दाङबाट एमाले महाधिवेशनका २३ जना प्रतिनिधि सर्वसम्मत चयन
कपा (एमाले) को ११औं राष्ट्रिय महाधिवेशनका लागि दाङबाट सर्वसम्मत रूपमा प्रतिनिधिहरू चयन गरिएको छ । जिल्लाका तीनवटै निर्वाचन क्षेत्रबाट २० जना र दलित तर्फबाट तीन जना गरी कुल २३ जना महाधिवेशन प्रतिनिधि सर्वसम्मत रूपमा चयन गरिएको एमाले दाङका उपाध्यक्ष मनोहर बुढाथोकीले जानकारी दिनुभयो ।
गुल्मीमा सुन्तला उत्पादनमा कमी
गुल्मीमा गत वर्षको तुलनामा यस वर्ष सुन्तला उत्पादनमा कमी आएको छ । गत वर्ष सात हजार ३६८ मेट्रिक टन सुन्तला उत्पादन भएकोमा यस वर्ष पाँच हजार १७ मेट्रिक टन सुन्तला उत्पादन भएको कृषि ज्ञान केन्द्र गुल्मीका सूचना अधिकारी टिकाराम न्यौपानेले जानकारी दिनुभयो ।
‘सङ्घीय सरकारले अधिकार प्रत्यायोजन गर्नु पर्छ’
लुम्बिनी प्रदेशका मुख्यमन्त्री चेतनारायण आचार्यले सङ्घीय सरकारले संविधानले दिएको अधिकार प्रदेशमा सहज रूपमा प्रत्यायोजन गर्नुपर्ने बताउनुभएको छ । प्रधानमन्त्री तथा मन्त्रीपरिषद्को कार्यालय र सङ्घीय मामिला तथा सामान्य प्रशासन मन्त्रालयद्वारा शुक्रबार दाङ जिल्लाको देउखुरीमा आयोजित अन्तरसरकारी समन्वय संयन्त्र, कूटनीतिक मामिला तथा समन्वय परिषद्को निर्णय कार्यान्वयनको अवस्थाबारेमा उहाँले संवैधानिक अधिकार हस्तान्तरण नहुँदा प्रदेश सरकारले खुलेर काम गर्न नपाएको बताउनुभयोे ।
बसपार्क निर्माणमा ढिलाइ
पछिल्लो समय तानसेन नगरपालिकाले गौरवको आयोजनाका रूपमा अगाडि सारेको बसपार्क निर्माणका काममा पनि ढिलाइ भएको छ । निर्माण व्यवसायी र नगरपालिकाका कारण बसपार्क निर्माणले गति लिन सकेको छैन ।
लागुऔषधसहित युवा पक्राउ
बर्दियामा बाँके बैजनाथ गाउँपालिका वडा ३ बस्ने २० वर्षीय रबिन्द्रकुमार थारूलाई लागुऔषध ब्राउनसुगरसहित बर्दिया प्रहरीले पक्राउ गरेको छ ।
रेसुङ्गा र गुल्मी प्रशासन
गुल्मीको धार्मिक, ऐतिहासिक एवम् पर्यटकीय क्षेत्र रेसुङ्गा र जिल्ला प्रशासन कार्यालय गुल्मीको दृश्य। जिल्ला प्रशासन कार्यालय गुल्मीको वालमा रेसुङ्गासँग जोडिएका आर्कषक चित्रले रेसुङ्गाको झल्को दिएको छ।
मुक्त कम्लरी विद्यार्थीलाई साइकल
छात्रावासमा बसेर अध्ययनरत मुक्त कम्लरी विद्यार्थीलाई साइकल, न्यानो कपडा र नगद सहयोग गरिएको छ । राष्ट्रिय आदिवासी जनजाति महिला मञ्चको आर्थिक सहयोगमा कञ्चनपुरको छात्रावास ५ जना र कैलालीको छात्रावासमा रहेका १७ जना मुक्त कम्लरी छात्राहरूलाई उक्त सहयोग प्रदान गरिएको हो ।
चितुवाको आक्रमणबाट एकको मृत्यु
बर्दियामा चितुवाको आक्रमणबाट एकको मृत्यु भएको छ । गबारबर्दिया नगरपालिका वडा नं ११ बेलभार बस्ने ५९ वर्षीया गोपी थारूको चितुवाको आक्रमणबाट मृत्यु भएको हो ।
दुई विद्यार्थीलाई सम्मान
नेपालगन्जस्थित आदर्श उच्च माविले ‘एमबिबिएस’ प्रवेश परीक्षामा पूर्णछात्रवृत्ति पाउन सफल विद्यार्थीलाई सम्मान गरेको छ।
एमाले बाँकेमा सर्वसम्मत प्रतिनिधि छनाेटको तयारी
नेकपा (एमाले) को राष्ट्रिय महाधिवेशनका लागि बाँकेबाट सर्वसम्मत प्रतिनिधि छनाेटको तयारी गरिएको छ ।
लुम्बिनीमा १९.६३ प्रतिशत नागरिक बिमामा आबद्ध
लुम्बिनी प्रदेशमा कुल जनसङ्ख्याको १९ दशमलव ६३ प्रतिशत नागरिक बिमाको दायरामा आबद्ध भएका छन् । नेपाल बिमा प्राधिकरण लुम्बिनी प्रदेश कार्यालयका अनुसार लुम्बिनी प्रदेशको कुल जनसंख्यामध्ये १९ दशमलव ६३ प्रतिशत नागरिकले बिमा गरेका छन् ।
क्याम्पस विकासका लागि ज्ञान महायज्ञ
गुल्मीको सत्यवती गाउँपालिका –५ हँसरास्थित सत्यवती बहुमुखी क्याम्पसमा ज्ञान महायज्ञ सञ्चालन गरिनेभएको छ । क्याम्पसको समग्र विकासका लागि मङ्सिर १८ गतेदेखि २५ गतेसम्म राष्ट्रकल्याण एवं बिश्व शान्ति विराट धनधान्यचल साङ्ग–श्रीमद्भागवत सप्ताह ज्ञान महायज्ञ–२०८२ सञ्चालन हुन लागेको हो ।
गुल्मीदरवार गाउँपालिकाको भवन बन्दै
गुल्मी दरवार गाउँपालिकाले आठ बर्षपछि आफ्नै भवन निर्माणको काम थालेको छ । स्थापनाकालदेखि स्थानीय व्यक्तिहरुको भाडाको घरमा बस्दैआएको गुल्मीदरवार गाउँपालिकाले अहिले आफ्नो प्रशासकीय भवन निर्माण सुरु गरेको छ ।
-original-thumb.jpg)
राजापुरमा ६३ पिन्ट रगत सङ्कलन
बर्दियाको राजापुर नगरपालिकामा आयोजना गरिएको रक्तदान कार्यक्रममा ६३ पिन्ट रगत संकलन भएको छ । राजापुर नगरपालिकाको सहयोग र समन्वयमा स्वयंसेविका रक्तदाता समाज राजापुरको आयोजनामा राजापुर बजारमा रक्तदान कार्यक्रम सञ्चालन गरिएको थियो ।
-original-thumb.jpg)
नेपालगन्जमा प्रहरीद्वारा पेस्तोल र गोली बरामद
केही दिनदेखि बाँकेका विभिन्न स्थानमा सुरक्षा चेकजाँच कडा पार्दै गएको जिल्ला प्रहरी कार्यालय बाँकेले नेपालगन्जबाट पेस्तोल र गोली बरामद गरेको छ ।
निर्माणाधीन पुलको आधा काम सकियो
बाँकेको बघौडा हुलाकी सडक अन्तर्गत राप्ती नदीको सिधनियाघाटमा निर्माणाधीन पुलको निर्माण ५० प्रतिशत पूरा भएको छ । हुलाकी राजमार्ग निर्देशनालय योजना कार्यालय नेपालगन्जका प्रमुख लीलाबहादुर भण्डारीका अनुसार पुल निर्माणको भौतिक प्रगति ५० प्रतिशतभन्दा बढी भइसकेको छ ।
गुल्मी प्रशासनमा सेवा प्रवाहलाई सहज बनाइदै
जिल्ला प्रशासन कार्यालय गुल्मीले सेवा प्रवाहलाई सहज र प्रभावकारी बनाउन महत्त्वपूर्ण कदम चाल्दै आएको छ । सेवाग्राहीहरुको सहजताका लागि जिल्ला प्रशासन कार्यालयले वडाबाट सिफारिस भएको विषयमा थप निवेदन आवश्यक नपर्ने व्यवस्था गरेको छ ।
असुरक्षित भवनबाट सुरक्षाको प्रतिबद्धता
टिनको छानाभित्र जाडोयाममा धेरै जाडो र गर्मी मौसममा निकै गर्मी हुने गर्छ । मालिका गाउँपालिका–४ को अर्खबाङ प्रहरी चौकीमा बर्सातका बेला पानी परे ब्यारेकमा चुहिएर भाँडा थाप्नुपर्ने बाध्यता छ । राम्रो घेरबार छैन, हुलहुज्जत भए चौकी आफैँ असुरक्षित छ । कुनै उजुरी लिएर नागरिक आए खुला चौरमा राखेर छलफल गर्नु पर्छ । अर्खबाङ स्वास्थ्य चौकीको पुरानो भवन जीर्ण तीन कोठाबाटै अर्खबाङ प्रहरी चौकीले कार्यसम्पादन गरेको छ ।
नियम उल्लङ्घन गर्ने सवारी कारबाहीमा
ट्राफिक नियम उल्लङ्घन गरेका कारण गुल्मीमा ९५१ सवारीसाधन कारबाहीमा परेका छन् । चालु आर्थिक वर्ष २०८२/८३ को कात्तिक मसान्तसम्म जिल्लामा ९५१ सवारीसाधन कारबाहीबाट नौ लाख २८ हजार राजस्व सङ्कलन भएको जिल्ला ट्राफिक प्रहरी कार्यालय गुल्मीले जनाएको छ । ट्राफिक प्रहरी प्रमुख प्रहरी नायब निरीक्षक ज्ञानबहादुर कुँवरका अनुसार गुल्मीमा विशेष गरी ट्रक, बस, कार, जिप, ट्याक्टर, मोटरसाइकललगायतका सवारीसाधन कारबाहीमा परेका छन् ।
गुल्मी प्रहरीले लैङ्गिक हिंसाविरुद्ध प्रहरीलाईनै सचेत बनाउँदै
लैङ्गिक हिंसाविरुद्धको १६ दिने अभियानका सन्दर्भमा जिल्ला प्रहरी कार्यालय गुल्मीले आफ्नै प्रहरी कर्मचारीलाई लैङ्गिक हिंसाको बारेमा सचेतना दिएको छ ।
माटोका भाडा बनाएर आम्दानी गर्नुहुँदै कालिकादेवी
देउखुरीको गढवा गाउँपालिका–६, कुमाल गाउँमा प्रायः पुरुषले मात्र माटोका भाडा बनाउने काम गर्दै आएका छन् । भाडा बिक्रीका लागि महिलाले सहयोग गर्ने गरेपनि कुमाल समुदायको परम्परागत पेसाका रुपमा रहेको माटोका भाडा बनाउने काममा महिला संलग्न थिएनन् ।
देवचुलीलाई पोषणमैत्री पालिका बनाइने
नवलपुरको देवचुली नगरपालिकालाई पोषणमैत्री नगरपालिका बनाउने कार्यको थालनी गरिएको छ । देवचुली नगरपालिका देशकै दोस्रो र गण्डकी प्रदेशको पहिलो बालमैत्री पालिका समेत हो । अब यस पालिकालाई पोषणमैत्री पालिका घोषणा गर्नेगरी काम अगाडि बढाइएको छ ।
एमाले गुल्मीबाट महाधिवेशन प्रतिनिधिमा ६१ जनाको उम्मेदवारी
नेपाल कम्युष्ट पार्टी (एमाले) को ११ औँ राष्ट्रिय महाधिवेशनका लागि गुल्मीबाट महाधिवेशन प्रतिनिधि छनोट हुन ६१ जनाले उम्मेदवारी दर्ता गराएका छन् ।
अन्तर्राष्ट्रिय उडान नियमित गर्न माग
सिद्धार्थ सञ्जाल रुपन्देहीले भैरहवास्थित गौतम बुद्ध अन्तर्राष्ट्रिय विमानस्थललाई प्रभावकारी रूपमा सञ्चालन गर्नुपर्ने मागसहित गृहमन्त्री ओमप्रकाश अर्याललाई ज्ञापनपत्र बुझाएको छ । भैरहवामै आयोजित कार्यक्रममा गृहमन्त्रीलाई ज्ञापनपत्र बुझाउँदै सञ्जालले विमानस्थलबाट नियमित अन्तर्राष्ट्रिय उडान सुरु गर्नुपर्नेलगायतका विभिन्न माग राखेको हो ।
धानपछि गहुँका लागि मल अभाव
रासायनिक मलको अभावमा नै जसोतसो धानबाली लगाएर उठाएका किसानलाई गहुँ छर्ने बेला उस्तै दुःख छ । धान काट्ने सिजन सकिएपछि बर्दियाका किसान गहुँ छर्न व्यस्त छन् तर गहुँका लागि आवश्यक युरिया, डिएपी र पोटास जस्ता रासायनिक मल नहुँदा खिन्न पनि छन् । धान र गहुँ दुवैका लागि उर्वर बर्दिया जिल्लामा किसानले बर्सेनि गहुँ रोपाइँअघि मल छर्ने अभ्यास गर्दै आएका छन् तर केही वर्षयता
