमा चरनका लागि बारीमा राखिएका मौरी । तस्बिरः रासस
प्युठानमा १ सय ७२ किलो नक्कली मह नष्ट
सलिम मिया बिजुवार, फागुन १३ गते । प्युठानमा प्रहरीले बरामद गरेको १७२ किलो ७ ग्राम नक्कली मह नष्ट गरिएको छ ।माघ १४ गते बुटवलबाट रोल्पा जाँदै गरेको ना ४ ख ७३४६ नम्बरको बसबाट प्रहरीले अखाद्य मह जस्तो देखिने पदार्थ नियन्त्रणमा लिई परीक्षणका लागि नेपालगन्ज पठाएको थियो। परीक्षणपछि सरकारले तोकेको मापदण्ड नपुगेको पुष्टि भएपछि घरेलु तथा साना उद्योग कार्यालय प्युठानले प्रहरी र सम्बन्धित निकायको रोहवरमा खाल्डो खनेर नष्ट गरेको निमित्त उद्योग अधिकृत मनि बहादुर गुरुङले जानकारी दिनुभयो ।बरामद नक्कली महको बजार मूल्य १ लाख ३ हजार ६२० रुपैयाँ रहेको प्रहरीले जनाएको छ।
बर्दिया अस्पतालमा एक हजार बढिलाई डाइलासिस सेवा
यज्ञप्रसाद सापकोटागुलरिया(बर्दिया) फागुन १३ गते । बर्दिया अस्पतालमा होमो डाइलसिस सेवा सञ्चालनमा आएपछि मिर्गौलाका बिरामीहरूलाई उपचारका लागि सहज भएको छ । गत वैशाख ११ गते देखि सञ्चालनमा आएको सेवाले गर्दा बिरामीहरू नेपालगन्ज, कोहलपुर र काठमाडौँ गएर डाइलासिस गराउनु पर्ने बाध्यता हटेको छ ।बर्दियाका मिर्गौला पीडित बिरामीहरू हप्ताको तिन पटक सम्म डाइलासिस गराउनका लागि जिल्ला बाहिर जानुपर्ने बाध्यता थियो । विशेष गरी नेपालगन्ज मेडिकल कलेज कोहलपुर र भेरी अस्पताल बाँकेमा समेत पालो नपाउँदा काठमाडौँ र भारतको लखनउ सम्म पुगेर डाइलासिस गराउनु पर्ने बाध्यता थियो । तर बर्दिया अस्पतालमा डाइलासिस सेवा सञ्चालन भएपछि घरबाटै आएर अस्पतालमा डाइलसिस गराउन पाएका छन् । डाइलासिस मेसिन आए पनि जनशक्ति अभावमा लामो समय सम्म सञ्चालनमा नआएको सेवा जनशक्ति व्यवस्थापन पश्चात् बर्दिया अस्पतालमा सुरु भएको थियो । ६ ओटा डाइलासिस मेसिन मध्ये एक मेसिन इमरजेन्सीको लागि होल्डमा राखेर दैनिक ५ ओटा मेसिन सञ्चालन गरिएको छ । दुई सेसनमा सञ्चालन भएको सेवामा प्रति दिन १० जना बिरामीलाई सेवा दिँदै आएको अस्पतालले जनाएको छ । डाइलासिस सेवा सञ्चालनमा आएपछि हाल सम्म ३८ जना बिरामीलाई डाइलासिस सेवा दिई सकिएको छ । जसमध्ये हाल २७ जना बिरामीले नियमित डाइलासिस सेवा लिई रहेका छन् । हाल सम्म एक हजार ५७ सेसन डाइलासिस सेवा दिई सकिएको बर्दिया अस्पतालका प्रमुख डा. सुभाष पाण्डेले बताउनु भयो । विपन्न नागरिक औषधि उपचार कोषमा दर्ता हुन भन्दा अगाडी बर्दिया अस्पतालले ८५ वटा सेसन निःशुल्क डाइलासिस सेवा दिएको थियो । ५८ जना बिरामीलाई अस्पतालले आकस्मिक डाइलासिस सेवा दिई सकेको छ । बर्दियामा डाइलासिस सेवा सञ्चालन भएपछि जिल्ला बाहिर कोठा भाडामा लिई बसेर डाइलासिस गर्नुपर्ने बाध्यता हटेको बाँस गढी नगरपालिका वडा नं ६ दमौली बस्ने महादेवले बताउनु भयो । उहाँले भन्नु भयो –‘अहिले घरबाटै आमालाई डाइलासिस गराउन बर्दिया अस्पतालमा ल्याउने गरेको छु ।काठमाडौँमा कोठा भाडामा बस्दा अत्यधिक आर्थिक भार परेको थियो । अहिले सहज भएको छ ।’ काठमाडाैँ बसेर लामो समय डाइलासिस गरेका अर्का बिरामी गेरुवा गाउँपालिका वडा नं २ का शेरबहादुर विश्वकर्मा पनि अहिले बर्दिया अस्पतालमा डाइलासिस गराउन आउने गर्नु हुन्छ । नेपालगन्ज मेडिकल कलेज कोहलपुरमा हप्ताको दुई पटक डाइलासिस गराउन जाने पवित्रा देवी सुवेदी हाल घरबाटै डाइलासिका लागि आउने जाने गर्नु हुन्छ । कुनै समयमा डाइलासिसको पालो नपाएर काठमाडौँ देखि भारतको बहराइच सम्म डाइलासिस गराउन भौतारिनु भएको थियो । उहाँ भन्नु हुन्छ –‘अहिले त घर मै बसेर डाइलासिस गरेजस्तो लाग्छ ।’ अस्पताल प्रमुख डा पाण्डेले विपन्न नागरिक औषधी उपचार कोषबाट प्राप्त हुने रकम अत्यन्त न्यून भएको बताउनु हुन्छ । उहाँले प्रति सेसन प्राप्त हुने दुई हजार पाँच सय रकमले डाइलासिस सञ्चालन गर्न समस्या भएको बताउनु भयो । करिब १० बर्ष अगाडी तोकिएको रकम हाल सम्म समायोजन नगरिएको बताउँदै हरेक दुई वर्षमा रकम समायोजन गर्नुपर्ने बताउनु भयो । ‘डायलासिसका लागि आवश्यक सामानहरू महँगो भई सक्यो तर डाइलासिस गरेवापत कोषले दिने रकम न्यून रहेको छ । ’ उहाँले भन्नु भयो –‘सरकारी अस्पतालमा डाइलासिसका लागि प्रतिसेसन न्यूनतम ३५ सय रुपियाँ दिए राम्रो हुन्थ्यो ।’बर्दिया अस्पतालमा मिर्गौला रोग विशेषज्ञ नहुँदा कहिले काहीँ समस्या आउने गरेको उहाँले बताउनु भयो । उहाँले भन्नु भयो –‘मिर्गौला रोग विशेषज्ञ मात्र नभएर फिजिसियन समेत नहुँदा समस्या पर्ने गरेको छ । हाम्रो अस्पतालमा दरबन्दी भए पनि विशेषज्ञ डाक्टर नभएकोले कतिपय सेवा दिन कठिन भएको छ ।’
लुम्बिनी प्रादेशिक अस्पताल प्रथम
लुम्बिनी प्रादेशिक अस्पताल बुटवल न्यूनतम सेवा मापदण्ड मूल्याङ्कनमा उत्कृष्ट नतिजा प्राप्त गरी नेपालकै पहिलो बन्न सफल भएको छ ।
हुन सकेन तम्घास–छल्दी सडक मर्मत
मदन भण्डारी राजमार्गको तम्घास–छल्दी सडकखण्डका विभिन्न स्थानमा खाडल परेका कारण दुर्घटनाको जोखिम बढेको छ ।
सत्ताका लागि चकचक र उपद्रो गर्दैनौँ : कांग्रेस महामन्त्री थापा
नेपाली कांग्रेसका महामन्त्री गगन थापाले वर्तमान सत्ता गठबन्धन पूरा कार्यकाल टिक्ने दाबी गर्नुभएको छ ।
अनुमति नलिई अस्पतालको नाम परिवर्तन
नेपालगन्जमा सञ्चालनमा रहेको लर्डबुद्ध एकेडेमी लिमिटेडद्वारा सञ्चालित नेपालगन्ज शिक्षण अस्पताललाई सरकारी निकायबाट अनुमति नलिइ नाम परिवर्तन गरेको छ ।
-original-thumb.jpg)
लुम्बिनीलाई सडकआश्रित मानव मुक्त घोषणाको तयारी
लुम्बिनी प्रदेशलाई आगामी आर्थिक वर्ष सडक आश्रित मानव मुक्त घोषणा गर्ने तयारी गरिएको छ । चालु आर्थिक वर्षको वार्षिक नीति तथा कार्यक्रममा सहयोगापेक्षी सडक मानवमुक्त प्रदेश निर्माण कार्यलाई निरन्तरता दिने उल्लेख छ ।
घोराहीमा बहुभाषी काव्य उत्सव हुने
दाङमा बहुभाषी काव्य उत्सव हुने भएको छ ।
बुटवल र कञ्चनबाट भूमि आयोगले काम सुरु गर्ने
भूमि समस्या समाधान आयोगले सबैभन्दा बढी सुकुम्बासी तथा अव्यवस्थित बसोवासको समस्या रहेको रूपन्देहीको बुटवल उपमहानगर र कञ्चन गाउँपालिकाबाट काम सुरु गर्ने भएको छ । विगतमा जहाँबाट काम रोकिएको थियो त्यहीँबाटै काम थाल्ने गरी आयोगले तयारी गरेको जनाएको हो ।
